सिमभन्ज्याङेली जनताकाे आँगनमा गुन्जियाे कविता

काठमाडौँ । देशको तराई, भित्री मधेस र पहाडी क्षेत्रका शहरी इलाकाहरूमा गर्मी बढिरहेको बेला मकवानपुरको सिमभन्ज्याङ्मा भने सदाझैँ चिसो हावा चल्दै थियो । त्रिभुवन राजपथको २४८८ मिटर उचाईमा अवस्थित यो सुन्दर ठाउँमा गत शुक्रबार घाम अस्ताउँदै जाँदा साँझपख एक हुल कविहरू आइपुगे ।

 

उन्मुक्त पुस्ताको ब्यानर बोकेर ‘आँगनमा कविता’ सुनाउन आएका कविहरू काठमाडौँ, चितवन र मकवानपुरदेखि सिमभन्ज्याङमा जम्मा भएका थिए । त्यसपछि उनीहरूले सडकछेवैमा रहेको एक स्थानीयकाे घरको आँगनमा कार्यक्रमको ब्यानर टाँगे र स्थानीयवासीहरूलाई भेला पारे ।

 

साँझको बत्ती बलेपछि उक्त आँगनमा कविता, गीत र गजल गुन्जिन थाल्यो । उन्मुक्त पुस्ताका कविहरूले जागरणका कविता सुनाए, स्थानीयहरूले लोकदोहोरीको भाकामा आफ्ना दुःखका गीत पस्किए । साना विद्यार्थी भाईबहिनीहरूले आफ्ना शब्दहरूमा प्रकृतिप्रेम र देशप्रेमको भावना प्रकट गरे ।

 

मकवानपुरका कवि पुरुषोत्तम आचार्यले सुरुमै जागरणको भाव बोकेको तामाङ सेलो सुनाए । तामाङहरूको बाहुल्यता रहेको यस क्षेत्रमा कवि मुक्तान थेबाले अधिकांश समय तामाङ भाषामै कार्यक्रम सञ्चालन गरे । त्यसले स्थानीहरूमा भाषिक प्रभावका कारण कार्यक्रमप्रतिको अपनत्वबोध बढाएको थियो । कार्यक्रममा उनीहरू मज्जैले खुलेर सहभागि भए ।

 

 

‘आँगनमा कविता’ उन्मुक्त पुस्ताले पछिल्लो पटक सुरु गरेको नयाँ अभियानको नाम हो । जनताको आँगनमा गएर चेतना र जागरणको कविता, गीत र साहित्य सुनाउने उद्देश्यका साथ अभियानको सुरुवात गरेको उन्मुक्त पुस्ताका एक अभियन्ता मुक्तान थेबाले जानकारी दिए ।

 

सोही अभियान अन्तर्गतको पहिलो कार्यक्रम मकवानपुरको सिमभञ्ज्याङमा आयोजना गरिएको थियो । कार्यक्रममा उन्मुक्त पुस्ताका कविहरू केशव सिलवाल, केबल बिनाबी, प्रकाश गुरागाईं, माधव घिमिरे ‘अटल’, सुमनराज श्रेष्ठ, छम गुरुङ, पुरुषोत्तम आचार्य र यश लामाले कविता सुनाए । कार्यक्रममा मकवानपुरका अर्का कवि धर्मराज स्याङतानले गजल सुनाएका थिए ।

 

त्यस्तै, ८३ वर्षीय स्थानीय हिरामाया तामाङले पनि कार्यक्रममा गीत सुनाइन् । लेकाली बसिफाँट माविका शिक्षक राजेन्द्र चौधरीले पनि आफ्नो कविता सुनाए ।

 

साहित्यलाई समाजसँग जोड्न यस्ता कार्यक्रमहरूको आयोजना जरुरी रहेकोमा उन्मुक्त पुस्ताका सबै कविहरूको एकमत थियो । यो कार्यक्रमलाई अब अन्यत्र ठाउँमा लैजाने र अभियानलाई निरन्तरता दिने उन्मुक्त पुस्ताले जनाएको छ । 

 

यसअघि उन्मुक्त पुस्ताले पोस्टर कविता अभियान र आरनमा कविता जस्ता कविता शृङ्खलाहरू चलाएको थियो ।

 

 

 

 

 

 

 

 

 

 

 


थप समाचार

चीनमा कोरोना भाइरस, यस्तो छ पछिल्लो रिपोर्ट

  • 1 hour ago
चीनमा कोरोना भाइरस, यस्तो छ पछिल्लो रिपोर्ट

एजेन्सी । चीनमा थप ५१ जनामा कोरोनाभाइरसको सङ्क्रमण पुष्टि भएको छ । सङ्क्रमित भएकामध्ये अधिकांश कोरोनाभाइरसको उद्गमस्थल मानिएको वुहानका रहेको जनाइएको छ । त्यस ठाउँमा पछिल्लो दश दिनमा ६० लाख मानिसको स्व

कोरोनाभाइरस महामारीबीच सातामा चार दिन काम गर्ने बहस चर्चामा

  • 1 hour ago
कोरोनाभाइरस महामारीबीच सातामा चार दिन काम गर्ने बहस चर्चामा

एजेन्सी । अमेरिकी धेरैजसो कम्पनीहरूले काम गर्न पाउने यस पहिलेको साप्ताहिक कार्यक्रमलाई हप्तामा चार दिन काम गर्न पाउने गरी तयारी गरेको बताइएको छ ।

ब्याज ६ महिनासम्म मिनाहा गर्न पेट्रोल पम्प व्यवसायीको माग

  • 2 hours ago
ब्याज ६ महिनासम्म मिनाहा गर्न पेट्रोल पम्प व्यवसायीको माग

काठमाडौँ । नेपालभर सञ्चालनमा रहेका पेट्रोल पम्पमा लगानी भएका बैँकहरुको कर्जाको व्याज ६ महिनासम्मका लागि मिनाहा गर्न पेट्रोलियम डिलर्स राष्ट्रिय एशोसिएशनले नेपाल आयल निगमसँग माग राखेको छ ।



प्रेम र यौन

कोरोना भाइरसको संक्रमण फैलिरहेको बेला ‘पोर्न साइट’हरुको यस्तो धन्दा

कोरोना भाइरसको संक्रमण फैलिरहेको बेला ‘पोर्न साइट’हरुको यस्तो धन्दा

एजेन्सी । चीनको वुहानबाट फैलिएको कोरोना भाइरस हाल विश्वव्यापी बनिरहेको छ । कोरोनाको कारण मानिसको दैनिकीसँगै विश्व अर्थतन्त्र नै धराशायी बनिरहेको अवस्थामा ‘पोर्न साइट’हरुले भने अलग खालको धन्दा चलाउन थालेका छन् ।

जीवनशैली/स्वास्थ्य

पर्याप्त समय नसुतेमा के हुन्छ ?

पर्याप्त समय नसुतेमा के हुन्छ ?

एजेन्सी । एक अध्ययनका अनुसार, निद्राको सिधा सम्बन्ध हाम्रो इम्यून सिस्टमसँग हुन्छ । नेशनल हेल्थ एन्ड न्यूट्रीशन एक्जामिनेशन द्वारा गरिएको एक सर्वेमा, इम्यून सिस्टमको सक्रियता तपाईँ कति घण्टा सुत्नु हुन्छ त्यसमा निर्भर हुन्छ ।