पं. दिनबन्धुको ३ दिने प्रवचनबाट अल्डरसटको मन्दिरलाई उठ्यो ५० हजार पाउण्ड

  • सोमबार, २३ पुष, २०७५
  • 2 months ago
  • युके

 

लण्डन । अल्डरसटमा एक शिव मन्दिर तथा कम्युनिटी सेन्टरको लागि भवन खरिद गर्न आवश्यक कोष जुटाउने उद्धेश्यले आयोजित तीन दिने धार्मिक प्रवचन कार्यक्रमबाट ५० हजार पाउण्डको सहयोग संकलन भएको छ । 

 

शुक्रबारदेखि आइतबारसम्म चलेको वाचन प्रविण पण्डित दिनबन्धु पोखरेलको श्रीमदभागवत पुराण तथा वेद र बौद्ध दर्शनसम्बन्धी प्रवचन कार्यक्रमबाट उक्त रकम संकलन भएको हो । 

 

'हामीले यो कार्यक्रमबाट लक्ष्य राखेभन्दा पनि बढि रकम संकलन गर्न सफल भएका छौं', शिव कल्चरल एण्ड कम्युनिटी सेन्टरका अध्यक्ष रोहित गुरुङले भने, 'अल्डरसटमा शिव मन्दिर तथा कम्युनिटी सेन्टरको लागि आफ्नै भवन किन्ने हाम्रो सपना अब साकार हुने भएको छ ।'

 

शिव कल्चर तथा कम्युनिटी सेन्टरले ३ लाख पाउण्डको लगानीमा अल्डरसटको क्वीन्स रोडमा मन्दिरको लागि भवन खरिद गर्दैछ । यो कार्यक्रमबाट उत्साहजनक रुपमा रकम संकलन भएपछि अब मन्दिरको भवनलाई सबै रकम बुझाएर सुरुमै फ्रिहोल्ड गराइने भएको छ । 

 

 कार्यक्रमबाट उठेको रकम  र पहिले नै उठेको रकम गरी कुल करिब ३ लाख पुग्ने भएपछी मन्दिरको लागि आवश्यक कोष पूरा भएको छ ।

 

 

पण्डित दिनबन्धु पोखरेलको तीन दिने प्रवचन कार्यक्रममा सहभागी श्रद्धालुहरुबाट प्रतिबद्धता भएको ५० हजार पाउण्डको सहयोगमध्ये १६ हजार पाउण्ड रकम संकलन भइसकेको छ । प्रतिबद्धता गरिएको अरु रकम पनि उठाएर भवनको लागि सबै ३ लाख बुझाउने र जनवरी २८ मा सांचो बुझ्ने तयारी छ । रकम जम्मा हुन बढि समय लागेको अवस्थामा २ हप्ता म्याद थपेर फेब्रुअरी दोस्रो सातासम्म भवन लिइसक्ने योजना छ । 

 

यसअघि बेलायतका लागि नेपाली राजदूत डा दुर्गाबहादुर सुवेदीले शुक्रबार श्रीमदभागवत पुराण तथा वेद र बौद्ध दर्शनसम्बन्धी प्रवचन कार्यक्रमको उद्घाटन गरेका थिए । पण्डित दिनबन्धु पोखरेलको प्रवचन सुन्न अल्डरसट र लण्डन आसपासबाट मात्र नभएर बर्मिङहम, कर्नवाल लगायतका क्षेत्रबाट समेत श्रद्धालुहरु आएका थिए । मन्दिरको लागि सहयोग दिने दाताहरु नेपाली र भारतीय समुदायका साथै केहि बेलायती समुदायबाट समेत छन् । 

 

व्यक्तिगत रुपमा सबैभन्दा सहयोग समाजसेवी, व्यवसायी रविजंग लामिछानेले गरेका छन् । सुरुमा १३ हजार पाउण्डको प्रतिबद्धता गरेका लामिछानेले कार्यक्रमकै क्रममा २ हजार बढाएर १५ हजारको सहयोग घोषणा गरे । त्यस्तै, संस्थागत रुपमा फार्नबरो साई सेन्टरबाट अध्यक्ष सुष्मा कुमारी गुरुङको पहलमा ५० हजार पाउण्डको सहयोग आएको छ । 

 

सिर्जनशिल नेपाली समाज, विश्वकर्मा समाज, तमु धिं युके, गोर्खा जिल्ला समाज, तनहुं जिल्ला समाज, ग्रेटर रश्मोर नेपाली कम्युनिटी लगायतका बेलायतस्थित विभिन्न नेपाली संघसंस्थाहरुको तर्फबाट पनि सक्रिय सहयोग भएको सेन्टरका अध्यक्ष गुरुङले बताए । 

 

 

सन् २००७ मा स्थानीय नेपाली तथा भारतीय समुदायको पहलमा अल्डरसटमा एक शिव मन्दिर स्थापना गर्ने लक्ष्यसहित शिव कल्चर एण्ड कम्युनिटी सेन्टर स्थापना भएको हो । आफ्नै भवनको अभावमा सेन्टरले हल भाडामा लिएर धार्मिक कार्यक्रमहरु सञ्चालन गर्दै आएको थियो ।

 

मन्दिरको भवन खरिद गर्न आवश्यक कोष जुटाउन पछिल्लो समय सक्रियतासाथ लागेको सेन्टरले श्रीमदभागवत पुराण र प्रवचनको कार्यक्रम आयोजना गरेको हो । यो कार्यक्रमको संयोजन हरि भट्टराईले गरेका थिए । 

 

अब सेन्टरले आफ्नै भवन खरिद गरेपछि शिव मन्दिरको साथै प्रवचन, योगा, नृत्य कक्षा, भाषा कक्षा लगायतका समुदायिक हितका विभिन्न कार्यक्रमहरु सञ्चालन गर्ने कम्युनिटी सेन्टरका रुपमा सञ्चालन गर्ने योजना बनाइएको छ । 

 

तस्विरहरु :  मिलन तमु 

 


थप समाचार

पशुपतिमा थरीथरीका चन्दन

  • 2 minutes ago
पशुपतिमा थरीथरीका चन्दन

काठमाडौँ । पशुपतिनाथमा श्रीखण्ड बाहेक अम्बा, धुपी, पारिजात, कपुर र भीमसेनपातीको डाँठ घोटेर पनि चन्दन बनाइन्छ । यो चन्दन बिक्री समेत हुने गरेको छ । पशुपतिनाथ मन्दिर परिसरको दक्षिण कृष्ण मन्दिरको भित्री

जापान जाने श्रमिक भाषा र सिपमा दक्ष हुनुपर्ने

  • 5 minutes ago
जापान जाने श्रमिक भाषा र सिपमा दक्ष हुनुपर्ने

काठमाडौं । रोजगारका लागि नेपाली श्रमिकलाई जापान पठाउने विषयमा सोमबार नेपाल र जापानबीच समझदारी भएको छ । श्रमिकलाई जापान पठाउनेसम्बन्धी समझदारीपत्रमा हस्ताक्षर भएपछि अब नेपाली युवा कामका लागि राम्रो गन्

१६ जना विदेशी पाइलट नियुक्त गर्ने वायुसेवाको तयारी

  • 7 minutes ago
१६ जना विदेशी पाइलट नियुक्त गर्ने वायुसेवाको तयारी

काठमाडौं । राष्ट्रिय ध्वजाबाहक नेपाल वायुसेवा निगमले चारवटा एअबस (दुई न्यारो बडी र दुई वाइड बडी) जहाजको लागि १६ जना विदेशी प्रशिक्षक पाइलट नियुक्त गर्न लागेको छ ।



प्रेम र यौन

के हो राम्रो सेक्स ?

के हो राम्रो सेक्स ?

पुरुषहरु बढी सेक्सको बारेमा धेरै कुरा गर्छन् तर, महिलाहरु भने भित्रभित्रै धेरै सेक्सको चाहना धेरै राख्छन् । राम्रो सेक्स धेरै मानिसहरुका लागि अपरिहार्य कुरा हो । भोक लाग्दा खाना खाए जस्तै शरिरले मागेको बेलामा सेक्स गर्नु पनि साधारण कुरा हो । आजकाल धेरैजसो महिलाको आफ्नो पुरुषले शारिरिक सन्तुष्टि प्रदान गर्न नसकेको कुराहरु धेरै सुन्न पाइन्छ ।

जीवनशैली/स्वास्थ्य

यस्तो रहेको छ मंगलबारको तपाईको भाग्य !

यस्तो रहेको छ मंगलबारको तपाईको भाग्य !

वि.सं.२०७५ साल चैत्र १२ गते । मंगलबार । ईश्वी सन् २०१९ मार्च २६ तारिख । नेपाल संवत् ११३९ । विरोधकृत् संवत्सर । उत्तरायण । वसन्त ऋतु । श्रीशाके १९४० । चैत्र कृष्ण पक्ष । तिथि षष्ठि, ४५ घडी ४९ पला, रातको १२ बजेर २५४ मिनेट उप्रान्त सप्तमी । नक्षत्र अनुराधा,१३ घडी ४५ पला,बिहान ११ बजेर ३५ मिनेट उप्रान्त ज्येष्ठा ।

विचित्र विश्व

किन छिटै मर्छन् रिसाहा मानिसहरु ?

किन छिटै मर्छन् रिसाहा मानिसहरु ?

एजेन्सी । भनिन्छ रिसले आफैलाई खान्छ । हामीलाई यो कुराको थाहा नै हुँदैन की हाम्रो दैनिक जिवनका स– साना बानीहरु पनि मृत्युको कारण बन्न सक्छन् ।