सशस्त्र प्रहरीको सेटिंगमा तस्करी

काठमाडौं । सीमा क्षेत्रबाट हुने तस्करी नियन्त्रण गर्ने जिम्मेवारी पाएको सशस्त्रकै संरक्षणमा कैलालीका विभिन्न नाकाबाट तस्करी बढेको छ । 

 

सशस्त्र प्रहरीका डिआईजी नगेन्द्रबहादुर थापा आएपछि केही कडाई गरेजस्तो देखिएपनि तस्करीमा कुनै कमी भएको छैन । सानातिना सामानहरु पक्राउ गरेर केही काम देखाउन खोजेपनि संस्थागत तस्करी भने रोकिएको छैन । कैलाली जिल्ला खुला सीमाना भएकाले तस्करहरुलाई अबैधरुपमा सामान नेपाल भित्राउन सहज भएको छ । सशस्त्रले दैनिक सामान बरामद गरेको देखाएर ठूलो परिमाणमा सेटिंग मिलाएर रातीको समयमा सामानहरु नेपाल भित्रने गरेको छ ।

 

कैलालीको खक्रौलालाई मुल भन्सार घोषणा गरेपछि सो नाकाबाट सामान आउन छोडेको छ । यस अघि तस्करहरुले सोही नाकाको प्रयोग गरेर सामान भित्राउने गरेकोमा आजभोली यस नाकाबाट नभई भजनीको गुलरिया,मोरिया घाट र डाक्टर घाटबाट सामान अबैधरुपमा भित्राउने गरिएको छ । खक्रौला भन्सारका कर्मचारीहरु खाली बसीरहेकाछन् । सशस्त्र प्रहरी बल भजनी बोर्डर पोष्टका इन्चार्ज सशस्त्र प्रहरी निरिक्षक नरेन्द्र बोहराको मिलेमतोमा भजनी क्षेत्रका तस्करीमा संलग्न लोकेन्द्र साउँद,धनबहादुर साउँद र सुरेश जोशीसंग मिलेर भारतको तिकुनीया बजारबाट टाँगाबाट सामान घाटसम्म ल्याएर सो क्षेत्रबाट करिब २०÷२५ वटा मोटरसाईकलको प्रयगो गरेर सामानहरु टीकापुर,लम्की, सुखड,बौनिया,चौमाला, मसुरिया लगायतका ठाउँहरुमा पु¥याउने गरिएको छ ।

 

नेपाल भारत सीमा नाकामा नेपाल प्रहरीको चौकीहरु भएपनि रातभर मोटरसाईल ओहोरदोहोर गर्दा समेत कुनै नियन्त्रण गरेको छैन । नेपाल प्रहरीका चौकी इन्चार्जहरुको मिलेमतोमा समेत तस्करी मौलाईरहेको छ । एक स्थानीय बासिन्दाका अनुसार सशस्त्र प्रहरीका डिआजी थापाले पनि ‘नयाँ जोगीले बढी खरानी घसेझै’ नयाँ नयाँमा बढी हल्ला गरेको जस्तो देखिएको छ । केही स्थानबाट तस्करी गरेको सामान समातेजस्तो गर्ने तर निश्चित नाकाबाट तस्करी संस्थागत गर्ने काम भएको स्थानीयको आरोप छ । तस्करहरुले चौकुर्दी घाटलाई पनि उपयोग गरेकाछन। गाउँका मानिसहरु सवै सुतिसकेपछि चौकुर्दीबाट स्टिमरको प्रयोग गरेर धनसिंहपुरको बनगाउँ भन्ने स्थानमा झारेर सामान तस्करी भएको स्थानीयको भनाई छ । उता गुलरियाघाट र मोरियाघाटमा सोमवार साँझ ६ बजेदेखिनै भारतीइ क्षेत्रमा नेपालमा तस्करीका लागि ल्याएका सामानहरु थुपार्न शुरु भइसकेको थियो । आजको नेपाल समाचारपत्रबाट ।


थप समाचार

माेटरसाइकलमा दुई हेल्मेट नियम तत्काल कार्यान्वयन नहुने

  • 55 minutes ago
माेटरसाइकलमा दुई हेल्मेट नियम तत्काल कार्यान्वयन नहुने

काठमाडौं । मोटरसाइकलमा यात्रा गर्दा पछाडी बस्ने यात्रुले पनि अनिवार्य हेल्मेट लगाउनुपर्ने नियम तत्काल कार्यान्वयन नहुने भएको छ ।

प्रतिमा केसीको कवितासंग्रह ‘पानीको विद्रोह’ प्रकाशित

  • 59 minutes ago
प्रतिमा केसीको कवितासंग्रह ‘पानीको विद्रोह’ प्रकाशित

बेलायतमा रहेर निरन्तर नेपाली साहित्यमा सक्रिय साहित्यकार प्रतिमा केसीको पहिलो कविता संग्रह 'पानीको विद्रोह' हालै प्रकाशित भएको छ ।

तीन प्रशिक्षक परिवर्तन गर्दा पनि रियल मड्रिडकाे ‘झुर रेकर्ड’

  • 1 hour ago
तीन प्रशिक्षक परिवर्तन गर्दा पनि रियल मड्रिडकाे ‘झुर रेकर्ड’

एजेन्सी । स्पेनिस क्लब रियल मड्रिडले आफ्नो झुर सिजन सकेको छ । सिजन २०१८–१९ को अन्तिम खेलमा पनि घरेलु मैदान सान्टियागो बेर्नाबेउमा रियल बेटिससँग २–० गोलको हार ब्यहोर्दै रियलले सिजनका सबै खेल सकेको हो ।



प्रेम र यौन

अविस्मरणीय सुहागरातका लागि

अविस्मरणीय सुहागरातका लागि

विवाह पहिले यौन सम्पर्क गर्नु वा नगर्नु व्यक्तिको निर्णय हो । नवविवाहित दम्पतीले कौमार्यकै आधारमा एक अर्कालाई परीक्षण गर्नु उपर्युक्त हुँदैन । जोडीको ध्यान र क्रियाकलाप आफ्नो पहिलो यौन क्रियाकलापलाई कसरी खास बनाउने भन्नेमा केन्द्रीत हुनुपर्छ ।

जीवनशैली/स्वास्थ्य

महिनावारीका बेला पेट दुखेमा...

महिनावारीका बेला पेट दुखेमा...

महिनावारीका समयमा महिलामा सामान्य ढाड वा पेट दुख्ने, थकान महसुस हुने आदिजस्ता समस्या हुनुलाई स्वाभाविकै मानिन्छ । तर, कतिपय किशोरीमा सहनै नसक्ने गरी तल्लो पेट दुख्ने गर्छ । यो भने समस्या हो ।