विद्यार्थी भिषा सजिलो, पीआर पाउन गाह्रो

अष्ट्रेलियाः विगत केही वर्षयताको तथ्यांक हेर्ने हो भने दुईवटा स्पष्ट ‘ट्रेण्ड’ देखिन्छन्ः

 

पहिलो, अष्ट्रेलियामा अन्तर्राष्ट्रिय विद्यार्थीको संख्या बेस्सरी बढ्दैछ । दोस्रो, पीआरको कोटा निरन्तर बढ्दोछ । 

 

विशेष गरी अष्ट्रेलियामा आएका विद्यार्थीहरू जो भविष्यमा पीआर लिने आशा राख्दछन्, उनीहरूले यो ‘ट्रेण्ड’ लाई राम्ररी बुझ्नु र तदनुरूप आफूलाई अझ सक्षम बनाउनु जरूरी छ । 

 

विद्यार्थी भिषा पाउन किन सजिलो छ ?

 

अष्ट्रेलियाको आम्दानीको प्रमुख स्रोतमध्ये अन्तरराष्ट्रिय विद्यार्थीबाट भित्रने डलर पनि पर्दछ । एक अध्ययनअनुसार विदेशी विद्यार्थी भित्राएर गत वर्षमात्र अष्ट्रेलियाले ३२ अर्ब डलरभन्दा बढीको आम्दानी गर्यो । सरकार यो आम्दानीलाई अझ बढाउन चाहन्छ । यसको लागि अझ धेरै विदेशी विद्यार्थी भित्राउने उसको नीति छ । चाँडै नै अष्ट्रेलियामा १० लाख भन्दा बढी विदेशी विद्यार्थी पुग्ने निश्चित छ । 

 

अनि पीआर नि? 

स्थायी रूपमा भने थोरै विदेशीलाई मात्र राख्ने योजना सरकारको छ । गत आर्थिक वर्षमा १,९०,००० जनालाई पीआर दिनको लागि कोटा छुुट्ट्याएकोमा सरकारले १,६३,००० जनालाई मात्र पीआर दियो । अर्थात्, दिन्छु भनेको जति संख्याबाट पनि अझै घटायो । पीआरको कोटा अझ घटाउनुपर्ने भन्ने पक्षमा आवाजहरू बझ्न थालेको देखिन्छ । धेरै राजनीतिज्ञहरूसमेत यसमा सहमत देखिन्छन् । त्यसैले पीआरको कोटा आगामी दिनमा अझै घट्ने देखिन्छ ।  

किन यसो हुँदैछ? 

विदेशी विद्यार्थी आएर केही वर्ष बसून्, पढुन्, खर्च गरून्, आफ्नो देश फर्कून्, र पुनः नयाँँ विद्यार्थीहरू आऊन् भन्ने सरकारी नीति देखिन्छ । तीमध्येका अति उत्कृष्ट वा रोजगारदाताले पत्याएको दक्ष व्यक्तिलाई मात्र स्थायी रूपमा यहाँँ राख्ने र बाँकीलाई फर्काउने सरकारी योजना देखिन्छ । यसो गर्दा आम्दानी पनि बढ्ने र जनसंख्याको भार पनि नबढ्ने सरकारको बुझाइ देखिन्छ । 

 

पीआर लिन मन छ, के गरुँ? 

 

पीआर लिन चाहना राखेर मात्र हुँदैन, त्यही अनुसारको योजना बनाउनु पर्दछ । त्यही अनुसारको मेहनत पनि गर्नुपर्दछ । पीआर चाहनेहरूले विशेष गरी निम्न विषयहरूमा ध्यान दिनु जरूरी छः 

 

–अष्ट्रेलियामा कुन(कुन विषय पढ्ने जनशक्तिको खाँचो छ, त्यसको बारेमा अनुसन्धान गर्ने

–अंग्रेजी भाषा सुधार गर्ने

–रोजगारीको लागि आवश्यक सीपहरू सिक्ने

–रोजगारदाताहरूसँग राम्रो सम्बन्ध कायम गर्ने 

–रिजनल एरियामा बसेर पढेकाहरूले प्राथमिकता पाउने हुनाले त्यस बारेमा पनि सोच्ने । 

 

यी साधारण सल्लाहमात्र हुन् । तर, सबैभन्दा महत्त्वपूर्ण कुरा के हो भने पीआर नै सबै थोक होइन । पीआर पाउनकै लागि भनेर आफूलाई मन पर्ने विषय पढ्न छाड्ने वा कुनै लगाव नै नभएको विषय पढ्न जानु पनि उचित होइन।

 

अष्ट्रेलियामा बसुञ्जेलको समयलाई सदुपयोग गरेर पढाइमा उत्कृष्टता हासिल गर्न सकियो भने, अंग्रेजी सुधार्न सकियो भने र सीपहरूमा दक्षता हासिल गर्न सकियो भने पीआर पाइएन नै भने पनि केही फरक पर्दैन । त्यस्तो व्यक्ति संसारको जुनसुकै कुनामा गए पनि सफल हुनसक्छ ।

 

यस स्तम्भमा दिइएका जानकारी पूर्ण, अद्यावधिक र सबैका लागि उपयुक्त नहुनसक्छन् । कुनै निष्कर्षमा पुग्नु वा कुनै पनि महत्त्वपूर्ण निर्णय गर्नुभन्दा पहिले अध्यागमन विभागको वेबसाइट, माइग्रेशनसम्बन्धी परामर्श दिने वकील वा रजिस्टार्ड माइग्रेशन एजेन्टबाट आवश्यक जानकारी लिनु उचित हुन्छ ।

 

लेखक रजिष्टार्ड माइग्रेशन 


थप समाचार

श्रीलंका विस्फाेटकाे निशानामा क्रिश्चियन र विदेशीहरू थिए : स्लामिक स्टेट

  • 25 minutes ago
श्रीलंका विस्फाेटकाे निशानामा क्रिश्चियन र विदेशीहरू थिए : स्लामिक स्टेट

काेलम्बाे । श्रीलंकामा आइतबार भएको आत्मघाती बम विष्फोटको जिम्मेवारी इस्लामिक स्टेटले लिएको छ ।

काँग्रेसका पूर्वमन्त्री रामकृष्ण ताम्राकारकाे निधन

  • 52 minutes ago
काँग्रेसका पूर्वमन्त्री रामकृष्ण ताम्राकारकाे निधन

काठमाडौँ । नेपाली काँग्रेसका पूर्व कोषाध्यक्ष एवं पूर्व मन्त्री रामकृष्ण ताम्राकारको उपचारका क्रममा निधन भएको छ ।

संघीयताको मर्मअनुसार कर्म हुन सकेकाे छैन : प्रचण्ड

  • 1 hour ago
संघीयताको मर्मअनुसार कर्म हुन सकेकाे छैन : प्रचण्ड

काठमाडौँ । नेपाल कम्युनिष्ट पार्टी (नेकपा)का अध्यक्ष पुष्पकमल दाहाल ‘प्रचण्ड’ संघीयताको मर्मअनुसार कर्म हुन नसकेको बताएका छन् । बुधबार काठमाडौँमा आयोजित ‘आदिवासी जनजातिको मुद्दा, अधिकार र चासोक



प्रेम र यौन

अविस्मरणीय सुहागरातका लागि

अविस्मरणीय सुहागरातका लागि

विवाह पहिले यौन सम्पर्क गर्नु वा नगर्नु व्यक्तिको निर्णय हो । नवविवाहित दम्पतीले कौमार्यकै आधारमा एक अर्कालाई परीक्षण गर्नु उपर्युक्त हुँदैन । जोडीको ध्यान र क्रियाकलाप आफ्नो पहिलो यौन क्रियाकलापलाई कसरी खास बनाउने भन्नेमा केन्द्रीत हुनुपर्छ ।

जीवनशैली/स्वास्थ्य

यी खानेकुरा एकसाथ खाँदै नखानुहोस्

यी खानेकुरा एकसाथ खाँदै नखानुहोस्

एजेन्सी । कुनै चिजलाई एकै साथमा खाँदा शरिरमा बेफाइदा हुने गर्दछ । यी खानेकुरा खाँदा शरिरलाई गर्छ ठुलो हानी ।