बेबी आई लभ यूः पहिलो हाफ हाँसो, दोस्रो हाफ आँशु

Education Park

चलचित्रः ‘बेबी आई लभ यू’

निर्देशकः जनक पाण्डे

निर्माताः शिव न्यौपाने

सह–निर्माताः सिर्जना परियाररदुर्गा पाण्डे

रेटिङः ***

कलाकारः सरोज खनाल, सन्तोष खड्गी, पुजा तिवारी, निर्मल शर्मा ‘गैंडा’, राजु कमेडी, रेशम बुढाथोकी, अप्सन पन्थी, बिमल गिरी, कृष्ण शर्मा ।

 

प्रेम कथा मन पराउने दर्शकको लागि चलचित्र ‘बेबी आई लभ यू’ मन पर्न सक्छ । शुक्रबारबाट प्रदर्शनमा आएको चलचित्रले व्यवसाय राम्रो गर्छ÷गर्दैन त्यो आगामी दिनले देखाउनेछ । तर, सुरुवाती व्यवसाय भने चलचित्रले राम्रो गर्न सफल भएको छ । 

 

भिन्न प्रेमकथामा बनेको चलचित्र भएकाले पनि यसले व्यवसायीक रफ्तार पक्रन सफल भएको निर्माण युनिटको दावी छ । चलचित्रले युवा पुस्तालाई हलसम्म तान्न सफल देखिएको छ ।

 

प्रेम कथालाई भिन्न प्रस्तुतीका साथ देखाइएकाले पनि दर्शक तान्न सफल भएको निर्देशक जनक पाण्डेले बताए । ‘तँ, तँ र म म’ बाट सुरु भएको चलचित्रमा दर्शकलाई पहिलो हाफमा हाँसोले तान्ने र दोस्रो हाफमा आँशु झार्न बाध्य पार्ने प्रेमकथा बुनिएको छ । 

 

विभिन्न सामाजिक विसंगतीलाई समेत उजागार गर्ने प्रयास गरेको चलचित्रले मल्टिपेक्स र सिंगल थियटरमा राम्रो दर्शक पाइरहेको व्यवसायीक शुभसंकेत हुनसक्छ । 

 

सन्तोष खड्गी समर र पुजा तिवारी सायराको प्रेमको पेरिफेरीमा घुमेको छ चलचित्र । एक गाडीमा भएको भेटसँगै उनीहरुको प्रेम सुरु हुन्छ । सानैमा आमा गुमाएका बाबुको लालनपालनमा हुर्केका समरले काम गर्ने अफिसमा सायरा पुग्छिन् । त्यही उनीहरुको दोस्रो भेट हुन्छ । 

 

त्यसपछि भने चलचित्रको कथाले गति लिन्छ । सायरा कुन उद्देश्यले समरको अफिस पुगेकी हुन्छिन् ? उनीहरुबीच प्रेम बस्छ÷बस्दैन ? त्यो थाहा पाउन चलचित्र पूरै हेर्न पर्ने हुन्छ । 

उनीहरुको प्रेमलाई परिवारले स्वीकार नगर्दा प्रेमी प्रेमिकाले गर्ने संघर्ष । प्रेमका लागि प्रेमिकाले आफ्नो जीवनसँग गर्ने सम्झौतालगायत अनेकौं प्लटमार्फत चलचित्रसँग दर्शक जोड्ने काम गरिएको छ । 

 

पहिलो हाफसम्म समर र सायराको प्रेम हुन्छ कि हुँदैन् ? भन्ने खालको कौतुहलता जगाउने कथाले दर्शकलाई रोमान्टिक तुल्याउँछ भने दोस्रो हाफमा उनीहरुको जीवनमा आइपर्ने अनेकौं समस्याले दर्शकको आँखा रसाउन केही क्षण लाग्दैन । सायद पटकथा लेखकको यो नै सफलता होला ।  

 

सायरा र समरले सुरुदेखि अन्त्यसम्म बोकेको कथामा कथा अनुसार पात्रको आवतजावत भइरहन्छ । अनेक पात्र राख्ने र ती पात्रका अभिनय लब्म्याउने झन्झण्टबाट मुक्त छ चलचित्र । 

 

सही ठाउँमा पात्रलाई भित्र्याउने र आवश्यकतापछि नलम्ब्याउने झन्झट गरेका निर्देशकको केही गल्तीमा मौन रहने हो भने काम तारिफयोग्य नै छ । उत्कृष्ट छायांकनसहित प्रस्तुत गरिएको चलचित्रको गीत संगीतले प्रेमकथालाई झनै सिगार्ने काम गरेको छ । 

 

समरको भूमिकामा देखिएका सन्तोषको अभिनय राम्रो छ । उनी डेब्यु अभिनेता भएको कहिँ कतै अनुमान लगाउने ठाउँ छाडेका छैनन । पूजाले भने अझ केही मेहनत गर्ने पर्ने देखिन्छ ।

 

सरोज खनाल, निर्मल शर्मालगायतका कलाकारको अभिनय चलचित्र अनुसार सुहाउँदो छ । ती कलाकारले चलचित्रमा गहनाको काम गरेका छन् । समग्रमा भन्नुपर्दा द्वन्द्व, कमेडी र सामाजिक कथासमेत मिश्रित चलचित्र रमाइलो छ ।

 

एक हदको रमाइलो छ फिल्ममा । यही रमाइलोका लागि निर्माता शिव न्यौपानेले लगानी गरेका छन् । समिक्षकलाई छाडेर मनोरञ्नजका लागि चलचित्र हेर्ने हो भने दर्शकको लागि पैसा असुल्छ ।


थप समाचार

युवाको उमेर १८ देखि ३५ वर्षलार्ई राख्न प्रस्ताव

  • 1 hour ago
युवाको उमेर १८ देखि ३५ वर्षलार्ई राख्न प्रस्ताव

काठमाडौँ । सरकारले युवाको उमेर समूह पाँच वर्ष घटाउने प्रस्ताव गरेको छ । राष्ट्रिय युवा परिषद्ले तयार पारेको ‘राष्ट्रिय युवा परिषद् ऐन–२०७२’ को पहिलो संशोधनमा युवाको उमेर १८ देखि ३५ वर्षलार्ई राख्न प्र

बुद्धका मूर्ति तोडिएकामा भिक्षु महासङ्घको विरोध

  • 1 hour ago
बुद्धका मूर्ति तोडिएकामा भिक्षु महासङ्घको विरोध

रुपन्देही । अखिल नेपाल भिक्षु महासङ्घले रुपन्देहीको तिलोत्तमा नगरपालिकाभित्र सिद्धार्थ राजमार्गको शङ्करनगर चोकदेखि नयाँ मिलसम्म सुनियोजित तवरमा एकै पटक पाँच वटा बुद्धमूर्ति तोडफोड भएको घटनाले शान्तिका

भरतपुरमा अजबगजबको नियमः एक वडा एक रङ

  • 1 hour ago
भरतपुरमा अजबगजबको नियमः एक वडा एक रङ

भरतपुर । भरतपुर महानगरपालिकाभित्र एक वडा एक रङ गरिने भएको छ । महानगरपालिकाभित्र रहेका २९ वडामा रङको चयन गरी सबै घरमा सोहीअनुरुप रङरोगन गरिने नीतिगत व्यवस्था गर्न लागिएको हो ।



प्रेम र यौन

यौन शिक्षा– यस्तो बेलामा यौन सम्बन्ध नराखौं !

यौन शिक्षा– यस्तो बेलामा यौन सम्बन्ध नराखौं !

कस्तो अवस्थामा यौन सम्पर्क गर्ने र कस्तो अवस्थामा नगर्ने भन्ने आ–आफ्नै धारणा, तर्क सुनिन्छ । कतिपय अवस्थामा यौन सम्पर्क गर्नै हुन्न । महिलाले आफ्नो शिशुलाई स्तनपान गराईरहेको समयमा शिशुसँग रमाइरहेका हुन्छन् ।

जीवनशैली/स्वास्थ्य

भुलेर पनि यी ७ चिजहरुसगँ मह नखानुहोस्

भुलेर पनि यी ७ चिजहरुसगँ मह नखानुहोस्

नियमित महको सेवनले हाम्रो स्वास्थमा धेरै फाइदा पुर्याउछ । मानव स्वास्थको लागि बहुउपयोगी मानिन्छ । मह सही तरिकाले खाइएन भने यसले स्वास्थमा नराम्रो असर पनि गर्न सक्छ ।