बालकृष्ण ढुंगेल रिहा भएपछि उज्जनकी पत्नीको यस्तो प्रतिक्रिया

ओली सरकारले ‘अपराधीलाई पुररस्कार दियो’: सावित्री

काठमाडौं । सशस्त्र द्धन्द्धका बेला २०५५ साल असार १० गते ओखलढुंगाका उज्जन श्रेष्ठको हत्यामा दोषी ठहर भएका तत्कालिन माओवादी नेता बालकृष्ण ढुंगेललाई गत कात्तिक १४ गते जेल चलान गरिएको थियो ।  

 

कर्तव्य ज्यान मुद्दामा आजीवन जेलसजाय भोगिरहेका ढुंगेलले मंगलबार बिहानै डिल्लीबजार कारागारबाट आममाफी पाएर जेलमुक्त भएका छन् ।  

 

मंगलबार बिहान ८ बजेतिर ढुंगले जेलमुक्त हुँदा यता उज्जन श्रेष्ठको श्रीमती लक्ष्मी श्रेष्ठलाई भने केही थाहा थिएन । उज्जनकी दिदी साबित्री श्रेष्ठले भनेपछि मात्र लक्ष्मीले थाहा पाएकी थिइन् ।  

 

उज्जनकी श्रीमती लक्ष्मी भन्छिन्, ‘ढुंगेललाई जेलमुक्त गरेको समाचार दिदी साबित्रीले भनेपछि मात्र थाहा पाएको हुँ । १० बजेतिर दिदीले सरकारले ढुंगेललाई जेलमुक्त गरेछ भन्नुभयो ।’ 

 

‘न्याय नभएको देशमा सोझा मानिसहरुले कसरी न्याय पाउनु ?’ लक्ष्मीले भनिन्, ‘दोषी चाहे जो सुकै होस् सजाय पाउनुपर्छ भनेर लडियो तर, सरकार नै अपराधी बचाउन लागिपरेको छ । ढुंगेललाई जेलमुक्त गरेको खबरले साह्रै नरमाइलो लागेको छ ।’ 

 

यता लामो समयदेखि न्यायका लागि लड्दै आएकी उज्जनकी दिदी साबित्री सबैभन्दा बढी तनावमा छिन् । ढुंगेललाई माफी दिएको खबर सुन्ने बित्तिकै आफू झस्किएको उनले बताइन् । उनले भनिन्, ‘ओली सरकारले ‘अपराधीलाई पुररस्कार दिएछ ।’  

 

उज्जनकी दिदी साबित्री श्रेष्ठ ।

 

साबित्रीले अपराध गर्न उक्साउने राज्य नै हो भन्दै आक्रोश व्यक्त गरेकी छन् । उनले यो मुद्दालाई केही मानिसहरुले आफ्नो राजनीतिक स्वार्थ पूरा गर्न प्रयोग गरेको बताइन् । उनले भनिन्, ‘पहिला सधैं मेरो मुद्दामा साथ छु भन्ने प्रधानमन्त्री केपी ओली अहिले विभिन्न बहाना देखाएर पन्छिए ।’ 

 

ढुंगेललाई आममाफी दिने हल्ला करिब एक हप्ता अघिदेखि चलेको थियो । त्यो बीचमा उज्जनका परिवार र आफन्तहरुले ढुंगेललाई आममाफी दिन लागेको भन्दै सरकारविरुद्व विरोध प्रर्दशन गरे । माइतीघर मण्डला, बालुवाटार, रत्नपार्कलगायत अन्य क्षेत्रहरुमा विरोध प्रदर्शन गरेका थिए ।  

 

यसकारण दिइयो ढुंगेललाई आममफी ?

असल चालचलन भएका कैदीलाई गणतन्त्र दिवसको अवसर पारेर बाँकी कैद मिनाहा गर्ने व्यवस्था अनुसार कर्तव्य ज्यान मुद्दामा आजीवन कैद सजाय पाएका ढुंगेललाई सरकारले रिहा गरेको हो । 

 

संविधानको धारा २७६ बमोजिम राष्ट्रपतिको सिफारिसमा ढुंगलेसहितका ८१६ कैदी रिहा हुने भएका हुन् । 

 

ढुंगेलको रिहाको विरोधमा सर्वोच्चमा वरिष्ठ अधिवक्ता दिनेश त्रिपाठीले रिट दायर गरेका थिए । सर्वोच्च अदालतमा परेको रिटको सुनुवाइ सोमबार हेर्दाहेर्दैमा रोकिएको थियो । 

 

ढुंगेल रिहा भएलगत्तै पेरिसडाँडामा

डिल्लीबजार कारागारबाट रिहा भएलगत्तै उनी सिधै विघटित माओवादी केन्द्रको कार्यालय पेरिसडाँडा पुगे । त्यहाँ ढुंगेलले आक्रामक रुपमा केही समय भाषण गरे । 

 

 पेरिसडाँडामा ढुंगेलले सत्यको जीत भएको बताएका छन् । दश वर्षे जनयुद्धका दौरान घटेका घटनाहरू तत्कालीन माओवादी पार्टीको निर्णयअन्तर्गत घटेको भन्दै ती व्यक्तिगत मुद्दाको विषय नभएको उनले बताए । 

 

 


थप समाचार

क्रुर शासक गद्धाफी सरकारले जनतालाई दिएको थियो यस्ता आश्चर्य लाग्दा सुविधाहरु

  • 3 hours ago
क्रुर शासक गद्धाफी सरकारले जनतालाई दिएको थियो यस्ता आश्चर्य लाग्दा सुविधाहरु

एजेन्सी–लिबियाका पुर्व शासक जनरल मुअम्मर गद्धाफीको अन्त भएको ५ वर्ष बितिसकेको छ । तर, आज पनि उनको चर्चा हुने गरेको छ ।

कति पैसा बोकेर हिड्छन् मुकेश अम्बानी ?

  • 3 hours ago
कति पैसा बोकेर हिड्छन् मुकेश अम्बानी ?

एजेन्सी । धीरूभाई अम्बानीका ठूला छोरा मुकेश अम्बानी ‘अलिबाबा’का संस्थापक ज्याक पछिका सबैभन्दा धनि व्यक्तिको सूचिमा रहेका छन् ।

याद गर्नु भएको छ ? घडीको विज्ञापनमा सँधै किन बजेको हुन्छ १०ः१० ?

  • 3 hours ago
याद गर्नु भएको छ ? घडीको विज्ञापनमा सँधै किन बजेको हुन्छ १०ः१० ?

एजेन्सी । घडी लगाउनमा हामीमध्ये सवै सौखिन नै हुन्छौ । नयाँ – नयाँ प्रविधिसँगै बजारमा धेरै थरिका घडी पनि पाइन्छन् । हामी घडी किन्छौ लगाउँछौ । र छिनछिनमै समयपनि हेर्छौ ।



प्रेम र यौन

अविस्मरणीय सुहागरातका लागि

अविस्मरणीय सुहागरातका लागि

विवाह पहिले यौन सम्पर्क गर्नु वा नगर्नु व्यक्तिको निर्णय हो । नवविवाहित दम्पतीले कौमार्यकै आधारमा एक अर्कालाई परीक्षण गर्नु उपर्युक्त हुँदैन । जोडीको ध्यान र क्रियाकलाप आफ्नो पहिलो यौन क्रियाकलापलाई कसरी खास बनाउने भन्नेमा केन्द्रीत हुनुपर्छ ।

जीवनशैली/स्वास्थ्य

कति पैसा बोकेर हिड्छन् मुकेश अम्बानी ?

कति पैसा बोकेर हिड्छन् मुकेश अम्बानी ?

एजेन्सी । धीरूभाई अम्बानीका ठूला छोरा मुकेश अम्बानी ‘अलिबाबा’का संस्थापक ज्याक पछिका सबैभन्दा धनि व्यक्तिको सूचिमा रहेका छन् ।

विचित्र विश्व

याद गर्नु भएको छ ? घडीको विज्ञापनमा सँधै किन बजेको हुन्छ १०ः१० ?

याद गर्नु भएको छ ? घडीको विज्ञापनमा सँधै किन बजेको हुन्छ १०ः१० ?

एजेन्सी । घडी लगाउनमा हामीमध्ये सवै सौखिन नै हुन्छौ । नयाँ – नयाँ प्रविधिसँगै बजारमा धेरै थरिका घडी पनि पाइन्छन् । हामी घडी किन्छौ लगाउँछौ । र छिनछिनमै समयपनि हेर्छौ ।