एजेन्सी । दक्षिण भारतीय फिल्म ‘लियो’ले बक्स अफिसमा धमाकेदार कमाई गरिरहेको छ । पठान, जवान, गदर २ र जेलर जस्ता फिल्मको बम्पर कमाईको बीचमा तमिल फिल्म लियोको नाम पनि यो लिस्टमा थपिएको देखिन्छ ।
थालापथी विजयको फिल्म लियोलाई दर्शकले निकै रुचाइरहेका छन् । आज लियोको रिलिजको चौथो दिन हो र योसँगै विजयको फिल्मको तेस्रो दिनको तथ्यांक पनि बाहिर आएको छ ।
पहिलो दिनदेखि अहिलेसम्म, लियोको उत्कृष्ट कमाई निरन्तर जारी छ।
फिल्मले तेस्रो दिन पनि उत्कृष्ट व्यापार गरेर निर्माण पक्षलाई खुसी बनाएको छ ।
थालपथी विजयको फिल्म लियोले तेस्रो दिन ४० करोडको व्यापार गरेको छ । विजयको फिल्मले शनिबार राम्रो नाफा कमाएको छ । अब आइतबार फिल्मको कमाई अझै वृद्धि हुन सक्ने अनुमान गरिएको छ ।
फिल्मको ओपनिङ पनि निकै राम्रो रहेको थियो । यो फिल्मले पहिलो दिन ओपनिङको मामिलामा शाहरुख खानको पठानलाई पराजित गरेको थियो । लियो तमिल फिल्मको सबैभन्दा ठूलो ओपनर बनेको छ ।
लियोको कुल बक्स अफिस कलेक्शन
पहिलो दिन ६४.८ करोड
दोस्रो दिन ३५.२५ करोड
तेस्रो दिन ४० करोड
कुल १४० करोड
