२ जुनमा लण्डनमा चौंथो वातावरण साहित्य गोष्ठी हुँदै

  • आइतबार, २९ बैशाख, २०७६
  • 1 year ago
  • युके

 

-विजय हितान

 

लण्डन । आउँदो जुन महिनाको २ तारिख आईतबार लण्डनमा चौंथो वातावरण साहित्य गोष्ठी आयोजना हुँदैछ । 

 

साउथ ईष्ट लण्डनको व्ल्वीचमा हुने कार्यक्रमको प्रमुख अतिथि बेलायतका लागि नेपाली राजदूत एवम वरिष्ठ साहित्यकार डा दुर्गाबहादुर सुवेदी रहनेछन् । 

 

त्यसअवसरमा बेल्पाली ( बेलायतका नेपाली ) साहित्यकारहरु वासु शर्माको ’पोखियो मन छताछुल्ल’ (गजलसंग्रह )  र प्रतिमा केसीको ’पानीको विद्रोह’ (कवितासंग्रह ) विमोचन गरिने कार्यक्रमपनि छ । 

 

बेल्पाली साहित्यिक संस्थाहरुको संयुक्त आयोजनामा लण्डनमा हुन लागेको वातावरण साहित्य गोष्ठी यसपटक चौथो श्रृङ्खला हो ।

 

नेपाली साहित्य विकास परिषद, अन्तर्राष्ट्रीय नेपाली साहित्य समाज, अन्तर्राष्ट्रीय नेपाली वाङ्मय प्रतिष्ठान, नेपाल मुक्तक प्रतिष्ठान, विश्व नेपाली साहित्य महासंघ साउथ यूके, विश्व नेपाली साहित्य महासंघ वेष्ट यूके, साहित्य चौतारी यूके, साहित्य सङ्गम यूके, समकालीन साहित्य प्रतिष्ठान, विश्व नेपाली प्रज्ञा प्रतिष्ठान, एनआरएन भाषा साहित्य विभाग, साहित्य सङ्गालो, प्रवासी नेपाली साहित्य समाज र नेपाली प्रतिभा प्रतिष्ठान आयोजक संस्थाको रुपमा आबद्ध छन् ।

 

त्यसैगरी, बिएफबिएस् गोर्खा रेडियो, रेडियो बिजिडब्लुएस, एभरेष्ट टाइम्स र नेपालीपत्रले मिडिया पार्टनरको भूमिका निभाउनेछन् ।

 

विभिन्न साहित्यिक संस्थाहरु मिलेर सन् २०१६ देखि विश्व वातावरण दिवसलाई पारेर बेलायतमा वातावरण साहित्य गोष्ठीको आयोजना हुँदै आएको छ । विश्व वातावरण दिवस हरेक वर्षको जुन ५ का दिन मनाइन्छ । संयुक्त राष्ट्रसंघले संयोजन गर्ने यस दिवसको यस वर्षको नारा ’वायु प्रदुषण’ रहेको छ भने आयोजक राष्ट्र चीन छ ।  

 

विश्व वातावरण दिनदिनै प्रदुषित हुँदै गइरहेको छ । जैविक विविधतामा ह्रास आउँदैछ । जलवायु परिवर्तनको नकारात्मक असर वन्यजन्तु तथा वनस्पतिमा अपरिवर्तनीय तरिकाले पर्दैछ जसले मानवीय अस्तित्वमा नै प्रश्न चिन्ह खडा गरिदिएको छ । यी सबैका प्रमुख कारक मानवीय गतिविधिहरु हुन् भनेर वैज्ञानिकहरुले प्रमाणित गरिसकेका छन् । तसर्थ वातावरण संरक्षण, सम्बर्द्धन र सुधारमा साहित्यकारहरुको पनि प्रमुख भूमिका हुन्छ भन्ने जनचेतना फैलाउन यो कार्यक्रम गरिँदै आएको छ ।

 

नेपाली राजदूतावासको नेतृत्वमा नेपाल भ्रमण वर्ष २०२० लाई लक्षित गर्दै गठित विभिन्न उपसमितिमा साहित्यिक समिति पनि एक हो । यस गोष्ठीले नेपाल भ्रमण वर्षलाइ प्रबर्द्धन गर्नमा पनि मद्दत पुग्ने आयोजकहरुको विश्वास छ ।   

 

कार्यक्रममा स्रष्टाहरुका वातावरणसम्बन्धी 'ईको' सिर्जना वाचन हुनेछन् । कार्यक्रममा आफ्ना सिर्जनाहरु वाचन गर्न ईच्छुक सबै स्रष्टाहरुलाई सहभागिताको लागि आव्हान गरिएको छ । 

 


थप समाचार

कोरोनाबाट जोगिन रेस्टुरेन्टमा प्लाष्टिकले छेक्ने व्यवस्था

  • 5 hours ago
कोरोनाबाट जोगिन रेस्टुरेन्टमा प्लाष्टिकले छेक्ने व्यवस्था

एजेन्सी । विभिन्न देशका केही रेस्टुरेन्टहरुमा कोरोनाभाइरस फैलिन न्युनिकरण गर्ने व्यवस्थासहित पुनः सञ्चालनमा ल्याइएको छ ।

'अमेरिका–चीनबीच तनाव हुनु कसैको पनि हितमा छैन '

  • 5 hours ago
'अमेरिका–चीनबीच तनाव हुनु कसैको पनि हितमा छैन '

एजेन्सी । विश्वका दुई प्रमुख अर्थतन्त्र अमेरिका–चीनबीच तनाव हुनु कसैको पनि हितमा नभएको चिनियाँ प्रधानमन्त्री लि खछ्याङले बिहीबार बताएका छन् ।

'सारा देशले दुःख भोग्यो, तर माेदी सरकारले यो महसुस गर्न सकेको छैन'

  • 5 hours ago
'सारा देशले दुःख भोग्यो, तर माेदी सरकारले यो महसुस गर्न सकेको छैन'

एजेन्सी । केन्द्र सरकारले प्रवासीहरूको अवस्थालाई ध्यान नदिएको आरोप लगाउँदै कोरोना भाइरस महामारीका कारण प्रभावित बनेको उक्त समुदायको समस्याप्रति सम्वेदनशील बन्न भारतीय काङ्ग्रेसका अन्तरिम अध्यक्ष सोनिय



प्रेम र यौन

कोरोना भाइरसको संक्रमण फैलिरहेको बेला ‘पोर्न साइट’हरुको यस्तो धन्दा

कोरोना भाइरसको संक्रमण फैलिरहेको बेला ‘पोर्न साइट’हरुको यस्तो धन्दा

एजेन्सी । चीनको वुहानबाट फैलिएको कोरोना भाइरस हाल विश्वव्यापी बनिरहेको छ । कोरोनाको कारण मानिसको दैनिकीसँगै विश्व अर्थतन्त्र नै धराशायी बनिरहेको अवस्थामा ‘पोर्न साइट’हरुले भने अलग खालको धन्दा चलाउन थालेका छन् ।

जीवनशैली/स्वास्थ्य

श्रीमतीलाई खुसी राख्न कपडा धोइदिनुहोस्

श्रीमतीलाई खुसी राख्न कपडा धोइदिनुहोस्

तपाई आफ्नी पार्टनर या श्रीमतीलाई खुसी राख्न के गर्नु हुन्छ ? नयाँ–नयाँ गिफ्ट या मिठा खानेकुरा ल्याएर फकाउनु हुन्छ होला । तर, अब उनीहरुलाई खुसी राख्न त्यती कष्ट गर्नु पर्दैन । मात्र कपडा धोईदिए पुग्छ । ब्रिटेनमा भएको एक अध्ययनले यस्तो पत्ता लागेको हो ।