बेगनासताल दुर्घटनाः बेपत्ता ६ जनाकै शव भेटियो, यसरी भएको थियो दुर्घटना ?

सिकारु चालक, लाइफ ज्याकेट बिनाको यात्रा 

पोखरा । शनिबार पोखरा–३१ बेगनास गाउँ जान १० जना सवाररत डुंगा पल्टिँदा बेपत्ता भएका ६ जनाकै शव फेला परेको छ । शनिबार रातिसम्म बेपत्ता २ जनाको शव फेला परेको थियो भने आइतबार आज बिहान बेपत्ता रहेका ६ जनाको शव फेला परेको हो ।

 

४ नम्बर प्रदेश प्रहरी कार्यालयका अनुसार नेपाली सेना, सशस्त्र प्रहरी, नेपाल प्रहरी, स्थानीयहरुले आइतबार बिहानैदेखि नै तालमा बेपत्ता रहेकाको खोजी कार्य जारी राखेको थियो । यो समाचार तयार पारेको एक घण्टाअघि मात्र बेपत्ता ४ जनाको शव भेटिएको प्रहरीले जानकारी दिएको छ ।

 

डुंगा बेगनास तालको लिब्दी टुडँमा पल्टिदाँ २ जना महिलाको उपचारको क्रममा मृत्यु भएको हो । मृत्यु हुनेमा पोखरा २८ कि कृष्ण कुमारी बजगाई र पोखरा ३१ कि जमुना कँडेल रहेका छन् ।

 

तालबाट २८ वर्षीया सपना खनाल र निशा पौडेलको उद्दार भएको थियो । अर्को डुंगामा एक्लै गएका कमल कँडेल तालमा डुंगा पल्टिएको देखेपछि बेहोस भएका थिए । उनी पनि तालमा खसेपछि उद्दार टोलीले उद्दार गरेको थियो ।

 

स्थानीयले कमल, कृष्णकुमारी, जमुना कँडेल र निशा पौडेललाई उद्दार गरी अस्पताल पुर्याएका थिए । जमुनाको पश्चिमाञ्चल क्षेत्रीय र बजगाईंको लेखनाथ लायन्स सामुदायिक अस्पतालमा मृत्यु भएको हो । कमल र निशाको लेखनाथमै उपचार भइरहेको छ ।

 

त्यस्तै तालमा बेपत्ता भएका नवलपरासीका ६ वर्षीय शंकर खनाल, ८ वर्षीय शिव खनाल, ५ वर्षीय प्राचिन पौडेल र ४ वर्षीय रन्जित गैरेको शव प्रहरीले आइतबार बिहान फेला पारेको प्रदेश प्रहरी कार्यालयका प्रवक्ता एसपी नवराज भट्टले जानकारी दिए ।

 

एसपी भट्टका अनुसार ३२ वर्षीय रवि खनाल र १८ वर्षीया मनिषा बजगाईंको शव पनि केही समयअघि मात्र फेला परेको हो ।

 

दुर्घटनालगत्तै खोजीका लागि नेपाली सेना, नेपाल प्रहरी, सशस्त्र प्रहरी, डुंगा व्यवसायी र स्थानीय खटिएका थिए । बेपत्ताहरुको खोजीका लागि सशस्त्र प्रहरीको कुरिनटारको गोटाखोर टोली पनि आएको प्रहरीले जानकारी दिएको छ । 

 

५ जना मात्र चढ्नुपर्ने डुंगामा सानाठूला गरी ९ जना थिए । उनीहरु बेगनासकी कमल र शोभा कँडेलको घरमा गरिएको दर खाने कार्यक्रममा आएका थिए ।

 

यस्तो थियो योजना ?

रवि खनाल नेपाली सेनाका प्युठ हुन् । बढुवा भएको खुसीयालीमा पोखरा घुमघाम गर्ने, आफन्तसँग भेट्ने र पोखरातिरै घर किन्ने भनेर खनाल परिवार पोखरा गएको थियो ।

 

खनालकी श्रीमती सपनाका अनुसार, यसअघि रविले कहिल्यै पनि डुंगा चलाएका थिएनन् । ससुराली जाँदा बेगनासतालमा एकपटक आँफैले डुंगा चलाएर ताल घुम्ने रहर सुनाएका थिए रविले ।

 

रविकै जोडबलमा, डुंगा आफैँले लिएर जाने योजना भयो । आफूसहति १० जना भएपछि उनले डुंगा अगाडि बढाएका थिए । पाहुनालाई एक्लै डुंगामा छोड्न नसकेर कमल अर्को डुंगा लिएर पछि लागेका थिए । 

 

सपना कमलकी साढुकी छोरी हुन् । पोखरामै घर किन्ने भनेर रविले २ दिन पहिला मात्र गैंडाकोटको घर बेचेका थिए । घर बेचेर लिएको चेक पनि रविकै खल्तीमा थियो । 

 

यसरी पल्टियो डुुंगा ?

लिब्दी किनार आउन सय मिटरजति बाँकी थियो । अब त पार हुन लागियो भनेर सपनाले ढुक्कको सास फेरेकी थिइन् । त्यतिबेलासम्म डुंगाको पिँधमा पानी भरिएको थियो । पानी पसेपछि केटाकेटी चल्न थाले । ठाउँ छाडेर उनीहरु उठे ।

 

पानीले पिँध भरिएको देखेपछि रवि पनि आत्तिए । खियाउन छाडेर बच्चाबच्ची सम्हालन पुगे । यत्तिकैमा डुंगा कोल्टिहाल्यो । पानीले डुंगामा भरियो । सपनाले छोराहरु शंकर र शिवलाई दुबै हातले च्यापिन् । सबैजना तालमा खसे । अर्को डुंगामा पछि आइरहेका कमल अघिल्लो डुंगा डुबेको देखेर बेहोस भए ।

 

केहीबेरसम्म त सपनाले २ छोरालाई समातेर तैरिने कोसिस गरिन् । तर प्रयास असफल भयो । जसोतसो पौडी खेलेर किनारमा निस्केपछि केही पर रहेकी अनिता हिमालीले उनको गुहार सुनिन् । सुनिताले नै डुंगा व्यवसायी समितिका पदाधिकारीलाई फोन गरेर उद्धारका लागि बोलाएकी थिइन् ।

 

डुंगाघाट मन्दरेपार्कमा रहेका डुंगा व्यवसायी समितिका सचिव पुष्पराज पाण्डेसहितको टोली मोटरबोट लिएर १० मिनेटभित्र घटनास्थलमा पुगेका थिए । 

 

विगतलाई सम्झिँदा...

६ वर्ष पहिला बेगनासतालमा परिवारसहितको डुंंगा डुब्यो । डुंगामा यात्रारतमध्ये लाइफ ज्याकेट लगाएका बाँच्न सफल भए । ज्याकेट नलगाएका ५ जनाको डुबेर मृत्यु भयो । 

 

त्यसपछि जिल्ला प्रशासन कास्कीले बेगनास र फेवामा लाइफ ज्याकेट अनिवार्य गर्यो । व्यावसायिक डुंगामा त यो नियम लागु भयो । तर घरायसी प्रयोगका डुंगालावालाले यो नियमलाई बेवास्ता गर्दै आए । 

 


थप समाचार

विश्वभरका महिला सांसदको लण्डन सम्मेलनमा उपसभामुख शिवमायाको सम्बोधन

  • 3 hours ago
विश्वभरका महिला सांसदको  लण्डन सम्मेलनमा उपसभामुख शिवमायाको सम्बोधन

लण्डन । उपसभामुख डा शिवमाया तुम्बाहाङ्फेले लण्डनमा सम्पन्न विश्वभरका महिला सांसदहरुको एक अन्तर्राष्ट्रिय सम्मेलनलाई सम्बोधन गरेकी छन् ।

बेलायतमा महागुरु फल्गुनन्दको जन्म जयन्ती कार्यक्रम

  • 5 hours ago
बेलायतमा महागुरु फल्गुनन्दको जन्म जयन्ती कार्यक्रम

आइतबार लण्डनको फेल्थाममा १६ औँ राष्ट्रिय विभुती ,समाज सुधारक महागुरु फल्गुनन्दको १३४ औँ जन्म जयन्ती मनाइएको छ ।

भियतनामद्वारा प्रशान्त व्यापार सम्झौतालाई अनुमोदन

  • 7 hours ago
भियतनामद्वारा प्रशान्त व्यापार सम्झौतालाई अनुमोदन

हनोई । भियतनामले यसै वर्षको अन्त्यदेखि लागू हुने बहुचर्चित प्रशान्त व्यापार सम्झौतालाई अनुमोदन गरेको छ । अमेरिकी राष्ट्रपति डोनाल्ड ट्रम्पले यो सम्झौताबाट अलग हुने घोषणा गरे पनि सम्झौता अनुमोदन गर्ने



भिडियो

प्रेम र यौन

यौनवर्धक भियाग्राको प्रयोग कति उचित ?

यौनवर्धक भियाग्राको प्रयोग कति उचित ?

काठमाडौँ । उमेर पुगेका हरेक व्यक्तिलाई यौनको चाहाना हुनु स्वाभाविक नै मानिन्छ तर यदि कोहि महिला वा पुरुषलाई यौन चाहानामा गडबढी हुनु पनि सामान्य हुँदै गएको छ ।

जीवनशैली/स्वास्थ्य

बन्दीपुरमा कृत्रिम ताल बनाइने

बन्दीपुरमा कृत्रिम ताल बनाइने

दमौली । तनँहुको पर्यटकीय नगरी बन्दीपुरमा कृत्रिम ताल बनाइने भएको छ । पहाडकी रानी नामले परिचित बन्दीपुरको पर्यटन प्रवद्र्धन गर्न मानवनिर्मित ताल बनाउन लागिएको हो ।

विचित्र विश्व

यी हुन् सबैभन्दा कम उमेरमा पिएचडी गर्ने १० मानिसहरु

यी हुन् सबैभन्दा कम उमेरमा पिएचडी गर्ने १० मानिसहरु

धेरै विद्यार्थीहरुको मनमा ग्य्राजुएट गरेपछि पढु कि नपढु भन्ने दुविधा हुन्छ । यो विषय पढौं कि त्यो विषय पढौं भन्ने प्रश्न पनि धेरै ग्य्राजुएटहरुको दिमागमा खेलिरहेको हुन्छ ।