IIMS College

ISMT

HUB Education

भाेजपुर घटनालाई लिएर बाझियाे प्रहरीकाे दाबी र प्रत्यक्षदर्शीकाे भनाई

'प्रहरीकै गाेलीले प्रहरी जवान राईकाे मृत्यु, निरकुमारलाई नियन्त्रणमा लिएर मारियाे'

Education Park

 

Kathmandu Trade Show

 

Royal Education Foundation

 

काठमाडौँ । भोजपुरको हटिया लाइनमा बुधबार बिहान प्रहरी र प्रतिबन्धित नेकपाका कार्यकर्ताबीच गोली हानाहान भएको घटनालाई लिएर स्थानीय प्रत्यक्षदर्शीकाे भनाई र प्रहरीले गरेको दाबी बाझिएको छ । 

 

बिहान ८ बजेको समयमा भएको उक्त घटनामा प्रहरी जवान सञ्जिव राई र नेत्रविक्रम चन्द ‘विप्लव’ नेतृत्वको नेकपाका कार्यकर्ता निरकुमार राई (प्रशान्त)को मृत्यु भएको थियो । घटनामा प्रहरीतर्फ खेमनाथ भट्टराई र सुरेन्द्र माझी घाइते भएका छन् ।

 

समाचारहरूमा जनाइएअनुसार घटनाको प्रकृति र मुचुल्कालाई लिएर स्थानीय प्रत्यक्षदर्शी र प्रहरीको भनाई बाझिएको हो । प्रहरीले प्रतिबन्धित नेकपाका कार्यकर्ता निरकुमार राईले पहिले गोली चलाएको बताएको छ । निरकुमारले प्रहार गरेको गोली लागेर सञ्जिव ढलेपछि प्रहरीले निरकुमारलाई गोली चलाएको दाबी प्रहरीको छ ।

 

तर प्रहरीको दाबीविपरीत घटनाको प्रत्यक्षदर्शी दाबी गर्ने एक स्थानीयले पहिले प्रहरीले गोली चलाएको बताएका छन् । उनका अनुसार प्रहरीले सुरूमा चलाएको गोली निरकुमारले छलेपछि सोही गोली प्रहरी जवान सञ्जिव राईलाई लागेको हो । 

 

प्रहरी जवान राई ढलेपछि प्रहरीले निरकुमारलाई नियन्त्रणमा लिएकाे स्थानीयको दाबी छ । मृतक निरकुमार राई प्रतिबन्धित नेकपाका ओखलढुंगा जिल्ला इन्चार्ज रहेको बताइएको छ । उनी भोजपुरको षडानन्द नगरपालिका–१३, बोयाको वासिन्दा हुन् ।

 

प्रहरीका अनुसार हतियारसहित विप्लवका कार्यकर्ता सदरमुकाम आएको सूचनाको आधारमा जिल्ला प्रहरी कार्यालय भोजपुरका तीन जना सादा पोसाकका प्रहरी सर्च एन्ड अपरेसनमा पुगेका थिए ।

 

सर्च एण्ड अपरेसनमा रहेका प्रहरीले बिहान हटिया लाइनमा चिया पिउन निस्केका निरकुमारलाई देखेपछि नियन्त्रणमा लिन खोज्दा घटना घटेको बताइएको छ । त्यसबेलासम्म निरकुमारसँग कुनै हतियार नदेखिएको स्थानीयले बताएका छन् ।

 

स्थानीयका अनुसार निरकुमारलाई नियन्त्रणमा लिने क्रममा वादविवाद भएपछि निरकुमार त्यहाँबाट निस्किन खोजेको थिए । ‘सोही बेला प्रहरीले गोली चलायो । निरकुमारले गोली छलेपछि सो गोली प्रहरी जवान सञ्जिवलाई लाग्यो’, नाम नबताउने शर्तमा एक स्थानीयले भने, ‘त्यसपछि प्रहरीले हतियार ताकेर निरकुमारलाई नियन्त्रणमा लियो र दुई वटै हात पछाडि बाँधेर गिरफ्तार गरेर लग्यो ।’

 

स्थानीयको दाबीलाई पुष्टी गर्ने गरी केही अनलाइन न्युज पोर्टलहरूमा निरकुमारको शव पछाडि हात बाँधिएको अवस्थामा रहेको तस्वीरहरू समेत सार्वजनिक भएको छ । 

 

घटनाको प्रकृतिलाई लिएर प्रहरी र स्थानीयको भनाई बाझिएपछि यो घटना पनि गत असार ५ गतेको सर्लाही घटनाजस्तै विवादित हुने संकेत देखिएको छ ।

 

सर्लाही जिल्ला इन्चार्ज कुमार पौडेलको मृत्यु ‘फेक इन्काउन्टर’ भन्दै विवादित भइरहेको बेला बुधबारको भोजपुर घटनाले थप विवाद निम्त्याउने प्रष्टै देखिन्छ ।

 

प्रतिबन्धित नेकपा भन्छः आक्रमण र भिडन्तको नीति नै छैन

 

लगातारका घटनाहरूमा प्रहरीले प्रतिबन्धित नेकपाका कार्यकर्तासँग भिडन्त भएको दाबी गरिरहँदा नेकपाले भने प्रहरीमाथि आक्रमण गर्ने र भिडन्त निम्त्याउन आफुहरूको कुनै नीति नरहेको दाबी प्रस्तुत गर्दै आइरहेको छ ।

 

सरकारले पार्टीका गतिविधिमाथि प्रतिबन्ध लगाए पनि सक्रियतामा कुनै कमी नदेखाएको नेकपाले मुठभेडको अवस्था नै नरहेको बताउँदै आएको छ ।

 

पार्टीको एक महिनाअघिको केन्द्रीय बैठकले समेत अहिले नै भिडन्तको योजना तय गरेका छैन । केन्द्रीय बैठकबाट तीन वटा एजेन्डा तयार गरेका छन् । जसमा रक्षा, सन्तुलन र आक्रमण छन् ।

 

‘रक्षा, सन्तुलन र आक्रमण’को नीतिअनुरूप कार्यकर्ता सुरक्षित हुनुपर्ने र त्यसका लागि सबै जनालाई सुरक्षित स्थान रोज्नसमेत निर्देशन दिएको विप्लव स्रोतको भनाइ छ ।

 

पारित नीतिअनुसार त्यसपछि सकेसम्म सन्तुलन मिलाएर पक्राउ परेका आफ्ना कार्यकर्ताको रिहाइ गर्ने नीति पार्टीको रहेको बताइएको छ । त्यसपछि भने आक्रमणको तयारी गर्ने नेकपाको योजना रहेको स्रोत बताउँछ ।


थप समाचार

छाला डढ्ने समस्याको समाधानका लागि नरिवल पानी !

  • 14 minutes ago
छाला डढ्ने समस्याको समाधानका लागि नरिवल पानी !

काठमाडौं । नरिवल धार्मिक दृष्टिकोणले मात्र नभई वैज्ञानिक दृष्टिकोणले समेत महत्वपूर्ण फलको रूपमा लिइएको पाइन्छ। स्वास्थ्य विशेषज्ञहरू भन्दछन् – नरिवलमा प्रोटिन, एमिनोएसिड र भिटामिन ‘बी’को मात्रा प्रशस्

अन्तिम संस्कारको समय जब लासले टाउको हल्लाउन लाग्यो, घाट छाडेर मानिसहरु भागेपछि...

  • 21 minutes ago
अन्तिम संस्कारको समय जब लासले टाउको हल्लाउन लाग्यो, घाट छाडेर मानिसहरु भागेपछि...

एजेन्सी । भारतको ओडिशा स्थित गन्जाम जिल्लामा एक अनौठो घटना घटेको छ । जसमा जुन व्यक्तिलाई मानिसले देहवसान भएको सम्झिएर अन्तिम श्रद्धाञ्जलीको लागि घाटमा लगेका थिए, ती व्यक्तिले अचानक आफ्नो टाउको हल्लाउन

महिला टि–ट्वान्टी क्रिकेटको बरियतामा नेपालको स्थान सुधार

  • 44 minutes ago
महिला टि–ट्वान्टी क्रिकेटको बरियतामा नेपालको स्थान सुधार

काठमाडौँ । अन्तर्राष्ट्रिय क्रिकेट परिषद् (आइसिसी)ले जारी गरेको नयाँ बरियतामा नेपाल एक स्थान उक्लेको छ । आइसिसीले सार्वजनिक गरेको महिला टि–ट्वान्टी क्रिकेटको बरियतामा एक स्थान सुधार गर्दै नेपाल १४औँ स



प्रेम र यौन

सम्भोग गर्नुका यस्ता छन् विशेष पाँच फाइदा

सम्भोग गर्नुका यस्ता छन् विशेष पाँच फाइदा

आजकल जिन्दगीमा सेक्स यस्तो रोमाञ्चक विषय बनेको छ कि जोकोही यसको बारेमा खुलेर जान्न चाहान्छ । सेक्सलाई लिएर मनमा धेरै नकारात्मक कुराहरु पनि हुने गर्छन् । जुनका कारण पनि मानिसहरु जिन्दगीमा खुसी देखिदैनन् ।

जीवनशैली/स्वास्थ्य

छाला डढ्ने समस्याको समाधानका लागि नरिवल पानी !

छाला डढ्ने समस्याको समाधानका लागि नरिवल पानी !

काठमाडौं । नरिवल धार्मिक दृष्टिकोणले मात्र नभई वैज्ञानिक दृष्टिकोणले समेत महत्वपूर्ण फलको रूपमा लिइएको पाइन्छ। स्वास्थ्य विशेषज्ञहरू भन्दछन् – नरिवलमा प्रोटिन, एमिनोएसिड र भिटामिन ‘बी’को मात्रा प्रशस्त पाइन्छ।

विचित्र विश्व

अन्तिम संस्कारको समय जब लासले टाउको हल्लाउन लाग्यो, घाट छाडेर मानिसहरु भागेपछि...

अन्तिम संस्कारको समय जब लासले टाउको हल्लाउन लाग्यो, घाट छाडेर मानिसहरु भागेपछि...

एजेन्सी । भारतको ओडिशा स्थित गन्जाम जिल्लामा एक अनौठो घटना घटेको छ । जसमा जुन व्यक्तिलाई मानिसले देहवसान भएको सम्झिएर अन्तिम श्रद्धाञ्जलीको लागि घाटमा लगेका थिए, ती व्यक्तिले अचानक आफ्नो टाउको हल्लाउन लागे र जिउँदो निस्केका छन् ।