सातौं बिग आइकन सुबास लण्डनमा, पहिलो कार्यक्रम शनिबार माया पबमा

  • शनिबार, ६ असोज, २०७५
  • 7 months ago
  • युके
बिग एफएमका अध्यक्ष महेश भण्डारी (बांया) र सातौं बिग आइकन सुबास गुरुङ लण्डनमा ।

 

 

लण्डन । पोखरास्थित बिग एफएमले हरेक वर्ष आयोजना गर्ने गायन प्रतिस्पर्धा बिग आइकनको सातौं संस्करणका विजेता सुबास गुरुङ लण्डन आइपुगेका छन् । बेलायतका विभिन्न स्थानमा प्रस्तुति गर्न बिग आइकन सुबास बिग एफएमका अध्यक्ष महेश भण्डारीसंगै शुक्रबार लण्डन उत्रिएका हुन् । 

 

युरोपको नेपालीपत्रको निमन्त्रणा तथा द ब्रिटिश कलेजको व्यवस्थापनमा बिग आइकन सुबास बेलायत आएका हुन् । नेपालीपत्रकै निमन्त्रणामा यसअघि बिग आइकनको चौंथो संस्करणका विजेता मुस्कान रानाभाट र छैटौं बिग आइकन विजेता साजन आलेले पनि बेलायत आएर कार्यक्रमहरु प्रस्तुत गरेका थिए । 

 

बेलायतको झण्डै २ साता लामो बसाइका क्रममा बिग आइकन सुबासले यहांका विभिन्न ठाउंमा कार्यक्रमहरु गर्नेछन् । यहि शनिबार सेप्टेम्बर २२ मा उनको पहिलो कार्यक्रम साउथ ह्यारोस्थित माया पबमा हुंदैछ । अर्को शनिबार सेप्टेम्बर २९ को सांझ प्लमस्टिडको डांफे रेष्टुरेन्टमा पनि सुबासको कार्यक्रम तय भइसकेको छ । अरु ठाउंहरुमा केहि कार्यक्रमहरुका लागि तयारी भइरहेको बेलायतमा बिग आइकनको कार्यक्रम संयोजनमा सहयोग गरिरहेका पत्रकार सिद्धार्थविक्रम क्षेत्रीले जानकारी दिए । 

 

लण्डन उत्रिंदा बिग आइकन सुबास निकै उत्साहित देखिन्थे ।  ‘बेलायतमा आएर आफ्नो प्रस्तुति गर्ने अवसर पाएकोमा म निकै खुशी र उत्साहित छु, ’ सुबासले भने–‘यहि अवसरमा बेलायतका नेपाली दाजुभाई दिदीबहिनीको लागि विशेष प्रस्तुति दिने तयारीको साथ आएको छु ।' बिग आइकनको माध्यबाट बेलायत जस्तो देशमा आएर कार्यक्रम गर्ने अवसर प्रदान गरेकोमा बिग एफएम र उनलाई बेलायत निम्त्याउने द ब्रिटिश कलेज तथा नेपालीपत्रप्रति उनी कृतज्ञ छन् । 

 

बिग एफएमका अध्यक्ष महेश भण्डारीले प्रतिभाहरु जन्माउने मात्र नभएर उनीहरुलाई अझै फराकिलो बनाउँदै लैजाने बिग आइकनको लक्ष्यअनुसार नै विजेताहरुलाई हरेक वर्ष बेलायतमा प्रस्तुति गर्ने अवसर मिलाइएको बताए ।  बिग आइकनको प्रतिभालाई अन्तर्राष्ट्रिय प्लेटफर्म उपलब्ध गराइदिने द ब्रिटिश कलेज र नेपालीपत्रलाई उनले धन्यवाद समेत दिए ।

 

युरोपको नेपालीपत्रका निर्देशक राजन कँडेलले बिग आइकन सुबास र बिग एफएम अध्यक्ष भण्डारीलाई बेलायतमा स्वागत गर्दै उनीहरुको सांगीतिक भ्रमण सफलताको शुभकामना दिएका छन् । प्रतिभाहरुको प्रोत्साहन गर्ने उद्धेश्यले नेपालीपत्रले हरेक वर्ष बिग आइकन विजेतालाई बेलायत बोलाउने गरेको उल्लेख गर्दै निर्देशक कँडेलले बिग आइकन सुबासका कार्यक्रमहरुमा सहभागी बनेर हौसला दिन बेलायतबासी नेपालीलाई आग्रह गरेका छन् । 

 


थप समाचार

प्रधानमन्त्रीकाे हातमा साबेल

  • 3 hours ago
प्रधानमन्त्रीकाे हातमा साबेल

प्रधानमन्त्री केपी शर्मा ओली राष्ट्रिय गौरबको आयोजनाको रुपमा रहेको मध्यपहाडी लोकमार्गमा (अप्टिकल फाइवर नेटवर्क) को धादिङको गल्छी गाउँपालिका वडा नं. ४ मासटारमा सोमबार शिलान्यास गर्दै ।

‘मिडियासम्बन्धी विधेयकमा परामर्श नगर्नु गलत’

  • 3 hours ago
‘मिडियासम्बन्धी विधेयकमा परामर्श नगर्नु गलत’

भक्तपुर । नेपाल मजदूर किसान पार्टीका अध्यक्ष नारायणमान बिजुक्छेले संसद्मा दर्ता गरिएको मिडिया विधेयक सरोकारवालासँग परामर्श नगरी एकोहोरो रुपमा ल्याउनु गलत भएको बताएका छन् । रफत सञ्चार क्लबमा आज

बन्द विमान कम्पनीको बक्यौता असुल्न समस्या

  • 3 hours ago
बन्द विमान कम्पनीको बक्यौता असुल्न समस्या

काठमाडौँ । सञ्चालनमा नरहेका र टाट पल्टेका राष्ट्रिय तथा अन्तर्राष्ट्रिय विमान कम्पनीको करीब रु. १३ करोड बक्यौता असुल गर्न कानूनी जटिलता देखिएको छ ।



प्रेम र यौन

अविस्मरणीय सुहागरातका लागि

अविस्मरणीय सुहागरातका लागि

विवाह पहिले यौन सम्पर्क गर्नु वा नगर्नु व्यक्तिको निर्णय हो । नवविवाहित दम्पतीले कौमार्यकै आधारमा एक अर्कालाई परीक्षण गर्नु उपर्युक्त हुँदैन । जोडीको ध्यान र क्रियाकलाप आफ्नो पहिलो यौन क्रियाकलापलाई कसरी खास बनाउने भन्नेमा केन्द्रीत हुनुपर्छ ।

जीवनशैली/स्वास्थ्य

महिनावारीका बेला पेट दुखेमा...

महिनावारीका बेला पेट दुखेमा...

महिनावारीका समयमा महिलामा सामान्य ढाड वा पेट दुख्ने, थकान महसुस हुने आदिजस्ता समस्या हुनुलाई स्वाभाविकै मानिन्छ । तर, कतिपय किशोरीमा सहनै नसक्ने गरी तल्लो पेट दुख्ने गर्छ । यो भने समस्या हो ।