पाइलट र को–पाइलटलाई प्रश्नः यस्तो पनि पार्टी एकता हुन्छ ?

एमाले र माओवादीबीच पार्टी एकता निश्चितप्रायः भइसकेपछि सुनिने एउटा शंकादायी आवाज थियो, ‘एमाले र माओवादी अर्थात् नेपालमा कम्युनिष्ट सिध्याउनकै लागि पार्टी एकता हुन लागेको हो । कोही हौसिनु पर्दैन ।’ तत्कालिन समयमा यो कुरा पत्याउन कठिन थियो । घटनाक्रमहरुले शंकालाई सत्यमा परिणत हुन दिएन । 

 

गठबन्धन बनाएर चुनाव लड्दा दुबै पार्टीका कार्यकर्ताले धोका दिएनन् । गठबन्धनले दुईतिहाई नजिक सिट जित्यो । त्यसपछि पार्टी एकता भयो । दुई अध्यक्ष बने । केन्द्रीय पदाधिकारी पनि टुंगियो । सरकारमा सहभागी हुने कुरामा पनि खासै विवाद भएकोजस्तो देखिएन । अध्यक्षद्वयले ठूलो जहाज हाँक्न दुई पाइलट आवश्यक रहेको हल्का तर्क गरे । तर, को सिनियर पाइलट, को चाहिँ को–पाइलट भन्ने थाहा भएन । यद्यपि, ठिकै ढंगमा अघि बढ्दै थियो । जब जिल्ला, प्रदेश र जनवर्गीय संगठनमा भागबण्ड मिलाउन पर्ने बेला आयो, तब दुवै पूर्वपार्टीलाई ‘पिसाबको पहिरो’ भएको छ ।

 

देशैभर पार्टी समायोजन तनाग्रस्त भइरहँदा सिन्धुपाल्चोकको एउटा गाउँपालिका–काठमाडौं सम्पर्क मञ्चमा भएको घटना रोचक छ । दुवै पार्टी एक भएपछि बलेफी गाउँपालिका–काठमाडौं सम्पर्क मञ्च बन्यो, नाममा नेकपा झुण्ड्याइयो । तर, केहीदिन अघि सम्पर्कमञ्चले काठमाडौंमा एउटा कार्यक्रम गरेछ । ब्यानर नेकपाको, तर पूर्वएमालेवाला पदाधिकारी तथा सदस्यहरुलाई थाहा नै नदिई । मञ्चमा भने जिल्लाका दामी राजनीतिक खेलाडीका रुपमा चिनिएका एक पूर्वएमालेका नेता देखिन्थे । उनीबाहेक पूर्वएमालेका कोही थिएनन् । अतिथि पनि पूर्वमाओवादीका, सहभागी पनि पूर्वमाओवादी मात्रै । यो कुराले पूर्वएमाले वृत्तमा ठूलै विवादको रुप लियो । लिइरहेको छ ।

 

यो त एउटा सामान्य घटना मात्रै हो । यस्तो प्रवृत्ति देशैभर मौलाएको छ । पूर्वमाओवादी नेकपामा कसरी जबरजस्ता हाबी हुने ? भन्ने रणनीतिमा छ । पूर्वएमाले गुटभित्रको रस्साकस्सीमा मस्त छ । नेपाली राजनीतिमा चरम तरल जनमत भएको पूर्वमाओवादी र ठोसप्रायः पूर्वएमालेको संगठनबीचको समायोजन वास्तवमै चुनैतीपूर्ण बन्दै गएको छ ।

 

माओवादी संसदीय राजनीतिमा आएको पृष्ठभूमि र एमाले आएको पृष्ठभूमि फरक छ । जसकारण दुबै पार्टीका कार्यकर्ताको सोच, शैली र व्यवहार मिलाउने कुरातर्फ नेतृत्वले खासै ध्यान दिएको छैन । प्रशिक्षण त धेरै परको कुरा सामान्य सूचना आदानप्रदानमा पनि अहिले नेकपामा समस्या भएको छ । यसले दुई पार्टी समायोजनालाई निकै अप्ठेरो पार्ने निश्चित छ । सरकार सञ्चालनका मामलामा देखिएका तिता सत्यहरु त आमकार्यकर्ता र जनतामाझ छर्लङ्गै छ ।

 

पछिल्ला घटनाक्रमले संकेत गर्छ कि, मानिसहरुले पहिला गरेको शंका सत्यमा परिणत हुने त होइन ? कतै नेपालमा कम्युनिष्ट सिध्याउन कसैले खेलेको चालबाजीमा एमाले–माओवादी एकात भएको त होइन ?

 

 

 


थप समाचार

आठौँ राष्ट्रिय खेलकुदः खेलाडीलाई चाउचाउको भर

  • 32 minutes ago
आठौँ राष्ट्रिय खेलकुदः खेलाडीलाई चाउचाउको भर

दाङ । खेलस्थलमा रातारात हालिएका छाना हावाहुरीले उडाएको छ । व्यवस्थापन भद्रगोल हुँदा दुई दिनअघि जितेका खेलाडीले समेत घाँटीमा पदक झुन्ड्याउन पाएका छैनन् । राम्रै खाजा खाने हो भने खेलाडीले ७ किमि टाढाको

नेपाली भूउपग्रह अन्तरिक्ष कक्षमा पुग्यो

  • 36 minutes ago
नेपाली भूउपग्रह अन्तरिक्ष कक्षमा पुग्यो

काठमाडौं । नेपालको पहिलो भूउपग्रह ‘नेपाल स्याट १’ अन्तर्राष्ट्रिय अन्तरिक्ष कक्ष (आइएसएस) मा पुगेको छ । नासाका अनुसार नेपाली भूउपग्रहसहितको कार्गो शुक्रबार दिउँसो ३ बजेर १२ मिनेटमा अन्तरिक्ष कक्षमा सु

संसदमा गैरकानुनी रूपमा ३ करोड ६९ लाख प्रोत्साहन भत्ता

  • 39 minutes ago
संसदमा गैरकानुनी रूपमा ३ करोड ६९ लाख प्रोत्साहन भत्ता

काठमाडौं । संघीय संसदका महासचिवदेखि सचिवालयका कर्मचारीले प्रोत्साहन भत्ताबापत गैरकानुनी रूपमा ३ करोड ६९ लाख १७ हजार रुपैयाँ लिएको पाइएको छ ।



प्रेम र यौन

अविस्मरणीय सुहागरातका लागि

अविस्मरणीय सुहागरातका लागि

विवाह पहिले यौन सम्पर्क गर्नु वा नगर्नु व्यक्तिको निर्णय हो । नवविवाहित दम्पतीले कौमार्यकै आधारमा एक अर्कालाई परीक्षण गर्नु उपर्युक्त हुँदैन । जोडीको ध्यान र क्रियाकलाप आफ्नो पहिलो यौन क्रियाकलापलाई कसरी खास बनाउने भन्नेमा केन्द्रीत हुनुपर्छ ।

जीवनशैली/स्वास्थ्य

यस्तो रहेको छ आजको तपाईको भाग्य

यस्तो रहेको छ आजको तपाईको भाग्य

वि.सं.२०७६ साल वैशाख ०७ गते । शनिबार । ईश्वी सन् २०१९ अप्रिल २० तारिख । नेपाल संवत् ११३९ । परिधावी संवत्सर । उत्तरायण । वसन्त ऋतु । श्रीशाके १९४० । वैशाख कृष्ण पक्ष । तिथि प्रतिपदा, २४ घडी ५४ पला, दिउसो ०३ बजेर ३५ मिनेट उप्रान्त द्वितीया । नक्षत्र स्वाती, ३४ घडी २९ पला,बेलुकी ०९ बजेर २५ मिनेट उप्रान्त विशाखा ।