'खानाबाट नेपाललाई विश्वसामु चिनाउने अभियानमा छौं ' : विनोद बराल

  • मंगलबार, १९ भदौ, २०७५
  • 5 months ago
  • युके

बेलायतको चर्चित बम्बे बाइसाइकल टेकवेमा २ दशकअघि नै नेपालीहरुमध्ये सबैभन्दा सिनियर एक्जुकेटिभ सेफ बनिसकेका थिए विनोद बराल । विश्वका ४० ओटा देशमा आफ्नो हस्पिटालिटी सेवा प्रदान गर्ने डु एण्ड को कम्पनीमा एसियन खानाको सम्पूर्ण ब्रान्ड हेर्ने ग्लोबल एक्जुकेटिभ सेफका रुपमा समेत आफुलाई प्रमणित गरिसकेका छन् उनले । बेलायतमा खाद्य व्यवसायमा लागेर ६० हजार भन्दा बढी सेफहरुसंग प्रत्यक्ष सम्बन्धमा रहेर काम गरिरहेका विनोद बरालसंग पत्रकार जगन कार्कीले गरेको कुराकानी । 

 

के मा व्यस्त हुनुहुन्छ हिजोआज ? 

म त हार्डकोर सेफ मान्छे । खाने कुराको व्यवसायसंगै ५७ वटा रेस्टुरेन्टमा संलग्नता छ । आफ्नै ३ वटा छन् तिनमै व्यस्त हुन्छु । अन्य धेरै रेस्टुरेन्टका साथीहरुबाट मेनु बनाइदिन , कन्सल्टेन्सी गराइदिनको लागि आग्रह आउंछ ।  मेरो आफ्नै कन्सल्टेन्सी छ स्पाइस पण्डित । त्यसबाट परामर्शको काम गर्छु । 

 

हाल २ वटा  रिटेल कम्पनिको नेपाल फुड्स र गोर्खा वियरका प्रोडक्ट प्रमोसन लगायत आरएनडी ( नयाँ उत्पादन र खोज) काम पनि गरिरहेको हुन्छु । यस अलावा विश्वव्यापी सेफहरुको संस्था ग्लोबल नेपाली सेफ फोरममा पनि रणनीतिक तथा ग्लोवल विभाग हेर्ने गरेको छु । 

 

धेरै व्यस्तताबीच कसरी व्यवस्थापन गर्नुहुन्छ आफ्नो समय ? 

हो, काम धेरै हुन्छन् । समय र स्रोत साधन सिमित हुन्छन् । म तिनीहरुको भरपुर प्रयोगमा विश्वास गर्छु । म बाटोमा हिड्दा पनि काम गरिरहेको हुन्छु । शौचालय बस्दा पनि मेरो दिमागले कामको बारेमा योजना बनाइरहेको हुन्छ । यो भन्दैमा म यति धेरै मेसिन जस्तो काम गर्ने मान्छे हैन । टिम बनाउने र टिम वर्कमा विश्वास गर्ने मान्छे हुँ  । 

 

हाल पेशा र व्यवसाय गर्न विगतको अनुभवले के कति सहयोग पुर्याइरहेको छ ? 

ग्लोबल फुड कम्पनीको एक्जुकेटिभ सेफ जस्तो पद सम्हाल्न पाउनु मेरो लागि अवसर र चुनौती दुवै थिए । तर मैले कम्पनीका लगानीकर्ताहरुलाई पनि जायज कुरामा औलो ठड्याएर काम गरेको छु । बेलायातमा सायद सबैभन्दा कम उमेरमा बम्बे बाइसाइकलमा पनि एक्जुकेटिभ सेफ भएर ५ वटाबाट बढाएर २२ वटा शाखा विस्तार गर्न सफल भएका थियौं । 

यति ठुलो लेभलमा काम गर्ने , हेर्ने र अनुभव लिने अवसर पाउनु मेरो लागि ठुलो कुरा थियो । त्यसले मलाई सपना देख्न र त्यसको पछि लाग्न सिकाएको छ । 

 

हिजो आज ग्लोबल नेपाली सेफ फोरम नाइन भनेर हिड्नुभएको छ , के उद्धेश्य रहेको छ यी संस्थाहरुको ? 

आफ्नो पेसा र व्यवसायका लागि त सबैले गर्छन् । अब सहकर्मी र आफ्नो समुदाय र राष्ट्रको लागि पनि केहि योगदान गर्ने उद्धेश्यले  विश्वभर छरिएर रहेका नेपाली सेफहरुको संगठन खोल्ने जमर्को गरेका हौँ । हामी सगरमाथा र  बुद्धले मात्र हैन, नेपाली खानेकुरा र  परिकारका माध्यमबाट पनि नेपाललाई विश्वमा चिनाउन सकिन्छ भनेर  त्यहि  अभियानमा लागि परेका  छौं । कसरी नेपाली खानेकुरा र रेसिपीहरुलाई अन्तराष्ट्रियकरण गर्न सकिन्छ र त्योसंगै नेपालको चिनारीलाई विश्वभर फैलाउन सकिन्छ भन्ने नै ग्लोबल नेपाली सेफ फोरमको उद्धेश्य रहेको छ । विश्वभर छरिएर रहेका नेपाली सेफहरुले कसरी आआफ्नो ठाउंबाट योगदान गर्न सकिन्छ भन्ने हाम्रो संकल्प  रहेको छ । 

 

नाइन ( नेप्लिज इनोभेटिभ नेटवर्क फर इन्टरपेनरसिप ) त उद्यमीहरुको संजाल हो । यहाँ जोडिएका व्यापार , व्यवसायी कसरी एक आपसमा सहयोगी बन्न सक्लान , सामुहिक लगानी र नयाँ व्यवसायिक अवसरहरुको खोजको लागि पनि एउटा सामुहिक चिन्तनको थलोको रुपमा हामीले विकास गर्न खोजेका छौं । 

 

ग्लोबल नेपाली सेफ फोरम कस्तो संस्था हो ? अब के गर्दै हुनुहुन्छ यसबाट ? 

यो विश्वभर छरिएर रहेका नेपाली सेफ हरुको संजाल हो । नेपालमा नेपाल सेफ फोरम यसको नेपाली रुप हो भने बेलायतमा अस्ति भार्खरै हामीले दर्ता गर्यौं ग्लोबल नेपाली सेफ फोरम युके भनेर । यसरी हरेक देशमा यसको संजाल रहेका छन् । ग्लोबल नेपाली सेफ फोरममा हाल विश्वभरका ९३ देशहरुमा फैलिएको संजालमा बाट ७ हजार भन्दा बढी सक्रिय सदस्यहरु रहेका छन् । जसमा विश्वभर छरिएर रहेका नेपाली खानाका सेफ , खाद्य व्यवसायी, खाद्य विज्ञान सम्बन्धी व्यक्तित्वहरु , खाद्य पत्रकार , रेस्टुरेन्ट व्यवसायी , क्याटरिङ्ग व्यवसायी , खानेकुराको सप्लायर्सहरु तथा किसानहरु छन् । 

 

नेपाललाई कसरी खाद्य पर्यटनमा विकास गर्ने, अब खानेकुराबाट कसरी पर्यटनलाई अझ परिस्कृत ढंगले प्रबर्धन गर्ने, नेपाली सेफहरुको पेशागत दक्षता कसरी सुधार गर्ने विषयका अलावा पेशाकर्मीहरुको हकहित संरक्षण गर्ने तथा समाज र नेपाली समुदायलाई योगदान गर्ने जस्ता हाम्रा मुख्य प्राथमिकता छन्  । 

 

भावी योजना के कस्ता छन् ? 

नेपाली खानेकुरालाई विश्वभर प्रबर्धन गर्दै , खानेकुराका माध्यमबाट देशलाई चिनाउने , खाद्य पर्यटनको प्रमोसन गर्दै भिजिट नेपाल २०२० लाई सफल बनाउन सहयोग गर्ने हाम्रा अहिलेका मुख्य उद्धेश्य छन् । 

अर्को वर्ष  टेस्टिंग नेपाल अर्थात् नेपाली खानेकुरासंगै नेपाल चाख्ने भन्ने अभियान बेलायतबाट सुरु गरी विश्वभर पुर्याउने योजनामा छौं । पर्यटन बोर्डको साथ र सहयोग रहेमा  अझ धेरै कार्यक्रमहरु साथै  लिएर जाने योजनामा छौं । 

 

 


थप समाचार

जो १ पैसा लगानी नउठ्दा पनि फिल्म बनाउन छोड्दैनन्

  • 31 minutes ago
जो १ पैसा लगानी नउठ्दा पनि फिल्म बनाउन छोड्दैनन्

'मैले फिल्मको लागि लगानी गर्नुअघि नै बुझेको हुन्छु यो पैसा उठ्दैन भनेर, त्यसैले यसलाई स्वीकार्न मलाई गार्हो हुंदैन ', प्रेम भन्छन्, 'मेलै देखेको छु अरुले बेलामौकामा होलिडे जाने, विभिन्न मनोरञ्जनका ला

यो हो विश्वकै धनी र खतरनाक आतंकवादी संगठन

  • 44 minutes ago
यो हो विश्वकै धनी र खतरनाक आतंकवादी संगठन

अन्तराष्ट्रिय आतंकवादी संगठनहरुले आर्थिक चलखेल कतिमा गर्छन् होला । सबैलाई उत्सुकताको विषय हुनसक्छ । कुनै पनि संगठन पैसाविना चल्दैन । चाहे त्यो घर निर्माण होस् या कुनै पनि सामाग्री किन्न नै किन नहोस् ।

वेद पुराण : के पुर्नजन्म हुन्छ त ?

  • 56 minutes ago
वेद पुराण : के पुर्नजन्म हुन्छ त ?

एजेन्सी । पुर्नजन्म अथवा पुर्वजन्मको कुरा याद आएका घटनाहरू समय समयमा आइरहन्छन् । विज्ञानले यस्तो कूरालाई पुर्ण रूपमा स्वीकार गर्दैन तर वेद पुराणमा मानिसको आत्माको यात्रा निरन्तर चलिरहने कुरा स्पष्ट रू



प्रेम र यौन

के हो राम्रो सेक्स ?

के हो राम्रो सेक्स ?

पुरुषहरु बढी सेक्सको बारेमा धेरै कुरा गर्छन् तर, महिलाहरु भने भित्रभित्रै धेरै सेक्सको चाहना धेरै राख्छन् । राम्रो सेक्स धेरै मानिसहरुका लागि अपरिहार्य कुरा हो । भोक लाग्दा खाना खाए जस्तै शरिरले मागेको बेलामा सेक्स गर्नु पनि साधारण कुरा हो । आजकाल धेरैजसो महिलाको आफ्नो पुरुषले शारिरिक सन्तुष्टि प्रदान गर्न नसकेको कुराहरु धेरै सुन्न पाइन्छ ।

जीवनशैली/स्वास्थ्य

ग्यास्ट्रिक तथा अल्सरसाथै यी समस्याहरूको अचुक औषधी डल्ले खुर्सानी

ग्यास्ट्रिक तथा अल्सरसाथै यी समस्याहरूको अचुक औषधी डल्ले खुर्सानी

एजेन्सी । खानाका परिकारलाई स्वादिष्ट बनाउन खुसार्नीको प्रयोग गर्छौं । त्यसमा नि डल्ले अर्थात अकबरे खुसार्नीलाई विशेष मानिन्छ । डल्ले खुर्सानीको नियमित प्रयोगले ग्यास्टिक तथा अल्सर जस्ता रोगको औषधी समेत हुन्छ ।

विचित्र विश्व

यो हो विश्वकै धनी र खतरनाक आतंकवादी संगठन

यो हो विश्वकै धनी र खतरनाक आतंकवादी संगठन

अन्तराष्ट्रिय आतंकवादी संगठनहरुले आर्थिक चलखेल कतिमा गर्छन् होला । सबैलाई उत्सुकताको विषय हुनसक्छ । कुनै पनि संगठन पैसाविना चल्दैन । चाहे त्यो घर निर्माण होस् या कुनै पनि सामाग्री किन्न नै किन नहोस् । अझ डरलाग्दा घटना घटाउन झन् धेरै खर्च हुन्छ । आतंवादी संगठनमा पनि भारी रकम खर्च हुने गर्छ ।