बेलायतको बर्मिङहममा घन्किए मौलिक तीजका भाकाहरु

  • मंगलबार, १९ भदौ, २०७५
  • 10 months ago
  • युके
Education Park

 

लण्डन । 

 

अर्को सालको तीजमा त जान्छु मेरै देशमा

लाली गुरांस फूल टिपेर लाउंछु केशमा....

 

सोमबार बर्मिङहममा आयोजना भएको तीज विशेष कार्यक्रम बेलायतका अन्य ठाउंमा भइरहने कार्यक्रम भन्दा विल्कुलै भिन्न बन्यो । रेकर्डेड गीतहरु बजाएर डिजे डान्स गर्ने र नेपालबाट आएका कलाकारले प्रत्यक्ष गाएर नचाउने आम ट्रेण्ड भन्दा फरक मौलिक तीजका भाकाहरु समेत कार्यक्रममा घन्किए । 

 

शान्ति नेपाली समाज बेलायतले आयोजना गरेको कार्यक्रममा नेपालबाट आएका झण्डै आधा दर्जन राष्ट्रिय कलाकारले  बेजोड प्रस्तुति गरेका थिए । सोहि अवसरमा आयोजित तीजगीत प्रतियोगितामा मिडल्यान्डका विभिन्न ठाउंबाट आएका ६ टोलीले सहभागिता जनाए । 

 

 

प्रतियोगी टोलीहरुले नेपालका गाउंघरमा गाइने तीजका मौलिक भाकाहरु आकर्षक रुपमा प्रस्तुत गरे । अधिकांश भाकाहरुमा परदेशका व्यथाहरु बोलेका थिए । नारीका वेदनादेखि नेपालको राजनीति र पार्टीहरुप्रतिका गुनासोहरु समेत गीतमा पोखिए ।

 

घरका जहान भेट हुन महिना कुर्नुपर्दछ

चाडवाडमा नि घरमा एक्लै आंशु झर्दछ....

 

प्रतिस्पर्धामा सिर्जनशिल लेस्टर नेपालको टोली प्रथम तथा मनकामना महिला समुह, वेस्ट बर्मिचको टोली  दोस्रो र हाम्रो नेपाली समाज, वुल्भरह्याम्पटनको टोली तेस्रो बने । 

 

विजयी टोलीहरुलाई क्रमश ३ सय, २ सय र १ सय पाउण्ड नगदसति प्रमाणपत्रबाट पुरस्कृत गरियो । आयोजक शान्ति नेपाली समाजका अध्यक्ष कृष्ण ढकाल, आइएमई लण्डनका निर्देशक कमल पौडेल लगायतले विजेताहरुलाई पुरस्कार वितरण गरे । 

 

कार्यक्रममा प्रस्तुतिका लागि आएका लोकदोहोरीका राष्ट्रिय कलाकारहरु विमलराज क्षेत्री, रमेशराज भट्टराई, कला पंगेनी, कला लम्साल र सिर्जु अधिकरीका साथै पत्रकार, सर्जक फडिन्द्र भट्टराई र मञ्जु भण्डारी खरेलले निर्णायकको भुमिका गरे । 

 

 

बर्मिङहमको ह्याग्ली रोडमा अवस्थित रिजेनी ब्यांकेटिङ हलमा संस्थाका अध्यक्ष कृष्ण ढकालको अध्यक्षतामा भएको कार्यक्रमको पहिलो चरणमा स्थानीय १ दर्जन बढि कलाकारहरुले तीजका गीतहरुमा आकर्षक नृत्य देखाएका थिए । 

अशोक भट्टराईले गायन प्रस्तुत गरे । समाजकी सक्रिय सदस्य सिता घिमिरे पौडेलले गजल वाचन गरिन् । त्यस्तै, नारायण बुढाथोकीको संयोजनमा प्रस्तुत गरिएको लाखे नाचले कार्यक्रममा रौनकता थप गरिदियो । 

 

 

कार्यक्रमा प्रमुख अतिथी चिरञ्जिवी ढकाल र विशेष अतिथी एनआरएन आइसिसी सदस्य रामशरण सिंखडाले शुभकामना मन्तव्य राखेका थिए । संस्थाकी उपाध्यक्ष सिता खरेलले स्वागत मन्तव्य दिइन् । कार्यक्रमको सञ्चालन सुनिता तिवारी र जानुका गैरेले गरेका थिए । 

 

कार्यक्रममा आयोजकले अपेक्षा गरेभन्दा पनि बढि झण्डै ८ सय जनाको सहभागिता थियो । मिडल्याण्डका लेस्टर, नटिङहम, वुल्भरह्याम्पटन लगायतका क्षेत्रका साथै लण्डनबाट समेत दर्जनौं दर्शकहरु कार्यक्रम हेर्न उपस्थित थिए । 

 

कार्यक्रमका प्रस्तुतिहरुबाहेक व्यवस्थापन र सञ्चालनको पक्षबाट पनि शान्ति नेपाली समाज बेलायतका अन्य नेपाली संघसंस्थाहरुमाझ उदाहरणीय र फरक देख्न सकिन्थ्यो । कार्यक्रमका त्यति धेरै सहभागीहरुको लागि समेत संस्थाका  सदस्य स्वयमसेवकहरुले कार्यक्रमस्थलमै आफै खाना पकाएर टेबल, टेबलमै सर्भ गरेका थिए । अरु कार्यक्रमहरुमा जस्तो धेरै भाषण पनि नरहेको कारण कार्यक्रम थप मनोरञ्जनात्मक बनेको थियो । 

 

 

(तस्बिरहरु : राजेन्द्र पौडेल र टिका अधिकारी )


थप समाचार

एनआरएन यूके अध्यक्षमा न्यौपानेको उम्मेदवारी घोषणा

  • 5 hours ago
एनआरएन यूके अध्यक्षमा न्यौपानेको उम्मेदवारी घोषणा

शनिबार प्लमस्टिडको गेसो हलमा घोषणासभा गरेर वर्तमान कार्यसमितिका उपाध्यक्ष न्यौपानेले आउँदो कार्यकाल को अध्यक्षको लागि उम्मेदवारी घोषणा गरे । 

युवाको उमेर १८ देखि ३५ वर्षलार्ई राख्न प्रस्ताव

  • 11 hours ago
युवाको उमेर १८ देखि ३५ वर्षलार्ई राख्न प्रस्ताव

काठमाडौँ । सरकारले युवाको उमेर समूह पाँच वर्ष घटाउने प्रस्ताव गरेको छ । राष्ट्रिय युवा परिषद्ले तयार पारेको ‘राष्ट्रिय युवा परिषद् ऐन–२०७२’ को पहिलो संशोधनमा युवाको उमेर १८ देखि ३५ वर्षलार्ई राख्न प्र

बुद्धका मूर्ति तोडिएकामा भिक्षु महासङ्घको विरोध

  • 12 hours ago
बुद्धका मूर्ति तोडिएकामा भिक्षु महासङ्घको विरोध

रुपन्देही । अखिल नेपाल भिक्षु महासङ्घले रुपन्देहीको तिलोत्तमा नगरपालिकाभित्र सिद्धार्थ राजमार्गको शङ्करनगर चोकदेखि नयाँ मिलसम्म सुनियोजित तवरमा एकै पटक पाँच वटा बुद्धमूर्ति तोडफोड भएको घटनाले शान्तिका



प्रेम र यौन

यौन शिक्षा– यस्तो बेलामा यौन सम्बन्ध नराखौं !

यौन शिक्षा– यस्तो बेलामा यौन सम्बन्ध नराखौं !

कस्तो अवस्थामा यौन सम्पर्क गर्ने र कस्तो अवस्थामा नगर्ने भन्ने आ–आफ्नै धारणा, तर्क सुनिन्छ । कतिपय अवस्थामा यौन सम्पर्क गर्नै हुन्न । महिलाले आफ्नो शिशुलाई स्तनपान गराईरहेको समयमा शिशुसँग रमाइरहेका हुन्छन् ।

जीवनशैली/स्वास्थ्य

भुलेर पनि यी ७ चिजहरुसगँ मह नखानुहोस्

भुलेर पनि यी ७ चिजहरुसगँ मह नखानुहोस्

नियमित महको सेवनले हाम्रो स्वास्थमा धेरै फाइदा पुर्याउछ । मानव स्वास्थको लागि बहुउपयोगी मानिन्छ । मह सही तरिकाले खाइएन भने यसले स्वास्थमा नराम्रो असर पनि गर्न सक्छ ।