नेपालमा लगानी र व्यापारका अवसरहरुबारे लण्डन दूतावासमा चर्चा

  • बुधबार, २८ कार्तिक, २०७५
  • 3 months ago
  • युके

तस्विरहरु : शिव भण्डारी 

 

लण्डन । लण्डनस्थित नेपाली दूतावासमा मंगलबार सांझ नेपालमा लगानी तथा व्यापारका लागि रहेका विभिन्न अवसरहरुका सम्बन्धमा चर्चा भयो ।

 

दूतावास र ब्रिटेन नेपाल चेम्बर अफ कमर्स (बिएनसिसी) मिलेर आयोजना गरिएको कार्यक्रमका सहभागीहरुले नेपालमा विदेशी लगानी तथा व्यापारको लागि अहिले अनुकुल समय रहेको धारणा राखे ।

 

मुलुकमा अहिले स्थापित भएको राजनीतिक स्थिरता, बहुमतप्राप्त स्थायी सरकार तथा सरकारले आर्थिक समृद्धिको मुलमन्त्र आत्मसात गरेको जस्ता सन्दर्भहरुमा नेपालमा लगानीमैत्री वातावरण सिर्जना भएको ठहर उनीहरुको थियो ।

 

कार्यक्रमका प्रमुख अतिथि नेपाल सरकारको परराष्ट्र मन्त्रालयका सचिव शंकरदास वैरागीले नेपाल लगानीको लागि 'भर्जिन ल्याण्ड' रहेको उल्लेख गर्दै प्रतिस्पर्धा शुन्यप्राय रहेकाले विदेशी लगानीको लागि नाफा ग्यारेन्टीसहितको अवसर रहेको बताए । 

 

विदेशी लगानीलाई आकर्षित गर्न तथा लगानीमैत्री वातावरण सिर्जना गर्न सरकार प्रतिबद्ध रहेको जनाउंदै उनले सोहिअनुसार थप सहज नीति तथा व्यवस्था निर्माणको लागि प्रक्रिया अघि बढेको जानकारी पनि दिए । 

बेलायत र नेपालीचको दुई शताब्दी लामो सम्बन्ध सदैव उत्तम अवस्थामा रहेको तथा आगामी दिनमा दुवै पक्षलाई हित हुने गरी यो सम्बन्धलाई थप सुदृढ गर्न नेपाल प्रतिबद्ध रहेको उनको भनाइ थियो । 

 

परराष्ट्र सचिव शंकरदास वैरागी

 

नेपालका लागि बेलायतका राजदूत रिचर्ड मोरिसले नेपालमा पछिल्लो समय लगानीको लागि थप सहज वातावरण निर्माण भएको बताए । 

 

'स्थायी सरकारले सरकारका नीति तथा कार्यक्रमहरुमा पनि स्थायीत्व सुनिश्चित गर्छ', राजदूत मोरिसले भने, 'लगानीकर्ताहरुको चाहनाअनुसार सरकारले गरेका प्रतिबद्धता र निर्माण गरेका नीतिहरु कार्यान्वयनका लागि पर्याप्त समय रहन्छ ।'

 

नेपालको सबैभन्दा पुरानो मित्रराष्ट्र तथा आर्थिक विकासको एक महत्वपुर्ण साझेदार मुलुकका रुपमा बेलायतले नेपालमा लगानी तथा व्यापारका क्षेत्रमा भएका सकारात्मक परिवर्तनहरुलाई स्वागत गर्ने र सोहिअनुसार आवश्यक सहयोगको लागि तयार रहने उनले बताए । 

 

नेपालका लागि बेलायतका राजदूत रिचर्ड मोरिस

 

 

स्वागत मन्तव्य राख्दै बेलायतका लागि नेपाली राजदूत डा दुर्गाबहादुर सुवेदीले नेपालको वर्तमान सरकारले आर्थिक विकासलाई आफ्नो प्राथमिक लक्ष्य बनाएको तथा व्यापार र लगानीलाई उत्साहित गर्न उदार आर्थिक नीतिहरु ल्याएको जानकारी गराए । 

 

देशमा विदेशी लगानी बढाउने उद्धेश्यले नीतिहरु तथा वातावरण निर्माण भइरहेको उल्लेख गर्दै राजदूत डा सुवेदीले हाइड्रो, पर्यटन, शिक्षा, स्वास्थ्य, सुचना तथा प्रविधि लगायतका विभिन्न क्षेत्रमा लगानीलाई प्रोत्साहित गरिएको बताए । 

 

बेलायतका लागि नेपाली राजदूत डा दुर्गाबहादुर सुवेदी

 

कार्यक्रममा नेपालको लागि बेलायतको सर्वदलीय संसदीय समितिका उपप्रमुख लर्ड शेख, बिएनसिसी सल्लाहकार लर्ड अर्ल अफ स्याण्डविच,  बेलायती राजनीतिज्ञ किसन देवानी लगायतले मन्तव्य राख्दै नेपालमा लगानी र व्यापारको लागि असंख्य अवसरहरु रहेको चर्चा गरे ।  उनीहरुले बेलायत र नेपालबीचको व्यापार सम्बन्धलाई थप बिस्तार गर्नुपर्नेमा जोड दिए । 

 

कार्यक्रममा ब्रिटेन नेपाल चेम्बर अफ कमर्सका अध्यक्ष राजन कंडेलले नेपालमा व्यापार तथा लगानीका लागि रहेका अवसरहरुबारे एक प्रिजेन्टेसन गरेका थिए । नेपालमा सफलतापूर्वक विभिन्न व्यापार तथा लगानी गरिरहेका विदेशी कम्पनीहरुको उदाहरण प्रस्तुत गर्दै अध्यक्ष कंडेलले नेपालमा हाईड्रो र पर्यटनका अलावा शिक्षा, स्वास्थ्य, सुचना तथा प्रविधि, पूर्वाधार विकास लगायतका क्षेत्रमा पनि लगानीको लागि प्रशस्त अवसरहरु रहेको उल्लेख गरे । 

 

ब्रिटेन नेपाल चेम्बर अफ कमर्सका अध्यक्ष राजन कंडेल

 

बेलायती दातृ निकाय डिएफआईडिले गरिरहेका कार्यहरुबारे भेरिटी म्याकक्रमले प्रिजेन्टेसन गरेकी थिइन्  । त्यस्तै, पूर्वी नेपालमा विद्युतिकरणका लागि समुदायले व्यवस्थापन गरेका इन्टरप्राइजेज तथा फाइबर प्रोडक्टको मार्केटिंग तथा प्रोसेसिङका बारेमा गरिएको केस स्टडीबारे ट्रान्ज रुरल ट्रस्टका ट्रेभर लुसीले तथा नेपालमा हाईड्रोपावरको क्षेत्रमा रहेका अवसरहरुबारे ईञ्जिनियर रामहरि पौडेलले छुट्टाछुट्टै प्रिजेन्टेसन गरेका थिए । नेपालमा बेलायती लगानीलाई प्रोत्साहन गर्न बिएनसिसीले गरिरहेका कार्यहरुबारे रिचर्ड पेलीले बताएका थिए । 

 

कार्यक्रममा बेलायत तथा नेपाल सरकारका अधिकारीहरुको साथै नेपालमा विभिन्न लगानी तथा व्यापारमा संलग्न बेलायती तथा नेपाली समुदायका लगानीकर्ता, व्यवसायी , ईच्छुक लगानीकर्ता , बेलायतस्थित नेपाली संघसंस्थाका प्रतिनिधी लगायतको सहभागिता थियो । कार्यक्रमको सञ्चालन लण्डन दूतावासका उपप्रमुख शरदराज आरनले गरेका थिए ।

 

 

कार्यक्रमको अन्त्यमा प्रसुना कंडेल, सुस्मिता थापा, बिनु लामिछाने, जुनु श्रेष्ठ सहितका कलाकारले  सांस्कृतिक प्रस्तुति देखाएका थिए । 

 

लण्डनस्थित नेपाली दूतावासमा नेपाल डेभलपमेन्ट कन्फरेन्सको चौंथो श्रृंखलाका रुपमा  लगानी तथा व्यापारसम्बन्धी यो कार्यक्रम आयोजना गरिएको हो । 

 

 


थप समाचार

ध्यान गर्दा यस्तो अचम्मको फाइदा !

  • 5 minutes ago
ध्यान गर्दा यस्तो अचम्मको फाइदा !

ध्यान गरेरै मनमा हुने अनेक अशान्तिबाट टाढा रहन सकिन्छ । ध्यान गर्दा मन एकाग्र हुने भएकाले बाहिरी कामबाट हुने भय, डर, चिन्तालाई हटाउन सकिन्छ । त्यस्तै आफूमा धैर्यताको विकास गर्न ध्यान गर्न आवश्यक छ ।

स्मरण शक्ति बढाउन यसो गर्नुस्...

  • 17 minutes ago
स्मरण शक्ति बढाउन यसो गर्नुस्...

-निद्राका कारण हाम्रो स्मरण शक्ति क्षीण भइरहेको हुन्छ । यसर्थ, दिमागलाई सदा चनाखो राख्न पर्याप्त निद्रा आवश्यक छ ।

यस्तो रहेको छ आजको तपाईको भाग्य !

  • 38 minutes ago
यस्तो रहेको छ आजको तपाईको भाग्य !

वि.सं.२०७५ साल फाल्गुन १० गते । शुक्रबार । ईश्वी सन् २०१९ फेब्रुवरी २२ तारिख । नेपाल संवत् ११३९ । विरोधकृत् संवत्सर । उत्तरायण । शिशिर ऋतु । श्रीशाके १९४० । फाग्गुन कृष्ण पक्ष । तिथि तृतीया, २१ घडी २३



प्रेम र यौन

के हो राम्रो सेक्स ?

के हो राम्रो सेक्स ?

पुरुषहरु बढी सेक्सको बारेमा धेरै कुरा गर्छन् तर, महिलाहरु भने भित्रभित्रै धेरै सेक्सको चाहना धेरै राख्छन् । राम्रो सेक्स धेरै मानिसहरुका लागि अपरिहार्य कुरा हो । भोक लाग्दा खाना खाए जस्तै शरिरले मागेको बेलामा सेक्स गर्नु पनि साधारण कुरा हो । आजकाल धेरैजसो महिलाको आफ्नो पुरुषले शारिरिक सन्तुष्टि प्रदान गर्न नसकेको कुराहरु धेरै सुन्न पाइन्छ ।

जीवनशैली/स्वास्थ्य

ध्यान गर्दा यस्तो अचम्मको फाइदा !

ध्यान गर्दा यस्तो अचम्मको फाइदा !

ध्यान गरेरै मनमा हुने अनेक अशान्तिबाट टाढा रहन सकिन्छ । ध्यान गर्दा मन एकाग्र हुने भएकाले बाहिरी कामबाट हुने भय, डर, चिन्तालाई हटाउन सकिन्छ । त्यस्तै आफूमा धैर्यताको विकास गर्न ध्यान गर्न आवश्यक छ ।

विचित्र विश्व

यी कार्यहरु गरेपछि अवश्य नुहाउनुहोस्

यी कार्यहरु गरेपछि अवश्य नुहाउनुहोस्

काठमाडौँ । हिन्दु शास्त्रमा नुहाउनु बाहेक हात खुट्टा धुने समयबारे पनि महत्वका साथ प्रस्ट्याइएको छ । शास्त्रका अनुसार घर पुगेपछि मानिसले जहिले पनि हात खुट्टा धुनुपर्छ । भोजन ग्रहण गर्नुपुर्व र यस पछाडि हात खुट्टा धुनुपर्छ ।