विवाहपछि अभिनय छाडेका यी बलिउड अभिनेत्रीहरु

बलिउडका थुप्रै चर्चित अभिनेत्रीहरुले विवाहपछि फिल्मी करिअर छोडेका छन् । विभिन्न कारणले उनीहरु अभिनयबाट बाहिरिएका हुन् । 

 

असिन

 

आमिर खानसँग ‘गजनी’ फिल्ममा अभिनय गरेर चर्चा कमाएकी अभिनेत्री असिनले पनि बिहेपछि फिल्म अभिनय बन्द गरिन् । सन् २०१६ मा व्यापारी राहुल शर्मासँग बिहे गरेकी असिन हाल ३१ वर्षकी भइन् । गजनी हिट भएपछि उनले थुप्रै फिल्ममा अभिनय गरिन् । उनले गजनीका साथै ‘लन्डन ड्रिम्स’, ‘हाउसफुल–२’, ‘बोल बच्चन’, ‘खिलाडी ७८६’, ‘अल इज वेल’लगायतका फिल्ममा अभिनय गरेकी छिन् । उनले बिहे गरेउप्रान्त फिल्म नखेल्ने घोषणै गरेकी थिइन् ।

 

नेहा बाजपेयी

 

 

अभिनेता मनोज बाजपेयकी पत्नी नेहालाई बलिउडमा सवाना रजाका नामले पनि चिनिन्छ । उनले सन् १९९८ मा बनेको ‘करिब’ फिल्मबाट हिरोइनका रूपमा डेब्यु गरेकी थिइन् । सो फिल्ममा नेहा बबी देओलकी प्रेमिकाको भूमिकामा थिइन् । सन् २००६ मा मनोजसँग बिहे गरेपछि नेहाले फिल्म अभिनयबाट सन्यास नै लिइन् । उनले ‘होगी प्यारकी जित’, ‘फिजा’, ‘एहसास–द फिलिङ्स’, ‘राहुल’, ‘मुस्कान’, ‘करम’, ‘कोही मेरे दिल मे है’, ‘एसिड फ्याक्ट्री’लगायतका फिल्ममा अभिनय गरेकी थिइन् । नेहा र मनोजकी एक छोरी छिन् । ४२ वर्षीया नेहा सञ्जय दत्तको बायोपिक फिल्ममा सानो भूमिकामा देखापर्न लागेको खबर पनि आएको छ ।

 

गायत्री जोशी

 

गायत्री विभिन्न टेलिसिरियलकी चर्चित अभिनेत्री हुन् । शाहरुख खानसँग ‘स्वेदश’ फिल्ममा अभिनय गरेकी गायत्रीले पनि बिहेपछि फिल्मी करिअर समाप्त गरेकी हुन् । व्यापारी विकास ओबरायसँग सन् २००५ मा बिहे गरेपछि अभिनय जीवन त्यागेकी गायत्री अहिले ४३ वर्षकी भइन् । उनी अचेल दुई बच्चाको स्याहारसुसारमा व्यस्त छिन् ।

 

ट्विंकल खन्ना

 

अक्षयकुमारकी पत्नी ट्विंकल खन्ना पनि एक समयकी निकै व्यस्त हिरोइन हुन् । सुपरस्टार राजेश खन्नाकी छोरी ट्विंकलले पनि बिहेपछि फिल्म अभिनय बन्द गरेकी हुन् । सन् १९९५ मा बनेको ‘वर्षात्’ फिल्मबाट करिअर सुरु गरेकी ट्विंकल र अक्षयको सन् २००१ मा बिहे भएको हो । उनले वर्षात्पछि ‘जान’, ‘जब प्यार किसिसे होता है’, ‘मेला’, ‘जोरका गुलाम’, ‘जोडी नम्बर १’, ‘लभके लिए कुछ भी करेगा’लगायतका थुप्रै फिल्ममा अभिनय गरेकी छिन् । हाल ४३ वर्षीया ट्विंकलले बिहेपछि फिल्म अभिनय छाडेर घरपरिवार सम्हालेकी हुन् ।

 

नम्रता सिरोडकर

 

पूर्वमिस इन्डिया नम्रता सिरोडकरले पनि बिहेपछि फिल्मी करिअर त्यागिन् । ‘वास्तव’, ‘पुकार’, ‘ब्राइड एन्ड प्रिज्युडिस’लगायतका फिल्ममा अभिनय गरेकी नम्रताले साउथ इन्डियन हिरो महेश बाबुसँग सन् २००५ मा बिहे गरिन् । ४५ वर्षीया नम्रता अचेल दुई बच्चाको रेखदेखमा व्यस्त छिन् । उनी पुनः फिल्म अभिनयमा आउन चाहन्नन् ।

 

संगीता बिजलानी

 

९० को दशकमा आफ्नो सुन्दरता र अभिनय कलाका कारण संगीताले बलिउडमा आफ्नो स्थान बनाएकी थिइन् । २० वर्षको उमेरमै मिस इन्डियाको उपाधि जितेकी संगीताले सन् १९८८ मा ‘कातिल’ फिल्मबाट डेब्यु गरेकी थिइन् । त्यसपछि उनले ‘हतियार’, ‘बटवारा’, ‘त्रिदेव’, ‘जुर्म’, ‘इज्जत’, ‘युगान्धर’, ‘योद्धा’, ‘खुनका कर्ज’लगायतका फिल्ममा अभिनय गरिन् । सन् १९९६ मा भारतीय क्रिक्रेट टिमका पूर्वकप्तान मोहम्मद अजहरुद्धिनसँग बिहे गरेकी संगीताले त्यसपछि फिल्म अभिनयबाट बिदा लिइन् । सन् २०१० मा संगीता र मोहम्मदको सम्बन्धविच्छेद भयो । तर, पनि संगीता फिल्ममा पुनः देखिएकी छैनन् । हाल ५६ वर्षीया संगीता र सलमान खानको अफेयरले एकताका निकै चर्चा पाएको थियो ।

 

अमृता अरोडा

 

अमृता अरोडा पनि एक समयकी चर्चित अभिनेत्री हुन् । सन् २००२ मा ‘कितने दुर कितने पास’नामक फिल्मबाट हिरोइन बनेकी उनले त्यसपछि ‘कमबक्त इस्क’, ‘गर्लफ्रेन्ड’, ‘फाइट क्लब’लगायतका थुप्रै फिल्ममा अभिनय गरेकी छिन् । सन् २००९ मा सकिल लडकसँग बिहे गरेपछि भने उनले फिल्म अभिनय चुटुक्कै छाडिन् । दुई बच्चाकी माता ३६ वर्षीया अमृता फिल्मी पार्टीमा भने देखापर्ने गर्छिन् । तर, अब फेरि फिल्म अभिनयमा फर्किने सोच भने छैन उनको ।

 


थप समाचार

भ्रष्टाचारको ओझेलमा परेको उपलब्धि

  • 4 minutes ago
भ्रष्टाचारको ओझेलमा परेको उपलब्धि

काठमाडौं । डेढ दशक लामो प्रजातान्त्रिक कालखण्डको भ्रष्टाचार र बेथितिप्रति प्रायश्चित्त गर्दै प्रमुख दलहरूले त्यस्तो गल्ती नदोहोर्‍याउने प्रतिबद्धता जनाएका थिए ।

मरेका व्यक्तिको जग्गा अधिकृतको मिलेमतोमा किर्ते

  • 5 minutes ago
मरेका व्यक्तिको जग्गा अधिकृतको मिलेमतोमा किर्ते

काठमाडौं । कर्मचारीको मिलेमतोमा मरेका व्यक्तिको जग्गा किर्ते गरी नामसारी गरेको पाइएको छ । सुनसरी धरानका तत्कालीन मालपोत अधिकृत फडिन्द्र भट्टराईसहित पाँच कर्मचारी किर्तेमा संलग्न देखिएको अख्तियारले जना

डडेल्धुरामा बस दुर्घटना हुँदा ६ को मृत्यु, २६ जना घाइते

  • 8 minutes ago
डडेल्धुरामा बस दुर्घटना हुँदा ६ को मृत्यु, २६ जना घाइते

बझाङ । डडेल्धुरामा बस दुर्घटना हुँदा ६ जना मृत्यु भएको छ, भने २६ जना घाइते भएका छ्न् । भीमदत्त राजमार्गअन्र्तगत जिल्लाको गन्यपाधुरा गाउँपालिका–१ को साहुखर्क नजिकै बुधबार बिहान पौने ५ बजेतिर बस दुर्घटन



प्रेम र यौन

अविस्मरणीय सुहागरातका लागि

अविस्मरणीय सुहागरातका लागि

विवाह पहिले यौन सम्पर्क गर्नु वा नगर्नु व्यक्तिको निर्णय हो । नवविवाहित दम्पतीले कौमार्यकै आधारमा एक अर्कालाई परीक्षण गर्नु उपर्युक्त हुँदैन । जोडीको ध्यान र क्रियाकलाप आफ्नो पहिलो यौन क्रियाकलापलाई कसरी खास बनाउने भन्नेमा केन्द्रीत हुनुपर्छ ।

जीवनशैली/स्वास्थ्य

यस्तो रहेको छ तपाईको आजको भाग्य

यस्तो रहेको छ तपाईको आजको भाग्य

वि.सं.२०७६ साल वैशाख ११ गते । बुधबार । ईश्वी सन् २०१९ अप्रिल २४ तारिख । नेपाल संवत् ११३९ । परिधावी संवत्सर । उत्तरायण । वसन्त ऋतु । श्रीशाके १९४० । वैशाख कृष्ण पक्ष । तिथि पञ्चमी, २१ घडी १२ पला, दिउँसो ०२ बजेर ०२ मिनेट उप्रान्त षष्ठी । नक्षत्र मूल, ३८ घडी ४० पला, बेलुकी ०७ बजेर ०१ मिनेट उप्रान्त पूर्वाषाढा ।

विचित्र विश्व

याद गर्नु भएको छ ? घडीको विज्ञापनमा सँधै किन बजेको हुन्छ १०ः१० ?

याद गर्नु भएको छ ? घडीको विज्ञापनमा सँधै किन बजेको हुन्छ १०ः१० ?

एजेन्सी । घडी लगाउनमा हामीमध्ये सवै सौखिन नै हुन्छौ । नयाँ – नयाँ प्रविधिसँगै बजारमा धेरै थरिका घडी पनि पाइन्छन् । हामी घडी किन्छौ लगाउँछौ । र छिनछिनमै समयपनि हेर्छौ ।