ब्रेक्जिटको समयसीमा ६ महिना थप, नयाँ डेडलाइन ३१ अक्टोबर

  • बिहीबार, २८ चैत, २०७५
  • 1 year ago
  • युके

 

लण्डन । युरोपेली संघबाट बेलायतको बहिर्गमन (ब्रेक्जिट) को लागि अक्टोबर ३१ को नयाँ डेडलाइन निर्धारण गरिएको छ । 

 

ब्रेक्जिटको समयसिमा जुन ३० सम्मको लागि बढाउन बेलायतले युरापेली संघसमक्ष आग्रह गरेकोमा संघले ६ महिनाको म्याद थप गरिदिने निर्णय लिएको हो । बुधबार युरोपेली संघका अरु २७ सदस्य राष्ट्रहरुबीच भएको छलफलपछि यो निर्णय लिइएको हो । 

 

यससंगै यहि शुक्रबार अप्रिल १२ को डेडलाइनमा बेलायत कुनै डिल संघबाट बाहिरिने सम्भावना टरेको छ । अक्टोबर ३१ सम्मको डेडलाइन तोकिएपनि यदि बेलायती संसदले त्यसभन्दा अघि नै सम्झौतामा सहमति जुटाएर प्रक्रिया टुंिगयो भने बेलायत डेडलाइन अघिनै संघबाट बाहिरिन सक्नेछ । 

 

अब मे २२ मा हुने युरोपियन संसदको निर्वाचनमा भने बेलायतले पनि भाग लिनुपर्नेछ । यदि बेलायतले युरोपियन निर्वाचन नगरेको अवस्थामा भने जुन १ मा उसले बिना कुनै डिल संघबाट बाहिरिनुपर्नेछ । 

 

बेलायती प्रधानमन्त्री मेले सकेसम्म थोरै समय थप गराउने भन्दै जुन मसान्तसम्मलाई मात्र प्रक्रिया लम्ब्याउन चाहेकी थिइन् । तर युरोपेली संघका बहुमत सदस्यहरुले भने लामो म्याद थपको पक्षमा मत दिएपछि अन्ततः संघले सर्वसम्मतिमा ६ महिना म्याद थपको निर्णय लिएको हो । 

 

६ महिना समससिमा बढाइएपछि युरोपियन परिषदका अध्यक्ष डोनाल्ड टस्कले बेलायतलाई थप गरिएको समयको सदुपयोग गर्न आग्रह गरेका छन् । बेलायतसंग आफ्नो नीतिमा पुनर्विचार गरेर ब्रेक्जिट नै रद्ध गर्नेसम्मको विकल्प रहेको उनले बताएका छन् । 

 

बेलायती प्रधानमन्त्री टेरेसा मेले भने ६ महिना म्याद थपिएपनि त्यसभन्दा अघि नै प्रक्रिया पूरा गर्न कोशिस गर्ने बताएकी छन् । 

 

सुरुमा मार्च २९ को लागि निर्धारित ब्रेक्जिट पहिलोपटक म्याद बढाएर अप्रिल १२ सम्म पुर्याइएको थियो । तर बढाइएको यो समयभित्र पनि प्रक्रिया निश्कर्षमा नपुगेपछि बेलायतले थप समय बढाउन आग्रह गरेको थियो । 

 

बेलायती प्रधानमन्त्री टेरेसा मेले युरोपेली संघसंग गरेको ब्रेक्जिट सम्झौताको सहमति लगातार तीन पटकसम्म बेलायती संसदमा अस्वीकृत बनेपछि प्रक्रिया गतिरोधमा अल्झिएको छ । 

 


थप समाचार

'कोराना रोगसँग त लडौँला भन्ने थियो अब भोकले पो मर्ने भइयो'

  • 8 minutes ago
'कोराना रोगसँग त लडौँला भन्ने थियो अब भोकले पो मर्ने भइयो'

झापा । “कोराना रोगसँग त लडौँला भन्ने थियो अब भोकले पो मर्ने भइयो”, झोलाभरि सुकेका चैते धानका बाला बोकेर बुधबार झापा गौरादह नगरपालिकाको कृषि शाखा कार्यालयमा हस्याङ–फस्याङ गर्दै आएका विमला धमला र सुजाता

गणतन्त्र ल्याउन लडेका सबै शक्ति एक हुनु आवश्यक भएको प्रचण्डको भनाई

  • 11 minutes ago
गणतन्त्र ल्याउन लडेका सबै शक्ति एक हुनु आवश्यक भएको प्रचण्डको भनाई

काठमाडौँ । सत्तारुढ दल नेपाल कम्युनिष्ट पार्टी (नेकपा)का अध्यक्ष पुष्पकमल दाहाल ‘प्रचण्ड’ले गणतन्त्र ल्याउन लडेका सबै शक्तिहरु एकताबद्ध हुनुपर्ने बताएका छन् । गणतन्त्र दिवसको अवसरमा बिहीबार शुभ

बाँकेमा अनिश्चितकालीन निषेधाज्ञा

  • 15 minutes ago
बाँकेमा अनिश्चितकालीन निषेधाज्ञा

बाँके । जिल्ला प्रशासन कार्यालय बाँकेले जिल्लाभर अर्को आदेश नभएसम्मका लागि निषेधाज्ञा जारी गरेको छ । प्रमुख जिल्ला अधिकारी रामबहादुर कुरुम्वाङ सरुवा भएर आएकै दिन जिल्ला सुरक्षा समितिको बैठकबाट बुधबा



प्रेम र यौन

कोरोना भाइरसको संक्रमण फैलिरहेको बेला ‘पोर्न साइट’हरुको यस्तो धन्दा

कोरोना भाइरसको संक्रमण फैलिरहेको बेला ‘पोर्न साइट’हरुको यस्तो धन्दा

एजेन्सी । चीनको वुहानबाट फैलिएको कोरोना भाइरस हाल विश्वव्यापी बनिरहेको छ । कोरोनाको कारण मानिसको दैनिकीसँगै विश्व अर्थतन्त्र नै धराशायी बनिरहेको अवस्थामा ‘पोर्न साइट’हरुले भने अलग खालको धन्दा चलाउन थालेका छन् ।

जीवनशैली/स्वास्थ्य

श्रीमतीलाई खुसी राख्न कपडा धोइदिनुहोस्

श्रीमतीलाई खुसी राख्न कपडा धोइदिनुहोस्

तपाई आफ्नी पार्टनर या श्रीमतीलाई खुसी राख्न के गर्नु हुन्छ ? नयाँ–नयाँ गिफ्ट या मिठा खानेकुरा ल्याएर फकाउनु हुन्छ होला । तर, अब उनीहरुलाई खुसी राख्न त्यती कष्ट गर्नु पर्दैन । मात्र कपडा धोईदिए पुग्छ । ब्रिटेनमा भएको एक अध्ययनले यस्तो पत्ता लागेको हो ।