ब्रेक्जिट सम्झौतामाथि बेलायती संसदमा मतदान हुँदै, पास नहुने लगभग निश्चित

  • मंगलबार, १ माघ, २०७५
  • 3 months ago
  • युके

 

लण्डन । युरोपेली संघबाट बेलायतको बहिर्गमनसम्बन्धी ब्रेक्जिट सम्झौतामाथि आज बेलायतको संसदमा मतदान हुंदैछ । 

 

प्रमुख विपक्षी लेबरसहितका अन्य विपक्षी दल र सत्तारुढ कञ्जरभेटिभ पार्टीकै झण्डै १ सय सांसदले सम्झौताको विपक्षमा मतदान गर्ने तयारी गरिरहंदा सम्झौता संसदबाट पास नहुने निश्चितप्राय छ । 

 

मंगलबार सांझ ७ बजेदेखि सम्झौताको पक्ष र विपक्षमा सांसदहरुको मतदान सुरु हुनेछ । मतदान सकिएको केहि मिनेटभित्रै नतिजा सार्वजनिक हुने अपेक्षा गरिएको छ । विगत ५ दिनदेखि सम्झौताका विषयमा चलेको संसदीय बहसको समापनपछि मतदानको कार्यक्रम सञ्चालन गरिनेछ । 

 

यसअघि सोमबार मात्रै उपल्लो सदन हाउस अफ लर्डस्मा सम्झौतामाथि मतदान हुंदा पक्षमा १ सय ५२ र विपक्षमा  ३ सय २१ मत परेको थियो । मंगलबार हाउस अफ कमन्सबाट समेत सम्झौता भारी मतले अस्वीकृत हुने देखिएको छ । 

 

संसदीय मतदानको पूर्वसन्ध्यामा सोमबार प्रधानमन्त्री टेरेसा मेले सम्झौताको पक्षमा मत दिन सांसदहरुलाई पुनः आव्हान गरेकी छन् । सम्झौता संसदबाट पास हुन नसकेको अवस्थामा ब्रेक्जिट नै धरापमा पर्न सक्ने भन्दै प्रधानमन्त्रीले जनमत संग्रहमा जनताबाट अभिव्यक्त मतको कदर गर्न आग्रह गरेकी छन् ।

 

सांसदहरुलाई कन्भिन्स गर्ने आफ्नो अन्तिम कसरतमा प्रधानमन्त्री मेले ब्रेक्जिट लागु हुन नसके प्रजातन्त्र र समग्र राजनीतिमाथिको बेलायती जनताको विश्वास नै हराएर जाने दाबी गरेकी छन् । 

 

उता विपक्षी लेबर पार्टीले भने आम निर्वाचन नै अहिलेको उत्तम विकल्प रहेको बताएको छ । सम्झौता संसदमा पास नभए प्रधानमन्त्रीविरुद्ध अविश्वासको प्रस्ताव दर्ता गर्ने र मुलुकलाई आम निर्वाचनमा लैजाने आफ्नो रणनीति लेबरले सार्वजनिक गरिसकेको छ ।

 

अहिले अनुमान गरिएजस्तै सम्झौता पास नभएको अवस्थामा संसदमा वैकल्पिक प्रस्ताव ल्याउनको लागि प्रधानमन्त्री मेले अरु ३ दिनको समय प्राप्त गर्नेछिन् । उक्त प्रस्ताव पनि अस्वीकृत भएको अवस्थाको लागि कञ्जरभेटिभका सिनियर सांसदहरुले युरोपियन युनियन विथड्रल नम्बर २ बिल प्रस्ताव गरेका छन् । जसले सरकारलाई अर्को प्रस्तावसहित आउन थप ३ साताको समय उपलब्ध गराउनेछ । 

 

मार्च २९ को लागि निर्धारित ब्रेक्जिटको डेडलाइन नजिकंदै जांदा समयभित्रै प्रक्रिया पूरा हुने सम्भावना न्यून बन्दै गएको छ । प्रधानमन्त्रीको सम्झौता प्रस्ताव बेलायती संसदबाट पास हुन नसके बिना सम्झौता मार्च २९ मा बहिर्गमन हुने, डेडलाइन पर सारेर युरोपेली संघसंग थप वार्ता गर्ने, लेबरले माग गरेजस्तै आम निर्वाचन गरेर नयां सरकार बनाउने र त्यहि सरकारले युरोपसंग सम्झौता गर्ने वा फेरि जनमत संग्रह गर्ने जस्ता विभिन्न विकल्पहरुमा बहस भइरहेका छन् । 

 


थप समाचार

डडेल्धुरामा बस दुर्घटना अपडेट : मृत्यु हुने पाँच जनाकाे सनाखत, ३४ जना घाइते (नामावली सहित)

  • 8 minutes ago
डडेल्धुरामा बस दुर्घटना अपडेट : मृत्यु हुने पाँच जनाकाे सनाखत, ३४ जना घाइते (नामावली सहित)

डोटी । डडेल्धुराको गन्यापधुरा गाउँपालिका–१ साहुँखर्कमा आज बिहान कर्णाली रिभर यातायातको बस दुर्घटना भएको छ ।

विदेश जाने सोचमा हुनुहुन्छ, थाहापाउनुहोस् विश्वकै सबैभन्दा खतरनाक सहरहरुबारे

  • 14 minutes ago
विदेश जाने सोचमा हुनुहुन्छ, थाहापाउनुहोस् विश्वकै सबैभन्दा खतरनाक सहरहरुबारे

एजेन्सी । मेक्सिकोको लस क्यावस सहर विश्वकै असुरक्षित सहरका रुपमा परिचीत रहेको छ ।

नेपालमा ८.५ रेक्टर स्केलको भुकम्प जानसक्ने सम्भावनाः अनुसन्धानकर्ता

  • 38 minutes ago
नेपालमा ८.५ रेक्टर स्केलको भुकम्प जानसक्ने सम्भावनाः अनुसन्धानकर्ता

एजेन्सी । हिमालय क्षेत्रमा शक्तिशाली भुकम्प जाने प्रवल सम्भावना रहेको भारतीय वैज्ञानिकहरुले बताएका छन् ।



प्रेम र यौन

अविस्मरणीय सुहागरातका लागि

अविस्मरणीय सुहागरातका लागि

विवाह पहिले यौन सम्पर्क गर्नु वा नगर्नु व्यक्तिको निर्णय हो । नवविवाहित दम्पतीले कौमार्यकै आधारमा एक अर्कालाई परीक्षण गर्नु उपर्युक्त हुँदैन । जोडीको ध्यान र क्रियाकलाप आफ्नो पहिलो यौन क्रियाकलापलाई कसरी खास बनाउने भन्नेमा केन्द्रीत हुनुपर्छ ।

जीवनशैली/स्वास्थ्य

अनुहारमा बरफ दल्नुका फाइदा

अनुहारमा बरफ दल्नुका फाइदा

गर्मी याममा अनुहारमा चमक ल्याउन आइस प्रयोग गर्न सकिन्छ । प्राकृतिक चमक पाउन अनुहारमा नियमित बरफ दल्नुपर्छ ।