IIMS College

ISMT

HUB Education

म्याग्दीमा दुर्गम बस्ती जोड्ने १० झोलुङ्गे पुल निर्माण

Education Park

 

Kathmandu Trade Show

 

Royal Education Foundation

 

बेनी । म्याग्दी जिल्लाको अति दुर्गम क्षेत्रमा धमाधम झोलुुङ्गे पुल निर्माण भएका छन्। 

 

नजिकैको बस्तीमा पुग्नसमेत अक्करे भिर, साँघुरो बाटो र खोलामा जोखिमपूर्ण यात्रा गर्नुपर्ने बाध्यतामा रहेका स्थानीय बासिन्दाले झोलुङ्गे पुल बनेसँगै सहज आवतजावत गर्न पाएका छन्। स्थानीय निकाय, झोलुङ्गे पुल सहयोग एकाइ (टिबीएसयु)को आर्थिक सहयोग तथा गैरसरकारी संस्था मिलन म्याग्दीको प्राविधिक सहयोगमा चालु आर्थिक वर्षमा जिल्लाका विभिन्न स्थानमा सम्पन्न भएका १० वटा पुलले घण्टौँ लाग्ने बाटो आधा घण्टामै छोट्याइदिएका छन्। 

 

जिल्लाको अति विकट धौलागिरी गाउँपालिका–४, जेल्तुङस्थित म्याग्दी खोलामाथि निर्माण भएको झोलुुङ्गे पुलले अक्केर भिर र खोलाबाट वारपार गर्ने सिम्कोश र बगर गाउँका बासिन्दाले तुइन र हिँउदको समयमा साँघु तर्नुपर्ने समस्याबाट मुक्ति पाएको गाउँपालिका अध्यक्ष थमसरा पुन मगरले बताइन्।

 

‘गाउँपालिकाको लगानीमा जिल्लामै पहिलो झोलुुङ्गे पुल बनेको छ। पुल बनेपछि स्थानीय बासिन्दाले खुसियाली मनाएका छन्।’, पुनले दावी गरिन्। २०७४ साउनमा  म्याग्दी खोलामा आएको बाढीले काठको झोलुङ्गे पुल बगाएपछि सिस्कोशमा खाद्य साम्रगीको समेत अभाव हुने गरेको थियो। म्याग्दीका जेल्तुङ, सिम्कोश र बगर गाउँ जिल्लाकै विकट बस्तीका रुपमा चिनिन्छन्। सो पुल ४४ लाख ७६ हजार १ सय ८८ रुपैयाँको लागतमा निर्माण भएको निर्माण उपभोक्ता समितिले जनाएको छ। 

 

जिल्लाको मालिका गाउँपालिका वडा नम्बर २ र ३ जोड्ने ६४ मिटर लम्बाइ रहेको टाक्सेखोला झोलुङ्गे पुलले दुई वटा वडाका बासिन्दालाई राहत दिएको छ। पुलको गाउँपालिका अध्यक्ष श्रीप्रसाद रोकाले उद्घाटन गर्दै दुर्गम बस्तीमा रहेका पुराना र जीर्ण पुललाई विस्थापित गरिने बताए।

 

पुलको निर्माण सम्पन्न भएपछि दुवै वडाका करीब ४ सय घरधुरी लाभान्वित भएका छन्। करीब ३२ लाख ९६ हजार रुपैयाँ तथा जनश्रमदानबाट पुल निर्माण भएको थियो।

 

त्यसैगरी झोलुुङ्गे पुल निर्माण कार्यक्रमअन्तर्गत गाउँपालिकाको रुमको टाक्से, ओखरबोटको नुन्थला, देविस्थानको दोबिल्ला र दाङखोला झोलुुङ्गे पुल निर्माण सम्पन्न भएको उपाध्यक्ष खरमाया बिटालुले जानकारी दिइन्।

 

उनका अनुसार गाउँपालिकाभित्र सम्पन्न भएको रुमको टाक्सेमा ३२ लाख ९६ हजार, ओखरबोटको नुन्थलामा २५ लाख ८३ हजार, देविस्थानको दोबिल्लामा ३२ लाख ३३ हजार र दाङखोलामा ३१ लख ३३ हजार रुपैयाँ लागतमा झोलुंगे पुलको निर्माण कार्य सम्पन्न भएको छ।

 

कूल १ करोड २२ लाख ७८ हजार रुपैयाँको लागतमा सम्पन्न भएका पुलको धमाधम उद्घाटन भइरहेको मिलन म्याग्दीकी कार्यकारी अधिकृत दिवा पुनले जानकारी दिइन्। मालिका र धौलागिरीमा स्थानीय तहले पुलमा बजेट विनियोजन गरेपछि सहज भएको उनको भनाइ छ। 

 

पुनका अनुसार मिलन म्याग्दीले चालु आर्थिक वर्षमा जिल्लाको धौलागिरी गाउँपालिको मुदीको जेल्टुङ, मुदी र मराङ जोड्ने छरीखोलामा ट्रस पुल, लुलाङको धानमाने खोला, मंगला गाउँपालिका–५ अर्मनको आरुखोला, अन्नपूर्ण गापाको हिस्तान र राम्चेमा ट्रस पुल, रघुगंगा गापा–६ घयासीखर्कमा गरी कूल २ करोड ४० लाख रुपैयाँ पुल निर्माणमा खर्चिएको छ। जसले गर्दा पुराना, जीर्ण पुल र तुइन विस्थापित भएका छन्। 

 

निर्माण सम्पन्न गरिएपछि झोलुङ्गे पुलको भार परीक्षण गर्दा शतप्रतिशत सफल हुने गरेको मिलन म्याग्दीले जनाएको छ।


थप समाचार

अमृताबारे के भन्छिन् करिना कपुर ?

  • 1 minute ago
अमृताबारे के भन्छिन् करिना कपुर ?

एजेन्सी । बलिउडकी चर्चित अभिनेत्री हुन् करिना कपुर । उनले सन् २०१२ मा सैफ अली खानसँग विवाह गरेकी थिइन् ।

सेनाद्वारा बम निष्क्रिय

  • 18 minutes ago
सेनाद्वारा बम निष्क्रिय

काठमाडौँ । यहाँस्थित बडीमालिका नगरपालिका–९मा रहेको पीसविन बाजुराको कार्यालय र रेडियो बाजुराको नजिकै राखिएको बम समरजीत गुल्मका सेनाले निष्क्रिय पारेको छ ।

अष्ट्रेलियाका यी ९ वर्षिय बालक आत्महत्या गर्न चाहन्छन्

  • 23 minutes ago
अष्ट्रेलियाका यी ९ वर्षिय बालक आत्महत्या गर्न चाहन्छन्

एजेन्सी । अष्ट्रेलियाका एक ९ वर्षिय बालक क्वाडेन वेयल्स आत्महत्या गर्न चाहन्छन् । उनको एउटा भिडियो सामाजिक सञ्जालमा भाइरल भइराखेको छ । मिडिया रिपोर्टका अनुसार उनी बुलिंगको शिकार भएका थिए ।



प्रेम र यौन

महिलाहरु किन अपरिचित पुरुषसंग उत्तेजित हुन्छन् , थाहा पाउनुहोस

महिलाहरु किन अपरिचित पुरुषसंग उत्तेजित हुन्छन् , थाहा पाउनुहोस

ऐजेन्सी ।शारिरक सम्बन्धलाई राम्रो विचारले सोचे राम्रै हुन्छ । नराम्रो विचारले सोचे नराम्रो हुन्छ जब शारिरक सम्बन्धलाई नराम्रो बिचारले हेर्ने गरिन्छ । तब शारिरक सम्बन्ध जतिको घृणित कुरा केहि नहुने अध्ययनहरुले देखाउँदै आएका छन् । यस बिषयमा भन्नु पर्दा नारीहरु लजालु र जाली पनि हुने गर्दछन् भन्ने निष्कर्ष अध्यनहरुले बताएका छन् ।

जीवनशैली/स्वास्थ्य

शनिवार भुलेर पनि नखानुहोस् यी खानेकुरा

शनिवार भुलेर पनि नखानुहोस् यी खानेकुरा

काठमाडौँ । शनिवारको दिनलाई भगवान शनिको दिन मानिन्छ । कुण्डलीमा शनिदोष छ भने त्यस्ता व्यक्तिले शनिवारको दिन भोजन गर्दा सावधानी अपनाउनुपर्ने हुन्छ ।

विचित्र विश्व

पत्रपत्रिकामा राखेका खानेकुरा कहिल्लै नखानुहोस्

पत्रपत्रिकामा राखेका खानेकुरा कहिल्लै नखानुहोस्

काठमाडौँ । धेरै व्यक्ति घरमा खाना प्याक गर्न पनि अखबारै प्रयोग गर्ने गर्दछन् । तारेका, भुटेका खाद्य पदार्थको तेल सोसियोस् भनेर पनि अखबारमा ती चीज राख्ने गरिन्छ । यसरी अखबारमा राखिएको कुनै पनि खाद्यपदार्थ हाम्रो स्वास्थ्यका लागि निकै धेरै जोखिमपूर्ण हुने एक अध्ययनले देखाएको छ ।