मे १२ मा लण्डनको ट्राफल्गर स्क्वायरमा बुद्धजयन्ती, सुरु भयो तयारी

  • आइतबार, ३ चैत, २०७५
  • 4 months ago
  • युके
दूतावासमा तयारी छलफल
Education Park

लण्डन । बुद्ध फाउण्डेसन यूकेको आयोजनामा हरेक वर्ष लण्डनको केन्द्र ट्राफल्गर स्क्वायरमा आयोजना हुने बुद्धजयन्ती कार्यक्रम यस वर्ष मे १२ मा आयोजना हुने भएको छ ।

 

फाउन्डेसन र कपिलवस्तु समाज यूकेले  लण्डनस्थित नेपाली दूतावास, नेपाल पर्यटन बोर्ड र  गैरआवासीय नेपाली संघ समेतको सहकार्यमा आयोजना गर्ने कार्यक्रमको लागि  तयारी सुरु गरिसकिएको छ । 

 

शुक्रबार लण्डन दूतावासका अधिकारी र आयोजक फाउण्डेसनको टोलीबीच कार्यक्रमको तयारीबारे छलफल भएको थियो ।त्यसअवसरमा कार्यक्रममा निम्त्याइने अतिथि, कार्यक्रमको रुपरेखा, प्रचारप्रसार, आर्थिक व्यवस्थापन लगायतका विविध विषयमा छलफल गरिएको थियो । 

 

यस वर्षको बुद्धजयन्ती समारोहमा नेपाल पर्यटन बोर्डको समेत सहकार्य रहनेछ भने कार्यक्रमलाई नेपाल भ्रमण वर्ष २०२० को प्रबर्द्धनमा केन्द्रित गर्ने योजना बनाइएको छ ।

  

'यो कार्यक्रममार्फत हामीले लण्डनको ट्राफल्गर स्क्वायर जस्तो विश्व प्रतिष्ठित मञ्चबाट हाम्रो देश नेपालको पहिचान, कला, संस्कृति र सभ्यतालाई पनि विश्वभरका नेपालीहरुमाझ पुर्याउने कोशिस गर्दैछौं', दूतावासको छलफलपछि फाउण्डेसनका अध्यक्ष दिपक श्रेष्ठले भने, 'साथै, यसपटक नेपाल सरकारले घोषणा गरेको नेपाल भ्रमण वर्ष २०२० लाई पनि प्रबर्द्धन गर्ने गरी कार्यक्रम गर्ने हाम्रो उद्धेश्य छ ।'

 

छलफलका क्रममा राजदूत डा दुर्गाबहादुर सुवेदीले ट्राफल्गर स्क्वायरको बुद्धजयन्ती कार्यक्रमलाई सफल पार्न दूतावासको तर्फबाट सम्भव हुने सबै सहयोगको लागि वचन दिएका थिए । राजदूत सुवेदीले विगतका वर्षमा भएका कार्यक्रमहरुको अनुभवबाट सिक्दै भाषणको संख्या घटाउने, नेपाली कला, संस्कृति झल्काउने प्रस्तुतिहरु बढाउने, अतिथि तथा सहभागीहरुको सिटिंगलाई व्यवस्थित गर्ने लगायतका कार्यमा आयोजकलाई विशेष ध्यान दिन सुझाव समेत दिएका थिए । 

 

दूतावासले विगतमा जस्तै बेलायती सरकारका अधिकारी, स्थानीय सांसद तथा मेयरहरु, बेलायतस्थित विभिन्न देशका कुटनीतिज्ञ लगायतका विशिष्ट अतिथिलाई कार्यक्रममा निम्त्याउने भएको छ । 

 

छलफलमा यस वर्षको बुद्धजयन्ती कार्यक्रमका संयोजक तथा बुद्ध फाउण्डेसन यूकेका सल्लाहकार शिवजी श्रेष्ठले कार्यक्रमलाई विगतका वर्षहरुमा भन्दा अझै बढि परिस्कृत रुपमा गर्ने अठोट व्यक्त गरेका थिए । लण्डनसहित आसपास र मिडल्याण्ड, वेल्स, स्कटल्याण्ड, नर्दन आयरल्याण्ड लगायतबाट समेत स्थानीय नेपाली संघसंस्था र समुदायको व्यापक सहभागिता गराउने तयारी गरिरहेको उनले बताए । 

 

कार्यक्रमलाई व्यवस्थित गर्नको लागि बेलायतको सिंगो नेपाली समुदायको प्रतिनिधित्व रहने गरी विभिन्न उपसमितिहरु गठन गरेर तयारी अघि बढाइएको समेत संयोजक श्रेष्ठले जानकारी दिए । 

 

छलफलमा दूतावासका तर्फबाट राजदूत डा सुवेदीसंगै उपप्रमुख शरदराज आरन, मिलिटरी एट्याची कर्णेल कुमारबाबु थापा र थर्ड सेक्रेटरी तेजेन्द्र रेग्मी सहभागी थिए । आयोजक बुद्ध फाउण्डेसनको तर्फबाट अध्यक्ष दिपक श्रेष्ठ, कार्यक्रम संयोजक शिवजी श्रेष्ठ, सहसंयोजकद्धय ह्यारी गुरुङ र जिवन सेन, महासचिव अर्जुन कटुवाल,  लक्ष्मण गुरुङ, विकास नेपाल, निरञ्जन खड्का, सयपत्री कल्चरल समुह यूकेका अध्यक्ष डम्बर सिंह लगायतको सहभागिता थियो । 

 

बुद्ध फाउण्डेसन यूकेले विगत तीन वर्ष यता हरेक वर्ष ट्राफल्गर स्क्वायरमा बुद्धजयन्ती कार्यक्रम आयोजना गर्दै आएको छ । बुद्धको जन्मस्थलका विषयमा फैलाइएका भ्रमहरु चिर्ने उद्धेश्यले सुरु यो कार्यक्रमलाई पछिल्लो समय भने अन्तर्राष्ट्रिय मञ्चबाट नेपाली कला, संस्कृति देखाउने, नेपालको पर्यटनको प्रबर्द्धन  गर्ने लगायतमा पनि केन्द्रित गरिंदै लगिएको छ । 

 


थप समाचार

टाटाको मनसुन चेकअप क्याम्प सुरु

  • 12 minutes ago
टाटाको मनसुन चेकअप क्याम्प सुरु

काठमाडौँ । टाटा मोर्टर्सको नेपालका लागि एकमात्र आधिकारीक बिक्रिेता सिप्रदी ट्रेडिङ्गले ३ गते सम्म ऐक्सचेन्ज अफर सहितको फ्रि मनसुन चेकअप क्याम्प शुभारम्भ गरेको छ । काठमाडौंको सोल्टीमोड, बालकुम

‘गेम अफ थ्रोन्स’ ले बनायो नयाँ रेकर्ड

  • 19 minutes ago
‘गेम अफ थ्रोन्स’ ले बनायो नयाँ रेकर्ड

एजेन्सी । लोकप्रिय फेन्टासी ड्रामा ‘गेम अफ थ्रोन्स’ ले एम्मी २०१९ अवार्डमा ३२ विधामा नोमिनेसनमा परेर नौलो रेकर्ड बनाउन सफल भएको छ । यो रेकर्ड कुनैपनि शो को एकलौटी सीजनका लागि अत्यधिक हो ।

घरपालुवा जनावरसँग १० मिनेटमात्रै साथमा रहेपनि कम हुन्छ तनाव

  • 22 minutes ago
घरपालुवा जनावरसँग १० मिनेटमात्रै साथमा रहेपनि कम हुन्छ तनाव

एजेन्सी । घरपालुवा जनावरसँग साथ बिताउने गर्नाले कलेजका विद्यार्थीहरुको मुड राम्रो हुनुका साथै स्ट्रेस लेभल पनि कम हुने एक अध्ययनले देखाएको छ ।



प्रेम र यौन

यौन शिक्षा– यस्तो बेलामा यौन सम्बन्ध नराखौं !

यौन शिक्षा– यस्तो बेलामा यौन सम्बन्ध नराखौं !

कस्तो अवस्थामा यौन सम्पर्क गर्ने र कस्तो अवस्थामा नगर्ने भन्ने आ–आफ्नै धारणा, तर्क सुनिन्छ । कतिपय अवस्थामा यौन सम्पर्क गर्नै हुन्न । महिलाले आफ्नो शिशुलाई स्तनपान गराईरहेको समयमा शिशुसँग रमाइरहेका हुन्छन् ।

जीवनशैली/स्वास्थ्य

एक अर्वपति जसले नेपालबाट व्यापार सुरु गरेका थिए

एक अर्वपति जसले नेपालबाट व्यापार सुरु गरेका थिए

एजेन्सी । राज कुन्द्रा देश विदेशमा कहलिएका व्यक्ति हुन् । तर, भारतमा उनलाई धेरैले बिजनेशम्यान भन्दा पनि शिल्पा सेट्टीको पतिको रुपमा परिचीत छन् । विश्वभर उनको बिजनेश फैलिएको छ । राज कुन्द्राले नेपालमा शल बेचेर आफ्नो बिजनेशको सूरुवात गरेका थिए ।