विविध कार्यक्रमसहित आयोजना हुँदै क्षेत्री समाज यूकेको वार्षिक भेला

  • बिहीबार, ९ जेष्ठ, २०७६
  • 3 weeks ago
  • युके
Education Park

 

लण्डन । क्षेत्री समाज बेलायतले आफ्नो वार्षिक भेला कार्यक्रम आउँदो महिना गर्ने  भएको छ । समाजका संचार संयोजक नरेन्द्र बस्नेतका अनुसार यसवर्षको भेला लण्डनको फेल्थमस्थित इस्प्रिंगवेष्ट एकेडमी कलेजमा जुन ८ तारिखका दिन हुन लागेको हो ।

 

कार्यक्रमलाई सफल पार्न उपाध्यक्ष प्रतिमा केसीको संयोजकत्वमा एक समिति गठन गरिएको छ ।उक्त कार्यक्रममा यस वर्ष शैक्षिक तथा सामाजिक क्षेत्रमा महत्वपूर्ण सफलता हासिल गर्ने समाजका सदस्यहरु तथा उनीहरुका छोराछोरीहरुलाई विशेष सम्मान गरिने समाजले जनाएको छ ।

 

यस्तै सिन्धुपाल्चोकमा विद्युतीय पुस्तकालय निर्माणको लागी हालै सम्पन्न कविता कन्सर्ट तथा च्यारिटी कार्यक्रममा आफ्ना सृजना प्रस्तुत गर्ने सर्जकहरु रमेश कायस्थ, नृपेश उप्रेती, फडिन्द्र भट्टराई र रेखा खरेललाई सम्मान गरिने च्यारिटी कार्यक्रम संयोजक तथा समाजका सल्लाहकार राम शरण सिम्खडाले बताए ।

 

समाजका तर्फबाट गरिएका विभिन्न कार्यहरुलाई निकट भविष्यमा पनि उत्तिकै महत्वका साथ् अगाडी बढाइने समाजका अध्यक्ष राजन कुमार क्षेत्रीले बताए ।

 

बिगतका वर्षहरुमा बाढी पीडितहरुलाई आर्थिक सहयोग, गुल्मीमा आगलागी पीडितहरुलाई राहत सहयोग, हृदयघात भइ मृत्यु भएका परिवारहरुलाई सहयोग, अभिनेता दीपक क्षेत्री र गायक ओमविक्रम विष्टलाइ आर्थिक सहयोग र शान्ती अधिकारीलाई मृगौला प्रत्यारोपणको लागी आर्थिक सहयोग जस्ता परोपकारी काम समाजले गर्दै आएको छ ।

 

समाजले गत वर्ष समाजको लागी आपतकालीन राहतकोष र यस वर्ष सिन्धुपाल्चोकमा पुस्तकालय निर्माणको लागी भव्य च्यारिटी डिनर समेत सम्पन्न गरिसकेको छ ।

 

१ सय २० जना भन्दा बढी आजीवन सदस्य रहेको यस समाजमा यस वर्ष मात्र सदस्यता लिएका नयाँ सदस्यहरुलाई यहि कार्यक्रममा सम्मानसहित सदस्यता प्रदान गरिने कार्यवाहक कोषाध्यक्ष महेन्द्र केसीले बताए ।त्यसैगरी, युवाहरुलाई सक्रिय बनाउने उद्धेश्यले बाल तथा युवाहरुको छोटो मन्तव्य, सांस्कृतिक कार्यक्रम तथा कविता जस्ता कार्यक्रमहरु समावेश गरिनेछ भने सहभागीहरुलाई पूर्ण मनोरंजन दिनको लागी समाजका तर्फबाट स्थानीय कलाकार र नेपालबाट बेलायत आएका चर्चित लोक तथा दोहोरी कलाकारहरुले समेत विशेष प्रस्तुति दिनेसमाजका महासचिव कुमार केसीले जानकारी दिए ।

 

कार्यक्रमको लागि हल बुकिंग, अतिथि तथा कलाकार निमन्त्रणा जस्ता कार्यहरु पूरा भइसकेका छन् भने सौजन्य सहयोग र टिकट बिक्रि वितरण लगायतका कामहरु भइरहेको बस्नेतले जनाए ।

 

कार्यक्रमलाई सफल पार्नका लागि समाजका तर्फबाट समस्त बेलायतवासी क्षेत्री बन्धुहरुलाई निमन्त्रणा गरिएको छ ।

 

क्षेत्री समाज यूके बेलायतमा निकै व्यवस्थित र सक्रिय संगठनको रुपमा परिचित संस्था हो । यसले गर्ने विविध कल्याणकारी तथा मनोरन्जनात्मक कार्यक्रमहरुमध्ये हरेक वर्ष गरिने वार्षिक भेला कार्यक्रम एक प्रमुख कार्यक्रम हो । उक्त कार्यक्रममा यूकेभर छरिएर रहेका अधिकांश क्षेत्री तथा गैर क्षेत्रीहरुको बाक्लो उपस्थिति रहने गर्दछ ।

 

 


थप समाचार

यी गरिब पूर्वराष्ट्रपति जसको बसाई सामान्य फार्ममा छ

  • 2 minutes ago
यी गरिब पूर्वराष्ट्रपति जसको बसाई सामान्य फार्ममा छ

एजेन्सी । धेरैको दिमागमा राष्ट्रपति भन्नेबित्तिकै तामझाम, आलिसान बंगला, राम्रो लवाई, मिठो खवाई कुरा आउँछ । तर, संसारमा यस्ता देश पनि छन् जहाँका राष्ट्रपति निकै साधरण छन् । आम सर्वसाधरणजस्तै हिडडुल गर्

हेटौँडामा बस दुर्घटनामा एकको मृत्यु, २० घाइते

  • 9 minutes ago
हेटौँडामा बस दुर्घटनामा एकको मृत्यु, २० घाइते

हेटौँडा । चितवनको नारायणगढबाट वीरजञ्जतर्फ जाँदै गरेको ना५ख ४०१५ नंको दिवासेवाको यात्रुवाहक बस हेटौँडा उपमहानगरपालिका वडा नं १५ स्थित हेटौँडा वीरगञ्ज सडकखण्डको चुरेमा अनियन्त्रित भई आज बिहान दुर्घटना ह



प्रेम र यौन

यी हुन् विश्वका ५ चर्चित यौन बजार

यी हुन् विश्वका ५ चर्चित यौन बजार

पछिल्लो समय यौनलाई मानिसहरुले आधारभूत आवश्यकताको रुपमा लिँदै आएका छन् । सोही कारणले गर्दा कतिपय देशका सरकारहरुले नै अनुमति दिएर यौन बजार खुल्दै आएको छ । जसलाई हामी ‘रेड लाइट’ एरिया भन्छौं । यहाँ हामीले विश्वका चर्चित ५ यौन बजारको बारेमा जानकारी प्रस्तुत गरेका छौं ।

जीवनशैली/स्वास्थ्य

यस कारण विहानै मन तातो पानी पिउनुहोस्

यस कारण विहानै मन तातो पानी पिउनुहोस्

काठमाडौं । अधिकांश हामीले विहान उठेने वितिकै चिया वा कफी पिउने गर्छौं । तर, स्वास्थ्यका लागि विहान खाली पेटमा चिया वा कफी नभई मन तातो पानीबाट सुरुवात गर्नुपर्छ । स्वस्थ रहन दैनिक ३ लिटर पानी पिउनु जरुरी छ ।

विचित्र विश्व

यी गरिब पूर्वराष्ट्रपति जसको बसाई सामान्य फार्ममा छ

यी गरिब पूर्वराष्ट्रपति जसको बसाई सामान्य फार्ममा छ

एजेन्सी । धेरैको दिमागमा राष्ट्रपति भन्नेबित्तिकै तामझाम, आलिसान बंगला, राम्रो लवाई, मिठो खवाई कुरा आउँछ । तर, संसारमा यस्ता देश पनि छन् जहाँका राष्ट्रपति निकै साधरण छन् । आम सर्वसाधरणजस्तै हिडडुल गर्छन् । इमान्दारिताका साथ आफ्नो कार्यकाल छोड्छन् ।