दशैंको सिजनमा बेलायतबाट नेपाल जानेको संख्या तेब्बर, टिकट मुल्य दोब्बर

  • बिहीबार, २५ असोज, २०७५
  • 7 months ago
  • युके

 

लण्डन ।  नेपालीहरुको महान पर्व बडादशैं सुरु भइसकेको छ । यहि महान पर्व आफ्नो परिवार र आफन्तहरुसंग मनाउन यतिबेला देश, विदेशमा रहेका धेरै नेपालीहरु आफ्नो गाउं, घर फर्किने चटारोमा छन् । 

 

दशैंको यो सिजनमा बेलायतबाट नेपालतर्फ जानेहरुको संख्या पनि अरु बेलाको तुलनामा निकै बढ्ने गरेको पाइएको छ । लण्डनस्थित ट्राभल एजेन्ट कम्पनी ट्राभल कन्सोलका निर्देशक बिराज भट्टका अनुसार अरु अफ सिजनका सामान्य महिनाको तुलनामा यो अक्टोबर महिनामा बेलायतबाट नेपाल जानेहरुको संख्या झण्डै तेब्बर बढि हुने गरेको छ । 

 

वर्षभर विदेशमा काम गर्नेहरु दशैंतिहारको मौका छोपेर कमसेकम यो एक महिना भएपनि आफ्नै घर र परिवारको साथमा फर्किन चाहन्छन् । त्यसैको फलस्वरुप अरु महिनाहरुको तुलनामा यो महिनामा नेपाल फर्किनेहरुको संख्यामा निकै बृद्धि हुने गर्छ । 

 

अक्टोबरमा नेपाल फर्किनेहरुको संख्या आकासिनुका पछि दशैंको मात्र एक्लो कारण छैन । अक्टोबर महिनामा नेपालीहरु मात्र नभएर बेलायतीहरु पनि अरु महिनाको तुलनामा निकै ठूलो संख्यामा नेपाल पुग्ने गरेका छन् । नेपालमा ट्रेकिंगको लागि यो महिना सबैभन्दा उत्तम मानिने कारण पनि अक्टोबरमा नेपाल जाने बेलायतीहरुको चाप औसतभन्दा बढ्ने गरेको छ । 

 

लण्डनस्थित नेपाली दूतावासका प्रवक्ता शरदराज आरनका अनुसार अरु महिनाको तुलनामा अक्टोबरमा नेपालको भिसा लिने बेलायतीको संख्या ३० देखि ४० प्रतिशतसम्म बढि हुने गरेको छ । अक्टोबर महिनामा हरेक दिन १ देखि डेढ सय जनासम्म बेलायतीहरुले लण्डनस्थित नेपाली दूतावासबाट नेपालको भिसा बुझ्ने गरेका छन् । लण्डनबाट यसरी भिसा लिनेहरुभन्दा अझ बढिले त सिधै काठमाडौं एअरपोर्टबाटै अन अराइभल भिसा लिने गरेका छन् । 

 

सिजनमा हवाई भाडा दोब्बर

 

अक्टोबरको यो सिजनमा नेपाल जाने यात्रुहरुको संख्या मात्र होइन, हवाई टिकटको भाडादर पनि निकै बृद्धि हुने गरेको छ । 

 

'एअरलाइन्सहरु धेरै यात्रु त चाहन्छन् नै, उच्च रिभेन्यू पनि खोज्छन् । त्यसैले जब बजारमा यात्रुको चाप बढ्दै जान्छ, तब भाडादर पनि बढाउंदै जान्छन्', ट्राभल कन्सोलका निर्देशक बिराज भट्ट सुनाउंछन्, 'त्यसैपनि यात्रुहरुको बढि चाप हुने सिजनका लागि पहिले नै महंगो दर लगाइसकेका हुन्छन् ।' 

 

भट्टका अनुसार अफ सिजनको कुनै सामान्य महिनाको तुलनामा अक्टोबर महिनामा  बेलायतबाट  नेपाल जाने टिकटको मुल्य झण्डै दोब्बर बढि हुने गरेको छ । उदाहरणको लागि अफ सिजनको मे महिनामा साढे ४ सय आसपासमा पाइने टिकट सिजनको अक्टोबरमा भने ८ सय भन्दा माथि पुग्ने गरेको छ । केहि महिना अगाडि नै योजना गरेर अग्रिम टिकट लिनेहरुलाई थोरै राहत मिलेपनि केहि दिनभित्रै उड्ने गरी  टिकट लिंदा दर निकै चर्को पर्ने गरेको छ । 

 

जुलाई महिनामा बेलायतमा स्कुल होलिडेको सिजनदेखि अक्टोबरमा दशैंतिहार हुंदै डिसेम्बरको क्रिसमस होलिडेसम्मको पूरै अवधि नै बेलायतबाट नेपाल जानेहरुको लागि  सिजन हुने गर्छ । त्यसमध्ये पनि सबैभन्दा बढि चाप भने दशैंतिहार र ट्रेकिंगको सिजनका कारण अक्टोबर महिनामा नै पर्ने गरेको छ । 

 

 

 


थप समाचार

प्रधानमन्त्रीकाे हातमा साबेल

  • 2 hours ago
प्रधानमन्त्रीकाे हातमा साबेल

प्रधानमन्त्री केपी शर्मा ओली राष्ट्रिय गौरबको आयोजनाको रुपमा रहेको मध्यपहाडी लोकमार्गमा (अप्टिकल फाइवर नेटवर्क) को धादिङको गल्छी गाउँपालिका वडा नं. ४ मासटारमा सोमबार शिलान्यास गर्दै ।

‘मिडियासम्बन्धी विधेयकमा परामर्श नगर्नु गलत’

  • 3 hours ago
‘मिडियासम्बन्धी विधेयकमा परामर्श नगर्नु गलत’

भक्तपुर । नेपाल मजदूर किसान पार्टीका अध्यक्ष नारायणमान बिजुक्छेले संसद्मा दर्ता गरिएको मिडिया विधेयक सरोकारवालासँग परामर्श नगरी एकोहोरो रुपमा ल्याउनु गलत भएको बताएका छन् । रफत सञ्चार क्लबमा आज

बन्द विमान कम्पनीको बक्यौता असुल्न समस्या

  • 3 hours ago
बन्द विमान कम्पनीको बक्यौता असुल्न समस्या

काठमाडौँ । सञ्चालनमा नरहेका र टाट पल्टेका राष्ट्रिय तथा अन्तर्राष्ट्रिय विमान कम्पनीको करीब रु. १३ करोड बक्यौता असुल गर्न कानूनी जटिलता देखिएको छ ।



प्रेम र यौन

अविस्मरणीय सुहागरातका लागि

अविस्मरणीय सुहागरातका लागि

विवाह पहिले यौन सम्पर्क गर्नु वा नगर्नु व्यक्तिको निर्णय हो । नवविवाहित दम्पतीले कौमार्यकै आधारमा एक अर्कालाई परीक्षण गर्नु उपर्युक्त हुँदैन । जोडीको ध्यान र क्रियाकलाप आफ्नो पहिलो यौन क्रियाकलापलाई कसरी खास बनाउने भन्नेमा केन्द्रीत हुनुपर्छ ।

जीवनशैली/स्वास्थ्य

महिनावारीका बेला पेट दुखेमा...

महिनावारीका बेला पेट दुखेमा...

महिनावारीका समयमा महिलामा सामान्य ढाड वा पेट दुख्ने, थकान महसुस हुने आदिजस्ता समस्या हुनुलाई स्वाभाविकै मानिन्छ । तर, कतिपय किशोरीमा सहनै नसक्ने गरी तल्लो पेट दुख्ने गर्छ । यो भने समस्या हो ।