के पाकिस्तानमा लुकेका छन् भारतका ‘मोस्ट वान्टेड’ डन दाउद इब्राहिम ?

• मंगलबार, १७ मंसिर, २०७६
• 6 days ago
• अन्तर्राष्ट्रिय

 

 

 

एजेन्सी । डी कम्पनीका सञ्चालक तथा भारतका ‘मोस्ट वान्टेड’ आतङ्ककारी दाउद इब्राहिम पाकिस्तानमा एकदमै सुरक्षित ठाउँमा लुकेका छन् । सुरक्षालाई लिएर चिन्तामा रहेका उनी विगत ३ वर्षदेखि कसैसँग पनि फोनमा कुराकानी गरेका छैनन् । पाकिस्तानमा उनलाई आईएसआई र सेनाको संरक्षण रहेको बताइएको छ ।

 

दिल्ली प्रहरीका एक अधिकारीका अनुसार दाउद अहिले पनि आफ्ना साथिहरुसँग पाकिस्तानमा लुकिरहेका छन् । यसको सही प्रमाण भेटिएको छ । दिल्ली प्रहरीले उनको पछिल्लो फोन सन् २०१६ मा रेकर्ड गरेको थियो । भारतको खुफिया एजेन्सीहरुले २०१६ मा दाउदको फोन १५ मिनेटसम्म रेकर्ड गरेका थिए । जसमा दाउद कराचीदेखि दुबई मा रहेका आफ्ना सहयोगिहरुसँग कुरा गर्दै थिए ।

 

उनले त्यसबखत आफू मुटुको रोगी रहेको र कराची अस्पतालमा भर्ना भएको बताएका थिए । यद्यपी ‘डी कम्पनी’ले यो खबर झुटो रहेको बताएको थियो । 

 

प्रहरी अधिकारीका अनुसार कुराकानीको समयमा (२०१६) लागिरहेको थियो की उनले रक्सी पिएका थिए किनभने उनको आवाज थोरै बरबराएको थियो । सारांशमा कुराकानीमा भने अन्डरवल्र्डका कुनै गतिविधि तथा योजनाको बारे कुरा नभएको बताइएको छ । 

 

 

यता प्रहरीका अनुसार सायद अहिले दाउद फोनको प्रयोग गर्नबाट बचिरहेका छन् । तर यसको मतलब यो होइन की दाउदले कराचीबाट आफ्नो अड्डा बदलेका छन् । उनी बताउँछन्, ‘हामीसँग यो प्रमाणित गर्नका लागि प्रयाप्त प्रमाणहरु रहेका छन् की दाउद र उनका नजिकका सदस्यहरु पाकिस्तानमा रहेका छन् ।’

 

• दाउद इब्राहिम