धादिङ नुवाकोट समाजको साधारणसभा सम्पन्न

  • मंगलबार, २९ जेष्ठ, २०७५
  • 1 year ago
  • युके

लण्डन । धादिङ र नुवाकोटबाट बेलायत आई बसोबास गरिरहेका नेपालीहरुको साझा संस्था धादिङ नुवाकोट समाज यूकेको ११औं वार्षिक साधारणसभा आइतबार अल्डरसटमा सम्पन्न भएको छ ।

 

  संस्थाका अध्यक्ष सी बी तामाङको अध्यक्षतामा सम्पन्न सो साधारणसभा महासचिव धन बहादुर पाख्रिनले संचालन गरेका थिए ।  धादिङ,नुवाकोट र रसुवा क्षेत्रको मौलिक संस्कृतिलाई प्रवासमा समेत संरक्षण र संबर्धन गर्ने अभिप्रायले २०११ देखि अस्तित्वमा रहेता पनि विगत २ महिना अघि मात्र संस्थागत आकार दिईएको ’मेन्दोमायां परिवार’ का संस्थापक अध्यक्ष हरि सिं गुरुङ तथा महासचिव बम ब्लदेनलाई स्वागत तथा सम्मानबाट कार्यक्रम शुरु गरिएको थियो । 

 

उक्त कार्यक्रममा स्वागत मन्तव्य उपाध्यक्ष देवीरानी गुरुङले व्यक्त गरेकी थिइन् भने विगत वर्षमा भए गरेका कृयाकलापहरुको बिस्तृत प्रतिवेदन महासचिव धन पाख्रिनले प्रस्तुत गरेका थिए । त्यस्तै, कोषाध्यक्ष दीप बहादुर गुरुङले संस्थाको आयव्यय विवरण प्रस्तुत गरेका थिए । व्यापक छलफलपश्चात हलले सर्वसम्मतिले प्रगति प्रतिवेदन तथा आर्थिक प्रतिवेदन पास गरेको थियो ।

 

साधारणसभामा अध्यक्ष सी बी तामाङले संस्थाले अल्पकालिन तथा दीर्घकालिन रुपमा लिनुपर्ने कार्यदिशाको बारेमा संस्थागत उद्धेश्य, लक्ष्य, कार्यदिशा र योजनाहरु प्रस्तुत गरेका थिए । च्यारीटी दर्ता संयोजक कृष्ण प्रसाद तिमिल्सिनाले दर्ता प्रकृयाको बारेमा हाल सम्म भए गरेका प्रगति प्रतिवेदन प्रस्तुत र्गंदै सभामा उठेका जिज्ञासाहरुको जवाफ दिएका थिए । संस्थाका संस्थापक अध्यक्ष नारायण गुरुङ, पूर्व अध्यक्ष राम बहादुर गुरुङ, निवर्तमान अध्यक्ष बम ब्लदेन, सल्लाहकारत्रय रामशरण सिमखडा,  मे (रि) बिष्णु घले र मोतीमान बज्राचार्यले संस्थाको भावी कार्यक्रमको बारेमा आफ्ना धाराणाहरु राखेका थिए । 

 

आगामी ११ अगष्टमा ह्यारो फुटबल क्लबमा सम्पन हुन गइरहेको ’वार्षिक समर भेटघाट’ लाई भव्य रुपमा सम्पन्न गर्न विभिन्न उपसमितिहरु गठन गर्दै साधारणसभाको समापन गरिएको थियो ।

 

गायिका लामालाई सम्मान

 

 

कार्यक्रमको दोश्रो सत्रमा नेपालबाट आएकी ईन्दे्रणी सांस्कृतिक परिवारकी कार्यक्रम संचालिका तथा धादिङकी राष्ट्रिय लोक तथा दोहोरी गायिका मीना लामालाई सम्मान गरिएको थियो । 

 

नेपाली कन्सर्टको लागी मगर संघ यूकेको निमन्त्रणामा बेलायत  आउकी गायिका लामालाई संस्थाका अध्यक्ष सीबी तामाङ, पूर्ब अध्यक्षहरु नारायण गुरुङ, राम बहादुर गुरुङ तथा मेन्दोमाया परिवारको तर्फबाट अध्यक्ष हरिसिं गुरुङले खादा, प्रमाणपत्र तथा नगद सहयोगले सम्पान गर्दै कला संस्कृति र जिल्लाको समेत पहिचानलाई उंचो राख्न शुभकामना दिएका थिए । 

 

सम्मानित कलाकार लामाले सम्मान र मायांका लागि धादिङ नुवाकोट समाजलाई धन्यवाद ज्ञापन गरिन् । 

 

धादिङ र नुवाकोट दुई जिल्लाबाट बेलायतमा आएकाहरुलाई समेटेर स्थापित यो संस्था विगत ११ वर्षदेखि विभिन्न समाजिक कृयाकलापहरुमा कृयाशिल हुंदै आएको छ ।    

 


थप समाचार

सरकारले उद्योग र व्यापारमा सहुलियत दिनुपर्छ–सांसद

  • 4 minutes ago
सरकारले उद्योग र व्यापारमा सहुलियत दिनुपर्छ–सांसद

काठमाडौँ । प्रतिनिधिसभाको आजको बैठकमा विभिन्न दलका सांसद्ले कोभिड –१९ का कारण देशको अर्थतन्त्र नाजुक भएका अवस्थामा सरकारले उद्योग र व्यापारमा सहुलियत दिनुपर्ने माग गरेका छन् ।

आगलागी हुँदा रु १८ लाखभन्दा बढीको क्षति

  • 11 minutes ago
आगलागी हुँदा रु १८ लाखभन्दा बढीको क्षति

सङ्खुवासभा । सङ्खुवासभाको चिचिला गाउँपालिकामा आगलागी हुँदा रु १८ लाखभन्दा बढीको क्षति भएको छ । आगलागीबाट चिचिला–४ का कर्णकुमार गुरुङको घर जलेर नष्ट भएको चिचिला गाउँपालिका अध्यक्ष पासाङनुर्व शेर्पाले ज

विदेशबाट आउनेलाई क्वारेन्टिनको दुई विकल्प

  • 14 minutes ago
विदेशबाट आउनेलाई क्वारेन्टिनको दुई विकल्प

बागलुङ । बागलुङ नगरपालिकाले विदेशबाट आउनेलाई क्वारेन्टिनको दुई विकल्प दिएको छ । सरकारले शुक्रबारदेखि तेस्रो मुलुकमा रहेका नेपालीको उद्धार थालेपछि बागलुङ भित्रिनेले इच्छाअनुसारको क्वारेन्टिनमा बस्न पाउ



प्रेम र यौन

कोरोना भाइरसको संक्रमण फैलिरहेको बेला ‘पोर्न साइट’हरुको यस्तो धन्दा

कोरोना भाइरसको संक्रमण फैलिरहेको बेला ‘पोर्न साइट’हरुको यस्तो धन्दा

एजेन्सी । चीनको वुहानबाट फैलिएको कोरोना भाइरस हाल विश्वव्यापी बनिरहेको छ । कोरोनाको कारण मानिसको दैनिकीसँगै विश्व अर्थतन्त्र नै धराशायी बनिरहेको अवस्थामा ‘पोर्न साइट’हरुले भने अलग खालको धन्दा चलाउन थालेका छन् ।

जीवनशैली/स्वास्थ्य

यसकारण खाने गर्नुपर्छ भुटेको चना

यसकारण खाने गर्नुपर्छ भुटेको चना

काठमाडौं । चना स्वास्थ्यका लागि निकै फाइदाजनक छ । हरेक बिहान भुटेको चना खानाले तपाईरहाम्रो शरीरलाई विभिन्न किसिमबाट फाइदा हुन्छ । यसमा पौष्टिक तत्व हुन्छ । यसले तपाईरहाम्रो पेटमा हुने कब्जियतबाट बचाउँछ ।

विचित्र विश्व

केरलापछि हिमाञ्चल प्रदेशमा कुकृत्य, गर्भवती गाईलाई खुवाइयो विस्फोटक पदार्थ

केरलापछि हिमाञ्चल प्रदेशमा कुकृत्य, गर्भवती गाईलाई खुवाइयो विस्फोटक पदार्थ

एजेन्सी । भारतको केरलामा एक गर्भवती हात्तीलाई मारेको घटनाको चौतर्फी विरोध भइरहँदा यस्तै अर्को घटनाबारे पनि खुलासा भएको छ । मिडिया रिपोर्टक अनुसार भारतको हिमाञ्चल प्रदेशको बिलासपुरमा पनि एउटा यस्तै घटना घटेको छ ।