ट्रम्प प्रशासन किन प्यालेस्टिनी कार्यालय बन्द गर्ने तयारी गर्दैछ ?

Education Park

वासिङ्टन । संयुक्तराज्य अमेरिकाले वासिङ्टनमा रहेको प्यालेस्टाइन लिबरेसन अर्गनाइजेसनको कार्यालय बन्द गर्ने तयारी गरेको अमेरिकी अधिकारीहरुले जनाएका छन् । 

 

राष्ट्रिय सुरक्षा सल्लाहकार जोन बोल्टनले सोमबार अपराह्न यससम्बन्धी घोषणा गर्ने बताइएको छ । “प्यालेस्टिनीहरुले इजरायलसँग प्रत्यक्ष र अर्थपूर्ण सम्झौता गर्न अस्वीकार गरिरहेको अवस्थामा” राष्ट्रपति डोनाल्ड ट्रम्प प्रशासनले त्यस्तो कार्यालय अमेरिकामा खोल्दैन, बोल्टनको भाषणको अंश उद्धृत गर्दै ती अधिकारीले बताएका छन् । 

 

ट्रम्प प्रशासनले इजरायलसँग गम्भीर शान्ति वार्ता हुन नसकेको अवस्थामा वासिङ्टनमा कार्यालय बन्द गर्ने भन्दै गत वर्ष नै सूचित गरेको थियो । 

 

प्यालेस्टिनी अधिकारी साएब एरेकातले ट्रम्प प्रशासनको कार्यालय बन्द गर्ने नीति हो भने त्यसले प्यालेस्टिनी जनतामाथि आमरुपमा सजाय दिन वासिङ्टन उद्यत रहेको पुष्टी गर्नेछ भने । स्वास्थ्य र शिक्षा समेतका मानवीय सेवाका लागि उपलब्ध हुने आर्थिक सहायतामा समेत अमेरिकाले कटौती गरेकामा उनले रोष प्रकट गरे ।

 

प्यालेस्टाइन लिबरेसन अर्गनाइजेसन अर्थात् पिएलओले औपचारिक रुपमै सबै प्यालिस्टिनीको प्रतिनिधित्व गर्दछ । संयुक्तराज्य अमेरिकाले प्यालेस्टाइन राज्यलाई मान्यता नदिए पनि पिएलओलाई वासिङ्टनमा अमेरिकी सरकारसँग औपचारिक वार्ता र छलफलका लागि प्रतिनिधित्व गर्न पाउने अख्तियारी दिइएको छ । 

 

संयुक्तराज्य अमेरिकाका लागि पिएलओ प्रमण्डलका प्रमुखले ट्रम्प प्रशासनले “प्यालेस्टाइनमा दशकौंदेखिको अमेरिकी दृष्टिकोण र सहकार्य” लाई ध्वस्त बनाउन लागेको आरोप लगाए । “मानवीय र विकास सहायतालाई राजनीतिक सौदाबाजीका रुपमा शस्त्रीकरण गर्नु” उपयुक्त हुनै सक्दैन, राजदूत हुसम जोमलोटले बताए । 

ट्रम्पले प्यालेस्टिनी विरुद्ध एकपछि अर्को दबाबमूलक कार्य गरिरहेका छन् ।

 

हालैमात्र ट्रम्प प्रशासनले प्यालेस्टिनी शरणार्थीको मद्दतका लागि संयुक्तराष्ट्र संघीय निकायलाई दिँदै आएको अमेरिकी सहायता बन्द गरेको थियो । साथै पश्चिमी किनारा र गाजामा सञ्चालित परियोजनाको सहायता रकम कटौती गर्नुका साथै प्यालेस्टिनीका लागि सेवा उपलब्ध गराउने जेरुसेलमस्थित एक अस्पतालका लागि दिइआएको सहयोग बन्द गरेको थियो । 

 

ट्रम्पले जेरुसेलमलाई इजरायलको राजधानीका रुपमा मान्यता दिनुका साथै तेल अभिभबाट अमेरिकी राजदूतावास जेरुसेलम स्थानान्तरित गरे । उक्त कदमलगत्तै भएको प्रदर्शनका क्रममा दर्जनौं प्यालेस्टिनी मारिएका थिए । प्यालेस्टिनीहरुले पछिल्ला दिनहरुमा अमेरिका शान्तिविरोध रहेको आरोप लगाइआएका छन् । 

 

इजरायली र प्यालेस्टिनी सरकार सक्रिय, प्रत्यक्ष सम्झौताको स्थितिमा नरहेका भए पनि ट्रम्प प्रशासनले इजरायल–प्यालेस्टिनी द्वन्द्व समाप्त गर्नेगरी मध्यस्थताको प्रयास जारी राखेको छ । ट्रम्पका ज्वाइँ एवं राष्ट्रपतिका वरिष्ट सल्लाहकार जारेड कुस्नरको नेतृत्वमा ह्वाइट हाउसका अधिकारीहरुले शान्ति प्रस्ताव तयार गरिरहेको बताइन्छ । 

 


थप समाचार

एनआरएन यूके अध्यक्षमा न्यौपानेको उम्मेदवारी घोषणा

  • 6 hours ago
एनआरएन यूके अध्यक्षमा न्यौपानेको उम्मेदवारी घोषणा

शनिबार प्लमस्टिडको गेसो हलमा घोषणासभा गरेर वर्तमान कार्यसमितिका उपाध्यक्ष न्यौपानेले आउँदो कार्यकाल को अध्यक्षको लागि उम्मेदवारी घोषणा गरे । 

युवाको उमेर १८ देखि ३५ वर्षलार्ई राख्न प्रस्ताव

  • 12 hours ago
युवाको उमेर १८ देखि ३५ वर्षलार्ई राख्न प्रस्ताव

काठमाडौँ । सरकारले युवाको उमेर समूह पाँच वर्ष घटाउने प्रस्ताव गरेको छ । राष्ट्रिय युवा परिषद्ले तयार पारेको ‘राष्ट्रिय युवा परिषद् ऐन–२०७२’ को पहिलो संशोधनमा युवाको उमेर १८ देखि ३५ वर्षलार्ई राख्न प्र

बुद्धका मूर्ति तोडिएकामा भिक्षु महासङ्घको विरोध

  • 13 hours ago
बुद्धका मूर्ति तोडिएकामा भिक्षु महासङ्घको विरोध

रुपन्देही । अखिल नेपाल भिक्षु महासङ्घले रुपन्देहीको तिलोत्तमा नगरपालिकाभित्र सिद्धार्थ राजमार्गको शङ्करनगर चोकदेखि नयाँ मिलसम्म सुनियोजित तवरमा एकै पटक पाँच वटा बुद्धमूर्ति तोडफोड भएको घटनाले शान्तिका



प्रेम र यौन

यौन शिक्षा– यस्तो बेलामा यौन सम्बन्ध नराखौं !

यौन शिक्षा– यस्तो बेलामा यौन सम्बन्ध नराखौं !

कस्तो अवस्थामा यौन सम्पर्क गर्ने र कस्तो अवस्थामा नगर्ने भन्ने आ–आफ्नै धारणा, तर्क सुनिन्छ । कतिपय अवस्थामा यौन सम्पर्क गर्नै हुन्न । महिलाले आफ्नो शिशुलाई स्तनपान गराईरहेको समयमा शिशुसँग रमाइरहेका हुन्छन् ।

जीवनशैली/स्वास्थ्य

भुलेर पनि यी ७ चिजहरुसगँ मह नखानुहोस्

भुलेर पनि यी ७ चिजहरुसगँ मह नखानुहोस्

नियमित महको सेवनले हाम्रो स्वास्थमा धेरै फाइदा पुर्याउछ । मानव स्वास्थको लागि बहुउपयोगी मानिन्छ । मह सही तरिकाले खाइएन भने यसले स्वास्थमा नराम्रो असर पनि गर्न सक्छ ।