जनप्रतिनिधिलाई सडकको धुलो खान निम्तो

दिदीबहिनीले आफ्ना दाजुभाइलाई तिहारको निम्ता दिइरहेका बेला महोत्तरी बर्दिवास नगरपालिकाका सर्वसाधारणले भने आफ्ना जनप्रतिनिधिलाई सडकको धुलो खाने निम्ता दिएका छन् ।

बर्दिवास–जलेश्वर सडक छेउका बासिन्दाले तिहार पर्व शुरु भएसँगै नगरका चोकचोकमा भेला भएर सार्वजनिकरुपमै आफ्ना जनप्रतिनिधि र सडक विभागसम्बद्ध अधिकारीलाई यो सडक क्षेत्रमा आएर बुङ्बुङ्ती उडिरहेको धुलो खान सार्वजनिक निम्ता दिएका हुन् ।

“हेर्नोस् न, हामी यो सडकमा दिनहुँ बुङ्बुङ्ती उड्ने धुलो खाइरहेका छौँ”, बर्दिवास नगरपालिका–२ ओमशान्तिचोकमा एकाबिहानै भेला भएका वरपरका टोलवासीको बीचबाट दीपमायाँ श्रेष्ठले भन्नुभयो, “मन्त्री, नगरपालिका प्रमुख र कुनै हाकिमको ध्यान सडकमा परेन, त्यसैले तिहार शुरु भएको अवसरमा दाजुभाइलाई तिहारको निम्ता दिनसँगै उहाँहरु ९जनप्रतिनिधि र सडकसम्बद्ध अधिकारी० लाई सडकमा उड्ने धुलो खान निम्ता गरेका हौँ ।”

बर्दिवास–जलेश्वर सडकखण्डअन्तर्गत बर्दिवास नगरका क्षेत्रका चोकचोकमा तिहारका अवसरमा सर्वसाधारणले यो अभियान शुरु गरिएको छ । विक्रम संवत् २०४८ मा कालोपत्र गरिएको ४२ किलोमिटर दूरीको बर्दिवास–जलेश्वर सडक त्यसयता कहिल्यै मर्मतसम्भार नगरिएको यो सडक क्षेत्र वरिपरि बासिन्दाको गुनासो छ ।

“सडक अब खाल्डाखुल्डीमा परिणत भइसकेको छ, अत्यन्त चल्तीको यो सडकमा दिनहुँ चल्ने सयौँ सवारी साधनले आकास नै ढाकेर धुलो उडाउँछन्”, सडकको दुर्दशा देखाउँदै बर्दिवास–२ का बुद्धचोकमा भेला भएकाको बीचबाट अर्की स्थानीय गायत्री उपाध्यायले भन्नुभयो, “यो दुर्दशा देखाउन नै तिहार लागेको दिन दाजुभाइलाई निम्ता दिनभन्दा पहिले मन्त्रीजी, मेयरसा’ब र हाकिलाई यहाँको धुलो खान सार्वजनिक निम्ता गरेका हौँ ।”

जनप्रतिनिधि र सडक विभागका अधिकारी यहाँ आएर धुलो खाए चाँडै सुधार हुन्थ्यो कि भन्ने आपूmहरुको विश्वास रहेको चोकमा भेला भएका सयौँ स्थानीयवासीले एकैस्वरमा बताएका छन् ।

“मन्त्री ९गिरिराजमणि पोखरेल०, राष्ट्रियसभाका उपाध्यक्ष ९शशिकला दाहाल० र प्रदेशसभा सदस्य ९शारदा थापा० पनि हाम्रै नगरका मतदाता हुनुहुन्छ, मेयर सा’बसहितका प्रतिनिधि त यहीँकै हुनु नै भयो”, बुद्धचोकको भेलामा उपस्थित जनता बहुमुखी क्याम्पस बर्दिवास स्नातक तहकी छात्रा मीना पौडेलले भन्नुभयो, “सडकको दुरावस्थाले तिमीहरु दुःख पाएछौँ भन्न कोही देखिनु हुन्न, त्यसैले यो सडकमा उड्ने धुलो खान उहाँहरुलाई निम्ता गर्नु ठिकै हो ।”

पछिल्ला कैयौँ वर्षदेखि सडक भत्किएर ठूलठूला खाल्डाखुल्डी बन्दा सवारी साधन चलाउन बढेको जोखिमसँगै यहाँ उड्ने धुलोले जनस्वास्थ्यमा प्रतिकूल असर पारिरहेको बुद्धचोककै बासिन्दा स्वास्थ्यकर्मी श्यामनारायण लाल बताउछन ।

यो सडक क्षेत्रमा बर्दिवास नगरपालिका बाहेक औरही, रामगोपालपुर, मनराशिशवा, जलेश्वर नगरपालिका र एकडारा गाउँपालिका पर्छन् । सडक क्षेत्रका यी सबै नगर÷गाउँ बस्ती अहिले सडकमा उड्ने धुलोले आक्रान्त छन् ।

“बर्दिवासका सर्वसाधारणले तिहारमा धुलो खान जनप्रतिनिधि र सडकसम्बद्ध अधिकारीलाई निम्तो दिएको सार्वजनिक घोषणा गरेछन्”, सडक क्षेत्रमा पर्ने रामगोपालपुर नगरपालिकाको कञ्चनपुरका राजनीतिक, सामाजिक कार्यकर्ता गौरी मण्डलले भन्नुभयो, “उनीहरुले यो दुर्दशा त नदेखेका होइनन् नि १ ध्यान नदिएका हुन् , अब सडक क्षेत्रका सबैतिर सडक सुधारसँग जोडिएका सचेतना कार्यक्रम नै सञ्चालन गर्नुपर्छ ।”

मन्त्री, प्रमुख र सडक विभागका हाकिम यता आउनै छाडेका र कदाचित आइहाले पनि सुविधा सम्पन्न आफ्ना गाडीको सबै झ्याल थुनेर हुँइकिने गरेकाले आपूmहरुको दुःख नबुझेका यस भेगका बासिन्दाको गुनासो छ ।

सडकमा आकाश ढाकेर उड्ने बुङ्बुङती धूलो खान सङ्घीय, प्रदेश र स्थानीय तहका सरकारका प्रतिनिधि र सडकसम्बद्ध अधिकारीलाई निम्तो नै गरेपछि सबैको सडकतिर ध्यान पुग्ने यहाँका बासिन्दाले आस सँगालेका छन् । यो सडक क्षेत्रको बर्दिवास नपामा पर्ने हटियाचोक, लचका, दर्लामीचोक, ओमशान्तिचोक, बुद्धचोक, हङ्कङ्ग डाँडा, बेङ्खाडी चोक, रामानन्दचोक र करमटोकी चोकमा आज बिहान वरपरका सर्वसाधारण जम्मा भई जनप्रतिनिधि र सडकसम्बद्ध अधिकारीलाई धुलो खान गरेका सार्वजनिक निम्ताले विकास र सुधारप्रति सामाजिक चासो बढेका रुपमा ग्रहण गर्नुपर्ने यहाँका बुद्धिजीवी बताउँछन् ।

आफ्नै मतदाता रहेका बर्दिवास नगरका मतदाताले तिहारमा धुलो खान गरेको निम्ता सार्वजनिक सरोकारमा बढेको सचेतताका रुपमा आपूmले बुझेको महोत्तरी–१ ‘क’ बाट निर्वाचित प्रदेशसभा सदस्य शारदा थापाले बताए ।

“पहिलो पटक निर्माण भएयता मर्मतसम्भार नपाएको यो सडकको स्तरोन्नति गर्न म आफ्नो तहबाट प्रयत्नशील छु”, प्रदेशसभा सदस्य थापाले भन्नुभयो, “यसका लागि भौतिक पूर्वाधार तथा यातायात मन्त्री, आफ्नै क्षेत्रका प्रतिनिधिसभा सदस्य तथा वर्तमान सरकारमा शिक्षा, विज्ञान तथा प्रविधिमन्त्री, सडक विभागसम्बद्ध अधिकारी र स्थानीय तहका जनप्रतिनिधिसँग समन्वय गर्दैछु ।”

बर्दिवास नपाका प्रमुख विदुरकुमार कार्कीले सडकको अवस्थाबारे आपूm जानकार रहेको र यसको स्तरोन्नतिका लागि सङ्घीय सरकारका सम्बन्धित मन्त्री, सडक डिभिजन कार्यालय जनकपुर र हुलाकी सडक कार्यालय बर्दिवाससँग कैयौँ चरणमा छलफल गरेको बताए ।

बर्दिवास–जलेश्वर सडकको रेखदेखको जिम्मा पाएको हुलाकी सडक कार्यालयले जिल्ला र छिमेकका अन्य जिल्लाका हुलाकी सडकसँगै यो सडकको पनि मर्मतसम्भार र स्तरोन्नतिका लागि काम थालिने जनाएको छ । यसका लागि प्रक्रिया शुरु भइसकेको हुलाकी सडक कार्यालय बर्दिवासका प्रमुख देवेन्द्र साहले जानकारी दिए ।


थप समाचार

के बेवास्तामा परेकै हो त बिजिडब्लुएस ?

  • 3 hours ago
के बेवास्तामा परेकै हो त बिजिडब्लुएस ?

लण्डनस्थित नेपाली दूतावास र राजदूत डा दुर्गाबहादुर सुवेदीले समेत अरु गोर्खा संगठनलाई काखा र बिजिडब्लुएसलाई पाखा गरेको आरोप अध्यक्ष देवानले लगाएका छन् ।

वैज्ञानिक आविस्कारसँगै चर्चामा आएका पाँच महिलाहरु

  • 3 hours ago
वैज्ञानिक आविस्कारसँगै चर्चामा आएका पाँच महिलाहरु

संसारमा केही त्यस्ता महिलाहरु छन् जो आफ्नो सफतला र प्रभावको कारण सर्वप्रख्यात छन् । त्यस्ता महिलाहरुको प्रसंगमा पाँच महिला सधै अग्रणी स्थानमा आउँछन् जसले आफुलाई विज्ञानको क्षेत्रमा शोध र प्रयोगमा मात्

विश्वकै शक्तिशाली नेताहरु जसले गरेका छन् पिएचडी

  • 3 hours ago
विश्वकै शक्तिशाली नेताहरु जसले गरेका छन् पिएचडी

विश्वका धेरै प्रख्यात नेताहरुले आफ्नो देशको कार्यकारी पदमा रहेर आफुलाई प्रमाणित त गरे नै त्यसबाहेक उनीहरुले विश्वविद्यालयमा पनि आफुलाई अब्बल साबित गराउन सफल रहे ।



प्रेम र यौन

के हो राम्रो सेक्स ?

के हो राम्रो सेक्स ?

पुरुषहरु बढी सेक्सको बारेमा धेरै कुरा गर्छन् तर, महिलाहरु भने भित्रभित्रै धेरै सेक्सको चाहना धेरै राख्छन् । राम्रो सेक्स धेरै मानिसहरुका लागि अपरिहार्य कुरा हो । भोक लाग्दा खाना खाए जस्तै शरिरले मागेको बेलामा सेक्स गर्नु पनि साधारण कुरा हो । आजकाल धेरैजसो महिलाको आफ्नो पुरुषले शारिरिक सन्तुष्टि प्रदान गर्न नसकेको कुराहरु धेरै सुन्न पाइन्छ ।

जीवनशैली/स्वास्थ्य

विश्वकै शक्तिशाली नेताहरु जसले गरेका छन् पिएचडी

विश्वकै शक्तिशाली नेताहरु जसले गरेका छन् पिएचडी

विश्वका धेरै प्रख्यात नेताहरुले आफ्नो देशको कार्यकारी पदमा रहेर आफुलाई प्रमाणित त गरे नै त्यसबाहेक उनीहरुले विश्वविद्यालयमा पनि आफुलाई अब्बल साबित गराउन सफल रहे ।

विचित्र विश्व

ब्याचलर पास हुनुहुन्छ - करिअर बनाउन चाहनेका लागि यी हुन् उत्कृष्ट देशहरु

ब्याचलर पास हुनुहुन्छ - करिअर बनाउन चाहनेका लागि यी हुन् उत्कृष्ट देशहरु

यो भन्न अब निकै कठिन भइसकेको छ कि ग्रयाजुएसन पश्चात राम्रो जागिरको ग्यारेण्टी हुन्छ भनेर । सन् २०२० सम्ममा ४० मिलियन कलेजका शिक्षित कामदारहरु ग्लोबल इकोनोमीमा हुने द मिकिन्से ग्लोबल इन्सिटुटले अनुमान गरेको छ ।