स्टेभन जेरार्डः व्यवसायिक खेलाडीदेखि प्रशिक्षक सम्मको जिम्मेवारी

  • बुधबार, २५ पुष, २०७५
  • 6 months ago
  • खेल
Education Park

एजेन्सी । विश्व फुटबल जगतका एक अविस्मरणीय खेलाडी हुन् स्टेभेन जेरार्ड । उनको जन्म सन् १९८०, मे ३० मा विस्टन, इंग्ल्याण्डमा भएको थियो । कार्डिनल हिनान क्याथोलिक हाइ स्कुलमा भर्ना भएको केही समय पछि उनले फुटबलप्रति आकर्षित भए । 

 

९ वर्षको उमेरमा उनी लिभरपुल एकेडमीमा भर्ना भए । 

 

सन् १९९७, नोभेम्बरमा, १७ वर्षको उमेरमा उनले व्यवसायिक फुटबल करिअर लिभरपुल क्लबबाट सुरु गरे । सन् १९९९–२००० सम्म उनले खासै खृेल्ने समय पाएनन् । प्रशिक्षकले उनलाई सब्सिच्युटमा खेलाउने गर्थे । अन्ततः उनले सिल्डफिल्डविरुद्धको खेलमा गोल गरे । उक्त खेल लिभरपुलले ४–१ ले जित्न सफल भएको थियो । 

 

सन् २०००–२००१ को सिजन उनको लागि विशेष रह्यो । घाइते भएर केही समय आराम गरेका उनले सानदार कमव्याक गरे । उनले त्यस सिजन लिभरपुलका लागि १० गोल गरे । 

 

सन् २००३ को मार्च महिनामा म्यानचेस्टर युनाइटेडविरुद्ध भएको खेलमा उनले सानदार गोल गरे । फुटबल लिग कप फाइनल खेलमा उनले  र माइकल ओएनले गोल गरेका थिए । 

 

सन् २००५ मा भएको लिग कप फाइनल खेलमा उनले आत्मघाती गोल गर्दा लिभरपुल चेल्सीसँग ३–२ गोलले पराजित भएको थियो । उनले उक्त सिजन ५३ खेलमा २३ गोल गरेका थिए । 

 

सन् २००८–२००९ को सिजनमा आइसक्दा उनले लिभरपुलका लागि ३०० खेल खेलिसकेका थिए । उत्तःm सिजन उनले ब्ल्याकबर्न रोभर्सविरुद्ध पहिलो गोल गरे भने सम्रग सिजनमा २१ गोल गरेका थिए । सोही सिजन उनले लिभरपुलका लागि पिएसभीविरुद्ध व्यक्तिगत १०० गोल पुर्याए ।

 

सन् २००९ मा युरोपियन खेलमा उनले एकसय औ खेल रियल मड्रिडविरुद्ध खेलेका थिए । उक्त खेल लिभरपुलले ४–० गोलले जितेको थियो । 

 

सोही सिजन लिभरपुलका लागि ५०० औ खेल उनले व्ल्याकबर्नविरुद्ध खेलेका थिए । उक्त खेल गोलरहित बराबरीमा सकिएको थियो । सन् २०१५ मा उनले लिभरपुल क्लब छाड्दै अमेरिकन क्लब एलए ग्यालेक्सी मेजर लिग सकरका लागि अनुबन्ध भए । क्लब अमेरिकाविरुद्ध उनले डेब्यु खेल खेलेका थिए । उनले उक्त सिजन जम्मा १३ खेलमात्र खेलेका थिए । 

 

सन् २०१६ को नोभेम्बरमा कोलोराडो र्यापिडविरुद्ध अन्तिम खेल खेले । अन्तराष्ट्रिय फुटबलमा पनि देशका लागि उतिनै योगदान दिएका उनले सन् २००१ मा जर्मनी विरुद्ध गोल गरेका थिए । सन् २००२ मा भएको विश्वकप छनोट खेलमा जर्मनी इंग्ल्याण्डसँग ५–१ गोलले पराजित भएको थियो । सन् २००६ मा भएको विश्वकपमा उनले स्विडेन र ट्रिनीडाड एण्ड टोबागोविरुद्ध गोल गरेका थिए । 

 

सन् २०१० मा पनि विश्वकप छनोटमा इंग्ल्याण्डको साख जोगाउन उनले महत्वपुर्ण भुमिका खेले । सन् २०१२ मा भएको युरोकप खेलमा उनी कप्तानको भुमिका देखिए । सन् २०१४ मा उनले अन्तराष्ट्रिय फुटबलबाट सन्यास लिएका थिए । उनले इंग्ल्याण्डका लागि ११४ खेलमा २१ गोल गरे । 

 

१८ वर्ष फुटबल जीवन बिताएका उनले अन्ततः सन् २०१६ मा व्यवसायिक फुटबलबाट सन्यास लिएका थिए । उनले लिभरपुलका लागि ७०८ खेलहरु खेले । यसबीच उनले १८५ गोल गरे । १८५ गोल मध्ये उनले ११९ गोल लिगमा गरेका थिए । उनलाई चुनोती दिने एकमात्र इंग्ल्याण्ड खेलाडी हुन् फ्रयाक लामपार्ड । जेरार्ड लिभरपुलका लागि सर्वाधिक गोल गर्ने खेलाडीको सुचीको पाँचौ स्थानमा रहेका छन् । उनी पछिल्लो समय प्रशिक्षकको रुपमा करिअर बनाइ लागि परेका छन् । एउटै क्लबबाट ५०० भन्दा बढी खेल खेल्ने उनी तेस्रो खेलाडी हुन् । 

 

पछिल्लो खेलाडीहरुको मनशाय हेर्दा उनीहरु क्लब विभिन्न जान ललायित देखिन्छन् । तर, जेरार्ड यस्ता खेलाडी हुन् जसलाई चेल्सी, म्यानचेस्टर, रियल मड्रिड जस्ता क्लबले अफर गर्दा समेत उनी लिभरपुलमा नै बस्न रुचाए । रायन गिग्स, जेम्मी कारागार पश्चात जेरार्ड एउटै क्लबबाट ५०० भन्दा बढी खेल्ने खेलाडी हुन् । 

 

सन् २००७ मा उनले एलेक्स कुरानसँग विवाह भएको थियो । उनका तीन जना छोरीहरु रहेका छन्ः लिली इला, लेक्सी र लोरडेस । खेलकुदमा अतुलनिय योगदान दिएको भन्दै सन् २००७ मा उनलाई महारानीको आदेशमा ब्रिटिश सामराज्यको सदस्य समेत बनाइएको थियो । 

 

उनको सबैभन्दा अविस्मरणिय खेल सन् २००५ को च्याम्पियन्स लिगको फाइनलमा एसी मिलान विरुद्ध रह्यो । उक्त खेलमा लिभरपुल पहिलो हाफमा तीन गोल पछि परेको थियो । तर, दोस्रो खेलमा सानदार कमव्याक गर्दै लिभरपुलले च्याम्पियन्स लिगको उपाधि उचाल्न सफल भएको थियो । 

 

 

गएको सिजनदेखि स्कटिस क्लब रेन्जर्र्सको प्रशिक्षकको जिम्मेवारी सम्हालेका जेरार्डले लिग लिडर सेल्टिकलाई च्यालेन्ज दिइरहेका छन् । २० खेल खेलेको सेल्टिकको ४२ अंक रहेको छ भने २१ खेल खेलेको रेन्जर्सको पनि ४२ रहेको छ । यस सिजन उपाधिका लागि रेन्जर्सले कडा चुनौती दिएको छ । खेलाडी जीवन सुखद र सफल रहेको जेरार्डको कोचिङ यात्रा पनि सफल रहने फुटबल विश्लेषकहरु बताउँछन् । 

 


थप समाचार

विविध कार्यक्रमसहित चार्ल्टनमा  समर कार्यक्रम 

  • 6 hours ago
विविध कार्यक्रमसहित चार्ल्टनमा  समर कार्यक्रम 

भलिबल प्रतियोगिता, ससाना बालबालिकाका गीत , नृत्यसहित राष्ट्रिय कलाकारका प्रस्तुति कार्यक्रमका मुख्य आकर्षण थिए । 

श्रावण महिनासंगै गुन्जियो पशुपतिनाथमा भजन (फोटोफिचर)

  • 9 hours ago
श्रावण महिनासंगै गुन्जियो पशुपतिनाथमा भजन (फोटोफिचर)

काठमाडौ ।२०६४ साल श्रावण २१ गते सोमबारका दिनदेखि पशुपतिनाथ मन्दिर, बागमती नदीतट, आर्यघाट, ब्रह्मनालको पूर्वी किनारा खुल्ला प्राङ्गगणमा आध्यात्मिक भावनाको जागरण गराउने उद्देश्यले सुरु भएको “श्री पशुपति

कागती प्रयोग गर्नुका फाइदैफाइदा

  • 10 hours ago
कागती प्रयोग गर्नुका फाइदैफाइदा

एजेन्सी । एउटा सानो कागतीले हामीलाई कतिसम्म फाइदा गर्छ भन्ने कुरा सुनेर तपाई अचम्ममा पर्न सक्नुहुन्छ । कागतीले शरीरको रोगसँग लड्ने क्षमता बढाउनुका साथै हरेक प्रकारको रोगबाट टाढा राख्न मद्दत पु¥याउँछ ।



प्रेम र यौन

यौन शिक्षा– यस्तो बेलामा यौन सम्बन्ध नराखौं !

यौन शिक्षा– यस्तो बेलामा यौन सम्बन्ध नराखौं !

कस्तो अवस्थामा यौन सम्पर्क गर्ने र कस्तो अवस्थामा नगर्ने भन्ने आ–आफ्नै धारणा, तर्क सुनिन्छ । कतिपय अवस्थामा यौन सम्पर्क गर्नै हुन्न । महिलाले आफ्नो शिशुलाई स्तनपान गराईरहेको समयमा शिशुसँग रमाइरहेका हुन्छन् ।

जीवनशैली/स्वास्थ्य

कागती प्रयोग गर्नुका फाइदैफाइदा

कागती प्रयोग गर्नुका फाइदैफाइदा

एजेन्सी । एउटा सानो कागतीले हामीलाई कतिसम्म फाइदा गर्छ भन्ने कुरा सुनेर तपाई अचम्ममा पर्न सक्नुहुन्छ । कागतीले शरीरको रोगसँग लड्ने क्षमता बढाउनुका साथै हरेक प्रकारको रोगबाट टाढा राख्न मद्दत पु¥याउँछ । आउनुहोस यस कागतीका महत्वपूर्ण फाइदाबारे चर्चा गरौं ।