'ग्रीनवीच मेला' जस्तै ग्रीनवीचकप : फुटबल र भलिबलबाहेक अरु धेरै मनोरञ्जन पनि

  • सोमबार, २८ साउन, २०७५
  • 3 months ago
  • युके

लण्डन । नेपाली युथ एशोसिएसन यूकेले हरेक वर्ष आयोजना गर्दै आएको ग्रीनवीचकपको आठौं संस्करण शनिबार सम्पन्न भएको छ । प्रतियोगितामा फुटबलतर्फ एफसी तोङ्वा र भलिबलतर्फ १ आरजीआरको टोली विजेता बनेका छन् । 

 

ग्रीनवीचकपमा यसपटक फुटबल र भलिबल प्रतियोगिता बाहेक विभिन्न सांगीतिक ब्याण्ड र कलाकारका लाइभ प्रस्तुति, मेडिकल चेक अप क्याम्प, नेपाली खानाका स्टल, बालबालिकाका लागि मनोरञ्जनात्मक खेलहरु लगायतका आकर्षण पनि थिए । ग्रीनवीच मेलाका रुपमा आयोजना गरिएको यस वर्षको इभेन्टमा बेलायतस्थित विभिन्न नेपाली संघसंस्थाका प्रतिनिधीसंगै झण्डै १ हजार जनाको सहभागिता रहेको अयोजक एशोसिएसनले बताएको छ । 

 

आठौं ग्रीनवीचकपमा फुटबलतर्फ १२ र भलिबलतर्फ ११ टिमले प्रतिस्पर्धा गरेका थिए । जसमध्ये फुटबलमा एफसी तोङवाले उपाधि जित्यो भने रोयल ग्रीनवीच फुटबल क्लब दोस्रो स्थानमा रह्यो । फुटबलको उपाधि विजेतालाई नगद १५ सय पाउण्ड र दोस्रो हुने टिमलाई नगद ६ सय तथा सेमिफाइनलमा पुग्ने अन्य २ टिमलाई १ सय पाउण्ड नगद, ट्रफी र मेडलसहितको पुरस्कार प्रदान गरियो । आयोजक एशोसिएसनका अध्यक्ष लक्ष्मण गुरुङ, एमडी जे सेभेन सेक्युरिटीका ज्यासन लेभेल र प्रसिद्ध प्रधानले पहिलो तथा दोस्रो पुरस्कार वितरण गरेका थिए । 

 

 

यसैगरी भलिबलतर्फ उपाधि विजेता १ आरजिआरले नगद १ हजार पाउण्ड तथा दोस्रो आयोजक ग्रीनवीच भलिबल परिवारले नगद ७ सय पाउण्ड सहितसहित ट्रफी र मेडल प्राप्त गरे । भलिबलको पहिलो र दोस्रो हुने टिमलाई साउथ ईस्ट तमु धिका अध्यक्ष श्रीचन्द्र गुरुङ, स्थानीय युवा समाजसेवी विनोद ज्ञवाली, एशोसिएसनका उपाध्यक्ष राजन खकुरेल, एनआरएन यूके उपाध्यक्ष ललितकुमार न्यौपाने, एशोसिएसनका संस्थापक अध्यक्ष ह्यारी गुरुङ र एनआरएनका उपमहासचिव विनय अधिकारीले पुरस्कार र मेडल वितरण गरे । 

 

भलिबल प्रतियोगातिको आयोजना ग्रीनवीच भलिबल परिवारको समेत सहकार्यमा गरिएको थियो । प्रतियोगिताका भलिबल खेलहरु भइरहदा विनोद ज्ञवालीले रोमाञ्चक लाइभ कमेन्ट्री प्रस्तुत गरेका थिए ।

 

फुटबल र भलिबल दुवै विधामा एकएक जना खेलाडीलाई उत्कृष्ट खेलाडीको पुरस्कार पनि प्रदान गरियो । त्यसैगरी, प्रतियोगिताका रेफ्री र अफिसियलहरुलाई मायाको चिनो प्रदान गरियो । एशोसिएसनका पूर्व अध्यक्ष दिपेन गुरुङ, आरजिएनएसका अध्यक्ष हरिगोविन्द गुरुङ, जिगेसा अध्यक्ष लिलादेवी गुरुङ, एनआरएन यूकेका सचिव सुरोज मास्के र सल्लाहकार जिवन सेन लगायतले पुरस्कार तथा मायाको चिनो वितरण गरेका थिए । 

 

 

कार्यक्रमका प्रमुख अतिथी रोयल ग्रीनवीच बरोका मेयर क्रिस्टिन मेले ग्रीनवीचकपमा योगदान गर्ने स्वयमसेवक तथा सहयोगीहरुलाई प्रशंसापत्र वितरण गरेकी थिइन् । तमु धि साउथ ईस्ट अध्यक्ष श्रीचन्द्र गुरुङ, एशोसिएसनका संस्थापक अध्यक्ष ह्यारी गुरुङ, प्रसिद्ध प्रधान, विरेन नेपाल, नेप्लिज नर्सिङ एशोसिएसन यूके टिम, मिसेस यूके नेपाल टिम, जमघट परिवार, प्रतिभा नक्षेत्र टिम लगायतलाई प्रशंसापत्र प्रदान गरिएको थियो । 

 

कार्यक्रमस्थलमा स्थानीय युवा सांगीतिक ब्याण्डहरु 'दाजुभाई' र 'भाव' ले लाइभ संगीत प्रस्तुत गरेका थिए । त्यस्तै गायक दिपक थापा तथा कलाकारद्धय प्रतिक र प्रतिभाको प्रस्तुतिले पनि कार्यक्रममा मनोरञ्जन थपेको थियो । विनोद चिपालुकोे लाखे नाच र पासा पुचः साउथ ईस्ट समुहकोे धिमे बाजाको मौलिक प्रस्तुति रहेकोे कार्यक्रममा प्रतिभा नक्षेत्र र मिसेस नेपाल यूके टिमले पनि प्रस्तुति देखाएका थिए । सांस्कृतिक कार्यक्रमहरुको स्रचालन सुस्मिता थापाले गरेकी थिइन् । 

 

 

कार्यक्रमस्थलमा मञ्जु भट्ट र इन्दु गुरुङको संयोजनमा बालबालिकाको लागि आकर्षक पुरस्कारसहितका विविध मनोरञ्जनात्मक खेलहरु पनि व्यवस्था गरिएको थियो । त्यस्तै, वयस्कहरुको लागि घैटो  फुटाउने लगायतका खेल पनि सञ्चालन गरिएको थियो । 

 

कार्यक्रमस्थलमा नेप्लिज नर्सिङ एशोसिएसनको निशुल्क स्वास्थ्य जांच , मिसेस यूके नेपालको मुख तथा दांतको स्वास्थ्य र स्वच्छतासम्बन्धी इन्फमेसन डेस्क  तथा प्रतिभा नक्षेत्रको डेस्क पनि राखिएका थिए ।  स्थानीय नमस्ते रेष्टुरेन्ट, डांफे रेष्टुरेन्टदेखि तमु धि आमा समुह र डिजे बिरेन लगायतले नेपाली खानाका विभिन्न परिकारहरु उपलब्ध गराएका थिए । 

 

 

कार्यक्रममा तमु धि यूके अध्यक्ष ज्ञाम गुरुङ, आरजिएनएस अध्यक्ष हरिगोविन्द गुरुङ, साउथ ईस्ट तमु धि अध्यक्ष श्रीचन्द्र गुरुङ लगायत विभिन्न संघसंस्थाका अतिथीहरुको उपस्थिति थियो । 

ग्रीनवीच कपको यो संस्करणको मुख्य संयोजक आयोजक एशोसिएसनका अध्यक्ष लक्ष्मण गुरुङ थिए भने सहसंयोजकमा उपाध्यक्षद्धय राजन खकुरेल र सुदर्शन गुरुङ थिए । त्यस्तै, फुटबल खेलको अमिर गुरुङ र भलिबलको मन्दिप केसीले संयोजन गरेका थिए । अध्यक्ष गुरुङले बेलायतको नेपाली समुदायमा फुटबल र भलिबल प्रतियोगिताका साथै लाइभ संगीत , फन फेयर र बालबालिकाको खेल लगायतका विभिन्न गतिविधीहरु एकैसाथ समेटेर मनोरञ्जनको एक पुर्ण प्याकेजको रुपमा यस्तो कार्यक्रम पहिलो पटक आयोजना भएको भन्दै खुशी व्यक्त गरे । कार्यक्रमका सबै सहभागी तथा सहयोगीहरुप्रति उनले आभार प्रकट गरेका छन् । 

 

 

(तस्बिरहरु : यम गुरुङको फेसबुकबाट)


थप समाचार

क्यालिफोर्नियामा डढेलोः अग्नि नियन्त्रकहरुको प्रयास जारी, ५० जनाको मृत्यु

  • 45 minutes ago
क्यालिफोर्नियामा डढेलोः अग्नि नियन्त्रकहरुको प्रयास जारी, ५० जनाको मृत्यु

प्याराडाइज । अमेरिकाको क्यालिफोर्निया राज्यको जङ्गलमा लागेको डढेलोका कारण मृत्यु हुनेको संख्या कम्तीमा ५० पुगेको छ । अझै एकसय भन्दा बढी व्यक्ति बेपत्ता रहेको अधिकारीहरुले मङ्गलबार जानकारी दिएका छन् ।

नेपाल प्रहरीलाई ‘डिजिटल गर्भनेन्स अवार्ड’

  • 48 minutes ago
नेपाल प्रहरीलाई ‘डिजिटल गर्भनेन्स अवार्ड’

काठमाडौँ । सूचना प्रविधिको उत्कृष्ट प्रयोग गरी कार्य गरेबापत सरकारी संस्थालाई दिइने ‘डिजिटल गभर्नमेन्ट अवार्ड’ नेपाल प्रहरीले प्राप्त गरेको छ । जापानस्थित एशियन–ओसिएनियन कम्युटिङ इन्डष्ट्री अर्गनाइजेस

नेपालमा लगानी र व्यापारका अवसरहरुबारे लण्डन दूतावासमा चर्चा

  • 1 hour ago
नेपालमा लगानी र व्यापारका अवसरहरुबारे लण्डन दूतावासमा चर्चा

दूतावास र ब्रिटेन नेपाल चेम्बर अफ कमर्स (बिएनसिसी) मिलेर आयोजना गरिएको कार्यक्रमका सहभागीहरुले नेपालमा विदेशी लगानी तथा व्यापारको लागि अहिले अनुकुल समय रहेको धारणा राखे ।



भिडियो

प्रेम र यौन

यौनवर्धक भियाग्राको प्रयोग कति उचित ?

यौनवर्धक भियाग्राको प्रयोग कति उचित ?

काठमाडौँ । उमेर पुगेका हरेक व्यक्तिलाई यौनको चाहाना हुनु स्वाभाविक नै मानिन्छ तर यदि कोहि महिला वा पुरुषलाई यौन चाहानामा गडबढी हुनु पनि सामान्य हुँदै गएको छ ।

जीवनशैली/स्वास्थ्य

किन युवतीलाई दारी पाल्ने युवक मनपर्छ ?

किन युवतीलाई दारी पाल्ने युवक मनपर्छ ?

युवतीहरुलाई इम्प्रेस पार्नका लागि केटाहरु हरेक प्रकारका कोशिसहरु गर्ने गर्छन् । तर, हालै गरिएको एक अनुसन्धानले केटीहरुलाई ट्रिम दारी भएका केटाहरुतर्फ आकर्षित हुने बताएको छ ।

विचित्र विश्व

यी हुन् सबैभन्दा कम उमेरमा पिएचडी गर्ने १० मानिसहरु

यी हुन् सबैभन्दा कम उमेरमा पिएचडी गर्ने १० मानिसहरु

धेरै विद्यार्थीहरुको मनमा ग्य्राजुएट गरेपछि पढु कि नपढु भन्ने दुविधा हुन्छ । यो विषय पढौं कि त्यो विषय पढौं भन्ने प्रश्न पनि धेरै ग्य्राजुएटहरुको दिमागमा खेलिरहेको हुन्छ ।