डिसेम्बर २ मा गुल्मी जिल्ला समाज यूकेको अपांगता दिवस च्यारिटी

  • मंगलबार, २७ कार्तिक, २०७५
  • 6 months ago
  • युके

 

लण्डन । परोपकारी तथा सामाजिक कामहरुको आधारमा बेलायतकै अग्रणी नेपाली संस्थाका रुपमा चिनिने गुल्मी जिल्ला समाज यूकेले आउंदो डिसेम्बर महिनाको पहिलो साता एक च्यारिटी कार्यक्रम गर्दैछ । 

 

विश्व अपांगता दिवसको अवसर पारेर समाजले हरेक वर्ष गर्दैै आएको च्यारिटी कार्यक्रमलाई यस वर्ष पनि निरन्तरता दिइने भएको हो । डिसेम्बर २ तारिख आइतबारका दिन दिउंसो २ बजेदेखि साउथ ईस्ट लण्डनको वुल्वीचस्थित लोटस क्लबमा कार्यक्रम निर्धारित छ । 

 

बेलायतका लागि नेपाली राजदूत डा दुर्गाबहादुर सुवेदी प्रमुख अतिथि रहने सो कार्यक्रममा विशेष अतिथिका रुपमा आशा अपांग केन्द्र तम्घासकी सञ्चालिका गंगा रायमाझी पनि आउंदैछन् । 

 

च्यारिटी कार्यक्रमबाट संकलन हुने कोषबाट आधा रकम आशा अपांग केन्द्रलाई प्रदान गरिनेछ भने बांकी आधा रकम समाजका अन्य सामाजिक कामहरुमा लगाइनेछ । 

 

विगत एक दशकदेखि हरेक वर्ष अपांगतका दिवसको अवसरमा च्यारिटी कार्यक्रम गरेर समाजले आशा अपांग केन्द्र र अन्य सामाजिक कार्यहरुमा सहयोग पुर्याउंदै आएको छ । 

 

च्यारिटी कार्यक्रममा विभिन्न मनोरञ्जनात्मक कार्यक्रमहरु देखाउने तयारी पनि छ । समाजकै निमन्त्रणमा बेलायत आएकी गायिका सुशिला गौतमको विशेष प्रस्तुतिका साथै प्रथम नौमती बाजा गुल्मी यूके र स्थानीय कलाकारहरुका विविध सांस्कृतिक कार्यक्रम पनि प्रस्तुत गरिनेछ । 

 

यस वर्षको च्यारिटी कार्यक्रमका संयोजक तथा समाजका उपाध्यक्ष राजन खरेल, अर्का उपाध्यक्ष फडिन्द्र भट्टराई लगायतको समुह यतिबेला कार्यक्रमको तयारीमा जुटेको छ । 

 

कार्यक्रममा सहभागी भइदिन तथा सहयोग  गरिदिन समाजका अध्यक्ष राम गलामीले बेलायतबासी नेपालीहरुलाई आग्रह गरेका छन् । 'अन्य संघसंस्थाहरुले गर्ने सामाजिक कार्यहरुमा पनि हरेक पटक हामीले सक्दो सहयोग गर्दै आइरहेका छौं', अध्यक्ष गलामीले भने, 'त्यसकारण पनि हाम्रो यो च्यारिटी कार्यमा अन्य संघसंस्था तथा समाजका अगुवाहरुबाट सहयोग पाउनेछौं भन्ने आशा गरेका छौं ।' 

 


थप समाचार

महिनावारीका बेला पेट दुखेमा...

  • 13 minutes ago
महिनावारीका बेला पेट दुखेमा...

महिनावारीका समयमा महिलामा सामान्य ढाड वा पेट दुख्ने, थकान महसुस हुने आदिजस्ता समस्या हुनुलाई स्वाभाविकै मानिन्छ । तर, कतिपय किशोरीमा सहनै नसक्ने गरी तल्लो पेट दुख्ने गर्छ । यो भने समस्या हो ।

माझी भाषी फिल्म ‘मोङो डोङा–२’ को रिलिज मिति तोकियो

  • 29 minutes ago
माझी भाषी फिल्म ‘मोङो डोङा–२’ को रिलिज मिति तोकियो

काठमाडौं । माझी भाषी फिल्म ‘मोङो डोङा–२’ रिलिज मिति तोकिएको छ । गायक तथा अभिनेता यमनका स्टारर् ‘मोङो डोङा–२’ यही जेठ २५ गतेबाट दर्शकमाझ रिलिजमा आउने भएको छ ।

भारतमा भएको सातौँ चरणको मतदानमा मात्र ६१.१३ प्रतिशत मतदाताको सहभागिता

  • 30 minutes ago
भारतमा भएको सातौँ चरणको मतदानमा मात्र ६१.१३ प्रतिशत मतदाताको सहभागिता

नयाँ दिल्ली । भारतमा आइतबार सम्पन्न सातौं चरणको निर्वाचनमा ६१.१३ प्रतिशतले मतदान गरेको आँकलन निर्वाचन आयोगले साँझ ६ः४५ मा आफ्नो वेबसाइटमार्फत सार्वजनिक गरेको छ ।



प्रेम र यौन

अविस्मरणीय सुहागरातका लागि

अविस्मरणीय सुहागरातका लागि

विवाह पहिले यौन सम्पर्क गर्नु वा नगर्नु व्यक्तिको निर्णय हो । नवविवाहित दम्पतीले कौमार्यकै आधारमा एक अर्कालाई परीक्षण गर्नु उपर्युक्त हुँदैन । जोडीको ध्यान र क्रियाकलाप आफ्नो पहिलो यौन क्रियाकलापलाई कसरी खास बनाउने भन्नेमा केन्द्रीत हुनुपर्छ ।

जीवनशैली/स्वास्थ्य

महिनावारीका बेला पेट दुखेमा...

महिनावारीका बेला पेट दुखेमा...

महिनावारीका समयमा महिलामा सामान्य ढाड वा पेट दुख्ने, थकान महसुस हुने आदिजस्ता समस्या हुनुलाई स्वाभाविकै मानिन्छ । तर, कतिपय किशोरीमा सहनै नसक्ने गरी तल्लो पेट दुख्ने गर्छ । यो भने समस्या हो ।