IIMS College

ISMT

HUB Education

१७ औं गोर्खाकपमा ४२ टिम भिड्ने

  • आइतबार, ५ जेष्ठ, २०७६
  • 5 months ago
  • युके
Education Park

 

Kathmandu Trade Show

 

Royal Education Foundation

 

तस्विर : शिव भण्डारी 

 

लण्डन । बेलायतको नेपाली समुदायमा आयोजना हुने वर्षकै ठूलो इभेन्ट गोर्खाकपमा यस वर्ष ४२ टिमबीच फुटबल भिडन्त हुने भएको छ । 

 

यहि मे २६ तारिख आइतबार अल्डरसटको क्वीन्स एभिन्यूमा सञ्चालन हुने गोर्खाकपको १७ औं संस्करणमा मुख्य विधातर्फ ३२ र भेट्रानतर्फ १० टिमले प्रतिस्पर्धा गर्ने भएका छन् । 

 

आयोजक तमु धिं यूकेले आइतबार तमु भवन मिचेटमा आयोजना गरेको पत्रकार सम्मेलनमा प्रतियोगितामा बेलायतबाहिरबाट समेत ५ टिम सहभागी हुन आउने जानकारी दिइयो । हल्याण्ड, आइसल्याण्ड, बेल्जियम, आयरल्याण्ड र हंककंगबाट सहभागिता हुन लागेको हो । 

 

प्रतियोगिताको मुख्य तथा भेट्रान दुवै विधामा पहिलो हुने टिमलाई नगद २५ सय तथा दोस्रो हुने टिमलाई नगद १५ सय पाउण्डसहित ट्रफी र सर्टिफिकेट प्रदान गरिनेछ । दुवै विधामा उच्च गोल स्कोरकर्ता र उत्कृष्ट खेलाडीलाई समेत पुरस्कृत गरिनेछ । 

 

यस वर्ष गोर्खाकप हेर्न ७ देखि १० हजार दर्शक उपस्थित हुने आयोजकको अपेक्षा छ । रश्मोर बरोकी मेयर काउन्सिलर सु कार्टर प्रमुख अतिथि रहने कार्यक्रममा एफए लिग प्रमुख लरेन्स जोन्स विशेष अतिथिका रुपमा सहभागी हुने बताइएको छ । 

 

 

पत्रकार सम्मेलनमा तमु धिं यूके अध्यक्ष नन्दजंग गुरुङले गोर्खाकपको सफलतासंग बेलायतको सिंगो नेपाली समुदायकै प्रतिष्ठा र हित जोडिएको भन्दै सहभागिता तथा सहयोगको लागि अपील गरे । 

 

बेलायतका नेपाली खेलाडीहरुलाई फुटबलप्रति प्रेरित गर्नुका साथै यहाँस्थित नेपाली व्यवसाय र सामग्रीहरुको प्रबद्र्धन तथा सिंगो समुदायलाई एकठाउँमा ल्याउन गोर्खाकपको विशेष भुमिका रहने उनको विश्वास छ । 

 

कार्यक्रमका संयोजक क्या पिताम्बर गुरुङले कार्यक्रमको तयारीबारे जानकारी गराउँदै हेल्थ एण्ड सेफ्टी तथा सुरक्षालाई पहिलो प्राथमिकतामा राखिएको बताए । प्रतियोगिताको तयारीका लागि २५ सदस्यीय तयारी समितिले विगत ४,५ महिनादेखि निरन्तर काम गरिरहेको गुरुङले जनाए । 

 

उपाध्यक्ष हितकाजी गुरुङले तमु धिं यूकेले आयोजना गरेपनि गोर्खाकप बेलायतबासी सबै नेपालीहरुको साझा कार्यक्रम रहेको भन्दै यसलाई सफल पार्न आव्हान गरे ।

 

प्रतियोगितास्थलमा नेपाली खानाका १० तथा आर्ट एण्ड क्राफ्टका ४२ वटा स्टल रहनेछन् । एनआरएनए यूकेले निशुल्क स्वास्थ्य शिविर सञ्चालन गर्नेछ । एफए कप डिस्प्ले, प्यारा डिस्प्ले, राफल ड्र, सांस्कृतिक प्रस्तुति कार्यक्रममा गराइनेछ  । 

 

प्रतियोगिताको अनुमानित लागत ४० देखि ४५ हजार पाउण्ड रहेको तमु धिं यूकेले जनाएको छ । अघिल्ला वर्षहरुमा रहंदै आएको १ पाउण्डको प्रवेश शुल्कलाई बढाएर यसपटक २ पाउण्ड बनाइएको छ । प्रवेश टिकटहरुबाटै राफल ड्र गराएर भाग्यमानी १ जनालाई १ तोला सुनको पुरस्कार दिइनेछ । 

  

स्थानीय प्रहरी, सुरक्षा गार्ड र स्वयंसेवक गरि करिब एकसय जनाले खेल स्थानलाई सुरक्षा दिनेछन् । 

 

पत्रकार सम्मेलनमै प्रतियोगी टिमहरुको ड्र गराएर समुहमा वर्गिकरण गरिएको थियो । खानाका स्टलको लागि समेत छुट्टै  ड्र गराइएको थियो । 

 

पत्रकार सम्मेलनमा तमु धिं यूकेका संस्थापक अध्यक्ष मिनप्रसाद गुरुङ, पूर्व अध्यक्षहरु ज्ञाम गुरुङ, रामचन्द्र सुर्जे गुरुङ र कमल गुरुङ, सहारा युके अध्यक्ष कुमार गुरुङसहित कार्यसमितिका पदाधिकारी, सल्लाहकार तथा सदस्यहरुको उपस्थिति थियो । कार्यक्रममा उपस्थित पत्रकारहरुलाई अध्यक्ष नन्दजंग गुरुङ र मिडिया सेक्रेटरी रोहित गुरुङले सम्मान गरेका थिए । 

 

 


थप समाचार

राति १ः३० बजेको समयमा १८ जुवाडे पक्राउ

  • 6 minutes ago
राति १ः३० बजेको समयमा १८ जुवाडे पक्राउ

कावासोती । जिल्ला प्रहरी कार्यालय नवलपरासीपूर्वको प्रहरी टोलीले गएराति जुवा खेलिरहेका १८ जनालाई पक्राउ गरेको छ । प्रहरीले राति १ः३० बजेको समयमा देवचुली नगरपालिका–६ मुण्डेमा रहेको आधार रिसोर्टमा जुवाता

के आजसम्म पनि यो गुफाभित्र रहेको छ रावणको शव ? १० हजार वर्षपछि आयो यस्तो सत्य

  • 28 minutes ago
के आजसम्म पनि यो गुफाभित्र रहेको छ रावणको शव  ? १० हजार वर्षपछि आयो यस्तो सत्य

एजेन्सी । रामायणसँग सम्बन्धित इतिहासको बारेमा जान्नु हरेक मानिसका लागि जिज्ञासा रहन्छ । भन्ने गरिन्छ की श्रीलंकामा आज पनि रामायणसँग जोडीएका यस्ता कैयौं स्थानहरु रहेका छन् जसको बारेमा हरेक मानिस जान्न

ऋतिक र टाइगरको ‘वार’ले तीन सय करोड कमायो

  • 29 minutes ago
ऋतिक र टाइगरको ‘वार’ले तीन सय करोड कमायो

काठमाडौं । बलिउडका एक्शन अभिनेताद्वय ऋतिक रोशन र टाइगर श्रफसको फिल्म ‘वार’ले बक्स अफिसमा तीन सय करोडको कलेक्शन गर्न सफल बनेको छ । ट्रेड एनालिस्ट तरण आदर्शका अनुसार ‘वार’ले तीन सय करोडको कलेक्शन गरेको



प्रेम र यौन

सम्भोग गर्नुका यस्ता छन् विशेष पाँच फाइदा

सम्भोग गर्नुका यस्ता छन् विशेष पाँच फाइदा

आजकल जिन्दगीमा सेक्स यस्तो रोमाञ्चक विषय बनेको छ कि जोकोही यसको बारेमा खुलेर जान्न चाहान्छ । सेक्सलाई लिएर मनमा धेरै नकारात्मक कुराहरु पनि हुने गर्छन् । जुनका कारण पनि मानिसहरु जिन्दगीमा खुसी देखिदैनन् ।

जीवनशैली/स्वास्थ्य

यस्तो रहेको छ सोमबारको तपाईको भाग्य–कात्तिक ०४ गते

यस्तो रहेको छ सोमबारको तपाईको भाग्य–कात्तिक ०४ गते

वि.सं.२०७६ साल कात्तिक ०४ गते । सोमबार । ईश्वी सन् २०१९ अक्टोबर २१ तारिख । नेपाल संवत् ११३९ । परिधावी संवत्सर । दक्षिणायन । शरद ऋतु । काठमाडौंमा सूर्योदय ०६ बजेर ०७ मिनेट, सूर्यास्त बेलुकी ०५ बजेर २७ मिनेट ।

विचित्र विश्व

के आजसम्म पनि यो गुफाभित्र रहेको छ रावणको शव ? १० हजार वर्षपछि आयो यस्तो सत्य

के आजसम्म पनि यो गुफाभित्र रहेको छ रावणको शव  ? १० हजार वर्षपछि आयो यस्तो सत्य

एजेन्सी । रामायणसँग सम्बन्धित इतिहासको बारेमा जान्नु हरेक मानिसका लागि जिज्ञासा रहन्छ । भन्ने गरिन्छ की श्रीलंकामा आज पनि रामायणसँग जोडीएका यस्ता कैयौं स्थानहरु रहेका छन् जसको बारेमा हरेक मानिस जान्न चाहन्छन् ।