गोर्खा विधवाकी ५२ वर्षीया छोरीका पक्षमा बेलायती अदालतको फैसला

  • मंगलबार, २९ साउन, २०७५
  • 5 months ago
  • युके

लण्डन । भूतपूर्व गोर्खा विधवाकी एक ५२ वर्षीया छोरीले बेलायतको आवासीय अधिकारपाउने भएकी छन् । 

 

उच्च अदालतले बेलायतमै रहेकी गोर्खा विधवाकी नेपालस्थित छोरी तारादेवी पुनका पक्षमा फैसला सुनाएको हो । योे फैसलासंगै गोर्खा विधवाका सन्तानहरुमा सबैभन्दा बढि उमेरमा बेलायतको आवासीय अधिकार पाएको  रेकर्ड तारादेवीको बनेको छ ।

 

तारादेवीले बेलायतको आवासीय अधिकारको लागि वर्षअघि ४९ वषको उमेरमा गरेको आवेदन ब्रिटिश हाई कमिसनबाट अस्वीकृत भएको थियो । 

 

त्यसपश्चात फस्र्ट टियर ट्राइबुनेलमा मुद्धा दर्ता गर्दा उनको पक्षमा फैसला भयो । तर तल्लो अदालतको सो फैसलाकाविरुद्ध होम अफिसले उच्च अदालत (अप्पर ट्राइबुनल) मा मुद्धा दायर गर्यो । उच्च अदालतमा भएको सुनुवाईपछि अन्ततः तारादेवीका पक्षमा फैसला भएको हो । 

 

तारादेवीको केस पनि यसअघि गोर्खाहरुका सन्तानका थुप्रै केसमा सफलता हासिल गरेको लण्डनस्थित एभरेस्ट ल सोलिसिटर्स फर्मले नै हेरेको थियो । एभरेस्ट ल सोलिसिटर्स फर्मका प्रिन्सिपल सोलिसिटर राजु थापाले तारादेवीको पक्षमा भएको फैसला गोर्खा विधवाहरुको सन्तानको हकमा एउटा नयां रेकर्ड बनेको बताए । अहिलेसम्म यति धेरै उमेरका कुनै पनि भूपू गोर्खा वा गोर्खा विधवाका सन्तानले बेलायतको आवासीय अधिकार प्राप्त गरेका थिएनन् । 

 

सोलिसिटर थापाका अनुसार गोर्खा परिवारमाथि भएको ऐतिहासिक अन्याय र यसले पारेको पारिवारिक असरकै आधारमा ५२ वर्षीया तारादेवीको पक्षमा अदालतले फैसला गरेको हो । 

 

हाल प्रचलित इमिग्रेसन व्यवस्थाका आधारमा भूपू गोर्खाका १८ देखि ३० वर्ष उमेरका सन्तानले मात्र आवासीय अधिकार प्राप्त गर्न सक्छन् । विधवाका सन्तानले यो अधिकार पाउने व्यवस्था छैन । 

 

तर नीतिमा नपरे पनि मानव अधिकार र ऐतिहासिक अन्यायको आधारमा ३० वर्ष भन्दा माथिका पनि कतिपयले मुद्धा जितेका छन् । तर नियमले तोकेको  ३० वर्ष भन्दा मुनिका समेत कतिले भने आवासीय अधिकार पाएका छैनन् । आवासीय अधिकारको मुद्धा जित्नको लागि मुख्यतः निकट भावनात्मक सम्बन्ध रहेको, आर्थिक रुपमा पुर्ण आश्रित तथा स्वतन्त्र जिवन नबिताएको जस्ता मापदण्डहरु पूरा गरेको हुनुपर्छ । 

 

हालै मात्रै ४६ वर्षका गोर्खा सन्तानका एक दम्पतिका पक्षमा उच्च अदालतले नै फैसला सुनाएको थियो भने बाबुआमा दुवै गुमाएका एक सन्तानले समेत आवासीय अधिकार पाएका छन् । त्यस्तै, गोर्खा विधवाकी छोरी रिता राई, जो स्वयम्  पनि विधवा हुन, उनले पनि हालै आवासीय अधिकारको मुद्धा जितेर बेलायत आइसकेकी छन्   । 

 

तारादेवीका पक्षमा भएको फैसलाले भूपू गोर्खाहरुका लागि दिर्घकालीन रुपमै ठूलो महत्व राख्ने सोलिसिटर थापा बताउंछन् । 'इमिग्रेसन व्यवस्थाले तोकेको उमेरको छेकबारको कारण प्रभावित भएकाहरु धेरै छन् । तर अब उनीहरुको लागि पनि सम्भावना थप बलियो बनेको छ', सोलिसिटर थापाले भने । 

 

सोलिसिटर राजु थापा

 

 


थप समाचार

नार्ककाे वैज्ञानिक पलायनबारे अनुसन्धान गर्नुपर्ने बेला आयाे : कृषिमन्त्री खनाल

  • 2 minutes ago
नार्ककाे वैज्ञानिक पलायनबारे अनुसन्धान गर्नुपर्ने बेला आयाे : कृषिमन्त्री खनाल

भरतपुर । कृषिमन्त्री चक्रपाणि खनालले नेपाल कृषि अनुसन्धान परिषद् (नार्क) कै अनुसन्धान गर्नुपर्ने बताएका छन् ।

सात दशमलव ५७ विन्दुले घटेर शेयर बजारकाे ओरालो यात्रा जारी

  • 8 minutes ago
सात दशमलव ५७ विन्दुले घटेर शेयर बजारकाे ओरालो यात्रा जारी

काठमाडौँ । धितोपत्र बजारमा आज शेयरको मूल्य ओरालो लागेको छ ।

मुटुकाे शल्यक्रियापछि ब्रह्मानन्दमकाे स्वास्थ्य अवस्था सामान्य

  • 18 minutes ago
मुटुकाे शल्यक्रियापछि ब्रह्मानन्दमकाे स्वास्थ्य अवस्था सामान्य

काठमाडौँ । सबैभन्दा धेरै फिल्म खेल्ने कलाकारको रुपमा गिनिज बुक अफ वर्ल्ड रेकर्डमा नाम लेखाएका चर्चित भारतीय हास्य कलाकार ब्रह्मानन्दम कन्नेगन्तीको मुटुको शल्यक्रिया गरिएको छ ।



जीवनशैली/स्वास्थ्य

कागती पानीको फाइदा र बेफाइदा दुवै ? विस्तृत जानकारीको लागि पूरा पढ्नुहोस्

कागती पानीको फाइदा र बेफाइदा दुवै ? विस्तृत जानकारीको लागि पूरा पढ्नुहोस्

काठमाडौं । भिटामिन ‘सी’ पर्याप्त हुने भएकाले कागती खाने गरेमा हाम्रो छाला स्वस्थ र चम्किलो भई शरीरमा स्पूmर्ति बढ्छ । कागती पानी पिउनुको मुख्य फाइदा के हो भने यसले तौल घटाउन ठूलो सहयोग पु¥याउँछ ।