एक खतरनाक ह्याकर जसले विश्व हल्लाए

तपाईले कसलाई सोध्नुहुन्छ त्यसमा भर पर्छ हाज्मा बेन्डेलाज कि त नायक हुन वा साइबर युगका खतरनाक अपराधी । कम्प्युटर कोडिङमा विशेष दख्खल राख्ने र पाँचभाषा बोल्न जानेका यी चर्चित ह्याकरलाई ‘ह्याप्पी ह्याकर’ नामले पनि चिनिन्छ ।

 

यी २७ वर्षिय अल्जेरियन कम्प्युटर साइन्स ग्राजुयटले एक कम्प्युटर भाइरसको प्रयोगबाट २०० भन्दा धेरै अमेरिकी बैंकहरुको करोडौं डलर चोरेर प्यालेष्टाइनका च्यारिटीहरुलाई दान गरेका थिए ।

 

बेन्डेलाज बैंकिङ ट्रोजन हर्स ‘स्पाइआइ’नामको भाइरसको निर्माता हुन् । उक्त मालवेयर किटले सन् २००९ देखि २०११ सम्म धेरै तहल्का पिटेको थियो । 

 

सन फ्रान्सिस्कोमा आधारित प्रविधि म्यागेजिन ‘वायर्ड’को अनुसार उक्त भाइरसले अमेरिका लगाएत अन्य ठाँउका १४ लाखभन्दा बढि कम्प्युटरमा क्षति पुर्याएकोे थियो । उक्त सफ्टवेयरले प्रयोगकर्ताहरुलाई अनलाइन फाइनान्सियल एकाउन्टहरुबाट सूचनाहरु चोर्न मद्धत गथ्र्यो र त्यसपछि उनीहरुले ति सूचनाको मद्धतले बैंकबाट पैसा चोर्ने गर्थे ।

 

बेन्डेलिजलाई अनलाइन विश्वमा ह्याकर ‘बिएक्सवान’ नामले चिनिन्थ्यो र उनको पहिचान गर्न अमेरिकालाई दुई वर्ष लाग्यो । त्यस अवधीमा उनले २१८ बंैकबाट २८० मिलियन डलर भन्दा धेरै रकम चोरिसकेका थिए ।

 

सन् २०१३ मा मलेसियाबाट अल्जेरिया जाँदै गर्दा थाइल्याण्डमा ट्रान्जिट पर्दा बैंककको विमानस्थलबाट पक्राउ गरियो र अमेरिका पठाइयो । उनलाई पक्राउ गरेर हिरासतमा लादै गर्दा बैंककको सुवर्ण भूमी विमान स्थलमा खिचिएको फोटोमा उनी मुस्कुराइ रहेका थिए त्यसैले उनलाई सबैले ‘ह्याप्पी ह्याकर’ नाम दिए ।

 

उनको खोजी गरिरहेका अमेरिकी कानुनी अधिकारीहरुले बेन्डेलाजलाई तब मात्रै पहिचान गरे जति बेला उनले स्पाइ आइभाइरसको एक कपी अमेरिकी अन्डर कभर अफिसरलाई ८५०० डलरमा बेचेका थिए ।

 

अल्जेरियाको टिजी ओजोउ माजन्मिएका बेन्डेलिजलेलाई अमेरिकी अदालतले ६५ वर्षको जेल र २४ मिलियन डलर जरिवाना तिराउने माग सहित २३ वटा मुद्धा दायर गरेको थियो । 

 

‘बेन्डेलाजको आपराधिक कार्यहरु अन्तराष्ट्रिय सिमाहरु पार गरेर पिडितका घर घरमा पुगेको छ’ अमेरिकी वकिल सेलीक्वुलियन येट्सले सन् २०१३ मा उनलाई पक्राउ गरेपछि भनेका थिए । उनलाई विभिन्न आरोपहरु लगाएको थियो । साइबर नेदर वल्र्डमा उनले वित्तिय र व्यक्तिगत सूचनाहरुको होलसेल चोरीलाई व्यावसायीक बनाएका थिए । 

 

कोर्टका प्रतिवेदनहरुका अनुसार बेन्डेलाज र उनको सञ्जालका अन्यले स्पाइआइसका भाइरस विकास, बजारीकरण र बिक्री गरेका थिए । उनीसँग भाइरस किनेपछि प्रयोगकर्ताले सजिलै कसैको पासवर्ड, युजरनेमहरु पत्ता लगाउन र क्रेडिट कार्डको सूचना पत्ता लगाउन सक्थे । अमेरिकी अधिकारीहरुका अनुसार उनले ‘स्पाइआइ’भाइरसलाई डारकोड नामको कम्प्युटर ह्याकिङ फोरममा विज्ञापन गरेका थिए । 

 

अमेरिकी अधिकारीहरुका अनुसार बेन्डेलाज र अन्य स्पाइआइ प्रयोगकर्ताहरु ले ठूलो सञ्जाल बनाएका थिए र उनीहरुले नियमित रुपमा आक्रमण गरेर वित्तिय र व्यक्तिगत सूचनाहरु चोर्ने गरेका थिए । 

 

उनले पैसाहरु कसरी खर्च गरे भन्ने बारे अदालतको प्रतिवेदनले केही नखुलाए पनि विभिन्न रिपोर्टहरुकाअनुसार बेन्डेलाजले पैसा प्यालेस्टाइनका च्यारिटीहरुलाई दानगर्ने गरेका थिए जुन सुचनाले उनलाई धेरै मानिसको नजरमा हिरो बनाइदियो ।अल्जेरिया र प्यालेष्टाइनमा उनको धेरै समर्थकहरु रहेका छन् ।

 

मृत्युदण्ड को हल्ला

उनलाई पक्राउ गरेपछि नै मृत्युदण्ड दिनुपर्ने हल्लाहरु आएका थिए तर उनका समर्थकहरुले उनलाई मृत्युदण्ड दिन नहुने बताएका थिए । 

 

एक ट्विटर प्रयोगकर्ताले लेखेका थिए‘अल्जेरियाका हिरो विश्वका दश खतरनाक ह्याकरमध्ये एक हुन् । उनले २१७ बैंक ह्याक गरे र लाखौं डलर प्यालेस्टाइन पठाए तर उनलाई मृत्युदण्ड ?’

 

तर अमेरिकी अधिकारीहरुले भने उनलाई मृत्युदण्ड नहुने त्यतिबेलै प्रष्ट पारेका थिए । 

 

उनलाई मृत्युदण्ड दिन लागिएको हल्लालाई मत्थर गर्नको लागि सन् २०१३ मै अल्जेरियाका लागि अमेरिकी राजदुतजोन पोलस्चिकले ट्विट गरेका थिए । ‘कम्प्युटर क्राइमलाई अत्यन्त ठूलो अपराध मानिदैन त्यसैले उनलाई मृत्युदण्ड भने हुदैँन्’। 

 

बेन्डेलाजमात्रै होइन ह्याकिङमा संलग्न अन्य एक दर्जन व्यक्तिहरुलाई पनि मुद्धा दायर गरिएको अधिकारीहरुले बताएका थिए । बेन्डेलाजले आफ्नो अपराध स्विकार गरिसकेपछि पनि उनका समर्थकहरुले विभिन्न वेवसाइटहरु ह्याक गरेर हाज्मा बेन्डेलाजलाई रिहा गर्नुपर्ने र प्यालेस्टाइन स्वतन्त्रगर्न माग राखेका थिए ।

 

सन् २०१५ को जुलाईमा उनले आफ्नो अपराध स्विकार गरेपछि अमेरिकी अदालतले उनलाई १५ वर्षको जेल सजाँय तोकेको थियो । तर, सन् २०१६ मा सामाजिक सञ्जालहरुमा उनलाई मृत्युदण्ड दिइएको र उनले हाँसीहाँसी फाँसीमा झुन्डिएको भन्दै केही तस्वीरहरु भाइरल भएका थिए।

 

त्यसपछि विभिन्न सञ्चारमाध्यमहरुले उनलाई मृत्युदण्ड नदिइएको र उनी जेलमै रहेको पुष्टी गरेकाथिए । –एजेन्सीहरुको सहयोगमा

 


थप समाचार

के तपाईलाई राज योगबारे थाहा छ ?

  • 35 minutes ago
के तपाईलाई राज योगबारे थाहा छ ?

एजेन्सी । जन्मको समय र तारिखको आधारमा कुण्डली हेरेर होस या हस्तरेखा हेरेर होस व्यक्तिको वर्तमान र भविष्य ज्योतिष विद्या मार्फत जान्ने प्रचलन छ । जसमा विभिन्न शास्त्र मार्फत व्यक्तिको बारेमा बुझ्न सकिन

यी महिलाहरुले हात धुन समेत पानीको प्रयोग गर्न पाँउदैनन्

  • 43 minutes ago
यी महिलाहरुले हात धुन समेत पानीको प्रयोग गर्न पाँउदैनन्

एजेन्सी । दुनिँयामा कैयौ यस्ता आदिवासी क्षेत्रहरु छन् जँहा रहेका मानिहरुको परम्परा पनि अनौठो हुन्छ ।

बिहिबार जन्मेका व्यक्तिकाे गुण कस्ताे !

  • 48 minutes ago
बिहिबार जन्मेका व्यक्तिकाे गुण कस्ताे !

बिहिबार जन्मेका व्यक्ति निकै मेधावी, शान्त र निकै समझदार हुने गर्दछन् । यस्ता मानिसहरुलले अरुलाई निकै इज्जत गर्छन् । त्यसकारण मानिसहरुका लागि आदर्श पनि बन्ने गर्छन् ।



प्रेम र यौन

अविस्मरणीय सुहागरातका लागि

अविस्मरणीय सुहागरातका लागि

विवाह पहिले यौन सम्पर्क गर्नु वा नगर्नु व्यक्तिको निर्णय हो । नवविवाहित दम्पतीले कौमार्यकै आधारमा एक अर्कालाई परीक्षण गर्नु उपर्युक्त हुँदैन । जोडीको ध्यान र क्रियाकलाप आफ्नो पहिलो यौन क्रियाकलापलाई कसरी खास बनाउने भन्नेमा केन्द्रीत हुनुपर्छ ।

जीवनशैली/स्वास्थ्य

हिन्दु धर्म अनुसार यस्ता छन् बिहिबार गर्नै नहुने कामहरु

हिन्दु धर्म अनुसार यस्ता छन् बिहिबार गर्नै नहुने कामहरु

हिन्दु धर्मका अनुसार हरेक दिनको आफ्ना आफ्नै महत्व रहेको छ । तर, विशेष त विहीबार अति नै महत्वपुर्ण रहेको बताइन्छ । ज्योतिष शास्त्रका अनुसार यसको सम्बन्ध बृहस्पति ग्रहसँग रहेको छ ।

विचित्र विश्व

के तपाईलाई राज योगबारे थाहा छ ?

के तपाईलाई राज योगबारे थाहा छ ?

एजेन्सी । जन्मको समय र तारिखको आधारमा कुण्डली हेरेर होस या हस्तरेखा हेरेर होस व्यक्तिको वर्तमान र भविष्य ज्योतिष विद्या मार्फत जान्ने प्रचलन छ । जसमा विभिन्न शास्त्र मार्फत व्यक्तिको बारेमा बुझ्न सकिन्छ ।