हालका आईजीपीदेखि धीरजप्रतापले गरेको ‘इन्काउन्टर’ को नालीबेली !

Education Park

काठमाडौं । प्रहरीको जिम्मेवारी भनेको समाजमा शान्ति सुव्यवस्था कायम राख्ने, अपराधको रोकथाम तथा अनुसन्धान गर्ने हो । कतिपय अवस्थामा यि कामहरु प्रहरीले आम नागरीकको सहयोग र सहभागितामा सम्पन्न गर्नुपर्ने हुन्छ । प्रहरीको यसै कार्यशैलीलाई सामुदायिक प्रहरी पनि भनिने गरिन्छ । यो बेग्लै समानान्तर प्रहरी व्यवस्था हुन सक्दैन र होइन पनि । 

 

नेपाल प्रहरी शान्तिसुरक्षा कायम गर्ने, अपराधीलाई कानूनी कठघरामा उभ्याउने जिम्मेवारी पाएको निकाय हो नकी न्यायिक निकाय । न्यायको इन्साफ गर्ने निकाय अदालत हो । नेपालमा जतिसुकै क्रुरु अपराध गरेपनि मृत्युुदण्ड दिन पाइँदैन् । कानुनमा त्यो व्यवस्था छैन । बलात्कार, हत्या लगायतकाका केही जघन्य अपराधमा अदालतले जन्मकैद तोक्न सक्छ । 

 

तर, पछिल्लो पाँच वर्षयता महानगरीय प्रहरी अपराध अनुसन्धान महाशाखामा नयाँ प्रहरी हाकिम आएपछि ‘इन्काउन्टर’ भएको देखिन्छ । हालका आईजीपी सर्वेन्द्र खनालदेखि हाल महाशाखाका हाकिम धिरजप्रताप सिंहसम्मले गरेका इन्काउन्टरको नालीबेली यस्तो छ ।

 

१. दिनेश अधिकारी ‘चरी’

गुण्डा नाइके दिनेश अधिकारी ‘चरी’ २०७१ साउन २१ गते प्रहरी इन्काउन्टरमा मारिए । महानगरीय प्रहरी अपराध महाशाखाको टोलीसँग काठमाडौं र धादिङको सीमामा पर्ने भीमढुंगामा प्रहरीसँगको मुठभेडमा मारिए । 

गुण्डा नाइके दिनेश अधिकारी उर्फ चरी मारिएको काठमाडौं र धादिङको सीमामा पर्ने भीमढुंगा घटनास्थल ।

 

त्यतिबेला महाशाखाको हाकिम थिए– हालका डिआईजी तथा सिआईबी ब्यूरो प्रमुख पुष्कर कार्की । कार्कीले महाशाखाको कमाण्ड सम्हाल्दै गर्दा प्रहरीको ८ राउन्ड गोली लागेर चरी सडक किनारमा ढल्दा चरीको अपराध यात्रा समाप्त पनि भएको थियो । 

 

मोटरसाइकलमा भागिरहेको अवस्थामा चरीले फयरिङ गर्न थालेपछि प्रहरीले पनि गोली चलाएको दावी गरेको थियो । त्यसबेला चरी प्रहरीको मोस्ट वान्टेड सूचीमा थिए ।

 

२. कुमार श्रेष्ठ ‘घैंटे’ 

चरी मारिएको एक वर्षपछि २०७३ भदौ ३ गते अर्का गुण्डा नाइके कुमार श्रेष्ठ ‘घैंटे’ मारिए । काठमडौंको सामाखुसीस्थित रहेको घर नजिकै प्रहरीको मुठभेडमा घैंटे मारिएका थिए । 

गुण्डा नाइके कुमार घैंटे मारिएको काठमाडौं, सामाखुसीस्थित घटनास्थल ।

 

त्यतिबेला महाशाखाको हाकिम थिए– हालका आईजीपी सर्वेन्द्र खनाल । सादा पोसाकमा रहेका प्रहरी र घैंटेबीच भीडन्त घाइते भएका उनको त्रिवि शिक्षण अस्पताल, महाराजगञ्जमा उपचारको क्रममा मृत्यु भएको हो ।

 

त्यतिबेला खनाल महाशाखाको प्रमुख हुँदा महाशाखाले जारी गरेको विज्ञप्तिमा सादा पोसाकका प्रहरीले घैंटेसँग सोधपुछ गर्दा उनको समूहले गोली चलाएको र सोही क्रममा जवाफी फायरिङ हुँदा भैंटे मारिएको दावी गरेको थियो । 

 

३. प्रविण खत्री 

लागुऔषध कारोबारमा संलग्न रहेका प्रविण खत्री २०७४ साउन २३ गते प्रहरी इन्काउन्टरमा मारिए । ललितपुरको कुसुन्तीमा खत्रीसँग हतियार रहेको सुराकीको आधारमा महाशाखाको टोली उनको घरमा पुगेको थियो । 

लागुऔषध कारोबारी आरोपित प्रवीण खत्री मारिएको ललितपुर, कुसुन्तीको घटनास्थल।

 

तर, प्रहरीलाई देख्नासाथ उनले गोली चलाएको र प्रहरी टोलीले जवाफी कारबाहीमा भाग्दाभाग्दै उनी ढले । गोली लागेर घाइते भएपछि खत्रीलाई पाटन अस्पताल पुर्‍याइएको थियो । तर, चिकित्सकले उनको मृत्यु भएको घोषणा गरेका हुन् । 

 

त्यतिबेला महाशाखाको प्रमुख थिए– एसएसपी दिनेश अमात्य । प्रहरीले त्यो दिन बिहानैदेखि खत्रीको पिच्छा गरेको महाशाखाले त्यतिबेला जारी गरेको विज्ञप्तिमा भनिएको छ ।

 

४. टिके डाँका उर्फ टिकाबहादुर थापामगर

२०७४ माघ ४ गते डिल्लीबजार जेल कारागारवाट फरार ‘टिके’ भनेर चिनिने कुख्यात डाँका टिकाबहादुर थापा मगरमाथि प्रहरीले माघ १३ गते चितवनमा गोली चलायो । 

 

महानगरीय प्रहरी अपराध महाशाखाको टोलीले चितवनस्थित रामनगरमा पक्राउ गर्ने क्रममा गोली चलाउँदा हात र खुट्टामा गोली लागेको महाशाखाकाले जनाएको थियो । 

प्रहरी इन्काउन्टरमा घाइते भएपछि अस्पतालमा उपचाररत टिके डाँका उर्फ टिकाबहादुर थापामगर । 

त्यतिबेला महाशाखाका प्रमुख थिए– एसएसपी दिवेश लोहनी । एसएसपी लोहनी हाल ३३ किलो सुुनकाण्डमा पुुर्पक्षका लागि थुुनामा रहेका छन् । त्यतिबेला उनको इन्काउन्टर असफल भएको थियो । 

 

महानगरीय अपराध महाशाखा र चितवन प्रहरीको टोलीले ना४७प ५०५२ नम्बरको मोटरसाइकललाई रोक्न खोज्दा पछाडी बसेको व्यक्तिले गोली चलाएपछि प्रहरीले पनि गोली चलाएको महाशाखाले त्यतिबेला जारी गरेको विज्ञप्तिमा भनिएको छ । 

 

त्यतिबेला मोटरसाईकल टीकाबहादुर थापाले चलाएका थिए । भरतपुर महानगरपालिका वडा नं १ रामनगरमा प्रहरीले मोटरसाइकल रोक्न खोज्दा नरोकेर पछाडी बसेको मान्छेले गोली चलाएको चितवन प्रहरीको दावी थियो । 

 

कहिले कहिले चोरी र लुटपाट ?

२१ माघ ०७१ मा १८ लाख ८४ हजार ६३५ लुटपाट

 

२१ कात्तिक ०७१ मा एक लाख ५५ हजार लुटपाट

 

६ पुस ०७१ मा ६९ हजार २५० लुट

 

६ चैत ०७१ मा बा.६७प ८४६८ नम्बर मोटरसाइकल चोरी

 

२७ वैशाख ०७२ मा दुई तोला सुनको सिक्री लुट

 

१ जेठ ०७२ मा बा.७४प ३६६२ नम्बरको मोटरसाइकल चोरी

 

२० जेठ ०७२ मा बा.६८प १०१८ मोटरसाइकल चोरी

 

२७ जेठ ०७२ मा तीन तोला सुनको सिक्री लुट

 

३२ जेठ ०७२ मा बा.६च ७६९८ नम्बरको गाडी चोरी

 

५. अशोक लामा/अम्बर तामाङ/गोपाल/अजय

हाल महाशाखाका प्मुख छन्, एसएसपी धिरजप्रताप सिंह । मशाहाखाको कमाण्ड सम्हाल्न आएको तीन महिना नबित्दै सिंहको आदेशमा गुण्डागर्दीमा संलग्न रहेको आरोपमा काभ्रेका अशोक लामामाथि गोली प्रहार भयो । २०७५ जेठ २८ गते युनपार्कमा । 

गुण्डागर्दीमा संलग्न काभ्रेका अशोक लामा प्रहरीको इन्काउन्टरमा घाइते भएपछि अस्पतालमा उपचाररत अवस्थामा । 

लामा सामान्य घाइते मात्र भए । त्यस्तै गत असार ७ गते एसएसपी सिंहको आदेशमा बौद्धमा खुँडे भनिने अम्बरबहादुर तामाङमाथि गोली प्रहार भयो । तामाङ पनि सामान्य घाइते मात्र भए । 

 

एसएसपी सिंहले महाशाखाको कमाण्ड सम्हालेको ६ महिना पुगेको छ । ६ महिनाको अन्तरमा सिंहको आदेशमा तीनवटा इन्काउन्टर भयो, जसमा २ वटा असफल र एउटा सफल भयो । 

 

गत साउन २१ गते भक्तपुरका ११ वर्षीय बालक निशान खड्काको अपहरण गरेर हत्या गरेको आरोपमा गोपाल तामाङ र अजय तामाङ मारिए । उनीहरु मुठभेडमा मारिएको महाशाखाको दावी छ ।

भक्तपुरका ११ वर्षीय बालक निशान खड्काको अपहरण गरेर हत्या गरेको आरोपमा भक्तपुरको पाइलटबाबा आश्रमको जंगल जाने बाटोमा मारिएका गोपाल तामाङ र अजय तामाङ ।

 

भक्तपुरको पाइलटबाबा आश्रमको जंगलमा प्रहरीसँगको मुठभेडमा मारिएका गोपालले सिन्धुपाल्चोकका अजय तामाङसँग मिलेर काँडाघारी बस्ने ११ वर्षीय निशान खड्काको अपहरण गरी हत्या गरेका थिए । 

 

निशानको आमासँग ४० लाख मागेर नपाएपछि हत्या गरेका उनीहरु प्रहरीलाई नै आक्रमण गरेर भाग्नेक्रममा मारिएका हुन् । घटनास्थलबाट प्रहरीले एक थान पेस्तोल, दुई राउन्ड गोली र फिरौती माग्न प्रयोग भएको सिमकार्ड बरामद गरेको थियो । 

 


थप समाचार

'सवारी नविकरण करको जरिवाना १०० प्रतिशत बढाउने होइन, बरु जनताको करले मोज गर्न छोड्नुस्'

  • 2 minutes ago
'सवारी नविकरण करको जरिवाना १०० प्रतिशत बढाउने होइन, बरु जनताको करले मोज गर्न छोड्नुस्'

मोटरसाइकलको कर तिर्नको लागि भनेर शुक्रबार बिहान चन्द्रागिरी नगरपालिका गुर्जुधारास्थित यातायात व्यवस्था कार्यालय पुगियो । तर, कार्यालयमा पुगेपछि थाहा भयो कर तेब्बर तिर्नुपर्ने पो भएछ । अघिल्लो वर्ष जेठ

त्रिभुवन विश्वविद्यालयका पूर्व कर्मचारी रामबहादुर पाण्डेले आत्महत्या गरे

  • 12 minutes ago
त्रिभुवन विश्वविद्यालयका पूर्व कर्मचारी रामबहादुर पाण्डेले आत्महत्या गरे

काठमाडौँ । त्रिभुवन विश्वविद्यालयका पूर्व कर्मचारी रामबहादुर पाण्डेले आत्महत्या गरेका छन्।

डिभोर्स गरेका अभिनेत्रीहरुसँग विवाह गरेका अभिनेताहरु

  • 27 minutes ago
डिभोर्स गरेका अभिनेत्रीहरुसँग विवाह गरेका अभिनेताहरु

बलिउडमा केही यस्ता घटनाहरु भए जसले गर्दा एउटा ट्रेड बस्न गयो । केही सेलिब्रिटीहरुले डिभोर्स गरेर बसेका अभिनेत्रीहरुसँग लगनगाँठो कसे । उनीहरुले अरुको कुराहरुलाई प्रवाह नगरी उक्त निर्णय लिएका थिए ।



प्रेम र यौन

यौन शिक्षा– यस्तो बेलामा यौन सम्बन्ध नराखौं !

यौन शिक्षा– यस्तो बेलामा यौन सम्बन्ध नराखौं !

कस्तो अवस्थामा यौन सम्पर्क गर्ने र कस्तो अवस्थामा नगर्ने भन्ने आ–आफ्नै धारणा, तर्क सुनिन्छ । कतिपय अवस्थामा यौन सम्पर्क गर्नै हुन्न । महिलाले आफ्नो शिशुलाई स्तनपान गराईरहेको समयमा शिशुसँग रमाइरहेका हुन्छन् ।

जीवनशैली/स्वास्थ्य

१२० वर्षीय बाबा शिवानन्द: चिल्लो भोजनबाहेक बाबा सेक्सदेखि पनि परै रहन्छन्

१२० वर्षीय बाबा शिवानन्द: चिल्लो भोजनबाहेक बाबा सेक्सदेखि पनि परै रहन्छन्

एजेन्सी । बनारसमा बस्दै आइरहेका १२० वर्षीय बाबा शिवानन्दको देखेर लाग्छ कि यति लामो पनि सम्भव रहेको छ । बाबा शिवानन्द तीन बजे बिहान उठ्ने गर्छन् । उठेर उनी स्नान गर्छन् र ध्यान बस्छन् । त्यसपछि एकधण्टासम्म योग गर्ने काम गर्छन् ।