वासिङ्टन, साउन २६/चारसय मिटरका पूर्व विश्वच्याम्पियन धावक एनटोनिओ पेटिटग्रिउ मृत अवस्थामा भेटिएका छन् । सन् १९९१ का च्याम्पियन पेटिटग्रिउ अमेरिकाको कारोलिनामा आफ्नै कारमा फेला परेका हुन् । सन् २००० ओलम्पिकको ४X४ रिले दौडमा अमेरिकी टोलीको सदस्यसमेत रहेका पेटिटग्रिउ स्वर्ण पदक जितेपछि डोपिङ प्रकरणमा परेका थिए । ४२ वर्षीय पेटिटग्रिउ युनभसिर्टी अफ नर्थ कारोलिनामा प्रशिक्षकको रुपमा कार्यरत थिए ।

वासिङ्टन, साउन १५/विकिलिक्स वेबसाइटका संस्थापक जुलियन असांजेले अमेरिकी धम्कीका अगाडि झुकेर आफूसँग भएका गोप्य सैन्य दस्तावेज सार्वजनिक गर्ने काम बन्द नगर्ने दृढता व्यक्त गरेका छन् । विकीलिक्स सञ्चालकहरूको हात रगतले रङ्गिएको भनी अमेरिकी रक्षामन्त्री रबर्ट गेट्सले दिएको अभिव्यक्तिप्रति आपत्ति जनाउँदै असांजेले यस्तो बताएका हुन् ।