-ऋषि आचार्य
सिड्नी, भदौ २२/करिब तीन साता लामो अन्योलपछि जुलिया गिलार्ड अस्ट्रेलियाको प्रधानमन्त्रीमा चुनिएकी छन् । अगस्ट २१ मा सम्पन्न अस्ट्रेलियाको संघीय चुनावमा कुनै दलले प्रष्ट बहुमत ल्याउन नसकेपछि सरकार गठनमा ढिलाइ भएको थियो । सत्तारुढ लेबर पार्टीलाई चार स्वतन्त्र सांसद् रोब ओकेस्हाट र टोनी वन्डर्स, आडम र एन्डियो उल्कीले समर्थन गरेपछि गिलार्डको नेतृत्वमा अल्पमतको सरकार गठन हुने भएको हो ।

सिड्नी, भदौ ६/अष्ट्रेलीयामा जारी आमनिर्वाचनअन्तरगत ७० वर्षपछि पहिलोपटक त्रिसङ्कु सँसद गठन हुने सम्भावना देखिएको बताइएको छ । चुनावी प्रतिस्पर्धामा रहेका चार दलमध्ये कुनैले पनि स्पष्ट वहुमत ल्याउन नसक्ने देखिएको छ ।