लण्डनमा नेपाली बालबालिका र अभिभावकमाझ धर्म, संस्कृति र संस्कारसम्बन्धी अन्तरक्रिया

  • सोमबार, ४ चैत, २०७५
  • 3 months ago
  • युके
Education Park

 

लण्डन । सोसाइटी अफ नेप्लिज प्रोफेसनल्स् यूकेको आयोजनामा अध्यात्म, संस्कृति तथा संस्कार विषयक एक अन्तरक्रिया सम्पन्न भएको छ । 

 

आइतबार लण्डन, प्लमस्टिडको गेसो हलमा सम्पन्न अन्तरक्रियामा बेलायतको नेपाली समुदायका बालबालिका तथा अभिभावकहरुको सहभागिता थियो । 

 

कार्यक्रमका संयोजक मनोज श्रेष्ठका अनुसार  सनातन धर्म, संस्कृति र संस्कार तथा  दैनिक जीवनमा यसको आवश्यकताका बारेमा स्कुल र कलेज जाने उमेरका बालबालिकाहरूलाई जानकारी गराउने उद्देश्यले  कार्यक्रम आयोजना गरिएको हो ।  

 

आचार्य दुर्गाप्रसाद पोख्रेल र आचार्य नारायण पौडेल ’गाउँले’ वक्ता रहेको सो कार्यक्रम बालिका समृद्धि पोख्रेलको वेद मन्त्रोच्चारणबाट शुरू भएको थियो ।  आचार्य पोखरेलले धर्मको सार, जीवनमा धर्मको महत्व र सनातन हिन्दु धर्म संस्कृतिका महत्वपूर्ण पक्षमा प्रकाश पारेका थिए ।  अन्य स्थापित धर्म र सनातन हिन्दू धर्मबीचको तुलनात्मक प्रस्तुति गर्दै उनले सनातन धर्मका विशिष्टताबारे उल्लेख गरे ।

 

आचार्य पोख्रेलले सामान्य विद्यालयमा सनातन हिन्दु धर्म अध्यात्म, दर्शन र सोह्र संस्कारका बारेमा नपढाइने भएकोले माता पिताले नै पहिला जान्नुपर्ने र घरबाटै संस्कार तथा संस्कृतिको शिक्षा दिलाउने वातावरण बनाउनुपर्ने धारणा राखे । कर्म, भक्ति र ज्ञान मार्गको चर्चा गर्दै मानवीय मर्यादा, अनुशासन र समुन्नत संस्कारले भरिएका नेपाली बालबालिका, युवा बनाउन घर घरबाट पहल शुरु गर्न पनि उनले आग्रह  गरे । 

 

 

अर्का वक्ता आचार्य नारायण पौडेल  ’गाउँले’ले  नेपाली संस्कार र कर्मकाण्डको बारेमा विज्ञान, धर्म र संस्कृतिलाई जोडेर प्रवचन दिएका थिए । उनले रिलिजन र धर्मको अर्थ एउटै नभएको र आधुनिक विज्ञान र धर्म दर्शनलाई बुझ्न एउटै आयाम पर्याप्त नहुने धनाइ राखे । रिलिजन भनेर मात्रै हिन्दु  धर्म बुझ्न सकिन्न ।  यसभित्र विशाल  प्याकेज छ, भन्दै उनले हिन्दुहरुका  १६ संस्कारमध्ये  व्रतबन्ध, विवाह  जस्ता दैनिक जीवनका महत्वपूर्ण पक्षका बारेमा दृष्टिकोण प्रस्तुत गरे । उनले नागपञ्चमी जस्ता मानवीय जीवन र पर्यावरण सुरक्षाका लागि ऋषि मुनीहरूद्वारा शुरु गरिएका चाडबाडको महत्वका बारेमा पनि बताए ।

 

अन्तरक्रिया कार्यक्रम अंग्रेजी र नेपाली दुवै भाषामा सञ्चालन गरिएको थियो । उक्त कार्यक्रममा सहजकर्ताको भुमिका निभाएका संस्थाका पूर्व अध्यक्ष डा तेजेन्द्र फेरालीले युवा पुस्तालाई आफ्ना संस्कार र संस्कृतिसँग कसरी आबद्ध गराउने भन्ने सबैको चिन्ता र चासोलाई सम्बोधन गर्नु कार्यक्रमको उद्धेश्य रहेको स्पष्ट पारे । यस्ता कार्यक्रमहरूलाई  निरन्तरता दिनुपर्ने उनको भनाइ थियो  । 

 

प्रश्नोत्तर कार्यक्रममा उपस्थित युवा तथा अभिभावकहरूले राखेका विभिन्न जिज्ञासा तथा प्रश्नहरुमाथि विद्वान् वक्ताहरूले सरल जवाफ दिएका थिए । संस्थाका  पूर्व उपाध्यक्ष  दीप गिरीले  बेलायत जस्तो बहुभाषी तथा बहुसांस्कृतिक देशमा हुर्केका बालबालिकाहरू कुन धर्म, संस्कार र संस्कृतिमा हुर्कने हुन् र आफ्नोपन नै भुल्ने पो हुन् कि भन्ने चिन्तामा रहेका डायस्पोराका  नेपाली अभिभावकलाई कार्यक्रम निकै फलदायी बनेको बताए । 

 

संस्थाका अध्यक्ष शेखर वाग्लेले हिन्दुत्व, संस्कार र संस्कृतिको बारेमा नेपाली बालबालिकाहरुलाई प्रश्न सोध्दा अनुत्तरित रहनुपर्ने र सबै प्रश्नको उत्तर आमा बुवाले पनि दिन नसक्ने अवस्था रहेको भन्दै कम्तिमा ती प्रश्नको उत्तर दिन सक्ने बनाउन पनि हिन्दु दर्शन र संस्कारको बारेमा यस्ता कार्यक्रम गर्नुपरेको बताए । उनले अतिथि वक्ता तथा उपस्थित सबैलाई हार्दिक धन्यवाद पनि दिए । संस्थाका सचिव अर्जुन पौडेलले सञ्चालन गरेको कार्यक्रममा उपाध्यक्ष  रामकृष्ण अधिकारीले स्वागत  मन्तव्य दिएका थिए । 

 

नेपाली डायस्पोरामा रहेका युवा तथा बालबालिका र अभिभावक समेतको प्रत्यक्ष सहभागितामा  यस प्रकारको धर्म, संस्कृतिसम्बन्धी कार्यक्रम बेलायतमा सम्भवतः पहिलो भएको  सहभागीहरूले बताएका छन् । 

 


थप समाचार

राजनीतिक दलमा मुस्लिम समुदायको सहभागिता बढाउन मन्त्री राईकाे जाेड

  • 2 hours ago
राजनीतिक दलमा मुस्लिम समुदायको सहभागिता बढाउन मन्त्री राईकाे जाेड

ललितपुर । शहरी विकासमन्त्री महोम्मद इस्तियाक राईले हरेक राजनीतिक दलमा मुस्लिम समुदायको सहभागिता अझ बढ्नुपर्नेमा जोड दिएका छन् । मुस्लिम आयोगले आज जावलाखेलमा आयोजना गरेको ‘मुस्लिम समुदायको हकहि

चिया उद्योग बन्द गर्ने उद्यमीको घोषणा

  • 2 hours ago
चिया उद्योग बन्द गर्ने उद्यमीको घोषणा

इलाम । स्थानीय सरकारले तोकेको न्यूनतम ज्याला दिन नसक्ने भन्दै यहाँस्थित सूर्योदय नगरपालिकाका उद्यमीले उद्योग बन्द गर्ने घोषणा गरेका छन् । न्यूनतम ज्याला कार्यान्वयन गर्दा चियाबाट आम्दानी लिन नसक्ने भन

अर्का कवि तथा पत्रकार संगीत स्राेता पनि पक्राउ, काठमाडाैँमा एकैदिन दुई कवि गिरफ्तार

  • 2 hours ago
अर्का कवि तथा पत्रकार संगीत स्राेता पनि पक्राउ, काठमाडाैँमा एकैदिन दुई कवि गिरफ्तार

काठमाडौँ । प्रहरीले कवि तथा पत्रकार संगीत स्रोतालाई पक्राउ गरेको छ । काठमाडौंको प्रदर्शनीमार्गस्थित आरआर कलेज अगाडिबाट बुधबार कवि स्रोतालाई प्रहरीले पक्राउ गरेको हो । ठूलो संख्यामा आएक



प्रेम र यौन

यी हुन् विश्वका ५ चर्चित यौन बजार

यी हुन् विश्वका ५ चर्चित यौन बजार

पछिल्लो समय यौनलाई मानिसहरुले आधारभूत आवश्यकताको रुपमा लिँदै आएका छन् । सोही कारणले गर्दा कतिपय देशका सरकारहरुले नै अनुमति दिएर यौन बजार खुल्दै आएको छ । जसलाई हामी ‘रेड लाइट’ एरिया भन्छौं । यहाँ हामीले विश्वका चर्चित ५ यौन बजारको बारेमा जानकारी प्रस्तुत गरेका छौं ।

जीवनशैली/स्वास्थ्य

मुटु स्वस्थ राख्न के के गर्नुपर्छ

मुटु स्वस्थ राख्न के के गर्नुपर्छ

एजेन्सी । हार्ट फेलियरको बारेमा आमधारणा यो छ कि यसमा मुटुले एकैचोटी काम गर्न छोड्छ तर यो पुर्णरुपमा साँचो हैन ।

विचित्र विश्व

शुद्ध ब्राहम्णबारे रोचक कुरा

शुद्ध ब्राहम्णबारे रोचक कुरा

शुद्ध ब्राह्म्ण समाज प्याज, लसुन र च्याउलाई परै बस्छन् । ब्राहम्णहरुलाई समाजमा हेर्ने दृश्य र व्यवहार अरु जातिको भन्दा भिन्न रहेको छ । उनीहरुको जीवनलाई निकै भिन्नताका साथ हेर्ने गरिन्छ । उनीहरु लुसन, प्याज, र च्याउका प्रयोग गर्न रुचाउँदैनन् ।