माइक्रो चालक र सहचालकले फ्लोरेसेन्ट ज्याकेट लगाउन थाले

  • आइतबार, २ मंसिर, २०७५
  • 6 months ago
  • नेपाल

काठमाडौं । काठमाडौं उपत्यकामा सञ्चालित माइक्रोबसका चालक तथा सहचालकले शनिबारदेखि अनिवार्यरुपमा फ्लोरेसेन्ट ज्याकेट लगाउनुपर्ने भएको छ । 

 

महानगरीय ट्राफिक प्रहरी महाशाखा, नेपाल यातायात व्यवसायी राष्ट्रिय महासङ्घ र यातायात मजदुरको संयुक्त आयोजनामा शनिबार न्यूरोड गेटबाट उक्त अभियानको निरन्तरता दिइएको हो । 

 

उपत्यकाका सबै रुटमा समेत रुट नम्बर र रुटको नामसमेत सवारी साधनमा राख्ने व्यवस्था शनिबारदेखि शुरु भएको छ । महाशाखाका तत्कालीन प्रहरी नायब महानिरीक्षक सर्वेन्द्र खनालको समयमा फ्लोरेसेन्ट ज्याकेट लगाउन शुरुआत गरे पनि प्राविधिक कारण सम्पूर्ण चालक र सहचालकले ज्याकेट लगाउन सकेका थिएनन् । महाशाखाका प्रमुख एवं प्रहरी वरिष्ठ उपरीक्षक वसन्तकुमार पन्त अभियानले निरन्तरता पाएसँगै उपत्यकाभित्र दुर्घटना न्यूनीकरण हुने, चालक सहचालकमा अनुशासन कायम हुने र सवारी प्रयोगकर्ताले सहजै चालक र सहचालकको पहिचान गर्न सक्ने बताउँछन् । 

 

“चालक र सहचालकलाई ज्याकेट लगाएसँगै आचरण र व्यवहारमा परिवर्तन हुने र यात्रु र चालक सहचालकको सम्बन्धमा सुधार हुने विश्वास लिएका छौँ”, उनले भने । ठूला सवारी साधनका चालक तथा सहचालकलाई समेत क्रमशः ज्याकेट लगाउने व्यवस्था गर्ने उनले बताए । 

 

महासङ्घका महासचिव सरोज सिटौला ज्याकेटले चालकको पहिचान, रातिको समयमा चम्किलो देखिने र चालकका बारेमा सेवाग्राहीलाई केही गुनासो भए उजुरी गर्नसमेत सजिलो हुने बताउँछन् । “अभियानले चालक र सहचालकलाई मर्यादित र अनुशासन कायम गर्न मद्दत पुग्ने हुँदा अभियानको कार्यान्वयनका लागि नेपाल यातायात व्यवसायी राष्ट्रिय महासङ्घ लाग्नेछ”, उनले भने । 

 

सोहीअनुसार हाल उपत्यकाका सम्पूर्ण ट्याक्सी चालकले प्लोरोसेन्ट ज्याकेट लगाउँदै आएका छन् । हाल काठमाडौँ उपत्यकाका १५ रुटमा एक हजार हाराहारीमा माइक्रोबस सञ्चालनमा रहेका छन् । 

 


थप समाचार

मेसीले पाए पीचीची अवार्ड, गोल्डेन बुट पाउने सम्भावना पनि बलियो

  • 2 minutes ago
मेसीले पाए पीचीची अवार्ड, गोल्डेन बुट पाउने सम्भावना पनि बलियो

काठमाडौँ । बार्सिलोनाका स्टार खेलाडी लियोनल मेसी घरेलु लिग ला लिगाको उच्च गोलकर्ता बन्दै पीचीची अवार्ड पाएका छन् । उनले लिगको सबै खेल सक्दा कूल ३६ गोल गरे ।

महिनावारीका बेला पेट दुखेमा...

  • 39 minutes ago
महिनावारीका बेला पेट दुखेमा...

महिनावारीका समयमा महिलामा सामान्य ढाड वा पेट दुख्ने, थकान महसुस हुने आदिजस्ता समस्या हुनुलाई स्वाभाविकै मानिन्छ । तर, कतिपय किशोरीमा सहनै नसक्ने गरी तल्लो पेट दुख्ने गर्छ । यो भने समस्या हो ।

माझी भाषी फिल्म ‘मोङो डोङा–२’ को रिलिज मिति तोकियो

  • 56 minutes ago
माझी भाषी फिल्म ‘मोङो डोङा–२’ को रिलिज मिति तोकियो

काठमाडौं । माझी भाषी फिल्म ‘मोङो डोङा–२’ रिलिज मिति तोकिएको छ । गायक तथा अभिनेता यमनका स्टारर् ‘मोङो डोङा–२’ यही जेठ २५ गतेबाट दर्शकमाझ रिलिजमा आउने भएको छ ।



प्रेम र यौन

अविस्मरणीय सुहागरातका लागि

अविस्मरणीय सुहागरातका लागि

विवाह पहिले यौन सम्पर्क गर्नु वा नगर्नु व्यक्तिको निर्णय हो । नवविवाहित दम्पतीले कौमार्यकै आधारमा एक अर्कालाई परीक्षण गर्नु उपर्युक्त हुँदैन । जोडीको ध्यान र क्रियाकलाप आफ्नो पहिलो यौन क्रियाकलापलाई कसरी खास बनाउने भन्नेमा केन्द्रीत हुनुपर्छ ।

जीवनशैली/स्वास्थ्य

महिनावारीका बेला पेट दुखेमा...

महिनावारीका बेला पेट दुखेमा...

महिनावारीका समयमा महिलामा सामान्य ढाड वा पेट दुख्ने, थकान महसुस हुने आदिजस्ता समस्या हुनुलाई स्वाभाविकै मानिन्छ । तर, कतिपय किशोरीमा सहनै नसक्ने गरी तल्लो पेट दुख्ने गर्छ । यो भने समस्या हो ।