गम्भीर चोटपछिको ‘टर्निङ पोइन्ट’: जुनियर फुटबल एकेडेमीको जन्म

Education Park

कतिपय खेलाडी खेल्दाखेल्दै गम्भीर घाइते भएपछि खेल जीवनलाई फर्केर नर्हेने गरेको दृष्टान्त हामीमाझ छ । तर, प्रज्वल प्रताप क्षेत्री यस्तो नाम हो जसले चोटको कारण २६ वर्षको उमेरमा खेलाडी जीवनबाट सन्यास लिनुपरे पनि अलग तरिकाले नेपाली फुटबललाई योगदान दिइरहेका छन् । उनै क्षेत्रीले आजभन्दा नौं वर्षअघि जुनियर फुटबल एकेडेमी (जेएफए नेपाल) को स्थापना गरेर नेपालमा फुटबलरहरु उत्पादन गरिरहेका छन् भने नेपालका ख्यातिप्राप्त फुटबल क्लबमा प्रशिक्षकको भूमिका पनि निर्वाह गरिरहेका छन् । 

 

एन्फा एकेडेमीको पहिलो ब्याच

 

प्रज्वल प्रताप क्षेत्री अखिल नेपाल फुटबल संघ (एन्फा)ले संचालन गरेको एन्फा एकेडेमीको पहिलो ब्याचका खेलाडी हुन् । १० वर्षको उमेरमा एन्फा एकेडेमी छिरेका क्षेत्रीले आठ वर्ष त्यही बसेर फुटबल सिके । एकेडेमीबाट निस्किएपछि उनले सात वर्ष ‘ए’ डिभिजन लिग तथा बिभिन्न क्लबबाट बिभिन्न प्रतियोगिताहरु खेले । एन्फाका उत्पादन क्षेत्रीले राष्ट्रिय टिमबाट पनि अनुभव बढुलेका छन् । अन्डर–१२, अन्डर– १४ तथा अन्डर– १९ उमेर समूहबाट उनले भारत, अफगानिस्थान, भुटान, बंगलादेश, तुकुर्मेस्थान तथा अन्य देशका क्लबविरुद्ध खेलेको अनुभव उनीसँग छ ।

 

घरेलु लिगमा सात वर्ष

 

एन्फा एकेडेमीबाट बाहिर निस्केपछि क्षेत्री घरेलु फुटबलमा व्यस्त हुन थाले । उनले करिब सात वर्ष ए डिभिजन लिग खेले । उनले ब्वाइज स्पोर्टस्, ब्वाइज युनियन, जावलाखेल युथ क्लब, युनाइटेड युथ क्लब तथा संकटा क्लबको डिफेन्सिभ मिडफिल्ड सम्हाले ।

 

चोट ‘टर्निङ पोइन्ट’

 

 

फुटबल खेल्दाखेल्दै घुँडामा गम्भीर चोट लागेका उनले त्यसपछि अपेक्षाकृत प्रदर्शन गर्न सकेनन् । ९ महिना आराम गरेर मैदान फर्किएका उनको उपचार राम्रो नहुँद पटक–पटक घाइते हुनुपरेपछि उनले खेलाडी जीवनबाट सन्यास लिने निर्णय गरे । तर, फुटबललाई चटक्कै माया मार्ने सोचका साथ नभई  नभइ फुटबलकै क्षेत्रमा काम गरेर खेलाडी, प्रशिक्षक तथा राष्ट्रलाई नै सहयोग पु¥याउने गरि एकेडेमी स्थापना गर्ने उदेश्यले उनी प्रशिक्षण कोर्ष गर्न थाले । अग्रगामी सोचको साथ प्रशिक्षणमा सहभागी भएका उनले ‘सी’ वर्गको लाइसेन्स प्राप्त गरेपछि उनले २०६४ सालमा जुनियर फुटबल एकेडेमी (जेएफए नेपाल) को स्थापना गरे । जसको उदेश्य भनेको नेपालबाट फुटबल खेलाडीहरु उत्पादन गर्ने । 

उनले विं.स २०६३ तिर एशियन फुटबल महासंघ (एएफसी)ले प्रदान गरेको कोचिङ कक्षाबाट ‘सी’ ग्रेडको लाइसेन्स प्राप्त गरेका हुन् । त्यस्तै, २०७१ सालमा ‘बी’ ग्रेडको लाइसेन्स लिए भने करिब डेढ वर्ष अघि सम्पन्न कोर्ष पूरा गरेर ‘ए’ ग्रेडको कोचिङ लाइसेन्स पनि प्राप्त गरेका छन् । 

 

२८ वर्षको उमेरमा नै क्षेत्रीले नेपालको पुरानोमध्यको एक महाबिर क्लबको प्रशिक्षणको जिम्मेवारी सम्हालेका थिए । उनले महाविरको मुख्य प्रशिक्षक भएर ४ वर्ष काम गरे भने क्षेत्रीसँग ब्वाइज स्र्पोटस् क्लब, फ्रेन्च क्लब जावलाखेल क्लब तथा युनाइटेड युथ क्लबको प्रशिक्षणमा सघाएको अनुभव छ । 

 

'अभिभावक स्वयं नै बच्चा लिएर आउँछन्'

 

आजभोली बच्चाहरुलाई भुल्याउनको लागि धेरै अभिभावकहरुले ‘ग्याजेट’ मोबाइल, ट्याब, ल्यापटप आदी दिने गरेका छन् । तर, कलिलो उमेरमा ति बालकहरुको हातमा यस्ता कुराहरु परेपछि उनीहरु ‘प्यासिभ’ हुँदै गएको क्षेत्रीको अनुभव छ । सोही खालका बच्चाहरुलाई ध्यानमा राखेर उनको एकेडेमीले ५ वर्षदेखि १६ वर्ष उमेरसमूहका बच्चाहरुलाई फुटबल टेनिङ प्रदान गरिरहेका छन् । शनिबार, आइतबार तथा बिदाको दिन बच्चाहरु आएर सहजै फुटबल टेनिङमा सहभागी हुन पाउँछन् । हाल जेएफए नेपालले काठमाडौँको बालुवाटरस्थित एक्सेल फुट्सल एण्ड रिक्रिएसन सेन्टर तथा ललितपुरको सानेपास्थित ललितपुर फाइभ ए साइड इन्डोर फुट्सलमा विद्यार्थीहरुलाई लक्षित गरेर ट्रेनिङ प्रदान गरिरहेको छ । क्षेत्रीका अनुसार सबै अभिभावकहरु आफ्नो बच्चाहरुले धेरै कुरा सिकिरहेको तथा उनीहरुको फिटनेस पनि राम्रो भएकोमा खुसी छन् । त्यसैले उनीहरु खुसीका साथ बच्चाहरुलाई लिएर आइरहेका छन् । 

 

एकेडेमीले विद्यार्थी र अभिभावकबीचको दूरी अझै घटाउनको लागि ‘स्टुडेन्ट भर्सेस प्यारेन्ट्स’ सेसन पनि राखिरहेको हुन्छ । यस्ता खालका गतिविधिले उनीहरुले एक अर्काको मनोविज्ञान बुझ्ने, घरको वातावरण अझै शान्त र सहज हुने, मित्रवत् व्यवहार हुने, अभिभावकले छोरा/छोरीको लागि समय दिएको जस्तो पनि हुने तथा बच्चाहरुको स्वभावको बारेमा अभिभावकलाई ज्ञान तथा अभिभावकको स्वभावको बारेमा बच्चाहरुलाई थप ज्ञान हुने हुँदा सबैले रुचाएका छन् । 

 

अनुभवी प्रशिक्षकबाट कोचिङ

 

जेएफए नेपालले हाल १४५ जनाभन्दा बढी बच्चाहरुलाई फुटबल ट्रेनिङ प्रदान गरिरहेको छ । विभिन्न उमेर समूह यू ४–८, यू–१०, यू–१२ तथा यू–१६ अनुसार प्रशिक्षकहरु पनि अलग–अलग रहेका छन् । उनलाई रवीन्द्र शिलाकार, गोरख केसी, अजय महर्जन, पुष्प विष्ट लगायतले सघाइरहेका छन् । भने छात्राहरुको लागि अनुभवी महिला प्रशिक्षक पनि रहेकी छिन् ।

 

बितेको नौं वर्षमा जेएफए नेपालबाट उत्पादन भएका केही खेलाडीहरुले नेपालको चलेकै क्लबबाट फुटबल खेलिरहेको क्षेत्रीको भनाई छ । एकेडेमीकै पहिलो ब्याचका दुई खेलाडीले मनाङ मस्र्याङ्दी क्लबबाट यू–१८ फुटबल खेलिसकेका छन् । यस्तै, एक जनाले सशस्त्र प्रहरीको एपीएफको ‘बी’ टोलीबाट तथा त्रिभुवन आर्मी क्लब तथा एन्फा एकेडेमीमा नै एक खेलाडी रहेका छन् । 

 

खेलाडी /प्रशिक्षक राहत कोष

 

गम्भीर चोटको कारण धित मर्नेगरि खेल्न नपाएका उनको ठूलो सपना भनेको खेलाडी तथा प्रशिक्षकको लागि एउटा अक्षयकोषको स्थापना गर्नु हो । उक्त अक्षयकोषको रकम खेलाडी तथा प्रशिक्षक घाइते हुँदा प्रयोग गर्ने रहेको छ । नेपालका अधिकांश खेलाडीहरुको आर्थिक अवस्था कमजोर छ । सोही कारणले राम्रो उपचार पाउँदैनन् र खेल जीवनबाट सन्यास लिनुपरेको यथार्थको प्रस्तुत गर्दै क्षेत्रीले उक्त कोष स्थापना गर्ने सोच बनाएका हुन् । उनी भन्छन्, ‘मैले त राम्रो उपचार नपाएरै खेल्न पाइन । म जस्ता खेलाडीहरु यहाँ कयौं छन् जो चोटले गुज्रेपछि  खेल जीवनलाई फर्केर हेरेका छैनन् । अब त्यो अवस्थालाई कम गर्नको लागि प्रयासको थालनी गर्न लागेको हुँ ।’ यसको लागि क्षेत्रीले एकेडेमी तथा आफ्नो व्यक्तिगत आम्दानीको केही प्रतिशत जम्मा गर्ने सोच बनाएका छन् । साथै अन्य इच्छुकहरुको सहयोगबाट प्राप्त रकमलाई पनि पारदर्शी ढंगले खर्च गर्ने योजना छ । 

 

विद्यालय र क्लबलाई निःशुल्क तालिम

 

क्षेत्रीको अर्को मुख्य उदेश्य भनेको फुटबल खेल्न मन भएका तर, आर्थिक अवस्था कमजोर भएकाहरुलाई निःशुल्क शिक्षा दिए फुटबलको तालिम पनि प्रदान गर्नु रहेको छ । यसको लागि उनी देशका विभिन्न भागमा पुगेर त्यस्ता खेलाडीहरुको खोजी गर्ने योजनामा समेत रहेका छन् । हाल उनको एकेडेमीले पनि केही आर्थिक अवस्था भएका खेलाडीहरुलाई निःशुल्क ट्रेनिङ प्रदान गरिरहेको छ । 

साथै राम्रा खेलाडीहरु भएको तर, आर्थिक अवस्थाले तालिम कार्यक्रम संचालन गर्न नसकेको क्लब तथा विद्यालयहरुमा पनि उनको एकेडेमी जेएफएले निकट भविश्यमा निःशुल्क प्याकेजको कार्यक्रम ल्याउन लागेको छ । 

 

राम्रा खेलाडीलाई अन्तर्राष्ट्रिय अनुभव

 

 

जेएफए नेपालका केही खेलाडीहरुले बिभिन्न देशमा गएर थप ज्ञान सिकेर पनि आइसकेका छन् । जेएफएले राम्रा खेलाडीहरुलाई भारत, थाइल्याड, चीन, नर्वे लगायतको देशमा लगेर पनि प्रशिक्षक दिइरहेको छ । आउँदो दिनहरुमा पनि अझै यस कार्यक्रमलाई वृहत बनाउने क्षेत्रीको योजना रहेको छ । 

 

 


थप समाचार

सुन्दर युवतीका क्रुर श्रीमान !

  • 5 hours ago
सुन्दर युवतीका क्रुर श्रीमान !

काठमाडौँ । सुन्दरता बढाउनका लागि मानिस हरसम्भव प्रयास गर्छ । विशेषत महिलाहरु आफ्नो सुन्दरतालाई लिएर धेरै नै चिन्तित हुन्छन् । हर लोग्ने मानिसहरुको इच्छा पनि आफ्नी श्रीमति सुन्दर होस् भन्ने चाहाना हुन्

रेखाबारेको त्यो तितो सत्य !

  • 5 hours ago
रेखाबारेको त्यो तितो सत्य !

एजेन्सी । बलिउडमा विनोद मेहेराले आफ्नो सहज अभिनयका कारण ७०–८० को दशकमा एक अलग्गै पहिचान बनाउन सफल भएका छन् । मेहेराको जन्मदिनको अवसरमा उनका जीवनका केहि राजहरुको बारेमा गरिएका यहाँ चर्चा गरिएको छ ।

श्रीमान्–श्रीमतीबीच सम्बन्ध बिग्रिरहेको छ ? कतै यस्तो भएर त हैन ?

  • 5 hours ago
श्रीमान्–श्रीमतीबीच सम्बन्ध बिग्रिरहेको छ ? कतै यस्तो भएर त हैन ?

एजेन्सी । यदी श्रीमान श्रीमतीबीचको सम्बन्धमा तनाव छ भने यसमा तपाईहरुबीचको सम्बन्धले मात्र काम गरेको हुदैन ।



प्रेम र यौन

यौन शिक्षा– यस्तो बेलामा यौन सम्बन्ध नराखौं !

यौन शिक्षा– यस्तो बेलामा यौन सम्बन्ध नराखौं !

कस्तो अवस्थामा यौन सम्पर्क गर्ने र कस्तो अवस्थामा नगर्ने भन्ने आ–आफ्नै धारणा, तर्क सुनिन्छ । कतिपय अवस्थामा यौन सम्पर्क गर्नै हुन्न । महिलाले आफ्नो शिशुलाई स्तनपान गराईरहेको समयमा शिशुसँग रमाइरहेका हुन्छन् ।

जीवनशैली/स्वास्थ्य

तातोपानीमा मह र कागती मिसाएर खानुहोस्

तातोपानीमा मह र कागती मिसाएर खानुहोस्

एजेन्सी । हामी दैनिक जीवनयापनमा यति व्यस्थ हुँदै गइरहेका छौ कि हामीलाई आफ्नो स्वास्थ्यको बारेमा समेत सोच्ने फुर्सदनै हुँदैन । तर यसले हाम्रो शरीरमा नकारात्मक असर पारिरहेको हुन्छ ।

विचित्र विश्व

सुन्दर युवतीका क्रुर श्रीमान !

सुन्दर युवतीका क्रुर श्रीमान !

काठमाडौँ । सुन्दरता बढाउनका लागि मानिस हरसम्भव प्रयास गर्छ । विशेषत महिलाहरु आफ्नो सुन्दरतालाई लिएर धेरै नै चिन्तित हुन्छन् । हर लोग्ने मानिसहरुको इच्छा पनि आफ्नी श्रीमति सुन्दर होस् भन्ने चाहाना हुन्छ ।