भारत भर्सेस पाकिस्तानः कुन देशसँग कति शक्तिशाली

एजेन्सी । अमेरिकाका पुर्व राष्ट्रपति बिल क्लिनटनले एक पटक भनेका थिए,‘भारतीय मध्य–महादेश र जम्मु काश्मिरको लाइन अफ कन्ट्रोल विश्वकै सबैभन्दा खतरनाक ठाउँ हो ।’ भारत–पाकिस्तानको डरलाग्दो दुश्मनीका कारण आजसम्म चार वटा भयानक युद्ध भइसकेका छन् । र यो जारी रहेको छ । थामिने नाम लिइरहेको छैन ।’

 

आज पनि भारत र पाकिस्तानको सम्बन्ध काश्मिरमा भएका घटनाहरुले निर्धारण गरेका छन् । काश्मिरमा कहिले पाकिस्तानका जवानहरु सहिद भएका छन् भने कहिले भारतका । भारतले आतंवादीहरुको संरक्षण पाकिस्तानले गर्दै आइरहेको बताउँदै आइरहेको छ । आतंकवादीहरुको नाममा पाकिस्तानले आफ्ना सेनाहरु मारेको आरोप भारतको रहेको छ । 

 

सन् २०१६ मा भएको पथानकोट हमला, त्यसपछि भारतले जबाफी कारबाहीमा गरेको सर्जिकल स्ट्राइक केही उदाहरण हुन् । तर, यस वर्षको सुरुवातसँगै जम्मु काश्मिरको श्रीनगरमा भएको आतंकवादी आक्रमणले कतै भारत र पाकिस्तानबीच युद्ध हुने त होइन् भन्ने आशंका सबैमा उब्जिएको छ । आफ्ना ४० जना सैनिकको गुमाएको भारत सरकारले पाकिस्तानसँग बदला लिने बताइरहँदा युद्धको तयारी गरिरहेको छनक विश्व समुदायले आकलन गरिरहेका छन् । यो घटनाले विश्व राजनीतिमा ठुलो तरंग ल्याउने अनुमान विश्लेषकहरुले गरेका छन् । 

 

दुवै देशमा आणविक हतियार रहेका छन् । कतै क्षेत्रिय आणविक युद्ध हुने त होइन भन्ने आशंका पनि उत्तिकै उठेको छ । 

 

यी दुई देशको सैन्य शक्ति कस्तो होला त ? कुन देशसँग कस्ता हतियार छन् । के युद्धका लागि दुवै देशले एकअर्कालाई ललकार्न सक्लान् त ? 

 

मिलिटरी एनालेटिक्स वेवसाइट ग्लोबल फायरपावरका अनुसार भारतसँग विश्वकै चौथो शक्तिशाली सैन्य शक्ति रहेको छ । उसले वार्षिक ५१ बिलियन डलर रक्षामा खर्च गर्दै आइरहेको छ । 

 

त्यस्तै पाकिस्तान सैन्य शक्तिको १३ औ स्थानमा रहेको छ । उसले वार्षिक ७ बिलियन डलर रक्षामा खर्च गर्दै आइरहेको छ । 

 

भारतसँग १.३ बिलियन एक्टिभ मिलिटरी फोर्स रहेको छ । पाकिस्तानसँग जम्मा ६ लाख ३५ हजार एक्टिभ मिलिटरी फोर्स रहेको छ । भारतमा ४९० मिलियन युवाहरु आर्मी बन्न फिट रहेका छन् भने पाकिस्तानमा ७५.३ मिलियन युवाहरुमात्र आर्मीका लागि फिट रहेका छन् । 

 

हाल ४.२ मिलियन सैन्य जवानहरु भारतीय सुरक्षा सेवामा आवद्ध रहेका छन् । पाकिस्तानमा भने यो संख्या ९ लाख १९ हजार रहेको छ । 

 

भारतीय सेनासँग २१०१ एयरक्राप्ट रहेको छ । साथै ६७६ फाइटर जेट, ८०९ अट्यक एयरक्राप्ट, ८५७ ट्रान्सपोर्ट एयरक्राप्ट र ३२३ ट्रेनर्स रहेका छन् । पाकिस्तानसँग भने ९५१ वटा मिलिटरी एयरक्राप्ट, ३०१ फाइटर जेट, ३९४ अट्यक एयरक्राप्ट, २६१ ट्रान्सपोर्ट एयरक्राप्ट र १९० ट्रेनर्स रहेका छन् । 

 

भारतसँग ५२ वटा अट्याक हेलिकप्टर भने पाकिस्तानसँग १७ वटा रहेका छन् । साथै भारतसँग ६६६ वटा ब्याटलफिल्ड हेलिकप्टरहरु रहेका छन् । पाकिस्तानसँग भने जम्मा ३१६ वटा रहेका छन् । 

 

भारतीय सेनासँग ४४२६ वटा ट्यांक रहेका छन् । साथै २४ सयवटा टि–७२ ट्यांक, १६०० टि–९० ट्यांक र ३६० अर्जुन एमके.वन र एम.२ ट्यांकहरु रहेका छन् । पाकिस्तानसँग २९२४ वटा ट्यांक, खालिद, टि–८०युडी र आधुनिक भर्जनका १९७० दशकको–चाइनिज टाइप ५९ ट्यांक रहेको छ ।

 

भारतसँग ६७०४ वटा अत्याधुनिक फाइटिङ सवारी साधनहरु रहेका छन् । पाकिस्तानसँग ४ हजारको हाराहारीमा रहेका छन् । पाकिस्तानसँग ४६५ पटकभन्दा बढी प्रयोग भएको हतियार रहेको छ भने २९० पटक प्रयोग भएको हतियार रहेको छ । 

 

भारतीय सेनासँग २९५ नाभल एसेट रहेको छ । एउटा एयरक्राप्ट क्यारियर र १५ वटा सबमरिन रहेको छ । साथै ११ वटा विध्वंसक रहेको छ । पाकिस्तानसाग यस्ता खाले हतियार रहेको छैन । पाकिस्तानसँग ८ वटा सवमरिन रहेको छ । 

 

भारतीय सेनासँग २३ वटा करभेट वारसिप रहेको छ । पाकिस्तानसँग यो हतियार हालसम्म रहेको छैन ।

 

न्युक्लियर हतियारमा पनि भारतलाई पाकिस्तानले पछि पारेको बताइन्छ । मिडिया रिपोर्टका अनुसार १४० वटा न्युक्लियर हतियार पाकिस्तानसँग रहेका छन् भने ११० वटा भारतसँग रहेका छन् ।

 

न्युक्लियर हतियारका कारण यी दुई देशबीच कुनै पनि समय क्षेत्रिय न्युक्लियर युद्ध हुन सक्ने सुरक्षा विश्लेषकहरुको भनाइ रहेकोछ  । पछिल्लो तीन दशकमा यी दुई देशबीच बारम्बार युद्धको लल्कार भएको छ भने तीन पटकसम्म युद्ध भइसकेको छ । हालसम्म काश्मिरकै कारण लाखौ मानिसहरुले ज्यान गुमाइसकेका छन् ।

 

पाकिस्तान कमजोर भएर पनि बलियो भएको सुरक्षा विश्लेषकहरुको भनाइ छ । चीनले पाकिस्तानलाई सहयोग गर्दै आइरहेका कारण पनि भारतले युद्ध आट्न नसकेको केही सुरक्षाविद्हरुको भनाइ छ ।

 

चीनको ठुलो लगानी पाकिस्तानमा रहेका कारण पनि भारतसँग चीनको खासै गतिलो सम्बन्ध नभएका कारण पाकिस्तानलाई आवश्यक हतियार चीनले दिनसक्ने र विस्तारै भारतलाई कमजोर पार्ने रणनीति भएको समेत विश्लेषकहरु बताउँछन् ।  

 

 

 

 

 

 


थप समाचार

पत्रकार पन्थीको 'कम्पन' सगरमाथाको शिखरमा लोकार्पण

  • 8 hours ago
पत्रकार पन्थीको 'कम्पन' सगरमाथाको शिखरमा लोकार्पण

काठमाडौं । पत्रकार किशोर पन्थीको पुस्तक 'कम्पन'को दोश्रो संस्करण सगरमाथाबाट लोकार्पण गरिएको छ । सगरमाथा आरोही कामीरिता शेर्पाले २४ औं पटक सगरमाथा आरोहणका क्रममा कम्पनको लोकार्पण गरेका हुन् ।

विविध कार्यक्रमसहित आयोजना हुँदै क्षेत्री समाज यूकेको वार्षिक भेला

  • 10 hours ago
विविध कार्यक्रमसहित आयोजना हुँदै क्षेत्री समाज यूकेको वार्षिक भेला

क्षेत्री समाज बेलायतले आफ्नो वार्षिक भेला कार्यक्रम आउँदो महिना गर्ने भएको छ । समाजका संचार संयोजक नरेन्द्र बस्नेतका अनुसार यसवर्षको भेला लण्डनको फेल्थमस्थित इस्प्रिंगवेष्ट एकेडमी कलेजमा जुन ८ तारिखक

च्यारिटी नामको ठगीविरुद्ध जनचेतना फैलाउन लण्डनमा दौडिंदै पत्रकार कार्की

  • 11 hours ago
च्यारिटी नामको ठगीविरुद्ध जनचेतना फैलाउन लण्डनमा दौडिंदै पत्रकार कार्की

लन्डनको एक प्रतिष्ठित दौड 'द भाइटिालिटी लण्डन १००००' मा नेपाल पत्रकार महासंघ बेलायत शाखाका सचिव तथा बेलायतबाट प्रकाशित अनलाइन मिडिया साउथ एसिया टाइमका सम्पादक जगन कार्की च्यारिटी आतंक विरुद्ध जनचेत



प्रेम र यौन

अविस्मरणीय सुहागरातका लागि

अविस्मरणीय सुहागरातका लागि

विवाह पहिले यौन सम्पर्क गर्नु वा नगर्नु व्यक्तिको निर्णय हो । नवविवाहित दम्पतीले कौमार्यकै आधारमा एक अर्कालाई परीक्षण गर्नु उपर्युक्त हुँदैन । जोडीको ध्यान र क्रियाकलाप आफ्नो पहिलो यौन क्रियाकलापलाई कसरी खास बनाउने भन्नेमा केन्द्रीत हुनुपर्छ ।

जीवनशैली/स्वास्थ्य

बेलैमा गरौं ब्रेनस्ट्रोकको उपचार, यस्ता छन् कारण, लक्षण र उपचार गर्ने तरिका

बेलैमा गरौं ब्रेनस्ट्रोकको उपचार, यस्ता छन् कारण, लक्षण र उपचार गर्ने तरिका

सामान्यतय मस्तिष्कमा अचानक रक्तसञ्चार बन्द हुनु र त्यहाँ भएका रक्तकोषिका फुटेर रगत बग्नुलाई मस्तिष्कघात अर्थात ब्रेनस्ट्रोक भनिन्छ । मस्तिष्कघात भएका अधिकांश विरामीलाई पक्षघात पनि हुने भएकाले यो रोगलाई प्यारालाइसिसका नामले पनि पुकारिन्छ ।

विचित्र विश्व

के तपाईलाई राज योगबारे थाहा छ ?

के तपाईलाई राज योगबारे थाहा छ ?

एजेन्सी । जन्मको समय र तारिखको आधारमा कुण्डली हेरेर होस या हस्तरेखा हेरेर होस व्यक्तिको वर्तमान र भविष्य ज्योतिष विद्या मार्फत जान्ने प्रचलन छ । जसमा विभिन्न शास्त्र मार्फत व्यक्तिको बारेमा बुझ्न सकिन्छ ।