पिठ्ठुवाल बनेका सुसान्तको ‘केदारनाथ’को नयाँ गीत ‘क्वाफिराना’

• सरद
• बुधबार, ५ मंसिर, २०७५
• 6 months ago
• कला र मनोरञ्जन

काठमाडौं । अभिनेता सुसान्तसिंह राजपुतको आगामी फिल्म ‘केदारनाथ’को नयाँ गीत सार्वजनिक भएको छ । अमित त्रिदेविको संगीत तथा अमिताभ भट्टचार्याको शब्दमा ‘क्वाफिराना’ गीतको भिडियो सार्वजनिक भएको हो । गीतलाई आर्जित सिंह र निखिता गान्धीले स्वरबद्ध गरेका छन् ।

 

सारा अलि खानकी डेब्यु फिल्म रहेको ‘केदारनाथ’ फिल्ममा मुख्य भुमिकामा देखिदै गरेका अभिनेता सुसान्तसिंहले एक पिठ्ठु (केदारनाथ यात्राको दौरानमा शारीरिक रुपमा असक्त र कमजोर यात्रीलाई बोक्ने मान्छे) को भुमिकामा देखिदै छन् । फिल्मको यस भुमिकाको लागि अभिनेता सुसान्तले धेरै मेहेनत गरेका छन् । साथै यस रोलको लागि उनले ट्रेनिङसमेत लिएका थिए ।

 

डीएनएको एक रिपोर्ट अनुसार अभिनेता सुसान्तले यस भुमिकाको लागि केदारनाथ इलाकाका पिठ्ठुवालाहरुसँग ट्रेनिङ लिएका थिए । यस फिल्मको सुटिङको दौरानमा पनि पिठ्ठुवालाहरुको एक टोलीले सुसान्तलाई गाइड गरिरहेका थिए । फिल्मका यी सबै दृश्यहरुलाई रियल लोकेशनमा सुट गरिएको पनि जानकारी गराइएको छ ।

 

यस दृश्यलाई वास्तविकता देखाउनका लागि सुसान्तले कयौं पटक टेक दिएका थिए । अहिलेसम्म यो फिल्मको दुई वटा गीत रिलिज भइसकेको छ । फिल्मको सार्वजनिक पहिलो गीतमा सुसान्तले एक पिठ्ठुको काम गरिरहेका दृश्यलाई देखाइएको थियो, भने दोस्रो गीत ‘क्वाफिराना’मा अभिनेत्री सारा र सुसान्तको केही लभ सिनलाई देखाइएको छ ।

 

 

• सुसान्तसिंह राजपुत
• केदारनाथ
• सारा अलि खान