गाईजात्रा विशेषः प्रधानमन्त्री ओलीले बाँदरको शरीरमा आफ्नो टाउको राख्नेलाई भेटे

काठमाडौं । प्रधानमन्त्री केपी शर्मा ओलीको नकारात्मक सन्देश फैलाउने किसिमले तस्बिर सामाजिक सञ्जालमा सेयर गरेर काभ्रेपलाञ्चोकको रोसी गाउँपालिका ५ का सचिव होमनाथ सिग्देल पक्राउ परे । 

 

सिग्देलले बाँदरको शरीरमा ओलीको टाउको राखेर फेसबुकमा सेयर गरेका थिए । समाजमा भ्रम तथा नकारात्मक दृष्टिकोणमा अफवाह फैलाएकाले पक्राउ गरिएको जनाइएको छ । 

 

उनलाई प्रधानमन्त्रीको सचिवालयले महानगरीय प्रहरी अपराध महाशाखा प्रमुखलाई फोन गरेरै पक्राउ गर्ने ठाडो आदेश दिइएपछि प्रहरीले पक्राउ गर्यो । गत भदौ १ गते फौजदारी संहिता लागू भएपछि पक्राउ पर्ने सिग्देल पहिलो हुन् । 

 

विद्युतीय कारोबार ऐन २०६३ को दफा ४७ बमोजिम विद्युतीय स्वरुपमा गैरकानुनी कुरा प्रकाशन गर्ने कार्यमा संलग्न व्यक्तिलाई १ लाखसम्म जरिवान वा पाँच वर्षसम्म कैद वा दुवै सजाय हुने व्यवस्था रहेको छ ।

 

काठमाडौं उपत्यकालगायत मुलुकका विभिन्न शहरमा आज गाईजात्रा पर्व मनाइँदैछ । गाईजात्रा विशेष गरी नेवार समुदायले मनाउने पर्व हो ।

 

गाइजात्रामा जब प्रधानमन्त्री ओलीले सिग्देललाई भेटे, त्यसपछि के भने, के भयो संवाद, यो गाईजात्रा प्रस्तुती:–

 

ओली –हैन के भनेर बाँदरको शरीरमा मेरो टाउको मिलायौ ?

 

सिग्देल– खोइ दिमागमा त्यही आयो अनि सेयर गरें । 

 

ओली –तिमीलाई थाहा थिएन भदौ १ देखि तिमीले मलाई गाली गर्न पाउँदैनौ भनेर ?

 

सिग्देल – गाली नै गर्न नपाउने पनि नियम बनाउने हो त ? मन नपर्नेलाई गाली नगरेर के माया गरिरहनु ? अहिलेसम्म जनताले गरेको मायाको कहिल्यै कदर गरेको भए पो । 

 

ओली– के गरिन है मैले जनतालाई ? गरेकै त छु नि । कसैले नबाँडेको आश्वासन भए पनि बाँडेकै त छु । जे सक्यो त्यही गर्ने त हो नि । 

 

सिग्देल – काम चाहिं केही गर्न नपर्ने ? 

 

ओली– त्यो पनि कामै त हो नि । बिहान उठेदेखि त्यत्रो भाषण तिमीले गर्न सक्छौ ? यत्रो औषधी खाएर बोलेको बोल्यै छु । त्यसको कदर गरेका छौ ?

 

सिग्देल – कदर नगरेको भए बोलीमा मात्र ओली राष्ट्रवादी हो भन्ने थाहा पाएर पनि दोस्रो पटक प्रधानमन्त्री बनाउँथे त जनताले ? 

 

ओली – अनि म के कारणले बाँदर भएँ ?

 

सिग्देल – बाँदर भन्न पनि कारण चाहिन्छ र । बाँदरको जस्तो व्यवहार गरेपछि बाँदर नभनेर के भन्ने त ? 

 

ओली – बाँदरले त घर बनाउँदैन । मेरो त दुई दुई वटा घर छ । बाँदरले त खोसेर खाएको छ । मैले खाएको छु ?

 

सिग्देल – सर्वहारा नेताका घर के काम ? मानसिकता त भ्रष्ट देखिइहाल्यो नि । कम्युनिष्ट भन्ने अनि निजी सम्पत्ति जोड्ने ? बाँदर र कम्युनिष्टमा के फरक छ र ? बाँदरको पनि आफ्नो घर हुँदैन । कम्युनिष्टको पनि आफ्नो घर हुँदैन । मैले त गहन भएर सोचेर पो तपाई सच्चा कम्युनिष्ट हो भनेर ‘बाँदर’ को संज्ञा दिएको हुँ । तर तपाईले मलाई उल्टै पक्राउ गर्न लगाउनु भो । के तपाई कम्युनिष्ट हैन ? 

 

ओली – ओहो ! मैले त तिमी काँग्रेस नै हौ त्यसैले मेरो अपमान गर्यौ भनेर पो विद्युतीय कारोबार ऐन २०६३ को दफा ४७ अन्तर्गत कार्वाही गर्न खोजेको त । 

 

सिग्देल – तपाईले मान्छे नचिनेरै दुःख पाउनु भइरहेको छ । अहिले पनि के नौलो भयो र । 

 

ओली– मैले त विपक्षीलाई तर्साउनका लागि पो यो कदम चालेको । तिमी त आफ्नै पुर्खाको सोचबाट आएका परेछौ । लौ धन्यबाद है । मेरो आँखा खोलिदियौ ।

 

सिग्देल – अनि मलाई गरिएको कार्वाही ? 

 

ओली– त्यो त नियममा भएको कुरो । पख । दुई तिहाईको सरकार छ यसो साइत हेरेर तिम्रो व्यवस्था मिलाईहाल्छु नि ।  


थप समाचार

नागरिकता ऐन संशोधनका लागि सुझाव पठाउन एनआरएन यूकेको अपील

  • 5 minutes ago
नागरिकता ऐन संशोधनका लागि सुझाव पठाउन एनआरएन यूकेको अपील

लण्डन । गैरआवासीय नेपालीहरुको नागरिकसम्बन्धी ऐन संशोधनका लागि सुझाव पठाउन एनआरएन यूकेले बेलायतवासी नेपालीहरुलाई अपील गरेको छ । अबको १ साताभित्र बेलायतवासी एनआरएनहरुबाट प्राप्त हुने सुझावहरु संकलन गरेर

गृहमन्त्रीका छोरा प्रतिकले भने–मेरा विरूद्ध निरन्तर झूठा समाचारहरू प्रकाशन भए

  • 38 minutes ago
गृहमन्त्रीका छोरा प्रतिकले भने–मेरा विरूद्ध निरन्तर झूठा समाचारहरू प्रकाशन भए

काठमडौँ । गृहमन्त्री रामबहादुर थापा ‘बादल’का छोरा प्रतिक थापाले जनआस्था साप्ताहिकमा प्रकाशित समाचारहरु झुठो भएको प्रतिक्रिया दिएका छन् ।

बेलायती प्रधानमन्त्री मेलाई कञ्जरभेटिभ पार्टीमा विश्वासको मत जित्न चुनौति

  • 39 minutes ago
बेलायती प्रधानमन्त्री मेलाई कञ्जरभेटिभ पार्टीमा विश्वासको मत जित्न चुनौति

बुधबार सांझ हुने मतदानमा बहुमत कञ्जरभेटिभ सांसदहरुले प्रधानमन्त्री मेको पक्षमा मत दिएमा उनी कञ्जरभेटिभ पार्टीको नेता तथा प्रधानमन्त्रीको रुपमा कायम रहनेछिन् । तर उनले बहुमत सांसदको मत प्राप्त गर्न सकि



प्रेम र यौन

महिनावारीको बेलामा यौन सम्पर्क गर्न हुन्छ कि हुँदैन ?

महिनावारीको बेलामा यौन सम्पर्क गर्न हुन्छ कि हुँदैन ?

एजेन्सी । महिनावारी भएको बेला यौन सम्पर्क गर्न हुन्छ ? या हुँदैन यो प्रश्नले धेरै जोडीहरुले सोध्ने गरेका छन् । यस्तो बेला यौन सम्पर्क गर्ने कुरा इच्छामा भर पर्छ । तर, हाम्रो समाजको चलनचल्तीको कुरा गर्ने हो भने महिनावारीको बेला सम्पर्क गर्नुलाई राम्रो मानिँदैन ।

जीवनशैली/स्वास्थ्य

बिहान दुध खानु शरीरका लागि रोग निम्त्याउनु जस्तै हो ?

बिहान दुध खानु शरीरका लागि रोग निम्त्याउनु जस्तै हो ?

काठमाडौं । दुध पिउदा शरीरमा ऊर्जा प्राप्त हुन्छ । खाएको खानेकुरा खाँदा पचेमा त्यसले फाइदा गर्छ । तसर्थ दुध हाम्रो भोजनको महत्वपूर्ण अंश हो । विशेष गरी शाकाहारीका लागि नभई नहुने पोषण हो ।

विचित्र विश्व

जब यी टपरले यस्तो निर्णय लिए...

जब यी टपरले यस्तो निर्णय लिए...

एजेन्सी–आजको जमानामा अधिकांश पैसाको पछाडि भागिरहेका छन् । जोसँग हजार छ उनीहरु लाखको पछाडि, जोसँग लाख छ उनीहरु करोडको पछाडि र जोसँग करोडौ रुपैयाँ छ उनीहरु पनि सन्तुष्ट रहेका छैनन् ।