सरकारको काम कारबाहीप्रति व्यापक गुनासो, जनताको विश्वास गुमाउँदै

काठमाडौं । पछिल्लो समय सरकारको काम कारबाहीप्रति सामाजिक सञ्जालमा व्यापक असन्तुष्टि व्यक्त गर्नेहरुको भीड नै लागेको छ । सरकारको काममा ढिलासुस्ती हुने गरेको भन्दै असन्तुष्टि व्यक्त गर्नेहरु देशको उच्च तहमा रहेका व्यक्तिहरु बढि रहेका छन् । 

 

उपराष्ट्रपति नन्दबहादुर पुनले केही समयअघि एक कार्यक्रममा सरकारको कामबारबाहीप्रति असन्तुष्टि व्यक्त गरे । उपराष्ट्रपति पुनले रेल, पानी जहाजजस्ता कुरामा भन्दा पनि जनताको जीवनस्तरलाई सुदृढ बनाएर मुलुकलाई समृद्धिको बाटोमा अघि बढाउन रोड कनेक्टिभिटीमा जोड दिन पनि सरकारको ध्यानाकर्षण गराए ।

 

त्यस्तै विपक्षी दलका नेताहरुले दिनहुँ जस्तै काठमाडौंको सडकको दुरावस्था हटाउनेलगायतका कामलाई तीव्रता दिन सरकार र सम्बन्धित निकायलाई आग्रह गर्दा सरकार भने मौन जस्तै रहेको छ । 

 

काठमाडौंमा डुबान हुँदा पनि खासै काम गर्न नसकेकोमा नेकपामा युवा नेता टासी शेर्पाको सरकारप्रति गुनासो छ । उनले सरकारलाई काम गर्ने शैलीमा तीव्रता दिन पनि आग्रह गरे । 

 

नेता शेर्पाले सामाजिक सञ्जालमार्फत अव्यवस्थित फोहोरमैलाको थुप्रो र पानी परेको बेला सडकमा गुडिरहेको गाडीको तस्बिर राख्दै सरकारको आलोचना समेत गरेका छन् । 

 

शेर्पाले फेसबुकमा लेखेका छन्, ‘सरकार यो काठमाडौंको धुलो, हिलो, बाटोको फोहोर र ट्राफिक जाम मात्र ठिक गर्दिनुस् । हामीलाई रेल चाहिँदैन् हजुर ।’ टासीले नेपालीपत्रसँगको कुराकानीमा भने, ‘सरकारले काम गर्ने शैलीमा परिवर्तन नगरे पाँच वर्षमा पनि मुलुकमा कुरा बाहेक केही पनि काम हुँदैन् ।’

 

युवा नेता शेर्पाले जनताका दैनिक आवश्यकतालाई सम्बोधन गर्ने काममा सरकारले जोड दिनुपर्ने बताए । उनले मुलुकलाई समृद्ध बनाउने अभियानमा सरकारलाई साथ दिन पनि सबैलाई आह्वान गरे ।

 

यता प्रतिनिधिसभा र राष्ट्रियसभाको बैठकमा पनि सांसदहरूले सरकारको काम कारबाहीप्रति गुनासो गर्दै आइरहेका छन् । तर, सरकार भने कुनै ठोस निर्णय लिएर अघि बढ्नुपर्नेमा मौन जस्तै बस्नाले जनताप्रतिको विश्वास गुमाउँदै गएको बुझिन्छ । 

 

जनताको आशा निराशामा परिणत !

दुई मुख्य कम्युनिस्ट दल एमाले र माओवादीको एकताले एउटै ‘विशाल’ कम्युनिस्ट पार्टी बनेपछि नेपाली राजनीतिलाई मात्र होइन, सिंगो एसियाकै राजनीतिमा परकम्प पैदा गर्ने सबै नेपाली जनताको अपेक्षा रहेको थियो । 

 

पार्टी एकताको घोषणा भएलगत्तै तत्कालीन एमाले र माओवादी केन्द्रका नेता कार्यकर्ताले देशका विभिन्न सहरबजारका चोकचोकमा भेला भएर उत्साहका साथ दीपावली मनाए ।

 

यति ठूलो कम्युनिस्ट पाटी भएकोमा दुवैतर्फका अधिकांश कार्यकर्ताले विभिन्न माध्ययमद्वारा गौरव व्यक्त गरे । दुई ठूलो पार्टीका अध्यक्ष केपी शर्मा ओली नेतृत्वमा बहुमतको सरकार बन्यो । 

 

प्रधानमन्त्रीको सपथ लिएकै दिन अध्यक्ष ओलीले जनताबाट वाहीवाही पाएका लालबाबु पण्डित र थममाया थापालाई मन्त्री बनाए । उनै पण्डित यतिबेला ‘डेन्जर जोन’मा रहेका छन् । मन्त्री पण्डितसँगै अन्य ६ जना मन्त्री पनि ‘डेन्जर जोन’ मा रहेका छन् । 

 

पदीय आकांक्षामा रहेका तर नअटाएकाहरू पनि पार्टी नेतृत्वसमक्ष भने निकै आक्रोशित रहेको बेला सरकार सुस्त हुनुले आफ्नै पार्टीका कार्यकर्ताप्रति निराशा छाउनु हो । 

 

धेरैजसोले सामाजिक सञ्जालमार्फत आफ्ना आक्रोशहरूसँगै सरकारको काम कारबाहीप्रति असन्तुष्ट व्यक्त गर्दै छताछुल्ल पारेका छन् । सामाजिक सञ्जालमार्फत आफ्नो असन्तुष्टि पोख्दै एक नेताले भनेका छन्, ‘पार्टी नेतृत्वले यसअघि शासकीय पदमा समेत न्याय गरेन, अहिले आएर पनि उस्तै अन्यायपूर्ण व्यवहार/अब कस्तो निर्णय लिनु उचित होला ?’

 

 


थप समाचार

नेपाली भूउपग्रह अन्तरिक्ष कक्षमा पुग्यो

  • 44 seconds ago
नेपाली भूउपग्रह अन्तरिक्ष कक्षमा पुग्यो

काठमाडौं । नेपालको पहिलो भूउपग्रह ‘नेपाल स्याट १’ अन्तर्राष्ट्रिय अन्तरिक्ष कक्ष (आइएसएस) मा पुगेको छ । नासाका अनुसार नेपाली भूउपग्रहसहितको कार्गो शुक्रबार दिउँसो ३ बजेर १२ मिनेटमा अन्तरिक्ष कक्षमा सु

संसदमा गैरकानुनी रूपमा ३ करोड ६९ लाख प्रोत्साहन भत्ता

  • 2 minutes ago
संसदमा गैरकानुनी रूपमा ३ करोड ६९ लाख प्रोत्साहन भत्ता

काठमाडौं । संघीय संसदका महासचिवदेखि सचिवालयका कर्मचारीले प्रोत्साहन भत्ताबापत गैरकानुनी रूपमा ३ करोड ६९ लाख १७ हजार रुपैयाँ लिएको पाइएको छ ।

कतारी राजदूतको प्रस्ताव: नेपालको पानी किन्न सकिने

  • 5 minutes ago
कतारी राजदूतको प्रस्ताव: नेपालको पानी किन्न सकिने

काठमाडौं । नेपालको खानेपानी आयात गर्न कतारले चासो देखाएसँगै सरकारले खानेपानी प्रशोधन गर्न सकिने स्रोतको खोजी र निर्यातको सम्भावनाबारे अध्ययन थालेको छ । शुक्रबार खानेपानी मन्त्रालयले यस विषयमा सरोकारवा



प्रेम र यौन

अविस्मरणीय सुहागरातका लागि

अविस्मरणीय सुहागरातका लागि

विवाह पहिले यौन सम्पर्क गर्नु वा नगर्नु व्यक्तिको निर्णय हो । नवविवाहित दम्पतीले कौमार्यकै आधारमा एक अर्कालाई परीक्षण गर्नु उपर्युक्त हुँदैन । जोडीको ध्यान र क्रियाकलाप आफ्नो पहिलो यौन क्रियाकलापलाई कसरी खास बनाउने भन्नेमा केन्द्रीत हुनुपर्छ ।

जीवनशैली/स्वास्थ्य

यस्तो रहेको छ आजको तपाईको भाग्य

यस्तो रहेको छ आजको तपाईको भाग्य

वि.सं.२०७६ साल वैशाख ०७ गते । शनिबार । ईश्वी सन् २०१९ अप्रिल २० तारिख । नेपाल संवत् ११३९ । परिधावी संवत्सर । उत्तरायण । वसन्त ऋतु । श्रीशाके १९४० । वैशाख कृष्ण पक्ष । तिथि प्रतिपदा, २४ घडी ५४ पला, दिउसो ०३ बजेर ३५ मिनेट उप्रान्त द्वितीया । नक्षत्र स्वाती, ३४ घडी २९ पला,बेलुकी ०९ बजेर २५ मिनेट उप्रान्त विशाखा ।