IIMS College

ISMT

HUB Education

बेलायतमा माया बटुल्दै 'सालको पात टपरी' गायक कुलेन्द्र

  • बिहीबार, २ जेष्ठ, २०७६
  • 8 months ago
  • युके
Education Park

 

Kathmandu Trade Show

 

Royal Education Foundation

 

 

लण्डन । नेपाली लोकसंगीतको क्षेत्रमा डेढ दशकभन्दा लामो समयदेखि निरन्तर सक्रिय छन् गायक कुलेन्द्र विश्वकर्मा । हजारौं लोकदोहोरीमा आवाज दिइसकेका उनका दर्जनौं गीतहरु हिट छन् । 

 

तर केहि महिनाअघि सार्वजनिक उनको 'सालको पात टपरी' बोलको लोकदोहोरी गीतको असाधारण सफलतापछि अहिले कुलेन्द्रको चर्चा र लोकप्रियता चुलिएको छ । 

 

युट्युबमा ४ करोड भन्दा बढिपटक हेरिएको पहिलो लोकदोहोरीको रेकर्ड नै बनाएको छ यो गीतले  । लोकदोहोरीका पारखीहरु मात्र नभएर आम नेपालीका जनजिब्रोसम्म झुण्डिन सफल गीतपछि उनको सांगीतिक करियरमै एउटा नयाँ अध्याय सुरु भएको छ । 

 

'यो गीतबाट मैले दर्शक, श्रोताको जुन माया पाएको छु, त्यो साँच्चीकै अपत्यारिलो छ', कार्यक्रमको शिलशिलामा यतिबेला बेलायतमै रहेका कुलेन्द्रले सुनाए, 'इमान्दारितापूवर्क मेहनत गर्न सके एकदिन अवश्य पुरस्कार मिल्दोरहेछ भन्ने महसुस भएको छ ।'

 

अहिले स्वदेश तथा विदेशमा हुने हरेक कार्यक्रममा दर्शक, श्रोताको अत्याधिक रोजाइमा पर्ने गर्छ 'सालको पात टपरी' । जसकारण स्वभाविकतः गायक कुलेन्द्रको डिमाण्ड देश, विदेशका स्टेजमा एकदमै बढेको छ ।

 

हुन त यसअघि नै उनले गाएका 'तिमलाई पछुतो हुने दिन', न'जाउ है सानु पधेंरीमा', 'हाँस्न सिकायौ', 'एकतर्फी माया', 'भुल्नै भयो धौ' , 'डांडै फुर्के सल्लो', 'रुमाल हल्लाई', 'जिम्माल बाको आँगनीमा' लगायतका थुप्रै गीत चर्चा कमाउन सफल थिए । जसले उनलाई लोकप्रियता पनि दिलाएका थिए । तर ती गीतको तुलनामा सालको पात टपरीले उनलाई धेरै अग्लो उचाई दिएको छ । 

 

 

पर्वत लंखु देउरालीको एक निम्नवर्गीय परिवारबाट काठमाडौं आएर गायकका रुपमा स्थापित बन्दासम्मको यात्रामा कुलेन्द्रले ठूलो साधाना र संघर्ष गरेका छन् । 'सुखमा आत्तिन र दुखमा मात्तिन हुन्न भन्ने मेरो जीवन विश्वासले नै मलाई ती कठिन संघर्षका दिनहरुमा पनि टिकाइराख्यो', उनी भावुक बन्छन्, 'एउटा गीत हिट हुनेबित्तिकै मात्तिने र भएन भने आत्तिने कलाकार हुन सक्दैन भन्नेमा म सधै सचेत रहें ।' 

 

अहिलेसम्म आफ्नै एल्बम ५ वटा मात्रै सार्वजनिक गरेका कुलेन्द्रले आवाज भरेका गीतहरुको संख्या भने ५ हजार नाघिसकेको छ । बहुचर्चित सालको पात टपरीसहितका आफ्ना थुप्रै गीतको म्युजिक भिडियोमा उनी आफैले मोडलका रुपमा अभिनय समेत गरेका छन् । 

 

कार्यक्रमको शिलशिलामा दुबई, कोरिया, हंककंग जापान, अमेरिकादेखि युरोपका केहि देशसम्मको यात्रा गरिसकेका छन् उनले । अष्ट्रेलिया अब छिट्टै जाँदैछन् । 

 

पर्वत वेल्फेयर सोसाइटी यूकेको निमन्त्रणमा दुई साताअघि बेलायत आइपुगेका उनले यहाँको १ महिने बसाईमा आधा दर्जन बढि कार्यक्रममा गाउने तय भइसकेको छ । 

 

यहाँ आएलगत्तै केहि कार्यक्रममा प्रस्तुति गरिसकेका छन् कुलेन्द्रले । हरेक कार्यक्रममा दर्शकको आग्रहमा सालको पात दोहोर्याएर समेत गाएका छन्, अरु केहि आफ्ना चर्चित गीतहरु पनि सुनाएका छन् । 

 

यसअघि सन् २०१५ मा पहिलोपटक बेलायत आएका कुलेन्द्रको यो दोस्रो भ्रमण हो । 'विदेशमा बस्ने दर्शक, श्रोताले नेपाली संगीत र कलाकारलाई झन बढि माया दिनुहुन्छ भन्ने प्रत्यक्ष अनुभव मैले अहिले बेलायतमा गर्दैछु', उनले सुनाए, 'यति धेरै माया र आत्मीयता पाउँदा आउँदो दिनमा मैले आफ्नो कर्ममा अझै बढि मेहनत र योगदान गर्नुपर्छ जस्तो लागिरहेको छ ।' 

 

तस्विर सौजन्य : मिलन तमु

 

 


थप समाचार

आरजिएनएसको नेपाली भाषा कक्षा तेस्रो वर्षमा

  • 1 hour ago
आरजिएनएसको नेपाली भाषा कक्षा तेस्रो वर्षमा

भाषा कक्षा सञ्चालनमा आएको दुई वर्ष पूरा भएको अवसरमा गत आइतबार दोस्रो वार्षिकोत्सव तथा पहिलो अभिभावक दिवस समेत एक कार्यक्रम गरी मनाइयो ।

दोस्रो विज्ञ सम्मेलनको तयारीबारे सरकार र एनआरएनएबीच छलफल

  • 2 hours ago
दोस्रो विज्ञ सम्मेलनको तयारीबारे सरकार र एनआरएनएबीच छलफल

अध्यक्ष कुमार पन्त नेतृत्वको एनआरएनए टोलीले शुक्रबार काठमाडौंमा परराष्ट्रमन्त्री प्रदिप ज्ञवालीलाई भेटेर सम्मेलनबारे छलफल गरेको छ ।

दुई दिन अगाडिमात्रै छोरीलाई जन्मदिएकी गायिका पवित्र गुरुङको निधन

  • 3 hours ago
दुई दिन अगाडिमात्रै छोरीलाई जन्मदिएकी गायिका पवित्र गुरुङको निधन

पोखरा । गायिका तथा सञ्चारकर्मी पवित्रा गुरुङको निधन भएको छ । उनको काठमाडौंस्थित एक अस्पतालमा निधन भएको हो । दुई दिन अगाडी छोरीलाई जन्मदिएकी थिइन् ।



प्रेम र यौन

महिलाहरु किन अपरिचित पुरुषसंग उत्तेजित हुन्छन् , थाहा पाउनुहोस

महिलाहरु किन अपरिचित पुरुषसंग उत्तेजित हुन्छन् , थाहा पाउनुहोस

ऐजेन्सी ।शारिरक सम्बन्धलाई राम्रो विचारले सोचे राम्रै हुन्छ । नराम्रो विचारले सोचे नराम्रो हुन्छ जब शारिरक सम्बन्धलाई नराम्रो बिचारले हेर्ने गरिन्छ । तब शारिरक सम्बन्ध जतिको घृणित कुरा केहि नहुने अध्ययनहरुले देखाउँदै आएका छन् । यस बिषयमा भन्नु पर्दा नारीहरु लजालु र जाली पनि हुने गर्दछन् भन्ने निष्कर्ष अध्यनहरुले बताएका छन् ।

जीवनशैली/स्वास्थ्य

यसकारण फेसियल गर्नुपर्छ

यसकारण फेसियल गर्नुपर्छ

काठमाडौं । फेसियल अनुहारको मसाज हो । मसाजले ब्लड सर्कलेसनलाई सन्तुलित बनाउँछ । छाला र रक्तकोषहरु पनि सक्रिय हुन्छन् ।

विचित्र विश्व

यी हुन् विश्वको सबैभन्दा लामो कपाल भएकी महिला

यी हुन् विश्वको सबैभन्दा लामो कपाल भएकी महिला

एजेन्सी । भारतको गुजरातकी १७ वर्षीया किशोरीको कपाल विश्वमा सबैभन्दा लामो रहेको छ । यसलाई गिनिज वल्र्ड रेकर्डमा दर्ता गरिएको छ ।अरवल्ली जिल्लाको माडोसामा बस्दै आएकी नीलान्शी पटेललाई उनको लामो कपालको कारण रियल लाइफकी ‘रेपुन्जल’ (जर्मनी परि कथाको एक पात्र) भनिएको छ ।