जीवनमा सफलता पाउन चाहनुहुन्छ ? कहिल्यै हार नमान्नुहोस्

 

एजेन्सी । असफलता सफलताको विकल्प कहिले पनि हुन सक्दैन । असफलतालाई सबैले आफैबाट टाढा राख्न खोज्छन् । तर, हरेक मानिसले आफ्नो जीवनमा एक पटक न एक पटक असफलता भोगेकै हुन्छन् ।

 

एक असफलता पछि धेरै मानिसले आफु बर्बाद भएको सोच्छन् र हरेस खान्छन् । तर, खासमा भन्ने हो भने साहसी मानिसलाई असफलताले केही फरक पार्दैन । उदाहरणको लागि यी ६ जना उद्यमीहरुलाई लिन सकिन्छ । उनीहरु ठूला असफलताहरुलाई चिर्दै अघि बढेका हुन् र अन्त्यमा उनीहरुको कथा धेरै ठूलो सफलतामा गएर टुगिंंन्छ ।

 

उनीहरुले आफ्नो करिअरको सुरुमा ठूलो असफलता पाएका थिए । पछि उनीहरु आफ्नो लक्ष्यमा बिचलित भएनन् र कहिल्यै हार मानेनन् । असफलताबाट मानिसले कस्तो प्रतिक्रिया जनाँउछन् र त्यसबाट कस्तो पाठ सिक्छन भन्ने कुरा महत्वपूर्ण हुन्छ । उनीहरु नै असफलताले तपाईलाई आफ्नो सपना र भिजन पछ्याउन रोक्दैनन् भन्ने कुराको प्रेरणा हुन सक्छन् ।

 

१. एरिएना हफिङटन ३६ वटा प्रकाशकबाट अस्विकृत भएकी थिइन् 

 

यो कुरा विश्वास गर्न गाह्रो हुन्छ कि अनलाईन प्रकाशनमा अहिले सबैभन्दा प्रख्यात नाम कुनै बेला तीन दर्जन मुख्य प्रकाशकहरुबाट अस्विकृत भएकी थिइन् । उनको दोस्रो पुस्तक जसलाई उनले हफिङटनपोस्ट जस्तो सबैले चिन्ने साम्राज्य खडा गर्नु भन्दा धेरै अघि देखि नै प्रकाशन गर्न खोजेकी थिइन् तर उनी ३६ पटक अस्विकृत भएकी थिइन त्यसपछि मात्रै उक्त पुस्तक छापिएको थियो । 

 

त्यसै गरी हफिङटन पोस्ट पनि सुरुमा सफल भएको थिएन । यो सार्वजनिक भएको समयमा यसले धेरै नकरात्मक टिप्पणीहरु पाएको थियो । तर, एरिएनाले ति सबै असफलतालाई चिर्दै हफिङ्टनलाई अगाडि बढाइन र अहिले यसको नाम सबैभन्दा सफल मध्येको एक अनलाइन आउटलेटको रुपमा चिनिन्छ ।

 

२. बिल गेट्सको पहिलो कम्पनी टुक्राटुक्रा भएको थियो

 

बिल गेट्स अहिले विश्वकै धनी व्यक्तिमध्ये मानिन्छन् तर उनले यो सफलता सजिलोसँग प्राप्त गरेका होइनन् । गेट्स सुरुमा उद्यमीको रुपमा ट्य्राफ–ओ–डाटा नामको कम्पनी खोलेका थिए जसले डाटा प्रशोधन र विश्लेषण गर्ने लक्ष्य लिएको थियो ।

 

उनले आफ्नो बिजनेस पार्टनर पउल एलेनसँग आफ्नो आइडिया बेच्ने प्रयास गरेका थिए तर यो पनि काम लागेन । यो धेरै नै ठूुलो असफलता थियो । तर यी असफलताले बिल गेट्सलाई नयाँनयाँ अवसरहरुको खोजीमा लाग्नबाट पछाडि धकेलेन र केही वर्षपछि नै उनले पहिलो माइक्रोसफ्ट प्रोडक्ट ल्याए र सफलताको बाटो पहिल्याए ।

 

३. जर्ज स्टेनब्रेनरले एक टिमलाई नै टाट बनाए

 

स्टेनब्रेनर ले न्यू योर्क यान्किजको मालिकको पहिचान बनाउन अघि नै उनी सन् १९६० माअर्के एक सानो बास्केटबल टिमको मालिकथिएजसको नाम क्लेभल्यान्ड पाइपर्स थियो । तर, स्टेनब्रेनरकै बुद्धिमा लागेर उक्तफ्रेन्चाइजी नै टाट पल्टियो ।

 

यो असफलताको कारणले नै स्टेनब्रेनरलाई सन् १९७० को दशकमा यान्किजको मालिक हुने बाटो कोर्यो । यो टिमले पनि ८०–९० को दशकमा धेरै नै असफलता र हन्डर खाइरह्यो । धेरैले उनलाई गाली र आलोचना गर्न थाले तर पनि उनले हरेस खाएनन् उनी आफ्नो दृढ निश्चयको साथमा उनले आफ्नो टिमको आश्चर्यजनक कम ब्याक गर्न सफल भए । 

 

अन्तत यो क्लबले सन् १९९६ र २००३ को बिचमा ६ पटक विश्वसिरिज जित्न सफल भयो । मेजर बेसबल लिगमा सबैभन्दा धेरै नाफा कमाउने कम्पनीको नाममा चिनिन सफल भयो ।

 

४. वाल्ट डिज्नेलाई भनिएको थियो उनीसँग सिर्जनात्मकता छैन

 

बिसौं शताब्दीको एक सबैभन्दा सिर्जनसिल प्रतिभा मानिने डिज्नेलाई एक अखबारले सिर्जनसिल नभएको आरोपमा निकालेको थियो । त्यसपछि डिज्नेले आफ्नो पहिलो एनिमेसन कम्पनी स्थापना गरे जसको नाम लाफ–ओ–ग्राम फिल्म्स थियो । 

 

उनले उक्त कम्पनीको लागि १५ हजार डलर खोजेर लगानी गरे तर यो कम्पनीको प्रमुख वितरक पार्टनर बन्द भएकोले यो कम्पनी पनि बन्द हुनपुग्यो । पैसा पनि सकियो र एकपछि अर्को असफलताले उनलाई धेरैले आलोचना गर्न थाले तर पनि उनले हिम्मत हारेनन् र हलिउडमा पाइला राखे र अन्त्यमा उनका फिल्महरु लोकप्रिय हुनथाले ।

 

५. स्टिभ जब्सलाई आफ्नै कम्पनीबाट हटाइएको थियो

 

स्टिभजब्स एक प्रभावकारी उद्यमी हुन् किनभने उनी नविन सिर्जनाहरुको कारणले चिनिन्छन् तर उनले पनि धेरै ठूलो असफलतालाई चिरेर आएका थिए । २० वर्षको उमेरमै उनले एप्पल कम्पनीको स्थापना गरेका थिए तर जब उनी ३० वर्षको थिए एप्पलका बोर्ड अफ डाइरेक्टरले उनलाई बर्खास्त गरेको थियो ।

 

आफ्नो असफलताबाट समेत नआत्तिएका जब्सले नयाँ कम्पनी नेक्स्ट खोलेर अघि बढे पछि अन्त्यमा एप्पलले यो कम्पनी किन्यो र जब्स फेरि एप्पलमै फर्किए । एप्पल फर्किएपछि जब्सले आफ्नो क्षमता प्रमाणित गरिदिए र नयाँनयाँ सोचको प्रोडक्ट ल्याएर एप्पल कम्पनी र त्यसको ब्रान्डलाई नयाँ उचाइमा पुर्याए ।

 

६. मिल्टन हेर्सेको हेर्सेज कम्पनी अघि नै तीन कम्पनीहरु घाटामा गएका थिए 

 

हेर्सेज चकलेटको बारेमा थाहा नहुने कमैमात्र मानिसहरु होलान् । तर, जब मिल्टन हेर्सेले पहिले क्यान्डी उत्पादन सुरु गरेका थिए उनको पहिचान बनेको थिएन । 

 

उनलाई एक प्रिन्टरमा प्रशिक्षार्थीको रुपमा काम गर्दैगर्दा निकालिएपछि उनले छु्ट्टाछुट्टै तीन क्यान्डी कम्पनी सुरु गरे तर ति सबै असफल भए ।

 

अन्तिम प्रयासको रुपमा उनले ल्यानकास्टर क्यारामेल कम्पनी सुरु गरे र त्यसले राम्रो प्रतिफल दिनथाल्यो । त्यसपछि उनले मिल्क चकलेट र बजारमा ल्याएयो पनि सबैले मन पराएर पछि हेर्से कम्पनी सुरु गरे अनिमात्रै उनी चकलेटको उद्योगमा चर्चित नाम बन्न पुगे ।

 

यी कथाहरुबाट तपाईले पनि प्रेरणा पाउन सक्नुहुनेछ र यदी तपाईले असफलता पाउनुभयो भने पनि आत्तिनु हुँदैन । कुनै असफलताहरु यति कठोर ह्ुन्छन् कि त्यसले तपाईको बाटो सकिएको जस्तो लाग्छ तर यो सम्झिनुहोस कि यस्ता धेरै सफल मानिसहरु छन् उनीहरु पनि धेरै असफलता र हन्डरलाई चिर्दै अगाडि बढेका हुन् ।

 

त्यसैले आफ्नो गल्तिहरुबाट पाठ सिक्नुहोस, कमजोरी र असफलता स्विकार्नुहोस् । तर आफ्नो लक्ष्य र सपना प्राप्त गर्नको लागि हरदम प्रयास गर्नुहोस ।

 


थप समाचार

सेभेन ए साईड वेगनास कप फुटबल हुने

  • 47 seconds ago
सेभेन ए साईड वेगनास कप फुटबल हुने

पोखरा । फागुन १२ गते देखि सेभेन ए साईड फुटबल प्रतियोगिता पोखराको बेगनासताल किनारमा हुने भएको छ । महाशिवरात्रीको अवसर पारेर फागुन १२ गते देखि २० गते सम्म फुटबल प्रतियोगिता आयोजना गर्न लागेको संयोजक सुर

लागू औषधसहित पोखराबाट तीनजना पक्राउ

  • 5 minutes ago
लागू औषधसहित पोखराबाट तीनजना पक्राउ

पोखरा । लागू औषध सहित पोखराबाट कास्की प्रहरीले तीनजना पक्राउ गरेको छ । पोखरा १० बुद्धचोकमा लागू औषध ओसारपसार गरिरहेको गोप्य सूचनाका आधारमा प्रहरीले उनीहरुलाई पक्राउ गरेको हो ।

खल्तीको ‘स्मार्ट छोरी’ अभियान सुरु

  • 13 minutes ago
खल्तीको ‘स्मार्ट छोरी’ अभियान सुरु

काठमाडौँ । दस हजार किशोरी र महिलाहरुलाई डिजिटल तथा वित्तिय साक्षरता प्रदान गर्ने उद्धेश्यका साथ खल्ती डिजिटल वालेटले बुधबारदेखि स्मार्ट छोरी अभियान सुरु गरेको छ । देशव्यापी रुपमा संचालित यस अभियानले



प्रेम र यौन

के हो राम्रो सेक्स ?

के हो राम्रो सेक्स ?

पुरुषहरु बढी सेक्सको बारेमा धेरै कुरा गर्छन् तर, महिलाहरु भने भित्रभित्रै धेरै सेक्सको चाहना धेरै राख्छन् । राम्रो सेक्स धेरै मानिसहरुका लागि अपरिहार्य कुरा हो । भोक लाग्दा खाना खाए जस्तै शरिरले मागेको बेलामा सेक्स गर्नु पनि साधारण कुरा हो । आजकाल धेरैजसो महिलाको आफ्नो पुरुषले शारिरिक सन्तुष्टि प्रदान गर्न नसकेको कुराहरु धेरै सुन्न पाइन्छ ।

जीवनशैली/स्वास्थ्य

यस्तो रहेको छ आज विहीबारको तपाईको भाग्य !

यस्तो रहेको छ आज विहीबारको तपाईको भाग्य !

वि.सं.२०७५ साल फाल्गुन ०९ गते । बिहीबार । ईश्वी सन् २०१९ फेब्रुवरी २१ तारिख । नेपाल संवत् ११३९ । विरोधकृत् संवत्सर । उत्तरायण । शिशिर ऋतु । श्रीशाके १९४० । फाग्गुन कृष्ण पक्ष ।

विचित्र विश्व

यी कार्यहरु गरेपछि अवश्य नुहाउनुहोस्

यी कार्यहरु गरेपछि अवश्य नुहाउनुहोस्

काठमाडौँ । हिन्दु शास्त्रमा नुहाउनु बाहेक हात खुट्टा धुने समयबारे पनि महत्वका साथ प्रस्ट्याइएको छ । शास्त्रका अनुसार घर पुगेपछि मानिसले जहिले पनि हात खुट्टा धुनुपर्छ । भोजन ग्रहण गर्नुपुर्व र यस पछाडि हात खुट्टा धुनुपर्छ ।