लोकतन्त्र दिवसः जनताको प्रश्न कहिले हुन्छ देशको समृद्धि

दलहरुमा प्रतिबन्ध लाएर सत्ताको डोरी समातेर दरबारमा बसेको राजालाई झुकाएको दिन हो आज । १२ वर्षअघि जनताको बलमा राजाले लिएको सत्ता नागरिकको बलबाट प्राप्त भएको दिन हो वैशाख ११ गते । जनआन्दोलनको बलमा राजाले ‘जनताको नासो जनतालाई फिर्ता’ गरेकोले आजका दिनलाई उत्सवका रुपमा नेपालीले लोकतन्त्र मनाउने गरेका छन् । 

 

२०६२÷०६३ मा नागरिक सडकमा आएर सत्ता परिवर्तन गरेको दिनको सम्झानामा लोकतन्त्र दिवस मनाइदै आइएको छ । २०६१ माघ १९ मा आफैलाई सर्वेसर्वा ठानेर पार्टीका नेताका गतिविधिमा समेत प्रतिबन्ध लाएपछि झण्डै एक वर्षपछिको चैत १६ गतेबाट जनआन्दोलन शुरु गरिएको थियो । देशमा सशस्त्र द्धन्द्ध, राजनीतिक दलहरुमा प्रतिबन्ध र दरबार हत्याकाण्ड लगायतमा राजतन्त्रप्रति नागरिकको वितृष्णामा नागरिकहरुले राजाका विरुद्धमा आन्दोलन छेडेका थिए । आफ्नो आधारभूत अधिकार हनन्मा नेपाली नागरिकको चित्त बुझेको थिएन त्यसैले राजाको विरुद्धमा जनमत सडकमा उर्लिएको थियो । 

 

राजनीतिक दल, नागरिक समाजको संयोजनमा देशभरमा जनआन्दोलन उर्लिन थालेपछि राजाले आफ्नो शक्तिको अन्तिम प्रयोग गरेपनि सिप चलेन । घरघरबाट मानिसहरु बालबच्चा बोकेर सडकमा आए, कोही पानी बोकेर आए । महलमा बस्नेदेखि सडकका मानिस जनआन्दोलनको लाइनमा सहभागी भए । राजाले प्रहरी मात्र हैन सशस्त्र प्रहरी र सेना समेत परिचालनका अगाडि नागरिक झुक्न सकेनन् र लोकतन्त्र स्थापना गरे । यही जन्मोउत्सवबाट नेपालमा लोकतन्त्र दिवस मनाउन थालिएको छ ।

 

आजकै दिन अर्थात वैशाख ११ गते राती तत्कालिन राजा ज्ञानेन्द्र झुकेर नेपालको संसद पुर्नस्थापना भएको घोषणा गरे । राजाको संसद पुर्नस्थापनासंगै नेपालमा लोकतन्त्रको जन्म भयो । पुर्नस्थापित संसदले राजाका अधिकारलाई लगाम लगाइदियो । संसदले दुईसय ४० बर्षको राजतन्त्रलाई नारायणहिटीमा बस्ने तिम्रो अधिकार छैन भन्दै बाहिर पठाइदियो ।   

 

छैन उत्साह 

लोकतन्त्रमा लडेकाहरु लोकतान्त्रिक गणतन्त्रमा पुगिसकेका छन् । देशमा लामो राजनीतिक तरतापछि स्थायी सरकार सरकारले समृद्धिको नारा ल्याइरहेको छ । तर लोकतन्त्र स्थापनाका लागि सडकमा उत्रेका नागरिक आज त्यही लोकतन्त्रको उत्सवमा सहभगिताको उत्साह छैन । 

 

लोकतन्त्र स्थापना भएको १२ बर्ष पुग्दापनि लोकतन्त्रको आभाष नेपाली नागरिकले सहज रुपमा नपाएको चर्को गुनासो आइरहेको छ । सडकमा लोकतन्त्रको नारा लाइरहेका बेलामा केहिले सडकमै प्राण त्यागे, कोही घाइते भएर जीवनभर अपाङ्ग भएको बस्नु परेको छ । हातखुट्टा भाँचिएका, टाउको फुटेकाहरुले सहज उपचार नपाएको भन्दै आँसु खसालिरहेका छन् ।

 

लोकतन्त्र स्थापनापछि देशमा समृद्धि सहितको तीव्र विकासको अपेक्षा गरेका नेपाली नागरिकले त्यसको फल अहिलेसम्म चाख्न पाएका छैनन् । जनआन्दोलनका समयमा सडकमा रगत, पसिना बगाएका जनताको उचित सम्बोधन हुन आवश्यक छ । देशमा अ‍ैझेरु झै रहेको भ्रष्टाचार, कुरीति, कुसंस्कारको अन्त्यसंगै समुन्नत समाज निर्माणमा वर्तमान राजनीतिक नेतृत्वको ध्यान जान आवश्यक छ । 

 

‘राजा हटे, नेताहरु आए तर लोतन्त्र आएन’ भन्ने व्यक्तिहरुको कमी छैन । एउटा राजा फालेर सयौ राजा स्थापित गरिएको भन्ने कटाक्षपनि सुनिदै आइएको छ । त्यसैले राजाको बाटोमा वर्तमान राजनीतिक प्रणालीले राजनीतिक एजेन्डा हैन, नागरिकका एजेण्डामा बोक्ने ट्रयाकमा जाने छ भन्नेमा धेरैको आशा छ । जनतालाई लोकतन्त्रको उत्सवमा लामवद्ध लगायन वर्तमान राजनीतिक प्रणाली तयार रहनै पर्दछ । 

 


थप समाचार

'ला लिगा उपाधि जित्ने रणनीतिमा छ रियल मड्रिड'

  • 8 minutes ago
'ला लिगा उपाधि जित्ने रणनीतिमा छ रियल मड्रिड'

एजेन्सी । मार्चदेखि स्थगित रहेको स्पेनिस लिग ला लिगा जुन १२ बाट सुचारु हुने तयारीमा रहेको छ । यस सिजनको हालसम्म २७ खेल भइसकेका छन् । बार्सिलोनाले २७ खेलमा ५८ अंक जोड्दै लिगको शिर्ष स्थानमा रहेको भने द

भुटानमा कोरोना भाइरस, कति पुग्यो संक्रमितको संख्या, कति निको भए ?

  • 20 minutes ago
भुटानमा कोरोना भाइरस, कति पुग्यो संक्रमितको संख्या, कति निको भए ?

एजेन्सी । भुटानमा कोरोना भाइरस संक्रमितको संख्या ४७ पुगेको छ । पछिल्लो रिपोर्ट अनुसार कोरोना भाइरस संक्रमितमध्ये ८ जना निको भएर घर फर्किएका छन् ।

१९ स्वास्थ्यकर्मीलाई सेल्फ क्वारेन्टिनमा राखियो

  • 25 minutes ago
१९ स्वास्थ्यकर्मीलाई सेल्फ क्वारेन्टिनमा राखियो

पाल्पा । पाल्पाको युनाइटेड मिशन अस्पतालको आइसोलेशन कक्षमा रहेका एक व्यक्तिको मृत्यु भएपछि १९ स्वास्थ्यकर्मीलाई सेल्फ क्वारेन्टाइनमा राखिएको छ ।



प्रेम र यौन

कोरोना भाइरसको संक्रमण फैलिरहेको बेला ‘पोर्न साइट’हरुको यस्तो धन्दा

कोरोना भाइरसको संक्रमण फैलिरहेको बेला ‘पोर्न साइट’हरुको यस्तो धन्दा

एजेन्सी । चीनको वुहानबाट फैलिएको कोरोना भाइरस हाल विश्वव्यापी बनिरहेको छ । कोरोनाको कारण मानिसको दैनिकीसँगै विश्व अर्थतन्त्र नै धराशायी बनिरहेको अवस्थामा ‘पोर्न साइट’हरुले भने अलग खालको धन्दा चलाउन थालेका छन् ।

जीवनशैली/स्वास्थ्य

आज घरघरमा तुलसीको दल राखेर निर्जला एकादशी पर्व मनाइँदै

आज घरघरमा तुलसीको दल राखेर निर्जला एकादशी पर्व मनाइँदै

महोत्तरी । हिन्दू मैथिल आज मङ्गलबार घरघरमा तुलसीको दल राखेर निर्जला एकादशी पर्व मनाउँदैछन् । जेठ शुक्ल एकादशीका दिन धार्मिक महत्वको वनस्पति तुलसीको दल राख्ने परम्परानुसार आज हिन्दू मैथिलका घरघरमा उत्सवकै रूपमा यो पर्व मनाइँदै गरिएको हो ।