लण्डनमा फरक स्वादको 'गजल साँझ'

  • सोमबार, २५ भदौ, २०७५
  • 7 months ago
  • युके
कार्यक्रममा प्रस्तुति गर्दै गजलकार रवि प्राञ्जल ( बाँया ) र गायक राज सिग्देल

 

लण्डन । वर्षैभर च्यारिटी र समर बीबीक्यू जस्ता एकै खाले कार्यक्रमहरुबाट वाक्क दिक्क बेलायतका नेपालीहरुको लागि आइतबार एउटा फरक स्वादको अवसर मिल्यो । 

लण्डनको साउथ ह्यारोस्थित ह्यारो बरो फुटबल क्लबमा आयोजित 'लण्डन गजल साँझ २०१८' का सहभागीले कार्यक्रमलाई फरक र मिठो अनुभुति गरे । 

 

मोती जयन्तीको अवसरमा एनआरएन यूकेको भाषा साहित्य विभागले आयोजना गरेको उक्त कार्यक्रमको मुख्य आकर्षण थिए अहिलेका चर्चित नेपाली गजल गायक राज सिग्देल । उनले दुई चरणमा गरी झण्डै एक दर्जन गजलहरु गाएर उपस्थित श्रोताहरुलाई सांच्चीकै मन्त्रमुग्ध बनाए । आफ्ना बहुचर्चित गजलहरु 'उ जितेर गई', 'च्वांस्स घोच्ने तिम्रो माया' देखि नारायणगोपालको 'यति चोखो यति मिठो',  तारादेवीको  'सोंचे जस्तो हुन्न जीवन' सम्मका सुमधुर गीतहरु सिग्देलले सुनाएका थिए । 

 

त्यस अवसरमा बेलायतमै बस्दै आएकी गायिका शर्मिला बर्देवा र गायक प्रमोदराज न्यौपानेले पनि केहि गजलहरु प्रस्तुत गरेर कार्यक्रमलाई थप मनोरञ्जनात्मक बनाए । 

 

गायिका शर्मिला बर्देवा , गायकद्वय राज सिग्देल र प्रमोद राज न्यौपाने वाद्यवाधकहरुसहित

 

कार्यक्रमका लागि नेपालबाट आएका प्रसिद्ध गजलकार रवि प्राञ्जलको प्रस्तुति कार्यक्रमको अर्को आकर्षक पक्ष थियो । प्राञ्जलले आफ्ना १ दर्जन भन्दा बढि गजलहरु सुनाइरहेको समय उपस्थित श्रोताहरुले लगातार 'वाह, वाह' भन्दै ताली पिटिरहंदा माहोल सांच्चीकै गजलमय बनेको अनुभुति भएको थियो । 

 

कार्यक्रममा बेलायतबासी सर्जकहरु सञ्जिता देउजा, शशी थापा सुब्बा, नृपेश उप्रेती, सुमलकुमार गुरुङ , डा रुपक श्रेष्ठ, दुर्गाप्रसाद पोखरेल र रेखा खरेलले प्रस्तुत गरेका गजलहरु पनि श्रोताहरुले उत्तिकै मन पराएका थिए । 

 

 

त्यसअघि कार्यक्रमका प्रमुख अतिथि बेलायतका लागि नेपाली राजदूत डा दुर्गाबहादुर सुवेदीले आफ्नो मन्तव्य राख्दै नेपाली साहित्यमा गजल लेखनको सुरुआतदेखि वर्तमानसम्म आइपुग्दाका उतार,चढाव र श्रृंखलाबद्ध विकासक्रमहरुको फेहरिस्त सुनाए ।  नेपाली गजलका सुरुआतदेखि विकास र नेतृत्वसम्म गर्ने मोतिराम भट्टको समृतिमा लण्डनमा गजल सांझ आयोजना हुनु आफैमा ऐतिहासिक रहेको धारणा राजदूत डा सुवेदीले राखे ।  

 

कार्यक्रमका सभापति तथा संयोजक कृष्ण भट्टले कार्यक्रमको औचित्य र महत्वबारे बोले । कार्यक्रमको सुरुमा कार्यक्रमका प्रमुख अतिथि राजदूत डा सुवेदी, विशेष अतिथिद्धय एनआरएन आइसिसी उपाध्यक्ष कुल आचार्य र एनआरएन यूके अध्यक्ष योगकुमार फगामी, कार्यक्रमका सभापति तथा संयोजक कृष्ण भट्ट लगायतले मोतिराम भट्टको तस्विरमा माल्यापर्ण गरी श्रद्धाञ्जली व्यक्त गरेका थिए ।

 

कार्यक्रमको सञ्चालन एनआरएन यूके भाषा साहित्य विभाग संयोजक नारायण गाउंलेले गरेका थिए । यो कार्यक्रमको संयोजन कृष्ण भट्ट, नारायण गाउंले, नृपेश उप्रेती, कृष्ण तिवारी र लक्ष्मी राई (लारा) सहित ५ जनाको समुहले गरेको हो । 

 

कार्यक्रममा गजलपानका लागि लण्डनसहित आसपास र मिडल्याण्डका कतिपय ठाउंहरुबाट समेत सहभागीहरु भेला भएका थिए । यसअघि कार्यक्रममा आउने भनिएका गजलकार करुण थापा भिसासम्बन्धी समस्याका कारण उपस्थित हुन नसकेको भन्दै आयोजकले क्षमायाचना गरेका थिए । 

 

भाषण र आसन जस्ता अनावश्यक औपचारिकताहरु निकै थोरै राखेर नौलो स्वादमा कार्यक्रम सञ्चालन गर्न आयोजक समुहले गरेको प्रयास कार्यक्रमका सहभागीहरुले मन पराएका थिए । 

 

आयोजक समुह

 

 


थप समाचार

बिआरआईमा युरोपको सामूहिक सम्झौता सम्भव – जर्मन मन्त्री

  • 11 minutes ago
बिआरआईमा युरोपको सामूहिक सम्झौता सम्भव – जर्मन मन्त्री

बेइजिङ । जर्मनीका अर्थमन्त्री पिटर अल्टमायरले युरोपेली युनियनका प्रमुख मुलुकहरुले चीनको अगुवाईमा रहेको बेल्ट एन्ड रोड अभियान (बिआरआई) मा व्यक्तिगत नभई सामूहिक समझदारीमा हस्ताक्षर हुन सक्ने बताएका छन्

जापानिजहरु किन यस्ता खानेकुराहरु खान्छन् ?

  • 33 minutes ago
जापानिजहरु किन यस्ता खानेकुराहरु खान्छन् ?

पश्चिमा क्षेत्रमा जापानीहरु कहिल्यै मोटाउँदैनन् भन्ने एउटा भ्रम छ । यो साँचो त होइन, तर जापानीहरु लामो समय बाँच्ने र सुन्दरताका लागि भने परिचित छन् ।

यस्ता छन् जीवनमा सदैव गोप्य राख्नुपर्ने केही कुराहरु

  • 59 minutes ago
यस्ता छन् जीवनमा सदैव गोप्य राख्नुपर्ने केही कुराहरु

एजेन्सी । जीवनमा केही यस्ता कुराहरु हुन्छन् जसलाई गोप्य राख्नु नै उचित हुन्छ । गोप्यता राख्नुपर्ने कुरालाई पनि उजागर गर्दा जीवनमा धेरै समस्याहरु आउने गरेका छन् ।



प्रेम र यौन

अविस्मरणीय सुहागरातका लागि

अविस्मरणीय सुहागरातका लागि

विवाह पहिले यौन सम्पर्क गर्नु वा नगर्नु व्यक्तिको निर्णय हो । नवविवाहित दम्पतीले कौमार्यकै आधारमा एक अर्कालाई परीक्षण गर्नु उपर्युक्त हुँदैन । जोडीको ध्यान र क्रियाकलाप आफ्नो पहिलो यौन क्रियाकलापलाई कसरी खास बनाउने भन्नेमा केन्द्रीत हुनुपर्छ ।

जीवनशैली/स्वास्थ्य

जापानिजहरु किन यस्ता खानेकुराहरु खान्छन् ?

जापानिजहरु किन यस्ता खानेकुराहरु खान्छन् ?

पश्चिमा क्षेत्रमा जापानीहरु कहिल्यै मोटाउँदैनन् भन्ने एउटा भ्रम छ । यो साँचो त होइन, तर जापानीहरु लामो समय बाँच्ने र सुन्दरताका लागि भने परिचित छन् ।

विचित्र विश्व

कुन देशमा छन् सबैभन्दा धेरै करोडपतिहरु ?

कुन देशमा छन् सबैभन्दा धेरै करोडपतिहरु ?

एजेन्सी । धेरै पैसा कमाउने करोडपतिको सुचीमा आउने सपना आजकल धेरैको आम सपना भएको छ । तर, सबै परिश्रमले करोडपति बनाउँदैन । करोडपति बन्न ठुलै संघर्षको आवश्यक पर्छ । पछिल्लो समय करोडपतिहरुको चर्चा ठुलो हुने गरेको छ ।