लण्डन कविता कन्सर्टमा संकलित कोषबाट सिन्धुपाल्चोकमा बन्ने पुस्तकालय भवन शिलन्यास

  • बिहीबार, २८ चैत, २०७५
  • 1 week ago
  • युके

 

लण्डन । गत महिना लण्डनमा आयोजित कविता कन्सर्टमा संकलित रकमबाट सिन्धुपाल्चोकको एक विद्यालयमा स्थापना गर्न लागिएको पुस्तकालय भवन निर्माणको काम सुरु भएको छ । 

 

त्रिपुरासुन्दरी गाउंपालिका ६ टेकानपुरको कालिका माविमा निर्माण हुने अत्याधुनिक विद्युतीय पुस्तकालयको २ कोठे भवन शिलन्यास गरिएको छ । 

 

जान्वी फाउण्डेसनकी अध्यक्ष समेत रहेकी नायिका जान्वी बोहोराले पुस्तकालय भवनको शिलन्यास गरेकी हुन् । 

 

क्षेत्री समाज यूकेको आयोजनामा लोकप्रिय युवाकवि नवराज पराजुलीको सहभागितामा गत मार्च १७ मा लण्डनमा सम्पन्न कविता कन्सर्ट २ बाट संकलित रकमबाट यो पुस्ताकालय बन्न लागेको हो । नायिका जान्वीको नेतृत्वमा रहेको फाउण्डेसनको सहकार्यमा पुस्तकालय बन्नेछ । 

 

 

भवन शिलन्यास समारोहमा फाउण्डेसनकी अध्यक्ष एवम् नायिका बोहोराले विगतमा आफुले पढेको विद्यालयमा अध्ययनरत विद्यार्थीरुको लागि आधुनिक पुस्तकालय निर्माण गर्ने आफ्नो लामो समयदेखि सपनाले मूर्त रुप लिएकोमा खुशी व्यक्त गरिन् । 

 

पुस्तकालय निर्माणको लागि महत्वपुर्ण सहयोग गर्ने लण्डन कविता कन्सर्टका संयोजक रामशरण सिम्खडा, क्षेत्री समाज यूके र समाजका सचिव कुमार केसीप्रति बोहोराले आभार प्रकट गरिन् । 

 

लण्डन कविता कन्सर्ट २ को संयोजन गरेका एनआरएन अभियन्ता रामशरण सिम्खडाले पुस्तकालय निर्माणको काम केहि महिनाभित्रमै पूरा गर्ने गरी सुरु भएको जानकारी दिए । कन्सर्टबाट संकलित १७ लाख रुपियामध्ये पहिलो किस्ता नेपाल पठाइसकिएको र बांकी रकम काम अघि बढेपछि पठाइने सिम्खडाले जनाए । 

 


थप समाचार

२२ वर्षीया आकांक्षा गुरुङ बेलायतको स्थानीय निर्वाचनमा उम्मेदवार

  • 4 hours ago
२२ वर्षीया आकांक्षा गुरुङ बेलायतको स्थानीय निर्वाचनमा उम्मेदवार

गिल्डफोर्ड काउन्सिलको पारब्राइट वडाको काउन्सिलरको लागि २२ वर्षीया आकांक्षा गुरुङ लेबर पार्टीको तर्फबाट उम्मेदवार बनेकी हुन् ।

हिमनदीको पानी अन्तर्राष्ट्रिय क्षेत्रमा व्यापार गर्ने उपायको खोजीमा सरकार

  • 6 hours ago
हिमनदीको पानी अन्तर्राष्ट्रिय क्षेत्रमा व्यापार गर्ने उपायको खोजीमा सरकार

काठमाडौँ । मुलुकको चुलिँदो व्यापार घाटा कम गर्ने लक्ष्यका साथ सरकारले नेपालको हिमनदीको पानी अन्तर्राष्ट्रिय क्षेत्रमा व्यापार गर्ने उपायको खोजी गर्ने भएको छ ।

हतियार बुझाउन दिइएकाे समयसीमाभित्र २ सय ५९ थान हतियार संकलन

  • 6 hours ago
हतियार बुझाउन दिइएकाे समयसीमाभित्र २ सय ५९ थान हतियार संकलन

काठमाडौँ । अपराध नियन्त्रण गरी समाजमा शान्ति सुरक्षा कायम गर्ने उद्देश्यले सरकारले अवैध हतियार बुझाउन दिएको समयसीमाभित्र प्रहरीमा २५९ हतियार सङ्कलन भएको छ । सङ्कलित हतियारमा अवैध भन्दा वैध हतियार बढी



प्रेम र यौन

अविस्मरणीय सुहागरातका लागि

अविस्मरणीय सुहागरातका लागि

विवाह पहिले यौन सम्पर्क गर्नु वा नगर्नु व्यक्तिको निर्णय हो । नवविवाहित दम्पतीले कौमार्यकै आधारमा एक अर्कालाई परीक्षण गर्नु उपर्युक्त हुँदैन । जोडीको ध्यान र क्रियाकलाप आफ्नो पहिलो यौन क्रियाकलापलाई कसरी खास बनाउने भन्नेमा केन्द्रीत हुनुपर्छ ।

जीवनशैली/स्वास्थ्य

माल्दिभ्स घुम्न किन जान्छन् पर्यटकहरु ?

माल्दिभ्स घुम्न किन जान्छन् पर्यटकहरु ?

एजेन्सी । माल्दिभ्स अन्तराष्ट्रिय पर्यटकहरुको एउटा प्रमुख गन्तव्य हो । वार्षिक लाखौँ पर्यटकहरु यो देशको भ्रमण गर्न आउँछन् ।