आज म्यान्चेस्टर डर्बी, दुबै क्बलको लागि ‘डु अर डाई’ खेल (प्रिभ्यू)

  • बुधबार, ११ बैशाख, २०७६
  • 4 weeks ago
  • खेल

काठमाडौँ । आज इंग्लिस प्रिमियर लिग अन्तर्गत म्यान्चेस्टर युनाइटेडले घरेलु प्रतिद्धन्द्धी म्यान्चेस्टर सिटीसँग प्रतिस्पर्धा गर्दैछ । म्यान्चेस्टर युनाइटेडको घरेलु मैदान वल्र्ड ट्राफोडमा हुने खेल नेपाली समयअनुसार १२ः४५ बजेसुरु हुनेछ । 

 

घरेलु लिगः

 

प्रिमियर लिगका खेलहरु सकिनै लाग्दा यी दुई क्लबबीचको डर्बी भिडन्त दुबै क्लबको लागि महत्वपूर्ण मानिएको छ । सिटीले लिग जित्नको लागि आज म्यान्चेस्टर युनाइटेडलाई पराजित गर्नुपर्छ । शीर्ष स्थानमा लिभरपुल रहेको कारणले आज म्यान्चेस्टर सिटी तीन अंक जोडेर लिभरपुलसँग दुई अंकको दूरी कायम गर्न चाहन्छ । सिटीले लिगमा ८६ अंक जोडेको छ भने एक खेल बढी खेलेको लिभरपुलको ८८ अंक छ । 

 

उता म्यान्चेस्टर युनाइटेडले ६४ अंक जोडेको छ । च्याम्पियन्स लिगको लागि स्थान पक्का गर्नको लागि म्यान्युको लागि पनि जित आवश्यक छ । अघिल्लो खेलमा एभर्टनसँगको लज्जास्पद पराजयबाट बाहिर आउनको लागि पनि म्यान्यु घरेलु मैदानमा जित दर्ता गर्न चाहन्छ । हाल म्यान्यु लिगको छैटौं स्थानमा छ । उ भन्दा अघि आर्सनल, चेल्सी, टोटनहम, म्यान्चेस्टर सिटी तथा लिभरपुल छ । 

 

हेड टु हेडः 

 

यी दुई क्लबबीचको पछिल्लो ४३ खेलमा म्यान्चेस्टर युनायटेड हावी भएको छ । म्यान्चेस्टर युनाइटेडले २१ खेलमा जित दर्ता गरेको छ । म्यान्युले घरेलु मैदानमा १० जित तथा अवे मैदानमा ११ जित निकालेको छ । त्यस्तै, सिटीले १४ खेलमा जित हासिल गरेको छ । सिटीले ८ पटक घरेलु मैदानमा तथा ६ पटक अवे मैदानमा जित दर्ता गरेको हो । यी दुईबीचको ८ खेल भने बराबरी सकिएको छ । 

 

पछिल्लो भेट:

 

यी दुई क्लबबीचको पछिल्लो पाँच भेटमा म्यान्चेस्टर सिटी हावी देखिएको छ । सिटीले तीन खेलमा जित निकालेको छ भने युनाइटेडले एक खेलमा जित निकालेको छ त्यस्तै एक खेल बराबरीमा सकिएको छ । 

 

नोभेम्बर ११, २०१८

म्यान्चेस्टर सिटी ३–१ म्यान्चेस्टर युनाइटेड 

 

अप्रिल ७, २०१८

म्यान्चेस्टर सिटी २–३ म्यान्चेस्टर युनाइटेड

 

डिसेम्बर १०, २०१७

म्यान्चेस्टर युनाइटेड १–२ म्यान्चेस्टर सिटी 

 

अप्रिल २७, २०१७

म्यान्चेस्टर सिटी ०–० म्यान्चेस्टर युनाइटेड

 

सेप्टेम्बर १०, २०१६

म्यान्चेस्टर युनाइटेड १–२ म्यान्चेस्टर सिटी 

 

पछिल्लो पाँच खेल

 

 

म्यान्चेस्टर युनाइटेड

म्यान्चेस्टर युनाइटेडको पछिल्लो पाँच खेलको रेकर्ड राम्रो छैन । म्यान्चेस्टर युनाइटेडले दुई खेलमा मात्रै जित निकालेको छ भने तीन खेलमा हार व्यहोरेको छ । युनाइटेडले वाट्फोर्डविरुद्ध  २–१ गोलको जित दर्ता गरेको छ भने वेष्ट हामसँग पनि २–१ गोलकै जित निकालेको छ । युनाइटेड एभर्टनसँग ४–० गोल, उल्भरह्याम्टनसँग २–१ गोल तथा आर्सनलसँग २–० गोलले पराजित गरेको हो । 

 

म्यान्चेस्टर सिटी

म्यान्चेस्टर सिटीले पछिल्लो पाँच वटै खेलमा जित निकालेको छ । सिटी टोटनहमविरुद्ध १–० गोल, क्रिस्टल प्यालेससँग ३–१ गोल, कार्डिफसँग २–० गोल, फुलहामसँग २–० गोल तथा वाट्फोर्डविरुद्ध ३–१ गोलले विजयी भएको हो । 

 

प्रशिक्षकः 

 

  • ओले गुनार सोल्सेयर (म्यान्चेस्टर युनाइटेड)
  • पेप ग्वार्डिवला (म्यान्चेस्टर सिटी)

 


थप समाचार

पत्रकार पन्थीको 'कम्पन' सगरमाथाको शिखरमा लोकार्पण

  • 1 hour ago
पत्रकार पन्थीको 'कम्पन' सगरमाथाको शिखरमा लोकार्पण

काठमाडौं । पत्रकार किशोर पन्थीको पुस्तक 'कम्पन'को दोश्रो संस्करण सगरमाथाबाट लोकार्पण गरिएको छ । सगरमाथा आरोही कामीरिता शेर्पाले २४ औं पटक सगरमाथा आरोहणका क्रममा कम्पनको लोकार्पण गरेका हुन् ।

विविध कार्यक्रमसहित आयोजना हुँदै क्षेत्री समाज यूकेको वार्षिक भेला

  • 3 hours ago
विविध कार्यक्रमसहित आयोजना हुँदै क्षेत्री समाज यूकेको वार्षिक भेला

क्षेत्री समाज बेलायतले आफ्नो वार्षिक भेला कार्यक्रम आउँदो महिना गर्ने भएको छ । समाजका संचार संयोजक नरेन्द्र बस्नेतका अनुसार यसवर्षको भेला लण्डनको फेल्थमस्थित इस्प्रिंगवेष्ट एकेडमी कलेजमा जुन ८ तारिखक

च्यारिटी नामको ठगीविरुद्ध जनचेतना फैलाउन लण्डनमा दौडिंदै पत्रकार कार्की

  • 4 hours ago
च्यारिटी नामको ठगीविरुद्ध जनचेतना फैलाउन लण्डनमा दौडिंदै पत्रकार कार्की

लन्डनको एक प्रतिष्ठित दौड 'द भाइटिालिटी लण्डन १००००' मा नेपाल पत्रकार महासंघ बेलायत शाखाका सचिव तथा बेलायतबाट प्रकाशित अनलाइन मिडिया साउथ एसिया टाइमका सम्पादक जगन कार्की च्यारिटी आतंक विरुद्ध जनचेत



प्रेम र यौन

अविस्मरणीय सुहागरातका लागि

अविस्मरणीय सुहागरातका लागि

विवाह पहिले यौन सम्पर्क गर्नु वा नगर्नु व्यक्तिको निर्णय हो । नवविवाहित दम्पतीले कौमार्यकै आधारमा एक अर्कालाई परीक्षण गर्नु उपर्युक्त हुँदैन । जोडीको ध्यान र क्रियाकलाप आफ्नो पहिलो यौन क्रियाकलापलाई कसरी खास बनाउने भन्नेमा केन्द्रीत हुनुपर्छ ।

जीवनशैली/स्वास्थ्य

बेलैमा गरौं ब्रेनस्ट्रोकको उपचार, यस्ता छन् कारण, लक्षण र उपचार गर्ने तरिका

बेलैमा गरौं ब्रेनस्ट्रोकको उपचार, यस्ता छन् कारण, लक्षण र उपचार गर्ने तरिका

सामान्यतय मस्तिष्कमा अचानक रक्तसञ्चार बन्द हुनु र त्यहाँ भएका रक्तकोषिका फुटेर रगत बग्नुलाई मस्तिष्कघात अर्थात ब्रेनस्ट्रोक भनिन्छ । मस्तिष्कघात भएका अधिकांश विरामीलाई पक्षघात पनि हुने भएकाले यो रोगलाई प्यारालाइसिसका नामले पनि पुकारिन्छ ।

विचित्र विश्व

के तपाईलाई राज योगबारे थाहा छ ?

के तपाईलाई राज योगबारे थाहा छ ?

एजेन्सी । जन्मको समय र तारिखको आधारमा कुण्डली हेरेर होस या हस्तरेखा हेरेर होस व्यक्तिको वर्तमान र भविष्य ज्योतिष विद्या मार्फत जान्ने प्रचलन छ । जसमा विभिन्न शास्त्र मार्फत व्यक्तिको बारेमा बुझ्न सकिन्छ ।