७ मन्त्रीको दिनगन्ती सुरुः दशैंअघि नै मन्त्रिमण्डल हेरफेर, को–को ?

काठमाडौं । गत साउन ८ गते शेरबहादुर तामाङले न्याय कानुन तथा संसदीय मामिलामन्त्रीबाट राजिनामा दिए । पत्रकार सम्मेलन गरेरै तामाङले राजिनामा दिएका थिए । 

 

तामाङले कुरा नबुझी नेपाली चेलीलाई मानमर्दन हुनेगरी अभिव्यक्ति दिएको, गैर जिम्मेबार बनेको भन्दै तत्कालिन कानुनमन्त्री रहेका तामाङको सामाजिक सञ्जालमा व्यापक रुपमा राजिनामा माग गरियो । 

 

तामाङको राजिनामापछि प्रधानमन्त्री केपी शर्मा ओलीले विवादमा आएका, सरकारको स्पिरिट बिपरित हिँडेका र सरकारलाई बदनाम गराउने काम मात्र गरेका मन्त्रीहरुलाई कारवाहीको दायरा भित्र ल्याउन आवश्यक छ । प्रधानमन्त्री ओलीले आफ्नै सरकारको आन्तरिक मुल्याकंन सुरु गरेका छन् ।

 

सरकार गठनको ६ महिना बितिसक्दा पनि सरकारले अँगालेका कतिपय जनसरोकारका विषयमा सरकारका उपलब्धी र कार्यशैलीलाई लिएर सडकमा हुने गरेका आलोचना, बौद्दिक क्षेत्रले सुरु गरेका प्रहारलगायतमा केन्द्रीत रहेर प्रमले सरकारको आत्ममूल्याकंन सुरु गरेको पाइएको हो । 

 

स्रोतका अनुसार दशैंअगावै वर्तमान सरकारका केही मन्त्रीले बिदा पाउँदैछन् भने केहीको जिम्मेवारी फेरिनेछ । सरकारका मन्त्रीमा पछिल्लो समय बढ्दै गएको स्वच्छेचारीकै कारण कतिपय मन्त्रीको कार्यशैलीप्रति प्रम क्षुब्ध हुन थालेको बताइन्छ ।

 

प्रधानमन्त्री ओलीले यस विषयमा नेकपामा अर्का अध्यक्ष प्रचण्डसँग पनि गुनासो गरेका छन् । आफ्नो भारत भ्रमणको पूर्वसन्धयामा गत मंगलबार आफ्ै निवासमा प्रचण्डले सरकारका मन्त्रीबारे गरेको आलोचनात्मक खुलासाले पनि मन्त्रीबारे प्रचण्डले निर्णय लिन प्रम स्वतन्त्र रहेको तर्फ संकेत छ । गत बुधबार मात्रै ओली र प्रचण्डको बालुवाटारमा भेटवार्ता पनि भएको थियो । 

 

सरकारको लक्ष्य विपरित कामबारबाहीका कारण प्रधानमन्त्री ओली र अध्यक्ष प्रचण्डका नजरमा गृहमन्त्री रामबहादुर थापा ‘बादल’, सरकारका प्रवक्ता रहेका सञ्चारमन्त्री गोकुल बास्कोटा, श्रममन्त्री गोकर्ण विष्ट, यातायात मन्त्री रघुवीर महासेठ, सामान्य प्रशासन मन्त्री लालबाबु पण्डित, अर्थमन्त्री युवराज खतिवडा र पर्यटनमन्त्री रविन्द्र अधिकारीसँग आम विकासप्रेमी जनता रुष्ट रहेका छन् ।

 

प्रचण्डले ओलीलाई भेट्नुअगावै काम नगर्ने तर गफमात्रै गरेर दिन बिताएका मन्त्री सरकारमा कायम नरहने संकेत दिइसकेका छन् । के प्रधानमन्त्री ओलीले यी मन्त्रिलाई राजीनामा दिन दवाब देलान त ? यो अहिले आम चासोको बिषय बनेको छ ।

 

गृहमन्त्री ‘बादल’ यसकारण विवादमा !

गहृमन्त्री थापाको ठाडो आदेशमा वीर अस्पतालका चिकित्सकलाई अपहरणका शैलीमा मन्त्रालय हाजिर गराएर आफू अनुकुलका रिपोर्ट तयार गर्न दबाब दिनुले पनि सरकार विवादमा तानिएको थियो । 

 

त्यस्तै भक्तपुरका ११ वर्षीय बालक निशान खड्का अपहरण प्रकरणमा यथार्थ नबुझी वक्तव्य जारी गर्नु, कञ्चनपुर मामिलामा समेत गलत बयानबाजी गरेकोमा प्रधानमन्त्री ओली र अध्यक्ष प्रचण्ड रुष्ट रहेको पाइएको छ । 

 

यस्तै काम नगर्ने ठेकेदार र सिण्डिकेटका मामिलामा अधकल्चो निर्णय लिएर सरकारलाई नै विवादित गर्ने काम भएकोमा मन्त्रीकै कारण सरकारको छवि धमिलिँदै गएको आरोप पनि लागेको छ । 

 

स्रोतका अनुसार गृहमन्त्री थापाको ठाउँमा जनादर्न शर्मा ‘प्रभाकार’ लाई ल्याउने बताइएको छ । 

 

सञ्चारमन्त्री बास्कोटा यसकारण विवादमा !

बास्कोटा सरकारका प्रवक्ता भएर अत्यधिक विवादमा आएका मन्त्री हुन् । ओलीका प्रिय भए पनि उनले मिडियामा प्रहार गरेको, निर्णयहरू कार्यान्वयन नगरेको भन्दै ओलीले हटाउन लागेको हल्ला बाहिर आएको छ ।

 

श्रममन्त्री बिष्ट यसकारण विवादमा !

श्रममन्त्री विष्टले मेलेरियामा कामदारको स्वास्थ्य परिक्षण गर्ने संस्थामा धरपकट गरेको र त्यसलाई कार्यान्वयन गर्न नसकेका कारण हटाउन लागिएको बुझिएको छ ।

 

यातायातमन्त्री महासेठ यसकारण विवादमा !

उच्च स्रोतका अनुसार ओलीले यातायात सिन्डिकेटलाई काखा च्यापी सरकारको योजनाविरूद्ध हिँडेका कारण यातायातमन्त्री रघुवीर महासेठलाई हटाउन लागेको पाइएको छ । 

 

सरकारले यातायात सिन्डिकेट तोड्ने निर्णयसहित यातायात व्यवस्था विभागलाई चलाएमान बनाउँदा महासेठले त्यहि आक्रमण गरी मनलाग्दी निर्णय गरेका थिए ।

 

अर्थमन्त्री खतिवडा यसकारण विवादमा !

यता देशको अर्थतन्त्रलाई धराप पार्नेगरी, पार्टीमैत्री नभएका कारण अर्थमन्त्री युवराज खतिवडालाई हटाउन लागेको पाइएको छ । 

 

स्रोतका अनुसार खतिवडाले पार्टीले ल्याएका योजना र कार्यकर्ताको मानमर्दन गरेको ओलीकहाँ गुनासो पुगेको थियो । 

 

भारतीय दबाबमा राष्ट्रियसभा सदस्य बनाउँदै खतिवडालाई विज्ञका रूपमा ओलीले अर्थ मन्त्रालयको जिम्मा दिएका थिए ।

 

पर्यटनमन्त्री अधिकारी यसकारण विवादमा !

कास्की जिल्लाका पर्यटनमन्त्री अधिकारीले सुरक्षाकर्मीलाई छाता ओडाउन लगाएर आफू पैदल यात्रा हिँडेको तस्वीर सामाजिक सञ्जालमा भाईरल भएपछि उनको चर्को आलोचना भएको थियो । सामाजिक सञ्जालमा उनको तस्वीरलाई लिएर अनेकौ टिकाटिप्पणी समेत भएका थिए ।

 

त्यस्तै केही समयअघि पत्रकारले विमान खरिदबारे प्रश्न राख्दा उनले पत्रकारलाई दुव्र्यवहार गरेका कारण पनि उनी आलोचित भएका थिए । पत्रकारको माइक समेत फालेर अनेक भनेपछि प्रधानमन्त्री ओलीले उनलाई आफ्नो सरकारमा राख्न नचाहेको स्रोतले जनाएको छ ।

 

मन्त्री अधिकारीले ६० करोड रुपैयाँ आफू खुसी बाँडेका कारण पनि उनी चर्को विवादमा तानिएका छन् । मन्त्री अधिकारीसँग ओली नेपाल वायुसेवा निगमले भित्र्याएको दुई थान बाइड बडी विमान र त्यसमा भएको अर्बौंको अनियमितता मन्त्रीले देखाएको मौनता जोडिन आइपुगेको छ । 

 

सामान्य प्रशासन मन्त्री पण्डित यसकारण विवादमा !

ठूला कुरा गर्ने जनतामा आशा र महत्वकांक्षा जगाउने तर कामका नाममा सिन्कोसमेत नभाँच्ने, आफ्नै क्षमतालाई राम्ररी प्रयोगमा ल्याउन नसक्ने कोटीमा मन्त्री पण्डित प्रधानमन्त्री ओलीको नजरमा परेका छन् । 

 

यसैले पनि वर्तमान सरकारमा मन्त्री पण्डितको निरन्तरताको दिनगन्ती सुरु भइसकेको स्रोतले बताएको छ । 

 

 

 

 

 


थप समाचार

निर्मलको 'प्रोजेक्ट पोसिबल'लाई एनआरएन यूकेको साथ, प्रेस मिटमै जुट्यो १० हजार पाउण्ड सहयोग

  • 6 hours ago
निर्मलको 'प्रोजेक्ट पोसिबल'लाई एनआरएन यूकेको साथ, प्रेस मिटमै जुट्यो १० हजार पाउण्ड सहयोग

कार्यक्रममा उपस्थित एनआरएन यूके तथा अरु विभिन्न संघसंस्थाका प्रतिनिधिहरुबाट उनको अभियानका लागि तत्काल नै झण्डै १० हजार पाउण्डको सहयोग समेत संकलन भएको छ ।

शान्ति पुरस्कारका लागि ट्रम्पको नाम सिफारिस

  • 10 hours ago
शान्ति पुरस्कारका लागि ट्रम्पको नाम सिफारिस

टोकियो, जापान । वासिङ्टनको अनुरोधमा अमेरिकी राष्ट्रपति डोनाल्ड ट्रम्पलाई सन् २०१८ को नोबेल शान्ति पुरस्कारका लागि जापानी प्रधानमन्त्री सिन्जो आवेले मनोनयन गरेको एक जापानी पत्रिकाले आफ्नो आइतबारको संस्

रेखा–अमिताभ प्रेमसम्बन्धः किन अधुरै रह्यो यी दुईको प्रेम ?

  • 10 hours ago
रेखा–अमिताभ प्रेमसम्बन्धः किन अधुरै रह्यो यी दुईको प्रेम ?

एजेन्सी । भनिन्छ मानिसको जोडी माथिबाट नै भगवानले बनाएर पठाएका हुन्छन् । सायद, यो भनाई साँचो हो किनकी चलचित्र उद्योगमा यस्ता धेरै उदाहरण भेटिन्छन् । जहाँ गहिरो प्रेममा परेका जोडीहरुको पनि सम्बन्ध टुटेर



प्रेम र यौन

के हो राम्रो सेक्स ?

के हो राम्रो सेक्स ?

पुरुषहरु बढी सेक्सको बारेमा धेरै कुरा गर्छन् तर, महिलाहरु भने भित्रभित्रै धेरै सेक्सको चाहना धेरै राख्छन् । राम्रो सेक्स धेरै मानिसहरुका लागि अपरिहार्य कुरा हो । भोक लाग्दा खाना खाए जस्तै शरिरले मागेको बेलामा सेक्स गर्नु पनि साधारण कुरा हो । आजकाल धेरैजसो महिलाको आफ्नो पुरुषले शारिरिक सन्तुष्टि प्रदान गर्न नसकेको कुराहरु धेरै सुन्न पाइन्छ ।

जीवनशैली/स्वास्थ्य

भाग्य रेखा : हत्केलाका कुन रेखाले के जनाउँछ ?

भाग्य रेखा : हत्केलाका कुन रेखाले के जनाउँछ ?

एजेन्सी । जन्मको समय र तारिखको आधारमा कुण्डली हेरेर होस या हस्तरेखा हेरेर होस व्यक्तिको वर्तमान र भविष्य ज्योतिष विद्या मार्फत जान्ने प्रचलन छ । जसमा विभिन्न शास्त्र मार्फत व्यक्तिको बारेमा बुझ्न सकिन्छ ।

विचित्र विश्व

यस्तो पनि ! १० रूपैयाँमा साडीको सेल, महिलाहरुको भीड बढेर भागदौड

यस्तो पनि !  १० रूपैयाँमा साडीको सेल, महिलाहरुको भीड बढेर भागदौड

हैदराबाद । भारतको हैदराबादस्थित सिद्दीपेटको एक सपिङ मलले भारु १० मा साडी बिक्री गर्न थालेपछि मलमा महिलाहरुको भीड बढेर भागदौडको अवस्था सिर्जना भएको छ ।