मर्जिङ नेपसक्सले चुन्यो नयाँ नेतृत्व

  • बुधबार, १३ भदौ, २०७५
  • 3 weeks ago
  • युके

लण्डन । बेलायतका विभिन्न विश्वविद्यालयमा अध्ययनरत नेपाली विद्यार्थीहरुको साझा नेटवर्क 'मर्जिङ नेपसक्स'को नेतृत्व चयन गरिएको छ ।

 

बेलायतस्थित नेपाली समुदायका युवा विद्यार्थी तथा प्रोफेसनलहरुलाई संगठित गर्ने लक्ष्यसहित सुरु भएको अभियानको १ वर्ष पुगेको सन्दर्भमा गतसाता आयोजित पहिलो साधारणसभाले नेतृत्व चयन गरेको हो । 

 

आगामी २ वर्षे कार्यकालका लागि मर्जिङ नेपसक्सको अध्यक्षमा पवन कंडेल निर्विरोध चयन भएका छन् । सहकोषाध्यक्षमा प्रियंका आचार्य र पिआर अफिसरमा किरण कंडेल पनि निर्विरोध भएका छन् । 

 

उपाध्यक्षमा विष्णु गैरे र गौमाया गुरुङ , महासचिवमा समिर गुरुङ, कोषाध्यक्षमा निकिरण खरेल र सहसचिवमा विवेक क्षेत्री निर्वाचित भएका छन् । उपाध्यक्ष, महासचिव, कोषाध्यक्ष र सहसचिव पदका लागि अनलाइन भोटिङमार्फत मतदान नै गराइएको थियो । 

 

शनिबार लण्डनमा सम्पन्न मर्जिङ नेपसक्सको पहिलो साधारणसभामा संस्थाको नवनिर्वाचित कार्यसमितिको घोषणा गरिएको थियो । साधारणसभामा प्रमुख अतिथकिा रुपमा बेलायतका लागि नेपाली राजदूत डा दुर्गाबहादुर सुवेदी समेत उपस्थित भएर युवाहरुलाई शुभकामना दिएका थिए । 

 

साधारणसभामा भाग लिन स्कटल्याण्ड, वेल्स, मिडल्याण्ड लगायतका ठाउंबाट समेत सहभागी आएका थिए । जसमा अहिले विश्वविद्यालयमा अध्ययनरत विद्यार्थीहरुको साथै ग्रयाजुएटहरु र युवा प्रोफेसनलहरुको पनि सहभागिता थियो । एकआपसमा नेटवर्किङको मुख्य उद्धेश्य राखेर सबै सहभागीलाई फरक फरक टेबलमा घुमाएर घुलमिल गराउनका साथै अन्तरक्रिया पनि गराइएको थियो । सोहि अवसरमा मर्जिङ नेपसक्सको आफ्नै वेबसाइट पनि लञ्च गरिएको थियो ।

 

साधारणसभा तथा समर बल भनेर आयोजना गरिएको कार्यक्रममा नेपालबाट आएको नाइट ब्याण्ड र बेलायतकै विभिन्न विश्वविद्यालयमा अध्ययनरत विद्यार्थीहरु सम्मिलित भक्त ब्याण्डले विशेष प्रस्तुति गरेका थिए भने  कार्यक्रमको मुख्य आकर्षणका रुपमा रहेको  एक्जिबिसन डान्स ब्याटलमा पनि सहभागी युवाहरु रमाएका थिए ।  

 

बेलायतमा एक च्यारिटेबल संस्थाका रुपमा दर्ता भएको छ मर्जिङ नेपसक्स । अहिलेसम्म बेलायतका ५० भन्दा बढि विश्वविद्यालयसम्म बिस्तार हुन सफल यो सञ्जालमा सयौं विद्यार्थीहरु सक्रिय अभियन्ताका रुपमा आबद्ध भइसकेका छन् । 

 

मर्जिङ नेपसक्सको मुख्य मन्त्र 'सेन्स अफ बिलोन्गिङ फर सोसल मोबिलिटी' छ । विभिन्न तहमा प्रवेश गर्न लागेका विद्यार्थीहरुलाई मेन्टरिङ गर्ने, विद्यार्थीहरुका रिसर्च आर्टिकल , लेख, रचना समेटेर त्रैमासिक म्यागाजिन प्रकाशन गर्ने, सदस्यहरुलाई नेपालका विभिन्न क्षेत्रमा स्वयसेवीका रुपमा पठाउन कोअर्डिनेट गर्ने,  लोकल सोसल एक्सन प्रोजेक्ट अन्तर्गत बेलायतको नेपाली समुदायमा युवाहरुको सहभागिता बढाउने लगायतका लक्ष्य यो समुहले लिएको छ । 

 

 


थप समाचार

राजदूत डा सुवेदी अध्यक्ष निर्वाचित

  • 5 hours ago
राजदूत डा सुवेदी अध्यक्ष निर्वाचित

लण्डन । बेलायतका लागि नेपाली राजदूत तथा अन्तर्राष्ट्रिय कफी संगठनमा नेपालका स्थायी प्रतिनिधी डा दुर्गाबहादुर सुवेदी सो संगठनको प्रबर्द्धन तथा बजार विकास समितिको अध्यक्षमा निर्वाचित भएका छन् ।

एक पटकको नेपाली, सधैको नेपाली

  • 6 hours ago
एक पटकको नेपाली, सधैको नेपाली

नागरिक हक र मानवाधिकार सम्बन्धी अन्तर्राष्ट्रिय सन्धी सम्झौताहरुमा हस्ताक्षर गरिसकेको नेपालले आफ्नो नागरिकलाई पनि सोही मापदण्ड अनुरुप अरु देशले जसरी नै द्वेध नागरिकको रुपले व्यवहार गर्न समेत स्पष्टसंग

पक्राउ परेकाे डेढ महिनापछि प्रकाण्ड रिहा, कार्यकर्ताले यसरी गरे स्वागत

  • 9 hours ago
पक्राउ परेकाे डेढ महिनापछि प्रकाण्ड रिहा, कार्यकर्ताले यसरी गरे स्वागत

काठमाडौँ । पक्राउ परेकाे डेढ महिनापछि नेत्रविक्रम चन्द विप्लव नेतृत्वको नेपाल कम्युनिस्ट पार्टीका प्रवक्ता खड्गबहादुर विश्वकर्मा 'प्रकाण्ड' मंगलबार रिहा भएका छन् । सर्वोच्च अदालतका न्यायाधीशद्व



भिडियो

प्रेम र यौन

लिलाममा कुमारीत्वः विश्वका चर्चित मोडलको वास्तविकता !

लिलाममा कुमारीत्वः विश्वका चर्चित मोडलको वास्तविकता !

एजेन्सी । जुन कुनै महिलाको लागि निकै अमूल्य र महत्वपूर्ण चीज हो । कुनै पनि नारी आफ्नो कुमारीत्वको विषयमा कमजोर हुँदैनन् । जुन उनीहरुको व्यक्तित्वको साख पनि हो ।

जीवनशैली/स्वास्थ्य

तामाको औठी लगाउनुका ७ फाइदा

तामाको औठी लगाउनुका ७ फाइदा

एजेन्सी । तामा एक धातु हो । तामाको प्रयोग परापूर्वककालदेखि चल्दै आएको छ । सुन , चाँदी , पित्तल र तामा सबै आफ्नो अलग महत्व राख्छन् । हामी तामाबाट बनेको धेरै सामानको प्रयाग गर्छौ सामात्यतया भान्सामा । तामाको भाडामा पानी राख्दा पानीमा भएको सबै किटाणु मार्ने एउटा खास गुण हुने भएकाले पानी स्वच्छ मानिन्छ ।